ಬಲೂನು ಬೇಹುಗಾರಿಕೆ

ಚೀನೀ ಬಲೂನುಗಳನ್ನು ಅಮೆರಿಕ ಹೊಡೆದುರುಳಿಸಿದ್ದನ್ನು ಬೆಕ್ಕಣ್ಣ ಬಿಟ್ಟೂಬಿಡದೆ ಓದುತ್ತಿತ್ತು.

. ‘ಅಮೆರಿಕದ ಆಕಾಶದಾಗೆ ಚೀನಾ ಬಲೂನು ಬಿಟ್ಟಿದ್ದು ಸರೀನಾ ಅಥ್ವಾ ತನ್ನ ಆಕಾಶದಾಗೆ ಹಾರುತ್ತಿದ್ದ ಬಲೂನನ್ನು ಅಮೆರಿಕ ಹೊಡೆದು ಉರುಳಿಸಿದ್ದು ಸರೀನಾ’ ಬೆಕ್ಕಣ್ಣ ಮೀಸೆ ಸವರುತ್ತ ಕೇಳಿತು.

. ‘ಎರಡೂ ಸರಿ ಮತ್ತು ಎರಡೂ ತಪ್ಪು’ ನಾನು ಪೊಲಿಟಿಕಲಿ ಕರೆಕ್ಟ್ ಆದ ಉತ್ತರ ಕೊಟ್ಟೆ.

. ‘ಬೇರೆ ದೇಶದ ಆಕಾಶದಲ್ಲಿ ಬೇಹುಗಾರಿಕೆ ಬಲೂನು ಬಿಡದೇನೋ ತಪ್ಪು. ಆದರೆ ನಮ್ಮ ದೇಶದ ಆಕಾಶದಲ್ಲಿ ನಾವೇ ಬೇಹುಗಾರಿಕೆ ಬಲೂನು ಬಿಟ್ಟರೆ ತಪ್ಪೇನಿಲ್ಲ, ಹೌದಿಲ್ಲೋ?’ ಬೆಕ್ಕಣ್ಣ ಜಾಣತನದ ಪ್ರಶ್ನೆ ಎಸೆಯಿತು.

. ‘ನಮ್ಮ ಮ್ಯಾಗೆ ನಾವೇ ಎದಕ್ಕ ಬೇಹುಗಾರಿಕೆ ಮಾಡೂಣು?’

. ‘ಚುನಾವಣೆ ಟೈಮಿನಾಗೆ ಬೇಹುಗಾರಿಕೆ ಬೇಕಾಗತೈತಿ. ದಿಲ್ಲಿಯಿಂದ ಬಂದವ್ರು ಗುಪ್ತ ಸಭೆ ಮಾಡ್ತಾರಲ್ಲ, ಆವಾಗ ಸಭೆ ನಡೀತಿರೋ ಜಾಗದ ಮ್ಯಾಗೆ ಎದುರಾಳಿ ಪಕ್ಷದವರು ಒಂದು ಬಲೂನು ಹಾರಿಸಿ, ಒಳಗಿದ್ದವರು ಏನೇನು ಮಾತುಕತೆ ನಡೆಸಿದ್ರು ಅಂತ ಕೇಳಬೌದು’ ಬೆಕ್ಕಣ್ಣ ಬಲೂನು ಬೇಹುಗಾರಿಕೆಯ ಪ್ಲಾನ್ ಹೇಳಿತು.

. ‘ಅಷ್ಟೇ ಯಾಕೆ... ಒಂದೇ ಪಕ್ಷದಾಗೆ ಭಿನ್ನಮತೀಯರೂ ಹಿಂಗೆ ಮಾಡಬೌದು. ಹಾಸನದಾಗೆ ಭವಾನಕ್ಕನ ಪಾಳೆಯದೊಳಗೆ ಏನು ನಡೀತೈತೆ ಅಂತ ಕುಮಾರಣ್ಣ ಇಲ್ಲಿ ಕುಂತೇ ಬಲೂನು ಹಾರಿಸಿ ತಿಳೀಬೌದು’.

. ‘ಸಿದ್ದು ಅಂಕಲ್ ಮತ್ತೇನು ಕಂತ್ರಾಟು ನಡೆಸಿಯಾರೆ ಅಂತ ನೋಡಾಕೆ ಡಿಕೆಶಿ ಅಂಕಲ್ಲು ಬಲೂನು ಹಾರಿಸಬೌದು. ಹಳೇಹುಲಿ ಯೆಡ್ಯೂರಜ್ಜಾರು ಮತ್ತೇನು ದಾಳ ಉರುಳಿಸಬೌದು ಅಂತ ನೋಡಾಕೆ ಬೊಮ್ಮಾಯಿ ಅಂಕಲ್ಲು ಬಲೂನು ಹಾರಿಸಬೌದು’.

. ‘ಮತದಾರ್ರ ಮನಸ್ಸಿನಾಗೆ ಏನೈತೆ ಅಂತ ತಿಳಿಯಾಕೆ ಎಲ್ಲ ಪಕ್ಷದವ್ರೂ ಬಲೂನು ಹಾರಿಸಬೌದು. ಹಂಗಾರೆ ಚುನಾವಣೆ ಹೊತ್ತಿಗೆ ಆಕಾಶದ ತುಂಬ ಸಾವಿರಾರು ಬಲೂನು’ ಎಂದು ನಕ್ಕೆ.

. ‘ಆದರೆ ಅಭ್ಯರ್ಥಿಗಳು ಹಾರಿಸಿದ ಹಂತಾ ಬಲೂನುಗಳಿಗೆ ಎಲ್ಲಿ ಸೂಜಿ ಚುಚ್ಚಿ, ಹೆಂಗ ಠುಸ್ಸೆನ್ನಿಸಬೇಕು ಅಂತ ಮತದಾರ್ರಿಗೆ ಗೊತ್ತಿರತೈತೆ ಬಿಡು’ ಎನ್ನುತ್ತ ಬೆಕ್ಕಣ್ಣನೂ ಮುಸಿಮುಸಿ ನಕ್ಕಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಲೂನು ಬೇಹುಗಾರಿಕೆ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

IND vs AUS Test Series: ಬೂಮ್ರಾ ಪಡೆಗೆ ಕಠಿಣ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!