ಚುರುಮುರಿ: ‘ನಾನು’ ಅಧ್ಯಕ್ಷ!

‘ಜೆಡಿಎಸ್ ರಾಷ್ಟ್ರ ಘಟಕಕ್ಕೆ ನಾನು ಅಧ್ಯಕ್ಷ...’- ಯಂಕ್ಟೇಶ ಮನೆ ಒಳಗೆ ಪ್ರವೇಶಿಸುವ ಮುನ್ನವೇ ಅಂಗಳದಿಂದ ಅವನ ಧ್ವನಿ ಅಪ್ಪಳಿಸಿತು.

. ‘ಏನಯ್ಯಾ ಅದು? ಅವರಿಗೆ ಬೇರೆ ಯಾರೂ ಸಿಗಲಿಲ್ವಾ, ನಿನ್ನನ್ನು ಅಧ್ಯಕ್ಷ ಮಾಡೋದಕ್ಕೆ?!’

. ‘ನಾನಲ್ಲ ಗುರುಗಳೇ... ಜೆಡಿಎಸ್ಗೆ ‘ನಾನು’ ರಾಷ್ಟ್ರ ಘಟಕದ ಅಧ್ಯಕ್ಷ. ಹಾಗಂತ ಇಬ್ರಾಹಿಂ ಸಾಹೇಬರು ಫರ್ಮಾನು ಹೊರಡಿಸಿದ್ದಾರೆ’.

. ‘ಅಲ್ಲಪ್ಪಾ... ಹಿಂದೆ ಕರಾವಳಿಯಲ್ಲಿ ಒಬ್ಬರು ನಾನು ರಾಜ್ಯ ಘಟಕದ ಅಧ್ಯಕ್ಷ ಎಂದು ಯಕ್ಷಗಾನ ಶೈಲಿಯಲ್ಲಿ ತಿರುಗಾಡುತ್ತಿದ್ರು. ಈಗ ಅವರ ಸುದ್ದಿಯೇ ಇಜ್ಜಿ. ಅವರ ಹಾದಿಯಲ್ಲೇ ನೀನೂ ಹೊರಟಿದ್ದೀಯಾ?’

. ‘ಗುರುಗಳೇ... ಟೀವಿಯಲ್ಲೂ ಬಂದಿದೆ. ಜೆಡಿಎಸ್ಗೆ ಕೇರಳದ ನಾನು ರಾಷ್ಟ್ರ ಘಟಕದ ಅಧ್ಯಕ್ಷ ಅಂತ’.

. ‘ನನ್ನ ಕರ್ಮ, ನಿನಗೆ ಕನ್ನಡ ಕಲಿಸಿದ್ನಲ್ಲಾ! ಅದು ನಾನು ಅಲ್ಲ... ನಾಣು! ಬಹುಶಃ ನಾರಾಯಣ ಅಂತ ಉದ್ದ ಹೆಸರು ಹೇಳಲು ಪುರಸತ್ತಿಲ್ಲದೆ ನಾಣು ಅಂತ ಇಟ್ಟಿರಬೇಕು. ಸರಿ, ಅದರಿಂದ ನಿನಗೇನು ತೊಂದರೆ?’

. ‘ತೊಂದರೆ ಏನಿಲ್ಲ. ಈ ಕಡೆ ದೇವೇಗೌಡರು ರಾಷ್ಟ್ರ ಘಟಕದ ಅಧ್ಯಕ್ಷರಾಗಿರುವಾಗ ಅದೇ ಪಕ್ಷಕ್ಕೆ ಇನ್ನೊಬ್ಬರು ಅಧ್ಯಕ್ಷರು ಆಗೋದು ಹೇಗೆ?’

. ‘ಅದು ಸರಿಯೇ. ಈ ಆಯ್ಕೆ ಪ್ರಕ್ರಿಯೆ ಎಲ್ಲಿ ನಡೀತು?’

. ‘ಖಾಸಗಿ ಹೋಟೆಲ್ನಲ್ಲಿ ಸಭೆ ನಡೀತು ಅಂತ ಪೇಪರಲ್ಲಿ ಬಂದಿದೆ. ಅಂದ್ರೆ ಗವರ್ನಮೆಂಟ್ ಹೋಟೆಲ್ ಅಲ್ಲ ಅಂತಾಯ್ತು. ಸಭೇಲಿ ಯಾರೆಲ್ಲ ಇದ್ರಂತೆ?’

. ‘ಇಬ್ರು ಮಾತ್ರ ಇದ್ರಂತೆ. ರಾಜ್ಯ ಘಟಕದ ಅಧ್ಯಕ್ಷರು ಮತ್ತು ರಾಷ್ಟ್ರ ಘಟಕದ ಅಧ್ಯಕ್ಷರು’.

. ‘ಅಂದ್ರೆ ರಾಜ್ಯ ಅಧ್ಯಕ್ಷರು, ರಾಷ್ಟ್ರ ಅಧ್ಯಕ್ಷರನ್ನು ನೇಮಿಸಿದ್ದಾರೆ ಅಂತಾಯ್ತು. ಹೊಸ ಪಕ್ಷಕ್ಕೆ ಹೊಸ ಐಡಿಯಾ!’

. ‘ಹೊಸ ಪಕ್ಷ ಅಲ್ಲ ಗುರುಗಳೇ. ಜೆಡಿಎಸ್ ಇರೋದು ಒಂದೇ ಪಕ್ಷ. ಅದಕ್ಕೆ ಇಬ್ಬಿಬ್ಬರು ರಾಜ್ಯ ಘಟಕದ ಅಧ್ಯಕ್ಷರು, ಇಬ್ಬಿಬ್ಬರು ರಾಷ್ಟ್ರ ಘಟಕದ ಅಧ್ಯಕ್ಷರು!

. ‘ಹೀಗಾದ್ರೆ ಜನರಿಗೆ ಕನ್ಫ್ಯೂಶನ್ನು ಜಾಸ್ತಿ ಆಗುತ್ತೆ. ಇಬ್ರಾಹಿಂ ಸಾಹೇಬರು ತಮ್ಮ ಪಕ್ಷಕ್ಕೆ ಹೊಸ ಹೆಸರು ಇಡಬೇಕು’.

. ‘ಏನಂತ ಇಡಬಹುದು ಗುರುಗಳೇ?’

. ‘ಜೆಡಿಎಸ್-ಐ ಅಂತ ಇಡಬಹುದು. ಐ ಅಂದ್ರೆ ಇಂಗ್ಲಿಷಲ್ಲಿ ಇಬ್ರಾಹಿಂ ಅಂತಲೂ ಆಗುತ್ತೆ, ನಾನು ಅಂತಲೂ ಆಗುತ್ತೆ. ಒಳ್ಳೇ ಸೆಕ್ಯುಲರ್ ಹೆಸರು’.

. ‘ಮುಂದೆ ಇವರಿಬ್ರಿಗೂ ಜಗಳ ಬಂದು ಪಕ್ಷ ಇಬ್ಭಾಗ ಆದ್ರೆ?’

. ‘ಆಗ ಜೆಡಿ-ಐಎಸ್ ಅಂತ ಒಂದು ಪಕ್ಷ, ಜೆಡಿ- ಐಎನ್ ಅಂತ ಇನ್ನೊಂದು ಪಕ್ಷ!’

. ‘ಪಕ್ಷಗಳ ಪೂರ್ತಿ ಹೆಸರು ಹೇಳಿ ಸಾರ್?’

. ‘ಜೆಡಿ-ಐಎಸ್ ಅಂದ್ರೆ ಜನತಾದಳ ಇಬ್ರಾಹಿಂ ಸಾಬ್ ಅಂತ. ಜೆಡಿ-ಐಎನ್ ಅಂದ್ರೆ ಇಬ್ರಾಹಿಂ ನಾಣು ಅಂತ. ಇಬ್ರೂ ರಾಷ್ಟ್ರ ಘಟಕದ ಅಧ್ಯಕ್ಷರು ಆಗಬಹುದು!’

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ‘ನಾನು’ ಅಧ್ಯಕ್ಷ!

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!