<p>‘ಕರ್ನಾಟಕದ 16 ಜಿಲ್ಲೇಲಿ ಹವಮಾನ ಚೈಂಜ್ ಆಗಿ ಭಾರಿ ಎಪೆಕ್ಟಾಗ್ಯದಂತೆ?’ ಅಂತಂದ ಚಂದ್ರು.</p><p>‘ಅದೀಯೆ, ಕೊಡಗಿನಲ್ಲಿ ಸೆಕೆಯಂತೆ, ಯಾದಗಿರಿಯಲ್ಲಿ ಮಳೆ ಸುರೀತಾ ಅದೆ. ಇದರಿಂದ ಜನಕ್ಕೆ ಸ್ಯಾನೆ ಕಷ್ಟವಂತೆ. ಆರ್ಥಿಕತೆಗೆ ಪೆಟ್ಟಾಗ್ಯದೆ ಅನ್ನೋ ವರದಿ ಬತ್ತಾ ಅದೆ’ ನನ್ನ ಹೇಳಿಕೆ ಕೊಟ್ಟೆ.</p><p>‘ದಿಟ ಕಯ್ಯಾ, ರಾಜಕೀಯದೋರು ಅವುರಿಗೆ ಅವುರೇ ಅವಮಾನ ಮಾಡ್ಕ್ಯತ್ತಾವ್ರೆ. ಇದರ ಎಪೆಕ್ಟು ಮಂಡ್ಯ, ಚಾಮರಾಜ<br>ನಗರದೇಲಿ ಜಾಸ್ತಿಯಾಗ್ಯದೆ’ ಯಂಟಪ್ಪಣ್ಣ ಕಳವಳ ವ್ಯಕ್ತಪಡಿಸಿತು.</p><p>‘ಎಲಾ ಎಡವಟ್ಟುಗಳಾ, ಅದು ಅವಮಾನವಲ್ಲ ಕನ್ರೋ. ಹೆಚ್ಚಿದ ಜನಸಂಖ್ಯೆ, ಕುಸಿದಿರೋ ಆದಾಯ, ಮಳೆ, ಪ್ರವಾಹ, ಬರದಂತಾ ಹವಾಮಾನ ವೈಪರಿತ್ಯಗಳು ಜನದ ಜೀವ ಕಿತುಗಂದು ತಿನ್ನತಾವೆ ಅಂದಿರದು’ ತುರೇಮಣೆ ಕ್ಲಾರಿಫಿಕೇಷನ್ ಕೊಟ್ಟರು.</p><p>‘ನಾವು ಅದ್ನೇ ಸಾ ಅಂದುದ್ದು. ರಾಜಕೀಯದೇಲಿ ಹವಾಮಾನ ಬದಲಾವಣೆಯಾಗಿ ಸೇಡಿನ ಬೆಂಕಿ ಕತ್ತಿಕ್ಯಂದು ಉರೀತಾ ಅದೆ. ಅದರ ಎಪೆಕ್ಟು ಅನುಭವಿಸ್ತಿರೋ ಜನದ ಕಣ್ಣೀರು ರಾಜಕಾರಣಿಗಳು ಒರೆಸ್ತರೆ ಅಂತ ತಿಳಕಂದುದ್ದೇ ತಪ್ಪು’ ಚಂದ್ರು ಸಿಡಿದ.</p><p>‘ಬಡವರು ಸತ್ತರೆ ಸುಡಕ್ಕೆ ಮಸಾಣಿಲ್ಲಾ, ಹೊತ್ತುಕೋಗಕ್ಕೆ ಅಪ್ಪಂತಾ ದಾರಿಲ್ಲಾ. ಡೆಂಗ್ಯು, ಎಚ್1ಎನ್1 ಜ್ವರ ಕಾಡ್ತಾವೆ. ಜನದ ಕಷ್ಟಕ್ಕೆ ಕೊನೆಯೇ ಇಲ್ದಂಗಾಗ್ಯದೆ. ರಾಜಕೀಯದವು ಮಾತ್ರ ಊರ ಮ್ಯಾಲೆ ಊರು ಬಿದ್ದರೆ ನಂದೇನು ಹೋದತ್ತು ಅಂತ ಕೋಮುಗಾರಿಕೆ ಮಾಡ್ತಾ ಕೂತವೆ’ ಅಂತು ಯಂಟಪ್ಪಣ್ಣ.</p><p>‘ನಿಮ್ಮ ಯೇಗ್ತೇಗೆ ಇದೇ ಜಾಸ್ತಿಯಾತು ಅಂತ ರಾಜಕಾರಣಿಗಳು ತಿಳಕಂದವೆ. ನಿಮ್ಮ ಬಂಗವೇ ಹೇಳಿಕ್ಯಂದರೆ ರಾಜಕೀಯದೋರ ಬಂಗ ಕೇಳೋರು ಯಾರ್ಲಾ?’ ಅಂದ್ರು ತುರೇಮಣೆ.</p><p>‘ಅವರದ್ದೇನು ಬಂಗ ಸಾ?’ ನಾನು ಕೇಳಿದೆ.</p><p>‘ರಾಜಕೀಯದೋರು ಹಣ, ಅಧಿಕಾರ ಇಲ್ಲದಿದ್ದರೆ ಮುಂದೆಂಗೆ ಅಂತ ತಲೆಗೆ ಕೈ ಕೊಟ್ಕಂದು ಕೂತವ್ರೆ. ನಿಮ್ಮ ದರ್ದು ನಿಮ್ಮದು. ನಿಮ್ಮ ತಲೆಗೆ ನಿಮ್ಮದೇ ಕೈ’ ತುರೇಮಣೆ ಘೋರ ಸತ್ಯ ಬಿಚ್ಚಿಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಕರ್ನಾಟಕದ 16 ಜಿಲ್ಲೇಲಿ ಹವಮಾನ ಚೈಂಜ್ ಆಗಿ ಭಾರಿ ಎಪೆಕ್ಟಾಗ್ಯದಂತೆ?’ ಅಂತಂದ ಚಂದ್ರು.</p><p>‘ಅದೀಯೆ, ಕೊಡಗಿನಲ್ಲಿ ಸೆಕೆಯಂತೆ, ಯಾದಗಿರಿಯಲ್ಲಿ ಮಳೆ ಸುರೀತಾ ಅದೆ. ಇದರಿಂದ ಜನಕ್ಕೆ ಸ್ಯಾನೆ ಕಷ್ಟವಂತೆ. ಆರ್ಥಿಕತೆಗೆ ಪೆಟ್ಟಾಗ್ಯದೆ ಅನ್ನೋ ವರದಿ ಬತ್ತಾ ಅದೆ’ ನನ್ನ ಹೇಳಿಕೆ ಕೊಟ್ಟೆ.</p><p>‘ದಿಟ ಕಯ್ಯಾ, ರಾಜಕೀಯದೋರು ಅವುರಿಗೆ ಅವುರೇ ಅವಮಾನ ಮಾಡ್ಕ್ಯತ್ತಾವ್ರೆ. ಇದರ ಎಪೆಕ್ಟು ಮಂಡ್ಯ, ಚಾಮರಾಜ<br>ನಗರದೇಲಿ ಜಾಸ್ತಿಯಾಗ್ಯದೆ’ ಯಂಟಪ್ಪಣ್ಣ ಕಳವಳ ವ್ಯಕ್ತಪಡಿಸಿತು.</p><p>‘ಎಲಾ ಎಡವಟ್ಟುಗಳಾ, ಅದು ಅವಮಾನವಲ್ಲ ಕನ್ರೋ. ಹೆಚ್ಚಿದ ಜನಸಂಖ್ಯೆ, ಕುಸಿದಿರೋ ಆದಾಯ, ಮಳೆ, ಪ್ರವಾಹ, ಬರದಂತಾ ಹವಾಮಾನ ವೈಪರಿತ್ಯಗಳು ಜನದ ಜೀವ ಕಿತುಗಂದು ತಿನ್ನತಾವೆ ಅಂದಿರದು’ ತುರೇಮಣೆ ಕ್ಲಾರಿಫಿಕೇಷನ್ ಕೊಟ್ಟರು.</p><p>‘ನಾವು ಅದ್ನೇ ಸಾ ಅಂದುದ್ದು. ರಾಜಕೀಯದೇಲಿ ಹವಾಮಾನ ಬದಲಾವಣೆಯಾಗಿ ಸೇಡಿನ ಬೆಂಕಿ ಕತ್ತಿಕ್ಯಂದು ಉರೀತಾ ಅದೆ. ಅದರ ಎಪೆಕ್ಟು ಅನುಭವಿಸ್ತಿರೋ ಜನದ ಕಣ್ಣೀರು ರಾಜಕಾರಣಿಗಳು ಒರೆಸ್ತರೆ ಅಂತ ತಿಳಕಂದುದ್ದೇ ತಪ್ಪು’ ಚಂದ್ರು ಸಿಡಿದ.</p><p>‘ಬಡವರು ಸತ್ತರೆ ಸುಡಕ್ಕೆ ಮಸಾಣಿಲ್ಲಾ, ಹೊತ್ತುಕೋಗಕ್ಕೆ ಅಪ್ಪಂತಾ ದಾರಿಲ್ಲಾ. ಡೆಂಗ್ಯು, ಎಚ್1ಎನ್1 ಜ್ವರ ಕಾಡ್ತಾವೆ. ಜನದ ಕಷ್ಟಕ್ಕೆ ಕೊನೆಯೇ ಇಲ್ದಂಗಾಗ್ಯದೆ. ರಾಜಕೀಯದವು ಮಾತ್ರ ಊರ ಮ್ಯಾಲೆ ಊರು ಬಿದ್ದರೆ ನಂದೇನು ಹೋದತ್ತು ಅಂತ ಕೋಮುಗಾರಿಕೆ ಮಾಡ್ತಾ ಕೂತವೆ’ ಅಂತು ಯಂಟಪ್ಪಣ್ಣ.</p><p>‘ನಿಮ್ಮ ಯೇಗ್ತೇಗೆ ಇದೇ ಜಾಸ್ತಿಯಾತು ಅಂತ ರಾಜಕಾರಣಿಗಳು ತಿಳಕಂದವೆ. ನಿಮ್ಮ ಬಂಗವೇ ಹೇಳಿಕ್ಯಂದರೆ ರಾಜಕೀಯದೋರ ಬಂಗ ಕೇಳೋರು ಯಾರ್ಲಾ?’ ಅಂದ್ರು ತುರೇಮಣೆ.</p><p>‘ಅವರದ್ದೇನು ಬಂಗ ಸಾ?’ ನಾನು ಕೇಳಿದೆ.</p><p>‘ರಾಜಕೀಯದೋರು ಹಣ, ಅಧಿಕಾರ ಇಲ್ಲದಿದ್ದರೆ ಮುಂದೆಂಗೆ ಅಂತ ತಲೆಗೆ ಕೈ ಕೊಟ್ಕಂದು ಕೂತವ್ರೆ. ನಿಮ್ಮ ದರ್ದು ನಿಮ್ಮದು. ನಿಮ್ಮ ತಲೆಗೆ ನಿಮ್ಮದೇ ಕೈ’ ತುರೇಮಣೆ ಘೋರ ಸತ್ಯ ಬಿಚ್ಚಿಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
