ನುಡಿ ಬೆಳಗು: ಯಾರು ದೇವರು?

ಒಂದು ಕತೆ ಕೇಳಿ...

. ಒಳ್ಳೆ ಪುಣ್ಯಾತ್ಮರ ಮನೆ ಅದು. ಸದ್ಭಾವನೆ, ಸದಾಚಾರ, ಸತ್ಕಾರ್ಯಗಳನ್ನು ನಡೆಸುತ್ತಾ ಬಾಳಿ ಬದುಕಿದ ಮನೆ. ದಾನ ಕೊಡುವುದು ಎಂದರೆ ಅದರಲ್ಲೊಂದು ಅಹಂಭಾವವಿರುತ್ತದೆ. ದಾಸೋಹ ಎಂದರೆ ಅದು ವಿನಯ. ಅದು ಆ ಮನೆಯವರಿಗೆ ಗೊತ್ತಿತ್ತು. ಆದ್ದರಿಂದ ಆ ಮನೆಗೆ ದೇಹಿ ಎಂದು ಬಂದವರನ್ನು ಗೌರವದಿಂದ ಸತ್ಕರಿಸಿ ಜೋಳಿಗೆ ತುಂಬಿ ಕಳುಹಿಸುತ್ತಿದ್ದರು- ದಾನ ಪ್ರತಿಷ್ಠೆಯಿಂದಲ್ಲ, ದಾಸೋಹ ಭಾವದಿಂದ.

. ಹೀಗಿರುತ್ತಿರಲಾಗಿ ಅದೊಂದು ದಿನ ಅವರ ಮನೆಗೊಬ್ಬ ಭಿಕ್ಷುಕ ಬಂದ. ಈ ಮನೆಯ ಮುಂದೆ ನಿಂತು ‘ಅಮ್ಮಾ ತಾಯಿ ಭಿಕ್ಷೆ...’ ಅಂತ ಕೂಗಿದ. ಕೂಡಲೇ ಆ ಮನೆಯ ಗೃಹಸ್ಥ ಗೃಹಿಣಿಯರಿಬ್ಬರೂ ಹೊರಬಂದು ಆ ಭಿಕ್ಷುಕನನ್ನು ಕಾರುಣ್ಯದಿಂದ ಕೈಹಿಡಿದು ಮನೆಯೊಳಗೆ ಕರೆದೊಯ್ದರು. ಕೈಕಾಲು ತೊಳೆಯಲು ನೀರು ಕೊಟ್ಟು ಮಣೆ ಹಾಕಿ ಕುಳ್ಳಿರಿಸಿದರು. ಹಸಿರು ಬಾಳೆಯೆಲೆಯ ಮೇಲೆ ಬಗೆಬಗೆ ಭಕ್ಷ್ಯಾನ್ನಗಳನ್ನು ಬಡಿಸಿದರು. ಭಿಕ್ಷುಕನಿಗೆ ಹೊಟ್ಟೆ ಬಿರಿಯುವಷ್ಟು ಊಟ ಮಾಡಿಸಿದರು. ಅವನಿಗೆಷ್ಟು ಸಂತೋಷವಾಯಿತೋ ಅದರ ಇಮ್ಮಡಿ ಸಂತೋಷವಾಯಿತು ಆ ಮನೆಯ ಗೃಹಸ್ಥ ಗೃಹಿಣಿಯರಿಗೆ. ಭೋಜನವಾದ ನಂತರ ಭಿಕ್ಷುಕನ ಜೋಳಿಗೆಗೂ ತುಂಬಿ ಗೌರವದಿಂದ ಬೀಳ್ಕೊಟ್ಟರು.

. ಮನೆಯಿಂದ ಹೊರಬಂದ ಮೇಲೆ ಆ ಭಿಕ್ಷುಕ ಅಂದುಕೊಂಡ- ‘ಎಲ್ಲ ಎಲಾ, ಈ ಮನೆಯವರು ಈ ಪರಿ ನನ್ನನ್ನು ಉಪಚರಿಸಿ ಗೌರವಿಸಿ ಕಳುಹಿಸಿಕೊಟ್ಟರಲ್ಲಾ... ಹೌದು, ನಾನು ದೇವರೇ ಇರಬೇಕು. ಅಷ್ಟಲ್ಲವಾದರೆ ಇಷ್ಟನ್ನೆಲ್ಲಾ ಸುಮ್ಮನೆ ಮಾಡುತ್ತಾರಾ?’

. ಇದಾದ ಮೇಲೆ ಅದೇ ಮನೆಗೆ ಮತ್ತೊಬ್ಬ ಭಿಕ್ಷುಕ ಬಂದ. ‘ಅಮ್ಮಾ ಭಿಕ್ಷೆ...’ ಅಂದ. ಆ ಗೃಹಸ್ಥ ಗೃಹಿಣಿಯರು ಯಥಾ ಪ್ರಕಾರ ಮನೆಯಿಂದ ಹೊರಗೆ ಬಂದು ಕೈಹಿಡಿದು ಕರೆದೊಯ್ದು ಬಗೆಬಗೆ ಭಕ್ಷ್ಯಾನ್ನಗಳನ್ನು ಬಡಿಸಿ ಉಪಚರಿಸಿ, ಜೊತೆಗೆ ಅವನ ಜೋಳಿಗೆಯನ್ನೂ ತುಂಬಿಸಿ ಗೌರವ ಮರ್ಯಾದೆಗಳಿಂದ ಕಳುಹಿಸಿಕೊಟ್ಟರು.

. ಆ ಭಿಕ್ಷುಕ ಹೊರಗೆ ಬಂದ ಮೇಲೆ ತನ್ನಲ್ಲಿಯೇ ಅಂದುಕೊಂಡ- ಆಹಾ, ನನ್ನಂಥ ಯಃಕಶ್ಚಿತ್ ಭಿಕ್ಷುಕನನ್ನು ಈ ಪರಿ ಗೌರವ ಮರ್ಯಾದೆಗಳಿಂದ ಸತ್ಕರಿಸಿ ಕಳುಹಿಸಿದರಲ್ಲಾ, ಇವರು ದೇವರೇ ಇರಬೇಕು. ಅಷ್ಟಲ್ಲವಾದರೆ ಇಷ್ಟೆಲ್ಲಾ ಮಾಡುತ್ತಿದ್ದರಾ?

. ಕತೆಯ ಒಳಧ್ವನಿ ನಿಮಗೆ ಕೇಳಿಸಿದೆ ಅಂದುಕೊಳ್ಳುತ್ತೇನೆ. ಇದಕ್ಕೆ ದೀರ್ಘ ವ್ಯಾಖ್ಯಾನವೇನೂ ಬೇಕಿಲ್ಲ. ಜಗತ್ತಿನಲ್ಲಿ ನಾವು ಯಾರಿಂದಲೋ, ಎಲ್ಲಿಯೋ, ಏನೆಲ್ಲಾ ಪಡೆಯುತ್ತೇವೆ. ಅದಕ್ಕೆಲ್ಲಾ ನಾವು ಬಾಧ್ಯರು, ಅರ್ಹರು, ಅಂದುಕೊಳ್ಳುವುದು ಅಹಂಕಾರ. ಅದು ಕೊಟ್ಟವರ ಔದಾರ್ಯ, ಪ್ರೀತಿ ಅಂದುಕೊಳ್ಳುವುದು ವಿನಯ.

. ಆ ಎರಡನೆಯ ಭಿಕ್ಷುಕ ಅಂದುಕೊಂಡದ್ದು ಸರಿ ಅನ್ನಿಸಬೇಕು ನಮಗೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನುಡಿ ಬೆಳಗು: ಯಾರು ದೇವರು?

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!