<p>ಮನೆಗೆ ಬಂದ ಆರೋಗ್ಯ ಕಾರ್ಯಕರ್ತೆ, ‘ಊರಲ್ಲಿ ಡೆಂಗಿ, ಮಲೇರಿಯಾ ಹರಡ್ತಿವೆ,<br>ಸೊಳ್ಳೆ ಉತ್ಪಾದನೆಯಾಗದಂತೆ ಪರಿಸರ ಸ್ವಚ್ಛವಾಗಿಟ್ಟುಕೊಳ್ಳಿ, ಸೊಳ್ಳೆ ಸಂತತಿ ನಾಶ ಮಾಡಿ...’ ಎಂದು ಕರಪತ್ರ ಕೊಟ್ಟರು.</p><p>‘ಇತರೆ ಜೀವಸಂಕುಲ ಅವಸಾನದ ಅಂಚಿನಲ್ಲಿದ್ದರೆ ಸೊಳ್ಳೆ ಸಂತತಿ ಬೆಳೆಯುತ್ತಲೇ ಇದೆ’ ಅಂದ ಗಿರಿ.</p><p>‘ಮನೆಗೆ ಕಳ್ಳ ನುಗ್ಗಿದರೆ ಪೊಲೀಸರಿಗೆ ದೂರು ಕೊಡಬಹುದು, ಸೊಳ್ಳೆ ನುಗ್ಗಿದರೆ ನೀವೇ<br>ಕಾಪಾಡಿಕೊಳ್ಳಬೇಕು, ಜಾಗೃತರಾಗಿರಿ’.</p><p>‘ಸೊಳ್ಳೆ ಕಚ್ಚಿದರೂ ಪರಿವೆಯೇ ಇಲ್ಲದೆ ಮೈಮರೆತು ಟಿ.ವಿ.ಯಲ್ಲಿ ಐಪಿಎಲ್ ಮ್ಯಾಚ್ ನೋಡುವ ನೀವು ಮೊದಲು ಜಾಗೃತರಾಗಬೇಕು’ ಗಂಡನಿಗೆ ಎಚ್ಚರಿಸಿದಳು ಅನು.</p><p>‘ಕ್ರಿಕೆಟ್ ಮ್ಯಾಚ್ ನೋಡಿ ಏನು ಪ್ರಯೋಜನ? ಒಂದು ಸೊಳ್ಳೆಯನ್ನೂ ಕ್ಯಾಚ್ ಹಿಡಿದು ಔಟ್ ಮಾಡಲಿಲ್ಲ, ಪ್ರತಿ ಸಲ ಕ್ಯಾಚ್ ಡ್ರಾಪ್ ಮಾಡ್ತೀರಿ’ ಮಗಳು ನಿಮ್ಮಿ ನಕ್ಕಳು.</p><p>‘ಬಾಲ್ ಹಿಡಿಯುವಷ್ಟು ಸುಲಭವಲ್ಲ, ಸೊಳ್ಳೆ ಹಿಡಿಯುವುದು’.</p><p>‘ಬೌಂಡರಿ, ಸಿಕ್ಸರ್ ಬಾರಿಸುವುದಿರಲಿ, ಸೊಳ್ಳೆ ಬ್ಯಾಟ್ ಹಿಡಿದು ನಾಲ್ಕೈದು ಸೊಳ್ಳೆಗಳನ್ನೂ ಬಾರಿಸಲಿಲ್ಲ ನೀವು’ ಅನು ರೇಗಿದಳು.</p><p>‘ಆರೋಗ್ಯ ಆಂಟಿ, ಕೊರೊನಾ ಕಾಲದಲ್ಲಿ ಪಿಪಿಇ ಕಿಟ್ ಇತ್ತಲ್ಲ ಹಾಗೇ ನಿಮ್ಮಲ್ಲಿ ಸೊಳ್ಳೆ ಕಿಟ್ ಇಲ್ವಾ?’ ಪಮ್ಮಿ ಕೇಳಿದಳು.</p><p>‘ಇಲ್ಲ, ಸೊಳ್ಳೆ ತಡೆ ಕ್ರಮಗಳನ್ನು ನೀವೇ ಅನುಸರಿಸಿ ಆರೋಗ್ಯ ಕಾಪಾಡಿಕೊಳ್ಳಿ’.</p><p>‘ನಮ್ಮ ರಕ್ತಸಂಬಂಧಿಯೇನೋ ಎನ್ನುವಂತೆ ಸೊಳ್ಳೆಗಳು ಮುಲಾಜಿಲ್ಲದೆ ನಮ್ಮ ರಕ್ತ ಹೀರಿಬಿಡುತ್ತವೆ’ ಅನುಗೆ ಸಿಟ್ಟು.</p><p>‘ಆಂಟಿ, ಸೊಳ್ಳೆಗಳಿಗೆ ಯಾವ ಬ್ಲಡ್ ಗ್ರೂಪ್ ಇಷ್ಟ?’</p><p>‘ಸೊಳ್ಳೆಗಳು ಗ್ರೂಪಿಸಂ ಮಾಡಲ್ಲ, ಎಲ್ಲಾ ಗ್ರೂಪಿನ ಬ್ಲಡ್ ಹೀರಿಬಿಡುತ್ತವೆ’.</p><p>‘ಸಾಧಾರಣ ಸೊಳ್ಳೆ ಅಸಾಧಾರಣ ಕಾಟ ಕೊಡುತ್ತದೆ...’ ಗಿರಿಗೆ ಆತಂಕ.</p><p>‘ಹೌದು ಸಾರ್, ಸೊಳ್ಳೆಯ ಮೂತಿ ಚಿಕ್ಕದಾದರೂ ಫಜೀತಿ ದೊಡ್ಡದು, ಹುಷಾರಾಗಿರಿ...’ ಎಂದು ಹೇಳಿ ಆರೋಗ್ಯ ಕಾರ್ಯಕರ್ತೆ ಹೊರಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮನೆಗೆ ಬಂದ ಆರೋಗ್ಯ ಕಾರ್ಯಕರ್ತೆ, ‘ಊರಲ್ಲಿ ಡೆಂಗಿ, ಮಲೇರಿಯಾ ಹರಡ್ತಿವೆ,<br>ಸೊಳ್ಳೆ ಉತ್ಪಾದನೆಯಾಗದಂತೆ ಪರಿಸರ ಸ್ವಚ್ಛವಾಗಿಟ್ಟುಕೊಳ್ಳಿ, ಸೊಳ್ಳೆ ಸಂತತಿ ನಾಶ ಮಾಡಿ...’ ಎಂದು ಕರಪತ್ರ ಕೊಟ್ಟರು.</p><p>‘ಇತರೆ ಜೀವಸಂಕುಲ ಅವಸಾನದ ಅಂಚಿನಲ್ಲಿದ್ದರೆ ಸೊಳ್ಳೆ ಸಂತತಿ ಬೆಳೆಯುತ್ತಲೇ ಇದೆ’ ಅಂದ ಗಿರಿ.</p><p>‘ಮನೆಗೆ ಕಳ್ಳ ನುಗ್ಗಿದರೆ ಪೊಲೀಸರಿಗೆ ದೂರು ಕೊಡಬಹುದು, ಸೊಳ್ಳೆ ನುಗ್ಗಿದರೆ ನೀವೇ<br>ಕಾಪಾಡಿಕೊಳ್ಳಬೇಕು, ಜಾಗೃತರಾಗಿರಿ’.</p><p>‘ಸೊಳ್ಳೆ ಕಚ್ಚಿದರೂ ಪರಿವೆಯೇ ಇಲ್ಲದೆ ಮೈಮರೆತು ಟಿ.ವಿ.ಯಲ್ಲಿ ಐಪಿಎಲ್ ಮ್ಯಾಚ್ ನೋಡುವ ನೀವು ಮೊದಲು ಜಾಗೃತರಾಗಬೇಕು’ ಗಂಡನಿಗೆ ಎಚ್ಚರಿಸಿದಳು ಅನು.</p><p>‘ಕ್ರಿಕೆಟ್ ಮ್ಯಾಚ್ ನೋಡಿ ಏನು ಪ್ರಯೋಜನ? ಒಂದು ಸೊಳ್ಳೆಯನ್ನೂ ಕ್ಯಾಚ್ ಹಿಡಿದು ಔಟ್ ಮಾಡಲಿಲ್ಲ, ಪ್ರತಿ ಸಲ ಕ್ಯಾಚ್ ಡ್ರಾಪ್ ಮಾಡ್ತೀರಿ’ ಮಗಳು ನಿಮ್ಮಿ ನಕ್ಕಳು.</p><p>‘ಬಾಲ್ ಹಿಡಿಯುವಷ್ಟು ಸುಲಭವಲ್ಲ, ಸೊಳ್ಳೆ ಹಿಡಿಯುವುದು’.</p><p>‘ಬೌಂಡರಿ, ಸಿಕ್ಸರ್ ಬಾರಿಸುವುದಿರಲಿ, ಸೊಳ್ಳೆ ಬ್ಯಾಟ್ ಹಿಡಿದು ನಾಲ್ಕೈದು ಸೊಳ್ಳೆಗಳನ್ನೂ ಬಾರಿಸಲಿಲ್ಲ ನೀವು’ ಅನು ರೇಗಿದಳು.</p><p>‘ಆರೋಗ್ಯ ಆಂಟಿ, ಕೊರೊನಾ ಕಾಲದಲ್ಲಿ ಪಿಪಿಇ ಕಿಟ್ ಇತ್ತಲ್ಲ ಹಾಗೇ ನಿಮ್ಮಲ್ಲಿ ಸೊಳ್ಳೆ ಕಿಟ್ ಇಲ್ವಾ?’ ಪಮ್ಮಿ ಕೇಳಿದಳು.</p><p>‘ಇಲ್ಲ, ಸೊಳ್ಳೆ ತಡೆ ಕ್ರಮಗಳನ್ನು ನೀವೇ ಅನುಸರಿಸಿ ಆರೋಗ್ಯ ಕಾಪಾಡಿಕೊಳ್ಳಿ’.</p><p>‘ನಮ್ಮ ರಕ್ತಸಂಬಂಧಿಯೇನೋ ಎನ್ನುವಂತೆ ಸೊಳ್ಳೆಗಳು ಮುಲಾಜಿಲ್ಲದೆ ನಮ್ಮ ರಕ್ತ ಹೀರಿಬಿಡುತ್ತವೆ’ ಅನುಗೆ ಸಿಟ್ಟು.</p><p>‘ಆಂಟಿ, ಸೊಳ್ಳೆಗಳಿಗೆ ಯಾವ ಬ್ಲಡ್ ಗ್ರೂಪ್ ಇಷ್ಟ?’</p><p>‘ಸೊಳ್ಳೆಗಳು ಗ್ರೂಪಿಸಂ ಮಾಡಲ್ಲ, ಎಲ್ಲಾ ಗ್ರೂಪಿನ ಬ್ಲಡ್ ಹೀರಿಬಿಡುತ್ತವೆ’.</p><p>‘ಸಾಧಾರಣ ಸೊಳ್ಳೆ ಅಸಾಧಾರಣ ಕಾಟ ಕೊಡುತ್ತದೆ...’ ಗಿರಿಗೆ ಆತಂಕ.</p><p>‘ಹೌದು ಸಾರ್, ಸೊಳ್ಳೆಯ ಮೂತಿ ಚಿಕ್ಕದಾದರೂ ಫಜೀತಿ ದೊಡ್ಡದು, ಹುಷಾರಾಗಿರಿ...’ ಎಂದು ಹೇಳಿ ಆರೋಗ್ಯ ಕಾರ್ಯಕರ್ತೆ ಹೊರಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
