<p>ಹುಣಿಸೆಮರದ ಕೆಳಗೆ ಸಿಗರೇಟು ಸೇದುತ್ತ ನಿಂತಿದ್ದ ತೆಪರೇಸಿಯ ಹೆಗಲೇರಿದ ಬೇತಾಳ ‘ಎಲೈ ತೆಪರನೆ, ಎಷ್ಟು ಸಲ ಹೇಳೋದು ಇಲ್ಲಿಗೆ ಬರಬೇಡ ಅಂತ. ಇರಲಿ, ಈಗ ನಾನು ಕೇಳುವ ಪ್ರಶ್ನೆಗಳಿಗೆ ಉತ್ತರ ಹೇಳದಿದ್ದಲ್ಲಿ ನಿನ್ನ ತಲೆ ಸಿಡಿದು ಸಾವಿರ ಹೋಳಾದೀತು’ ಎಂದು ಎಚ್ಚರಿಸಿತು.</p>.<p>ಬೇತಾಳದ ಬೆದರಿಕೆಗೆ ಗಹಗಹಿಸಿ ನಕ್ಕ ತೆಪರೇಸಿ ‘ಎಲೈ ತಗಡು ಬೇತಾಳವೆ, ನೀನು ಪ್ರಶ್ನೆ ಕೇಳುವ ಕಾಲ ಮುಗೀತು. ಈಗ ನಾನು ಕೇಳುವ ಪ್ರಶ್ನೆಗಳಿಗೆ ಉತ್ತರಿಸು. ಇಲ್ಲವಾದಲ್ಲಿ ನಿನ್ನನ್ನು ಇ.ಡಿ. ವಶಕ್ಕೆ ಒಪ್ಪಿಸಬೇಕಾದೀತು’ ಎಂದ.</p>.<p>ನನ್ ಬುಡಕ್ಕೇ ಬಂದ್ನಲ್ಲಪ್ಪ ಇವ್ನು ಎಂದು ಕೊಂಡ ಬೇತಾಳ, ‘ಅದೇನು ಕೇಳು’ ಎಂದಿತು.</p>.<p>‘ಪೆನ್ಡ್ರೈವ್ ಫ್ಯಾಕ್ಟರಿ ಎಲ್ಲಿದೆ, ಹಾಸನದಲ್ಲಿ ಅವನ್ನು ಹಂಚಿಸಿದವರಾರು?’</p>.<p>‘ದೇವ್ರಾಣೆ ಗೊತ್ತಿಲ್ಲ’.</p>.<p>‘ಈ ನಿಂಬೆಹಣ್ಣು, ತಾಯತ, ಕೈದಾರ, ಉಡುದಾರದ ಪವರ್ ಎಷ್ಟು ವರ್ಷ ಇರುತ್ತೆ?’</p>.<p>‘ಅದೂ ಗೊತ್ತಿಲ್ಲ’.</p>.<p>‘ಓಕೆ, ಈಗ ವಿದೇಶದಲ್ಲಿರುವ ಉಜ್ವಲ್ ಯಾವಾಗ ವಾಪಸ್ ಬರಬಹುದು?’</p>.<p>‘ಅದು ಉಜ್ವಲ್ ಅಲ್ಲ...’ ಬೇತಾಳ ವಾದಿಸಿತು.</p>.<p>‘ಗೊತ್ತು, ಜನ ಆ ವಿಡಿಯೊ ನೋಡಾಕೆ ಮೊಬೈಲ್ನ ಉಜ್ಜಿ ಉಜ್ಜಿ ಅದೀಗ ಉಜ್ವಲ್ ಆಗೋಗಿದೆ. ಇರ್ಲಿ, ಈಗ ಸೆಂಟ್ರಲ್ನಲ್ಲಿ ‘ಅಬ್ಕೀ ಬಾರ್...’ ಎಷ್ಟು ಬರಬಹುದು?’</p>.<p>‘ಗೊತ್ತಿಲ್ಲ, ನಾನು ಬೇತಾಳ, ಜ್ಯೋತಿಷಿ ಅಲ್ಲ’.</p>.<p>‘ಆಯ್ತು, ಫಲಿತಾಂಶದ ನಂತರ ‘ವಾಲು’ ಬಿಡುಗಡೆ ಆಗಬೋದಾ? ‘ಬಂಡೆ’ ಸಿಂಹಾಸನ ಏರಬೋದಾ?’</p>.<p>‘ಗೊತ್ತಿಲ್ಲ, ಇದನ್ನ ಟಿ.ವಿ.ಯೋರಿಗೆ ಕೇಳು, ಚೆನ್ನಾಗಿ ಹೇಳ್ತಾರೆ’.</p>.<p>‘ಹೋಗ್ಲಿ, ಬಂಡೆ ಮತ್ತು ಬ್ರದರ್ ಮಾತಿನ ಯುದ್ಧ ಎಲ್ಲಿಗೆ ಹೋಗಿ ನಿಲ್ಲಬಹುದು?’</p>.<p>‘ಗೊತ್ತಿಲ್ಲ, ಆದ್ರೆ ಡಿಕ್ಷನರಿಗೆ ಹೊಸ ಹೊಸ ಪದಗಳು ಸಿಗಬಹುದು’.</p>.<p>‘ಏನು ಕೇಳಿದ್ರೂ ಗೊತ್ತಿಲ್ಲ ಅಂತೀಯ, ನಿನ್ ತಲೆ ಸಿಡಿದು ಹೋಳಾಗಲ್ವಾ?’ ತೆಪರೇಸಿಗೆ ಸಿಟ್ಟು ಬಂತು. ‘ನಂಗೆ ತಲೆಯೇ ಇಲ್ಲ...’ ಬೇತಾಳ ನಗುತ್ತಾ ಹಾರಿಹೋಗಿ ಹುಣಿಸೆಮರಕ್ಕೆ ನೇತು ಹಾಕಿಕೊಂಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹುಣಿಸೆಮರದ ಕೆಳಗೆ ಸಿಗರೇಟು ಸೇದುತ್ತ ನಿಂತಿದ್ದ ತೆಪರೇಸಿಯ ಹೆಗಲೇರಿದ ಬೇತಾಳ ‘ಎಲೈ ತೆಪರನೆ, ಎಷ್ಟು ಸಲ ಹೇಳೋದು ಇಲ್ಲಿಗೆ ಬರಬೇಡ ಅಂತ. ಇರಲಿ, ಈಗ ನಾನು ಕೇಳುವ ಪ್ರಶ್ನೆಗಳಿಗೆ ಉತ್ತರ ಹೇಳದಿದ್ದಲ್ಲಿ ನಿನ್ನ ತಲೆ ಸಿಡಿದು ಸಾವಿರ ಹೋಳಾದೀತು’ ಎಂದು ಎಚ್ಚರಿಸಿತು.</p>.<p>ಬೇತಾಳದ ಬೆದರಿಕೆಗೆ ಗಹಗಹಿಸಿ ನಕ್ಕ ತೆಪರೇಸಿ ‘ಎಲೈ ತಗಡು ಬೇತಾಳವೆ, ನೀನು ಪ್ರಶ್ನೆ ಕೇಳುವ ಕಾಲ ಮುಗೀತು. ಈಗ ನಾನು ಕೇಳುವ ಪ್ರಶ್ನೆಗಳಿಗೆ ಉತ್ತರಿಸು. ಇಲ್ಲವಾದಲ್ಲಿ ನಿನ್ನನ್ನು ಇ.ಡಿ. ವಶಕ್ಕೆ ಒಪ್ಪಿಸಬೇಕಾದೀತು’ ಎಂದ.</p>.<p>ನನ್ ಬುಡಕ್ಕೇ ಬಂದ್ನಲ್ಲಪ್ಪ ಇವ್ನು ಎಂದು ಕೊಂಡ ಬೇತಾಳ, ‘ಅದೇನು ಕೇಳು’ ಎಂದಿತು.</p>.<p>‘ಪೆನ್ಡ್ರೈವ್ ಫ್ಯಾಕ್ಟರಿ ಎಲ್ಲಿದೆ, ಹಾಸನದಲ್ಲಿ ಅವನ್ನು ಹಂಚಿಸಿದವರಾರು?’</p>.<p>‘ದೇವ್ರಾಣೆ ಗೊತ್ತಿಲ್ಲ’.</p>.<p>‘ಈ ನಿಂಬೆಹಣ್ಣು, ತಾಯತ, ಕೈದಾರ, ಉಡುದಾರದ ಪವರ್ ಎಷ್ಟು ವರ್ಷ ಇರುತ್ತೆ?’</p>.<p>‘ಅದೂ ಗೊತ್ತಿಲ್ಲ’.</p>.<p>‘ಓಕೆ, ಈಗ ವಿದೇಶದಲ್ಲಿರುವ ಉಜ್ವಲ್ ಯಾವಾಗ ವಾಪಸ್ ಬರಬಹುದು?’</p>.<p>‘ಅದು ಉಜ್ವಲ್ ಅಲ್ಲ...’ ಬೇತಾಳ ವಾದಿಸಿತು.</p>.<p>‘ಗೊತ್ತು, ಜನ ಆ ವಿಡಿಯೊ ನೋಡಾಕೆ ಮೊಬೈಲ್ನ ಉಜ್ಜಿ ಉಜ್ಜಿ ಅದೀಗ ಉಜ್ವಲ್ ಆಗೋಗಿದೆ. ಇರ್ಲಿ, ಈಗ ಸೆಂಟ್ರಲ್ನಲ್ಲಿ ‘ಅಬ್ಕೀ ಬಾರ್...’ ಎಷ್ಟು ಬರಬಹುದು?’</p>.<p>‘ಗೊತ್ತಿಲ್ಲ, ನಾನು ಬೇತಾಳ, ಜ್ಯೋತಿಷಿ ಅಲ್ಲ’.</p>.<p>‘ಆಯ್ತು, ಫಲಿತಾಂಶದ ನಂತರ ‘ವಾಲು’ ಬಿಡುಗಡೆ ಆಗಬೋದಾ? ‘ಬಂಡೆ’ ಸಿಂಹಾಸನ ಏರಬೋದಾ?’</p>.<p>‘ಗೊತ್ತಿಲ್ಲ, ಇದನ್ನ ಟಿ.ವಿ.ಯೋರಿಗೆ ಕೇಳು, ಚೆನ್ನಾಗಿ ಹೇಳ್ತಾರೆ’.</p>.<p>‘ಹೋಗ್ಲಿ, ಬಂಡೆ ಮತ್ತು ಬ್ರದರ್ ಮಾತಿನ ಯುದ್ಧ ಎಲ್ಲಿಗೆ ಹೋಗಿ ನಿಲ್ಲಬಹುದು?’</p>.<p>‘ಗೊತ್ತಿಲ್ಲ, ಆದ್ರೆ ಡಿಕ್ಷನರಿಗೆ ಹೊಸ ಹೊಸ ಪದಗಳು ಸಿಗಬಹುದು’.</p>.<p>‘ಏನು ಕೇಳಿದ್ರೂ ಗೊತ್ತಿಲ್ಲ ಅಂತೀಯ, ನಿನ್ ತಲೆ ಸಿಡಿದು ಹೋಳಾಗಲ್ವಾ?’ ತೆಪರೇಸಿಗೆ ಸಿಟ್ಟು ಬಂತು. ‘ನಂಗೆ ತಲೆಯೇ ಇಲ್ಲ...’ ಬೇತಾಳ ನಗುತ್ತಾ ಹಾರಿಹೋಗಿ ಹುಣಿಸೆಮರಕ್ಕೆ ನೇತು ಹಾಕಿಕೊಂಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>