<p>‘ಕ್ರಿಕೆಟಲ್ಲಿ ಡಕ್ಔಟ್ ಆಗೋದು ಅಂದ್ರೆ ಏನ್ರೀ?’ ಶ್ರೀಮತಿಯ ಪ್ರಶ್ನೆ.</p>.<p>ಮನೆಯಲ್ಲಿ ಸಾಂಕ್ರಾಮಿಕವಾಗಿ ಹಬ್ಬುತ್ತಿದ್ದ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಜ್ವರ ಆಕೆಗೂ ಅಂಟಿಕೊಳ್ಳುತ್ತಿದ್ದುದರ ಸ್ಪಷ್ಟ ಸೂಚನೆ!</p>.<p>ನಾನೆಂದೆ ‘ಅದನ್ನ ಶೂನ್ಯ ಸಂಪಾದನೆ, ಸೊನ್ನೆ ಸುತ್ತೋದು ಅಂತಾನೂ ಕರೀತಾರೆ. ಬ್ಯಾಟರ್ ಒಂದು ರನ್ನೂ ಗಳಿಸದೆ ಪೆವಿಲಿಯನ್ ಸೇರೋದು... ಆಸ್ಟ್ರೇಲಿಯಾ ವಿರುದ್ಧ ನಮ್ಮ ಆರಂಭಿಕ ಜೋಡಿಯೂ ಸೇರಿದಂತೆ ಮೂವರು ದೊಡ್ಡ ಆಟಗಾರರು ಮಾಡಿದರಲ್ಲಾ ಆ ಸಾಧನೆ’.</p>.<p>‘ಹಿಟ್ ವಿಕೆಟ್ ಅಂದ್ರೆ?’</p>.<p>‘ಇದೊಂದು ರೀತಿಯ ಆತ್ಮಹತ್ಯೆ. ಬ್ಯಾಟ್ಸ್ಮನ್ ತನ್ನ ವಿಕೆಟನ್ನು ತಾನೇ ಕೆಡವಿಕೊಳ್ಳೋದು... ಅತ್ತೆಯ ಮಗಳು ಚಂಡಿ ಅಂತ ಗೊತ್ತಿದ್ದೂ ನಿನ್ನನ್ನ ಮದುವೆಯಾಗಿದೀನಲ್ಲಾ ನಾನು ಅದು!’</p>.<p>‘ನನ್ನನ್ನು ಹಂಗಿಸದಿದ್ರೆ ನಿಮ್ಗೆ ಉಂಡ ಅನ್ನ ಜೀರ್ಣವಾಗೋದಿಲ್ಲ ಅಲ್ವೇ? ಎಲ್ಬಿಡಬ್ಲ್ಯು ಬಲೆಗೆ ಬೀಳಿಸೋದು ಅಂದ್ರೆ ಏನ್ರೀ?’</p>.<p>///‘ಬ್ಯಾಟರ್ ಕಾಲನ್ನು ವಿಕೆಟ್ಗೆ ಅಡ್ಡ ಇಡುವ ತಪ್ಪನ್ನು ಅವರಿಂದ ಮಾಡಿಸೋದು./// ಚೆನ್ನೈ ಪಂದ್ಯದಲ್ಲಿ ನಮ್ಮ ಕ್ಯಾಪ್ಟನ್ ರೋಹಿತ್ ಶರ್ಮಾರನ್ನು ಆಸ್ಟ್ರೇಲಿಯಾದ ಹ್ಯಾಜಲ್ ವುಡ್ ಔಟ್ ಮಾಡಿದ್ದು ಅದೇ ರೀತಿ. ಮದುವೆಗೆ ಮೊದಲು ನಿನ್ನ ಮೋಹಜಾಲದಲ್ಲಿ ನನ್ನನ್ನು ಬೀಳಿಸಿಕೊಂಡೆಯಲ್ಲಾ, ಅದೂ ಎಲ್ಬಿಡಬ್ಲ್ಯುನೇ- ಲವ್ ಬಿಫೋರ್ ವೆಡಿಂಗ್!’</p>.<p>‘ಈ ಲವ್, ಪ್ರೀತಿ ಬಗ್ಗೆ ಫಿನ್ಲೆಂಡ್ ಯೂನಿವರ್ಸಿಟಿ ಸಂಶೋಧನೆ ಮಾಡಿದೆಯಂತಲ್ರೀ!’</p>.<p>‘ಹೌದು, ಪ್ರೀತಿಯಲ್ಲಿ ಇಪ್ಪತ್ತೇಳು ವಿಧಗಳಿವೆಯಂತೆ!’</p>.<p>‘ಅಷ್ಟೊಂದು ಪ್ರೀತಿಗಳೇ?! ನಂಗೆ ಗೊತ್ತಿರೋವು ಎರಡೇ- ಅಮ್ಮನ ಪ್ರೀತಿ ಮತ್ತು ಮಕ್ಕಳ ಪ್ರೀತಿ’.</p>.<p>‘ಗಂಡನ ಪ್ರೀತಿಯಂತೂ ನಾಪತ್ತೆ’.</p>.<p>‘ನಿಮ್ಗೆ ಹೆಂಡ್ತಿ ಪ್ರೀತಿ ಗೊತ್ತಿದ್ರೆ ತಾನೇ? ಮತ್ತೆ ಯಾವ ಪ್ರೀತಿಗಳಿವೆ?’</p>.<p>‘ದೈಹಿಕ ಮತ್ತು ಮಾನಸಿಕ. ಮೊದಲನೇದು ಎಲ್ಬಿಡಬ್ಲ್ಯು- ಆಕರ್ಷಕ. ಈಗಿನದು ಲವ್ ಆಫ್ಟರ್ ವೆಡಿಂಗ್- ನೀರಸ! ಎರಡೂ ನಮ್ಮ ಅನುಭವಗಳೇ ಅಲ್ವೆ?’</p>.<p>ಗರಂ ಆಗಿ, ಧೊಪ್ಪನೆ ಹೆಜ್ಜೆ ಹಾಕುತ್ತಾ ಶ್ರೀಮತಿಯವರ ನಿರ್ಗಮನವಾಯಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಕ್ರಿಕೆಟಲ್ಲಿ ಡಕ್ಔಟ್ ಆಗೋದು ಅಂದ್ರೆ ಏನ್ರೀ?’ ಶ್ರೀಮತಿಯ ಪ್ರಶ್ನೆ.</p>.<p>ಮನೆಯಲ್ಲಿ ಸಾಂಕ್ರಾಮಿಕವಾಗಿ ಹಬ್ಬುತ್ತಿದ್ದ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಜ್ವರ ಆಕೆಗೂ ಅಂಟಿಕೊಳ್ಳುತ್ತಿದ್ದುದರ ಸ್ಪಷ್ಟ ಸೂಚನೆ!</p>.<p>ನಾನೆಂದೆ ‘ಅದನ್ನ ಶೂನ್ಯ ಸಂಪಾದನೆ, ಸೊನ್ನೆ ಸುತ್ತೋದು ಅಂತಾನೂ ಕರೀತಾರೆ. ಬ್ಯಾಟರ್ ಒಂದು ರನ್ನೂ ಗಳಿಸದೆ ಪೆವಿಲಿಯನ್ ಸೇರೋದು... ಆಸ್ಟ್ರೇಲಿಯಾ ವಿರುದ್ಧ ನಮ್ಮ ಆರಂಭಿಕ ಜೋಡಿಯೂ ಸೇರಿದಂತೆ ಮೂವರು ದೊಡ್ಡ ಆಟಗಾರರು ಮಾಡಿದರಲ್ಲಾ ಆ ಸಾಧನೆ’.</p>.<p>‘ಹಿಟ್ ವಿಕೆಟ್ ಅಂದ್ರೆ?’</p>.<p>‘ಇದೊಂದು ರೀತಿಯ ಆತ್ಮಹತ್ಯೆ. ಬ್ಯಾಟ್ಸ್ಮನ್ ತನ್ನ ವಿಕೆಟನ್ನು ತಾನೇ ಕೆಡವಿಕೊಳ್ಳೋದು... ಅತ್ತೆಯ ಮಗಳು ಚಂಡಿ ಅಂತ ಗೊತ್ತಿದ್ದೂ ನಿನ್ನನ್ನ ಮದುವೆಯಾಗಿದೀನಲ್ಲಾ ನಾನು ಅದು!’</p>.<p>‘ನನ್ನನ್ನು ಹಂಗಿಸದಿದ್ರೆ ನಿಮ್ಗೆ ಉಂಡ ಅನ್ನ ಜೀರ್ಣವಾಗೋದಿಲ್ಲ ಅಲ್ವೇ? ಎಲ್ಬಿಡಬ್ಲ್ಯು ಬಲೆಗೆ ಬೀಳಿಸೋದು ಅಂದ್ರೆ ಏನ್ರೀ?’</p>.<p>///‘ಬ್ಯಾಟರ್ ಕಾಲನ್ನು ವಿಕೆಟ್ಗೆ ಅಡ್ಡ ಇಡುವ ತಪ್ಪನ್ನು ಅವರಿಂದ ಮಾಡಿಸೋದು./// ಚೆನ್ನೈ ಪಂದ್ಯದಲ್ಲಿ ನಮ್ಮ ಕ್ಯಾಪ್ಟನ್ ರೋಹಿತ್ ಶರ್ಮಾರನ್ನು ಆಸ್ಟ್ರೇಲಿಯಾದ ಹ್ಯಾಜಲ್ ವುಡ್ ಔಟ್ ಮಾಡಿದ್ದು ಅದೇ ರೀತಿ. ಮದುವೆಗೆ ಮೊದಲು ನಿನ್ನ ಮೋಹಜಾಲದಲ್ಲಿ ನನ್ನನ್ನು ಬೀಳಿಸಿಕೊಂಡೆಯಲ್ಲಾ, ಅದೂ ಎಲ್ಬಿಡಬ್ಲ್ಯುನೇ- ಲವ್ ಬಿಫೋರ್ ವೆಡಿಂಗ್!’</p>.<p>‘ಈ ಲವ್, ಪ್ರೀತಿ ಬಗ್ಗೆ ಫಿನ್ಲೆಂಡ್ ಯೂನಿವರ್ಸಿಟಿ ಸಂಶೋಧನೆ ಮಾಡಿದೆಯಂತಲ್ರೀ!’</p>.<p>‘ಹೌದು, ಪ್ರೀತಿಯಲ್ಲಿ ಇಪ್ಪತ್ತೇಳು ವಿಧಗಳಿವೆಯಂತೆ!’</p>.<p>‘ಅಷ್ಟೊಂದು ಪ್ರೀತಿಗಳೇ?! ನಂಗೆ ಗೊತ್ತಿರೋವು ಎರಡೇ- ಅಮ್ಮನ ಪ್ರೀತಿ ಮತ್ತು ಮಕ್ಕಳ ಪ್ರೀತಿ’.</p>.<p>‘ಗಂಡನ ಪ್ರೀತಿಯಂತೂ ನಾಪತ್ತೆ’.</p>.<p>‘ನಿಮ್ಗೆ ಹೆಂಡ್ತಿ ಪ್ರೀತಿ ಗೊತ್ತಿದ್ರೆ ತಾನೇ? ಮತ್ತೆ ಯಾವ ಪ್ರೀತಿಗಳಿವೆ?’</p>.<p>‘ದೈಹಿಕ ಮತ್ತು ಮಾನಸಿಕ. ಮೊದಲನೇದು ಎಲ್ಬಿಡಬ್ಲ್ಯು- ಆಕರ್ಷಕ. ಈಗಿನದು ಲವ್ ಆಫ್ಟರ್ ವೆಡಿಂಗ್- ನೀರಸ! ಎರಡೂ ನಮ್ಮ ಅನುಭವಗಳೇ ಅಲ್ವೆ?’</p>.<p>ಗರಂ ಆಗಿ, ಧೊಪ್ಪನೆ ಹೆಜ್ಜೆ ಹಾಕುತ್ತಾ ಶ್ರೀಮತಿಯವರ ನಿರ್ಗಮನವಾಯಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
