<p>‘ನೂರು, ಸಾವಿರಗಳು ನಗುವಂತೆ ಕೋಟಿಗಳು ಸುಲಭವಾಗಿ ನಗುವುದಿಲ್ಲ ಅಲ್ವೇನ್ರೀ?’ ಅನು ಕೇಳಿದಳು.</p>.<p>‘ಹೌದು, ನೂರು, ಸಾವಿರದಂತೆ ಚಿಲ್ಲರೆ ನಗು ನಕ್ಕರೆ ಕೋಟಿಯ ಗತ್ತು, ಗಾತ್ರ, ಘನತೆಗೆ ಧಕ್ಕೆಯಾಗುತ್ತದೆ. ಕೋಟಿಗಳು ಬೇಕಾಬಿಟ್ಟಿ ನಗದೆ ಗಾಂಭೀರ್ಯ ಕಾಪಾಡಿಕೊಳ್ಳಬೇಕು’ ಅಂದ ಗಿರಿ.</p>.<p>‘ನೂರು, ಸಾವಿರಗಳಂತೆ ಜನಸಾಮಾನ್ಯರ ಜೊತೆ ಸಹಜವಾಗಿ ಬೆರೆಯಲು ಹೆದರುವ ಕೋಟಿ ಗಳು ವಿವಿಐಪಿಗಳಂತೆ ಅಂಗರಕ್ಷಕರ ರಕ್ಷಣೆ<br>ಯಲ್ಲಿರುತ್ತವೆ, ಕೋಟಿಗಳು ಮಹಾ ಪುಕ್ಕಲು!’</p>.<p>‘ಕೋಟಿಗಳ ಬಗ್ಗೆ ಹಗುರವಾಗಿ ಮಾತನಾಡ ಬೇಡ, ಅವಕ್ಕೆ ರಾಜಮರ್ಯಾದೆ ಇದೆ’.</p>.<p>‘ವ್ಯಾಪಾರ, ವ್ಯವಹಾರದಲ್ಲಿ ದುಡಿಯುವ ಶ್ರಮಜೀವಿ ಕೋಟಿಗಳಿಗೆ ಸಮಾಜದಲ್ಲಿ ಗೌರವವಿದೆ. ಆದರೆ ಎಲ್ಲವಕ್ಕೂ ಇಂಥಾ ಭಾಗ್ಯವಿಲ್ಲ. ಕೆಲವು ಕೋಟಿಗಳು ಕತ್ತಲೆ ಕೋಣೆಯಲ್ಲಿ, ಬೀಗ ಹಾಕಿದ ಪೆಟ್ಟಿಗೆಯಲ್ಲಿ ಬೆಳಕು, ಬದುಕು ಕಾಣದೆ ಸೆರೆಯಾಳಿನಂತೆ ನರಳುತ್ತಿವೆ, ಪಾಪ!...’</p>.<p>‘ಹೌದು, ಕೋಟಿ ವಿದ್ಯೆಗಿಂತ ಲೂಟಿ ವಿದ್ಯೆ ಮೇಲು ಎಂದುಕೊಂಡಿರುವ ಕೆಲವು ಲೂಟಿ ವಿದ್ಯಾ ಪಾರಂಗತರು ಸಿಕ್ಕಸಿಕ್ಕಲ್ಲಿ ಕೋಟಿಗಳನ್ನು ಸೆರೆಹಿಡಿದು ತಂದು ಬಂಧಿಸಿ ಇಟ್ಟುಕೊಳ್ಳುತ್ತಾರೆ. ಕೋಟಿಯ ಘನತೆಗೆ ಮಸಿ ಬಳಿದು ಕಪ್ಪುಹಣವೆಂಬ ಕಳಂಕ ಅಂಟಿಸುತ್ತಾರೆ’.</p>.<p>‘ಕಪ್ಪುಕೋಟಿ ಕೂಡಿಡುವುದು ಮಡಿಲಲ್ಲಿ ಕೆಂಡ ಕಟ್ಟಿಕೊಂಡಂತೆ. ಯಾವಾಗ ಯಾವ ಗ್ರಹಚಾರ ವಕ್ಕರಿಸುವುದೋ ಎಂದು ಇಂತಹ ಕೋಟಿ ಕುಳಗಳು ಸುಖಶಾಂತಿ, ನಿದ್ರೆನೆಮ್ಮದಿ ಇಲ್ಲದೆ ಸದಾ ಆತಂಕದಲ್ಲಿರುತ್ತಾರೆ. ಆದರೂ ಕೋಟಿ ಕೂಡಿಸುವುದನ್ನು ಬಿಡುವುದಿಲ್ಲ’.</p>.<p>‘ಒತ್ತೆಯಾಳಾಗಿರುವ ಕೋಟಿಗಳ ಬಿಡುಗಡೆಗೆ ದೇವರೇ ಕರುಣೆ ತೋರಬೇಕು’.</p>.<p>‘ಕೋಟಿಯನ್ನು ಕೊರಗಿಸಿದವರ ಪಾಪದ ಕೊಡ ತುಂಬಿದಾಗ ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ಮಾಡಿ, ಕೋಟಿಗಳನ್ನು ಬಂಧಮುಕ್ತಗೊಳಿಸಿ ಬೆಳಕಿಗೆ ತರುತ್ತಾರೆ’.</p>.<p>‘ಕಪ್ಪುಕೋಟಿಗಳ ಕಷ್ಟ ಯಾರಿಗೂ ಬೇಡ. ಕತ್ತಲಿನಲ್ಲಿ ನರಳುತ್ತಿರುವ ಅದೆಷ್ಟು ಕೋಟಿಗಳು ಬೆಳಕಿಗೆ ಬರಲು ಹಾತೊರೆಯುತ್ತಿವೆಯೋ ಅಯ್ಯೋ ಪಾಪ!’ ಅನು ಸಂಕಟಪಟ್ಟಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನೂರು, ಸಾವಿರಗಳು ನಗುವಂತೆ ಕೋಟಿಗಳು ಸುಲಭವಾಗಿ ನಗುವುದಿಲ್ಲ ಅಲ್ವೇನ್ರೀ?’ ಅನು ಕೇಳಿದಳು.</p>.<p>‘ಹೌದು, ನೂರು, ಸಾವಿರದಂತೆ ಚಿಲ್ಲರೆ ನಗು ನಕ್ಕರೆ ಕೋಟಿಯ ಗತ್ತು, ಗಾತ್ರ, ಘನತೆಗೆ ಧಕ್ಕೆಯಾಗುತ್ತದೆ. ಕೋಟಿಗಳು ಬೇಕಾಬಿಟ್ಟಿ ನಗದೆ ಗಾಂಭೀರ್ಯ ಕಾಪಾಡಿಕೊಳ್ಳಬೇಕು’ ಅಂದ ಗಿರಿ.</p>.<p>‘ನೂರು, ಸಾವಿರಗಳಂತೆ ಜನಸಾಮಾನ್ಯರ ಜೊತೆ ಸಹಜವಾಗಿ ಬೆರೆಯಲು ಹೆದರುವ ಕೋಟಿ ಗಳು ವಿವಿಐಪಿಗಳಂತೆ ಅಂಗರಕ್ಷಕರ ರಕ್ಷಣೆ<br>ಯಲ್ಲಿರುತ್ತವೆ, ಕೋಟಿಗಳು ಮಹಾ ಪುಕ್ಕಲು!’</p>.<p>‘ಕೋಟಿಗಳ ಬಗ್ಗೆ ಹಗುರವಾಗಿ ಮಾತನಾಡ ಬೇಡ, ಅವಕ್ಕೆ ರಾಜಮರ್ಯಾದೆ ಇದೆ’.</p>.<p>‘ವ್ಯಾಪಾರ, ವ್ಯವಹಾರದಲ್ಲಿ ದುಡಿಯುವ ಶ್ರಮಜೀವಿ ಕೋಟಿಗಳಿಗೆ ಸಮಾಜದಲ್ಲಿ ಗೌರವವಿದೆ. ಆದರೆ ಎಲ್ಲವಕ್ಕೂ ಇಂಥಾ ಭಾಗ್ಯವಿಲ್ಲ. ಕೆಲವು ಕೋಟಿಗಳು ಕತ್ತಲೆ ಕೋಣೆಯಲ್ಲಿ, ಬೀಗ ಹಾಕಿದ ಪೆಟ್ಟಿಗೆಯಲ್ಲಿ ಬೆಳಕು, ಬದುಕು ಕಾಣದೆ ಸೆರೆಯಾಳಿನಂತೆ ನರಳುತ್ತಿವೆ, ಪಾಪ!...’</p>.<p>‘ಹೌದು, ಕೋಟಿ ವಿದ್ಯೆಗಿಂತ ಲೂಟಿ ವಿದ್ಯೆ ಮೇಲು ಎಂದುಕೊಂಡಿರುವ ಕೆಲವು ಲೂಟಿ ವಿದ್ಯಾ ಪಾರಂಗತರು ಸಿಕ್ಕಸಿಕ್ಕಲ್ಲಿ ಕೋಟಿಗಳನ್ನು ಸೆರೆಹಿಡಿದು ತಂದು ಬಂಧಿಸಿ ಇಟ್ಟುಕೊಳ್ಳುತ್ತಾರೆ. ಕೋಟಿಯ ಘನತೆಗೆ ಮಸಿ ಬಳಿದು ಕಪ್ಪುಹಣವೆಂಬ ಕಳಂಕ ಅಂಟಿಸುತ್ತಾರೆ’.</p>.<p>‘ಕಪ್ಪುಕೋಟಿ ಕೂಡಿಡುವುದು ಮಡಿಲಲ್ಲಿ ಕೆಂಡ ಕಟ್ಟಿಕೊಂಡಂತೆ. ಯಾವಾಗ ಯಾವ ಗ್ರಹಚಾರ ವಕ್ಕರಿಸುವುದೋ ಎಂದು ಇಂತಹ ಕೋಟಿ ಕುಳಗಳು ಸುಖಶಾಂತಿ, ನಿದ್ರೆನೆಮ್ಮದಿ ಇಲ್ಲದೆ ಸದಾ ಆತಂಕದಲ್ಲಿರುತ್ತಾರೆ. ಆದರೂ ಕೋಟಿ ಕೂಡಿಸುವುದನ್ನು ಬಿಡುವುದಿಲ್ಲ’.</p>.<p>‘ಒತ್ತೆಯಾಳಾಗಿರುವ ಕೋಟಿಗಳ ಬಿಡುಗಡೆಗೆ ದೇವರೇ ಕರುಣೆ ತೋರಬೇಕು’.</p>.<p>‘ಕೋಟಿಯನ್ನು ಕೊರಗಿಸಿದವರ ಪಾಪದ ಕೊಡ ತುಂಬಿದಾಗ ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ಮಾಡಿ, ಕೋಟಿಗಳನ್ನು ಬಂಧಮುಕ್ತಗೊಳಿಸಿ ಬೆಳಕಿಗೆ ತರುತ್ತಾರೆ’.</p>.<p>‘ಕಪ್ಪುಕೋಟಿಗಳ ಕಷ್ಟ ಯಾರಿಗೂ ಬೇಡ. ಕತ್ತಲಿನಲ್ಲಿ ನರಳುತ್ತಿರುವ ಅದೆಷ್ಟು ಕೋಟಿಗಳು ಬೆಳಕಿಗೆ ಬರಲು ಹಾತೊರೆಯುತ್ತಿವೆಯೋ ಅಯ್ಯೋ ಪಾಪ!’ ಅನು ಸಂಕಟಪಟ್ಟಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
