<p>‘ನೀವು ಉದ್ಧಾಮ ಪಂಡಿತರೇ ಇರಬಹುದು, ವೇದಿಕೆ ಮೇಲೆ ಭಾಷಣ ಮಾಡುವಾಗ ಆಡುವ ಮಾತಿನ ಮೇಲೆ ನಿಗಾ ಇರಲಿ...’ ಮೂರ್ಖರ ದಿನಾಚರಣೆಯ ಹಾಸ್ಯೋತ್ಸವ ಭಾಷಣಕ್ಕೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದ ಗಂಡನಿಗೆ ಸುಮಿ ಹೇಳಿದಳು.</p>.<p>‘ನಗೆರಂಜನೆಗಳಿಲ್ಲದೆ ಬರಗೆಟ್ಟಿರುವ ಜನ ಹಾಸ್ಯ ಕಾರ್ಯಕ್ರಮಗಳಿಗೆ ಹಲ್ಲು ಉಜ್ಜಿಕೊಂಡು, ಮನಸು ಬಿಚ್ಚಿಕೊಂಡು ನಗಲು ಸಿದ್ಧರಾಗೇ ಬರ್ತಾರೆ, ಸಣ್ಣ ಜೋಕಿಗೂ ದೊಡ್ಡದಾಗಿ ನಕ್ಕು ಆನಂದಿಸುತ್ತಾರೆ’ ಎಂದ ಶಂಕ್ರಿ.</p>.<p>‘ಓವರ್ ಕಾನ್ಫಿಡೆನ್ಸ್ ಬೇಡ, ಜನ ಈಗ ನಗುವ ಪರಿಸ್ಥಿತಿಯಲ್ಲಿಲ್ಲ, ಈಗ ನಕ್ಕರೆ ಕಾಯಿಲೆಯವರೇ ಜಾಸ್ತಿ. ಸಾಧಾರಣ ಜೋಕಿಗೆ ಹಲ್ಲು ಬಿಡುವುದಿಲ್ಲ. ಪ್ರೇಕ್ಷಕರ ಮನಃಸ್ಥಿತಿ, ಪರಿಸ್ಥಿತಿಗೆ ತಕ್ಕಂತಹ ಜೋಕ್ ಹೇಳಿ. ನಗೆಪಾಠ ಹೇಳಲು ಬಂದ ಎಷ್ಟೋ ಜನ ನಗೆಪಾಟಲಿ<br />ಗೀಡಾಗಿದ್ದಾರೆ’.</p>.<p>‘ಆತಂಕ ಪಡಬೇಡ, ನನ್ನಲ್ಲಿ ಲೋಡುಗಟ್ಟಲೆ ನಗೆ ಬಾಂಬು, ಹಾಸ್ಯ ಚಟಾಕಿ ಸ್ಟಾಕ್ ಇವೆ. ವೇದಿಕೆ ಮೇಲೆ ಒಂದೊಂದನ್ನೇ ಸಿಡಿಸಿದರೆ ಪ್ರೇಕ್ಷಕರು ಹೊಟ್ಟೆ ಹುಣ್ಣಾಗುವಂತೆ ನಕ್ಕು ನರಳುತ್ತಾರೆ. ಬಹಳಷ್ಟು ಕಾರ್ಯಕ್ರಮಗಳಲ್ಲಿ<br />ಜನರನ್ನು ನಗಿಸಿ ಪ್ರಸಿದ್ಧನಾಗಿದ್ದೇನೆ. ನಗೆ ಅಭಿಮಾನಿಗಳು ನನಗೆ ನಗ್ಸಲಿಯ ಪ್ರಶಸ್ತಿ ನೀಡಿದ್ದಾರೆ’ ಶಂಕ್ರಿ ಬೀಗಿದ.</p>.<p>‘ಭಾಷಣಕಾರರಿಗೆ ಹಾಸ್ಯ ಪ್ರಜ್ಞೆ ಜೊತೆಗೆ ಮೈಮೇಲೆ ಪ್ರಜ್ಞೆ, ಮೈಕ್ ಪ್ರಜ್ಞೆಯೂ ಇರಬೇಕು. ಭಾಷಣವನ್ನು ಪ್ರೇಕ್ಷಕರು ಕೇಳುತ್ತಿದ್ದಾರೆ, ಆ ಭಾಷಣ ಟೀವಿ, ಪತ್ರಿಕೆಗಳಲ್ಲಿ ಸುದ್ದಿಯಾಗುತ್ತದೆ ಎಂಬ ಅರಿವೂ ಇರಬೇಕು. ಹೋದ ವಾರದ ಕಾರ್ಯಕ್ರಮದಲ್ಲಿ ನೀವು ನಾಲಿಗೆ ಚಟಕ್ಕೋ ಪ್ರಾಸದ ಹಟಕ್ಕೋ ಮಾತು ಹರಿಯಬಿಟ್ಟು ಮಾಡಿಕೊಂಡ ಯಡವಟ್ಟು ಸಾಮಾಜಿಕ ಜಾಲತಾಣದಲ್ಲಿ ಇವತ್ತಿಗೂ ಮಾನ ಕಳೆಯುತ್ತಲೇ ಇದೆ...’</p>.<p>ಶಂಕ್ರಿ ಗಾಬರಿಯಾದ.</p>.<p>‘ಮಾತು ಮಾರಕವಾದಾಗ ತಕ್ಷಣ ಎಚ್ಚೆತ್ತುಕೊಂಡು, ‘ಏಪ್ರಿಲ್ ಫೂಲ್...’ ಅಂದುಬಿಡಿ, ಜನ ಸಿಂಪಥಿ ನಗೆ ನಕ್ಕು ಸಹಿಸಿಕೊಳ್ತಾರೆ...’ ಎಂದು ಸಲಹೆ ಕೊಟ್ಟಳು ಸುಮಿ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನೀವು ಉದ್ಧಾಮ ಪಂಡಿತರೇ ಇರಬಹುದು, ವೇದಿಕೆ ಮೇಲೆ ಭಾಷಣ ಮಾಡುವಾಗ ಆಡುವ ಮಾತಿನ ಮೇಲೆ ನಿಗಾ ಇರಲಿ...’ ಮೂರ್ಖರ ದಿನಾಚರಣೆಯ ಹಾಸ್ಯೋತ್ಸವ ಭಾಷಣಕ್ಕೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದ ಗಂಡನಿಗೆ ಸುಮಿ ಹೇಳಿದಳು.</p>.<p>‘ನಗೆರಂಜನೆಗಳಿಲ್ಲದೆ ಬರಗೆಟ್ಟಿರುವ ಜನ ಹಾಸ್ಯ ಕಾರ್ಯಕ್ರಮಗಳಿಗೆ ಹಲ್ಲು ಉಜ್ಜಿಕೊಂಡು, ಮನಸು ಬಿಚ್ಚಿಕೊಂಡು ನಗಲು ಸಿದ್ಧರಾಗೇ ಬರ್ತಾರೆ, ಸಣ್ಣ ಜೋಕಿಗೂ ದೊಡ್ಡದಾಗಿ ನಕ್ಕು ಆನಂದಿಸುತ್ತಾರೆ’ ಎಂದ ಶಂಕ್ರಿ.</p>.<p>‘ಓವರ್ ಕಾನ್ಫಿಡೆನ್ಸ್ ಬೇಡ, ಜನ ಈಗ ನಗುವ ಪರಿಸ್ಥಿತಿಯಲ್ಲಿಲ್ಲ, ಈಗ ನಕ್ಕರೆ ಕಾಯಿಲೆಯವರೇ ಜಾಸ್ತಿ. ಸಾಧಾರಣ ಜೋಕಿಗೆ ಹಲ್ಲು ಬಿಡುವುದಿಲ್ಲ. ಪ್ರೇಕ್ಷಕರ ಮನಃಸ್ಥಿತಿ, ಪರಿಸ್ಥಿತಿಗೆ ತಕ್ಕಂತಹ ಜೋಕ್ ಹೇಳಿ. ನಗೆಪಾಠ ಹೇಳಲು ಬಂದ ಎಷ್ಟೋ ಜನ ನಗೆಪಾಟಲಿ<br />ಗೀಡಾಗಿದ್ದಾರೆ’.</p>.<p>‘ಆತಂಕ ಪಡಬೇಡ, ನನ್ನಲ್ಲಿ ಲೋಡುಗಟ್ಟಲೆ ನಗೆ ಬಾಂಬು, ಹಾಸ್ಯ ಚಟಾಕಿ ಸ್ಟಾಕ್ ಇವೆ. ವೇದಿಕೆ ಮೇಲೆ ಒಂದೊಂದನ್ನೇ ಸಿಡಿಸಿದರೆ ಪ್ರೇಕ್ಷಕರು ಹೊಟ್ಟೆ ಹುಣ್ಣಾಗುವಂತೆ ನಕ್ಕು ನರಳುತ್ತಾರೆ. ಬಹಳಷ್ಟು ಕಾರ್ಯಕ್ರಮಗಳಲ್ಲಿ<br />ಜನರನ್ನು ನಗಿಸಿ ಪ್ರಸಿದ್ಧನಾಗಿದ್ದೇನೆ. ನಗೆ ಅಭಿಮಾನಿಗಳು ನನಗೆ ನಗ್ಸಲಿಯ ಪ್ರಶಸ್ತಿ ನೀಡಿದ್ದಾರೆ’ ಶಂಕ್ರಿ ಬೀಗಿದ.</p>.<p>‘ಭಾಷಣಕಾರರಿಗೆ ಹಾಸ್ಯ ಪ್ರಜ್ಞೆ ಜೊತೆಗೆ ಮೈಮೇಲೆ ಪ್ರಜ್ಞೆ, ಮೈಕ್ ಪ್ರಜ್ಞೆಯೂ ಇರಬೇಕು. ಭಾಷಣವನ್ನು ಪ್ರೇಕ್ಷಕರು ಕೇಳುತ್ತಿದ್ದಾರೆ, ಆ ಭಾಷಣ ಟೀವಿ, ಪತ್ರಿಕೆಗಳಲ್ಲಿ ಸುದ್ದಿಯಾಗುತ್ತದೆ ಎಂಬ ಅರಿವೂ ಇರಬೇಕು. ಹೋದ ವಾರದ ಕಾರ್ಯಕ್ರಮದಲ್ಲಿ ನೀವು ನಾಲಿಗೆ ಚಟಕ್ಕೋ ಪ್ರಾಸದ ಹಟಕ್ಕೋ ಮಾತು ಹರಿಯಬಿಟ್ಟು ಮಾಡಿಕೊಂಡ ಯಡವಟ್ಟು ಸಾಮಾಜಿಕ ಜಾಲತಾಣದಲ್ಲಿ ಇವತ್ತಿಗೂ ಮಾನ ಕಳೆಯುತ್ತಲೇ ಇದೆ...’</p>.<p>ಶಂಕ್ರಿ ಗಾಬರಿಯಾದ.</p>.<p>‘ಮಾತು ಮಾರಕವಾದಾಗ ತಕ್ಷಣ ಎಚ್ಚೆತ್ತುಕೊಂಡು, ‘ಏಪ್ರಿಲ್ ಫೂಲ್...’ ಅಂದುಬಿಡಿ, ಜನ ಸಿಂಪಥಿ ನಗೆ ನಕ್ಕು ಸಹಿಸಿಕೊಳ್ತಾರೆ...’ ಎಂದು ಸಲಹೆ ಕೊಟ್ಟಳು ಸುಮಿ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
