<p><strong>ವಾಷಿಂಗ್ಟನ್: </strong>ಈ ವಾರಾಂತ್ಯದಲ್ಲಿ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧದ ವಾಗ್ದಾಂಡನೆಯ ಕುರಿತಂತೆ ಸೆನೆಟ್ ತೀರ್ಪು ನೀಡುವ ಸಾಧ್ಯತೆ ಇದೆ.</p>.<p>ಡೊನಾಲ್ಡ್ ಟ್ರಂಪ್ ವಿರುದ್ಧ ಮಂಡಿಸಲಾದ ವಾಗ್ದಂಡನೆ ನಿರ್ಣಯದ ಬಗ್ಗೆ ಶುಕ್ರವಾರ ವಿಚಾರಣೆ ನಡೆಸಲಾಗಿದ್ದು, ಕ್ಯಾಪಿಟಲ್ ಹಿಲ್ ಮೇಲೆ ನಡೆದ ದಾಳಿಯಲ್ಲಿ ಡೊನಾಲ್ಡ್ ಟ್ರಂಪ್ ಹೊಣೆಯಲ್ಲ ಎಂದು ಟ್ರಂಪ್ ಪರ ವಕೀಲರು ವಾದಿಸಿದ್ದಾರೆ.</p>.<p>‘ಡೊನಾಲ್ಡ್ ಟ್ರಂಪ್ ವಿರುದ್ಧ ಮಂಡಿಸಿರುವ ವಾಗ್ದಂಡನೆಯು ಅಸಂವಿಧಾನಿಕವಾಗಿದೆ. ಇದು ರಾಜಕೀಯ ದ್ವೇಷದ ನಡೆಯಾಗಿದೆ. ಹಾಗಾಗಿ ಸೆನೆಟ್, ವಾಗ್ದಂಡನೆಯನ್ನು ತಿರಸ್ಕರಿಸುವ ಪರವಾಗಿ ಮತ ಚಲಾಯಿಸಬೇಕು’ ಎಂದು ಟ್ರಂಪ್ ಪರ ವಕೀಲ ಮೈಕೆಲ್ ವ್ಯಾನ್ ಡೆರ್ ವೀನ್ ಅವರು ಶುಕ್ರವಾರ ವಾದ ಮಂಡಿಸಿದ್ದಾರೆ.</p>.<p>ಆದರೆ, ಇದರ ವಿರುದ್ಧ ವಾದ ಮಂಡಿಸಿರುವ ಡೆಮಾಕ್ರಾಟಿಕ್ ಪಕ್ಷದ ಪರ ವಕೀಲರು, ‘ನವೆಂಬರ್ 3 ರಂದು ನಡೆದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಟ್ರಂಪ್, ಜೋ ಬೈಡನ್ ವಿರುದ್ಧ ಸೋಲು ಅನುಭವಿಸಿದರು. ಇದರಿಂದಾಗಿ ಟ್ರಂಪ್, ತಮ್ಮ ರ್ಯಾಲಿಗಳಲ್ಲಿ ಚುನಾವಣೆಯಲ್ಲಿ ಅಕ್ರಮ ನಡೆದಿರುವುದಾಗಿ ಹೇಳಿ ಜನರ ದಾರಿ ತಪ್ಪಿಸಿದರು ಮತ್ತು ಅವರನ್ನು ಪ್ರಚೋದಿಸಿದರು’ ಎಂದಿದ್ದಾರೆ.</p>.<p>‘ಜನವರಿ 6ರಂದು ಟ್ರಂಪ್, ಶ್ವೇತ ಭವನದ ಬಳಿ ರ್ಯಾಲಿ ಕೈಗೊಂಡಿದ್ದರು. ಆ ರ್ಯಾಲಿಯಲ್ಲಿ ಅವರು ಕ್ಯಾಪಿಟಲ್ ಹಿಲ್ ಮೇಲೆ ದಾಳಿ ನಡೆಸುವಂತೆ ಕರೆ ನೀಡಿದರು’ ಎಂದು ವ್ಯವಸ್ಥಾಪಕರು ಆರೋಪಿಸಿದ್ದಾರೆ.</p>.<p>‘ಈ ಹಿಂಸಾಚಾರದ ಬಗ್ಗೆ ಟ್ರಂಪ್ ಅವರು ಒಮ್ಮೆಯೂ ಪಶ್ಚಾತ್ತಾಪ ವ್ಯಕ್ತಪಡಿಸಿಲ್ಲ.ಅವರು ಬಹಳ ಅಪಾಯಕಾರಿ ವ್ಯಕ್ತಿ. ಹಾಗಾಗಿ ಅವರು ಮತ್ತೆ ಚುನಾವಣೆಯಲ್ಲಿ ಸ್ಪರ್ಧಿಸದಂತೆ ತಡೆಯಬೇಕು’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್: </strong>ಈ ವಾರಾಂತ್ಯದಲ್ಲಿ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧದ ವಾಗ್ದಾಂಡನೆಯ ಕುರಿತಂತೆ ಸೆನೆಟ್ ತೀರ್ಪು ನೀಡುವ ಸಾಧ್ಯತೆ ಇದೆ.</p>.<p>ಡೊನಾಲ್ಡ್ ಟ್ರಂಪ್ ವಿರುದ್ಧ ಮಂಡಿಸಲಾದ ವಾಗ್ದಂಡನೆ ನಿರ್ಣಯದ ಬಗ್ಗೆ ಶುಕ್ರವಾರ ವಿಚಾರಣೆ ನಡೆಸಲಾಗಿದ್ದು, ಕ್ಯಾಪಿಟಲ್ ಹಿಲ್ ಮೇಲೆ ನಡೆದ ದಾಳಿಯಲ್ಲಿ ಡೊನಾಲ್ಡ್ ಟ್ರಂಪ್ ಹೊಣೆಯಲ್ಲ ಎಂದು ಟ್ರಂಪ್ ಪರ ವಕೀಲರು ವಾದಿಸಿದ್ದಾರೆ.</p>.<p>‘ಡೊನಾಲ್ಡ್ ಟ್ರಂಪ್ ವಿರುದ್ಧ ಮಂಡಿಸಿರುವ ವಾಗ್ದಂಡನೆಯು ಅಸಂವಿಧಾನಿಕವಾಗಿದೆ. ಇದು ರಾಜಕೀಯ ದ್ವೇಷದ ನಡೆಯಾಗಿದೆ. ಹಾಗಾಗಿ ಸೆನೆಟ್, ವಾಗ್ದಂಡನೆಯನ್ನು ತಿರಸ್ಕರಿಸುವ ಪರವಾಗಿ ಮತ ಚಲಾಯಿಸಬೇಕು’ ಎಂದು ಟ್ರಂಪ್ ಪರ ವಕೀಲ ಮೈಕೆಲ್ ವ್ಯಾನ್ ಡೆರ್ ವೀನ್ ಅವರು ಶುಕ್ರವಾರ ವಾದ ಮಂಡಿಸಿದ್ದಾರೆ.</p>.<p>ಆದರೆ, ಇದರ ವಿರುದ್ಧ ವಾದ ಮಂಡಿಸಿರುವ ಡೆಮಾಕ್ರಾಟಿಕ್ ಪಕ್ಷದ ಪರ ವಕೀಲರು, ‘ನವೆಂಬರ್ 3 ರಂದು ನಡೆದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಟ್ರಂಪ್, ಜೋ ಬೈಡನ್ ವಿರುದ್ಧ ಸೋಲು ಅನುಭವಿಸಿದರು. ಇದರಿಂದಾಗಿ ಟ್ರಂಪ್, ತಮ್ಮ ರ್ಯಾಲಿಗಳಲ್ಲಿ ಚುನಾವಣೆಯಲ್ಲಿ ಅಕ್ರಮ ನಡೆದಿರುವುದಾಗಿ ಹೇಳಿ ಜನರ ದಾರಿ ತಪ್ಪಿಸಿದರು ಮತ್ತು ಅವರನ್ನು ಪ್ರಚೋದಿಸಿದರು’ ಎಂದಿದ್ದಾರೆ.</p>.<p>‘ಜನವರಿ 6ರಂದು ಟ್ರಂಪ್, ಶ್ವೇತ ಭವನದ ಬಳಿ ರ್ಯಾಲಿ ಕೈಗೊಂಡಿದ್ದರು. ಆ ರ್ಯಾಲಿಯಲ್ಲಿ ಅವರು ಕ್ಯಾಪಿಟಲ್ ಹಿಲ್ ಮೇಲೆ ದಾಳಿ ನಡೆಸುವಂತೆ ಕರೆ ನೀಡಿದರು’ ಎಂದು ವ್ಯವಸ್ಥಾಪಕರು ಆರೋಪಿಸಿದ್ದಾರೆ.</p>.<p>‘ಈ ಹಿಂಸಾಚಾರದ ಬಗ್ಗೆ ಟ್ರಂಪ್ ಅವರು ಒಮ್ಮೆಯೂ ಪಶ್ಚಾತ್ತಾಪ ವ್ಯಕ್ತಪಡಿಸಿಲ್ಲ.ಅವರು ಬಹಳ ಅಪಾಯಕಾರಿ ವ್ಯಕ್ತಿ. ಹಾಗಾಗಿ ಅವರು ಮತ್ತೆ ಚುನಾವಣೆಯಲ್ಲಿ ಸ್ಪರ್ಧಿಸದಂತೆ ತಡೆಯಬೇಕು’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
