<p>ಮದ್ಯವ್ಯಸನಿಗಳ ಮಕ್ಕಳಿಗಾಗಿಯೇ ಮೀಸಲಾದ ರಾಷ್ಟ್ರೀಯ ಸಂಸ್ಥೆ ‘ನ್ಯಾಷನಲ್ ಅಸೋಸಿಯೇಷನ್ ಫಾರ್ ಚಿಲ್ಡ್ರನ್ ಆಫ್ ಆಲ್ಕೊಹಾಲಿಕ್ಸ್’ ಫೆಬ್ರುವರಿ 12ರಿಂದ 18ರವರೆಗಿನ ದಿನಗಳನ್ನು ‘ಮದ್ಯವ್ಯಸನಿಗಳ ಮಕ್ಕಳ ದಿನ’ (ಚಿಲ್ಡ್ರನ್ ಆಫ್ ಆಲ್ಕೊಹಾಲಿಕ್ಸ್ ವೀಕ್) ಎಂದು ಆಚರಿಸುತ್ತದೆ. ವಾರ್ಷಿಕವಾಗಿ ನಡೆಸುವ ಈ ಆಚರಣೆಯಲ್ಲಿ ಈ ಮಕ್ಕಳ ಅದುಮಿಟ್ಟ ವ್ಯಥೆಯ ಬಗ್ಗೆ, ದೈನಂದಿನ ಜೀವನದ ಕಷ್ಟಗಳ ಬಗ್ಗೆ ಹೆಚ್ಚು ಹೆಚ್ಚು ಅರಿವನ್ನು ಮೂಡಿಸುವ ಮತ್ತು ಸಹಾಯ ನೀಡುವ ಕೆಲಸಗಳು ನಡೆಯುತ್ತವೆ.</p>.<p>ರಾಷ್ಟ್ರೀಯ ಮಾನಸಿಕ ಆರೋಗ್ಯ ವರದಿ– 2015ರ ಪ್ರಕಾರ, ಭಾರತದಲ್ಲಿ ಶೇ 29ರಷ್ಟು ವ್ಯಕ್ತಿಗಳು ಮದ್ಯ ಸೇವನೆಯ ಸಮಸ್ಯೆಗಳಿಂದ ಬಳಲುತ್ತಾರೆ. ವರ್ಷದಲ್ಲಿ ಆಗುವ ಎಲ್ಲಾ ಬಗೆಯ ರಸ್ತೆ ಅಪಘಾತಗಳ ಕಾರಣ ನೋಡಿದರೆ, ಇದರಲ್ಲಿ ಸುಮಾರು<br />ಶೇ 33ರಷ್ಟು ಮದ್ಯದ ಅಮಲಿನಲ್ಲಿ ಆಗಿರುತ್ತವೆ. ಯಕೃತ್ತಿನ ಸಮಸ್ಯೆಗಳಿಗೆ ಶೇ 54ರಷ್ಟು ಕಾರಣ ಮದ್ಯವೇ ಆಗಿದೆ. ಈ ಎಲ್ಲಾ ಸಮಸ್ಯೆಗಳು ವರದಿಗಳಲ್ಲಿ, ಅಧ್ಯಯನಗಳಲ್ಲಿ ಲೆಕ್ಕಕ್ಕೆ ಸಿಗುವ, ಕಣ್ಣಿಗೆ ಕಾಣುವಂಥವು. ಆದರೆ ಮದ್ಯವ್ಯಸನಿಗಳ ಮನೆಯಲ್ಲಿರುವ ಮಕ್ಕಳಿರುತ್ತಾರಲ್ಲಾ, ಅವರ ಮಾನಸಿಕ, ಭಾವನಾತ್ಮಕ ತೊಂದರೆಗಳು ಬೆಳಕಿಗೆ ಬರುವುದೇ ಇಲ್ಲ.</p>.<p>ಪುಟ್ಟ ಮಕ್ಕಳ ಬೆಳವಣಿಗೆಯ ಮೇಲೆ ಪೋಷಕರ ಮದ್ಯವ್ಯಸನವು ಅಪಾರವಾದ ದುಷ್ಪರಿಣಾಮ ಬೀರಬಲ್ಲದು. ದುಡಿಯುವ ತಂದೆ ಮದ್ಯವ್ಯಸನದಲ್ಲಿ ಮುಳುಗಿದರೆ, ದೈನಂದಿನ ಜೀವನದ ಅಗತ್ಯಗಳನ್ನು ಪೂರೈಸುವುದೇ ಕಷ್ಟವಾಗುತ್ತದೆ. ಇನ್ನು ಅಮಲಿನಲ್ಲಿರುವ ತಂದೆಯು ಮಕ್ಕಳ ಭಾವನಾತ್ಮಕ ಬೇಡಿಕೆಗಳಾದ ಪ್ರೀತಿ, ಕಾಳಜಿ, ಬೆಂಬಲವನ್ನು ನೀಡಬಲ್ಲನೇ?</p>.<p>ಪ್ರತಿದಿನ ಕುಡಿದು ಬರುವ ತಂದೆ, ತಾಯಿ-ತಂದೆಯ ಜಗಳ, ತಮಗೆ ಆಗಾಗ ಬೀಳುವ ಪೆಟ್ಟುಗಳ ಜೊತೆಗೆ ಮನೆಯ ಹದಗೆಟ್ಟ ವಾತಾವರಣವನ್ನು ನೋಡಿ ಮಕ್ಕಳಿಗೆ ಸಾಕಾಗಿರುತ್ತದೆ. ಇವರ ಮೇಲೆ ನಡೆಸಿದ ಮನಃಶಾಸ್ತ್ರೀಯ ಅಧ್ಯಯನದ ಪ್ರಕಾರ, ಸುಮಾರು ಶೇ 10-20ರಷ್ಟು ಮಕ್ಕಳಲ್ಲಿ ಆತಂಕ, ಖಿನ್ನತೆಯ ಲಕ್ಷಣಗಳಿರುತ್ತವೆ. ಹಾಗೆಯೇ ವರ್ತನಾ ಸಮಸ್ಯೆಗಳು, ಶಾಲೆಗೆ ಹೋಗದಿರುವುದೂ ಇದರಲ್ಲಿ ಸೇರಿರಬಹುದು. ಹೆಣ್ಣುಮಕ್ಕಳಲ್ಲಿ ಆತಂಕ, ಖಿನ್ನತೆ ಕಾಣಿಸಿಕೊಂಡರೆ, ಗಂಡುಮಕ್ಕಳಲ್ಲಿ ಸಿಟ್ಟು, ಹಟ, ಕಳ್ಳತನದಂತಹ ಬಾಹ್ಯ ಸ್ವರೂಪದ ಸಮಸ್ಯೆಗಳನ್ನು ಕಾಣಬಹುದು. ಈ ಮಕ್ಕಳು ಅತ್ಯಂತ ಚಿಕ್ಕ ವಯಸ್ಸಿನಲ್ಲೇ ಮದ್ಯ, ಮಾದಕವಸ್ತು ಸೇವನೆ ಪ್ರಾರಂಭಿಸಬಹುದು.</p>.<p>ಮದ್ಯ ಸಂಬಂಧಿ ಸಮಸ್ಯೆಗಳು ಬರೀ ಒಬ್ಬ ವ್ಯಕ್ತಿಗೆ ಸೀಮಿತವಲ್ಲ. ಆ ವ್ಯಕ್ತಿಯ ಇಡೀ ಕುಟುಂಬವೇ ನರಳುತ್ತದೆ. ಅದರಲ್ಲೂ ಇನ್ನೂ ಮೊಗ್ಗಾಗಿದ್ದು ಮುಂದೆ ಅರಳಬೇಕಿರುವ ಮಕ್ಕಳಂತೂ ಈ ಆಘಾತಕ್ಕೆ ನಲುಗಿ, ಬಾಡಿಹೋಗಬಹುದು. ಕೆಲವೊಮ್ಮೆ ಇಬ್ಬರು ಪೋಷಕರೂ ಮದ್ಯವ್ಯಸನಿಗಳಾಗಿರಬಹುದು. ಆಗಂತೂ ಮಕ್ಕಳ ಆರೈಕೆ ಸಂಪೂರ್ಣ ಹಿಂಬದಿಗೆ ಸರಿಯುತ್ತದೆ. ಮಕ್ಕಳ ಮೇಲಿನ ದೌರ್ಜನ್ಯದ ಒಂದು ವಿಧ ಇದು.</p>.<p>ಭಾರತದಲ್ಲಿ ಮದ್ಯ ಸೇವಿಸುವುದನ್ನು ಹೇಳಿಕೊಳ್ಳುವುದು ಹಲವರಿಗೆ ನಾಚಿಕೆಯ ಸಂಗತಿ. ಹಾಗಾಗಿ, ಇಡೀ ಕುಟುಂಬ ತುಂಬಾ ದಿನಗಳತನಕ, ಈ ಚಟದ ಗುಟ್ಟು ಬಿಟ್ಟುಕೊಡುವುದಿಲ್ಲ. ‘ಅಪ್ಪ ಕುಡಿಯುತ್ತಾನೆ, ಅಮ್ಮನಿಗೆ ಹೊಡೆಯುತ್ತಾನೆ, ಆಗಾಗ ನನಗೂ ಹೊಡೆತ ಬೀಳುತ್ತದೆ’ ಎಂಬುದೆಲ್ಲವೂ ಗೊತ್ತಿದ್ದರೂ ತನಗೆ ಕಷ್ಟ ಆಗುತ್ತಿದ್ದರೂ ಮಗು ಯಾರಿಗೂ ಹೇಳುವುದಿಲ್ಲ. ಕೆಲವೊಮ್ಮೆ ಎಳೆಯ ಮಕ್ಕಳು ಮನೆಯಲ್ಲಿ ನಡೆಯುವ ಈ ಎಲ್ಲಾ ರಾದ್ಧಾಂತಗಳಿಗೆ ತಾವೇ ಕಾರಣ ಎಂದು ಬೇಸರಪಟ್ಟುಕೊಳ್ಳಲು ಪ್ರಾರಂಭಿಸುತ್ತಾರೆ. ಅದರಿಂದ ಅವರು ಖಿನ್ನತೆಗೆ ಒಳಗಾಗಬಹುದು. ಮನೆಯಲ್ಲಿ ಈ ಗಲಾಟೆಗಳನ್ನು ನೋಡಿ ರೋಸಿಹೋದ ಮಕ್ಕಳು, ಅದರಲ್ಲೂ ಹದಿಹರೆಯದವರು, ಯಾವಾಗಲೂ ಕೋಪದಲ್ಲಿ ಇರುವುದೂ ಇದೆ. ‘ಕೋಪ ಯಾರ ಮೇಲೆ’ ಎಂಬುದು ಅವರಿಗೇ ಅರ್ಥವಾಗುವುದಿಲ್ಲ. ತನ್ನನ್ನು ಈ ಪರಿಸ್ಥಿತಿಗೆ ತಳ್ಳಿದ ಪೋಷಕರ ಮೇಲಷ್ಟೇ ಅಲ್ಲದೆ, ಇಡೀ ಜಗತ್ತಿನ ಮೇಲೇ ಸಿಟ್ಟು ಇದ್ದಂತಿರುತ್ತದೆ.</p>.<p>ಹಾಗಾದರೆ ಇದಕ್ಕೆ ಪರಿಹಾರವೇನು? ಮದ್ಯವ್ಯಸನಿಗಳ ಮಕ್ಕಳಿಗೆ ಪ್ರೀತಿ, ಕಾಳಜಿ, ಸಹಾಯದ ಅಗತ್ಯವಿದೆ. ಅನುಕಂಪ ತೋರಿಸಿದರೆ ಬೇಸರವಾಗುತ್ತದೆ. ಅವರ ಮುಂದೆ ಪೋಷಕರನ್ನು ಹೀಯಾಳಿಸುವ ಕೆಲಸವನ್ನು ಖಂಡಿತ ಮಾಡಬಾರದು. ಈ ಮಕ್ಕಳಿಗೆ ಮನೆಯಲ್ಲಿ ಎಲ್ಲರೂ ಇದ್ದೂ, ಭಾವನಾತ್ಮಕವಾಗಿ ಯಾರೂ ಲಭ್ಯವಿರುವುದಿಲ್ಲ. ಅವರ ಮಾತುಗಳನ್ನು, ಸಮಸ್ಯೆಗಳನ್ನು ಸಮಾಧಾನದಿಂದ ಆಲಿಸಬೇಕು. ಶಾಲೆಯ ಶಿಕ್ಷಕರು ಅಥವಾ ಶಾಲೆಯಲ್ಲಿರುವ ಕೌನ್ಸಿಲರ್ ಅಥವಾ ಸ್ನೇಹಿತರಾದಿಯಾಗಿ ಯಾರು ಬೇಕಾದರೂ ಈ ಕೆಲಸ ನಿರ್ವಹಿಸಬಹುದು. ಸರ್ಕಾರದಿಂದ ಈ ಮಕ್ಕಳಿಗಾಗಿಯೇ ವಿಶೇಷವಾದ ಸಹಾಯವಾಣಿಗಳೇನೂ ಇದ್ದ ಹಾಗಿಲ್ಲ. ಆದರೆ ಮಕ್ಕಳ ಸಹಾಯವಾಣಿಯಾದ 1098ನ್ನೇ ಉಪಯೋಗಿಸಬಹುದು. ಸರ್ಕಾರ ತನ್ನ ಆರೋಗ್ಯ ಕಾರ್ಯಕ್ರಮಗಳಲ್ಲಿ ಈ ಮಕ್ಕಳಿಗಾಗಿ ವಿಶೇಷ ಯೋಜನೆಗಳನ್ನು ರೂಪಿಸಬೇಕು. ಬಹಳಷ್ಟು ಸ್ವಯಂ ಸೇವಾ ಸಂಸ್ಥೆಗಳು ಈ ದಿಸೆಯಲ್ಲಿ ಕಾರ್ಯಕ್ರಮಗಳನ್ನು ಮಾಡುತ್ತಿವೆ.</p>.<p>ಪುಟ್ಟ ಮಕ್ಕಳೇನೂ ಪೋಷಕರ ಮದ್ಯವ್ಯಸನಕ್ಕೆ ಕಾರಣರಲ್ಲ. ಅದು, ಅವರ ನಿಯಂತ್ರಣದಲ್ಲೂ ಇಲ್ಲ. ಹಾಗಿದ್ದ ಮೇಲೆ ಈ ಮಕ್ಕಳದೇನು ತಪ್ಪು? ಅವರೂ ಎಲ್ಲರಂತೆ ಸಂತಸದಿಂದ ಇರುವಂತೆ ನೋಡಿಕೊಳ್ಳುವುದು ನಮ್ಮ, ಅಂದರೆ ಸಮಾಜದ ಕರ್ತವ್ಯವಲ್ಲವೇ?</p>.<p>ಲೇಖಕಿ: ಮನೋವೈದ್ಯೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮದ್ಯವ್ಯಸನಿಗಳ ಮಕ್ಕಳಿಗಾಗಿಯೇ ಮೀಸಲಾದ ರಾಷ್ಟ್ರೀಯ ಸಂಸ್ಥೆ ‘ನ್ಯಾಷನಲ್ ಅಸೋಸಿಯೇಷನ್ ಫಾರ್ ಚಿಲ್ಡ್ರನ್ ಆಫ್ ಆಲ್ಕೊಹಾಲಿಕ್ಸ್’ ಫೆಬ್ರುವರಿ 12ರಿಂದ 18ರವರೆಗಿನ ದಿನಗಳನ್ನು ‘ಮದ್ಯವ್ಯಸನಿಗಳ ಮಕ್ಕಳ ದಿನ’ (ಚಿಲ್ಡ್ರನ್ ಆಫ್ ಆಲ್ಕೊಹಾಲಿಕ್ಸ್ ವೀಕ್) ಎಂದು ಆಚರಿಸುತ್ತದೆ. ವಾರ್ಷಿಕವಾಗಿ ನಡೆಸುವ ಈ ಆಚರಣೆಯಲ್ಲಿ ಈ ಮಕ್ಕಳ ಅದುಮಿಟ್ಟ ವ್ಯಥೆಯ ಬಗ್ಗೆ, ದೈನಂದಿನ ಜೀವನದ ಕಷ್ಟಗಳ ಬಗ್ಗೆ ಹೆಚ್ಚು ಹೆಚ್ಚು ಅರಿವನ್ನು ಮೂಡಿಸುವ ಮತ್ತು ಸಹಾಯ ನೀಡುವ ಕೆಲಸಗಳು ನಡೆಯುತ್ತವೆ.</p>.<p>ರಾಷ್ಟ್ರೀಯ ಮಾನಸಿಕ ಆರೋಗ್ಯ ವರದಿ– 2015ರ ಪ್ರಕಾರ, ಭಾರತದಲ್ಲಿ ಶೇ 29ರಷ್ಟು ವ್ಯಕ್ತಿಗಳು ಮದ್ಯ ಸೇವನೆಯ ಸಮಸ್ಯೆಗಳಿಂದ ಬಳಲುತ್ತಾರೆ. ವರ್ಷದಲ್ಲಿ ಆಗುವ ಎಲ್ಲಾ ಬಗೆಯ ರಸ್ತೆ ಅಪಘಾತಗಳ ಕಾರಣ ನೋಡಿದರೆ, ಇದರಲ್ಲಿ ಸುಮಾರು<br />ಶೇ 33ರಷ್ಟು ಮದ್ಯದ ಅಮಲಿನಲ್ಲಿ ಆಗಿರುತ್ತವೆ. ಯಕೃತ್ತಿನ ಸಮಸ್ಯೆಗಳಿಗೆ ಶೇ 54ರಷ್ಟು ಕಾರಣ ಮದ್ಯವೇ ಆಗಿದೆ. ಈ ಎಲ್ಲಾ ಸಮಸ್ಯೆಗಳು ವರದಿಗಳಲ್ಲಿ, ಅಧ್ಯಯನಗಳಲ್ಲಿ ಲೆಕ್ಕಕ್ಕೆ ಸಿಗುವ, ಕಣ್ಣಿಗೆ ಕಾಣುವಂಥವು. ಆದರೆ ಮದ್ಯವ್ಯಸನಿಗಳ ಮನೆಯಲ್ಲಿರುವ ಮಕ್ಕಳಿರುತ್ತಾರಲ್ಲಾ, ಅವರ ಮಾನಸಿಕ, ಭಾವನಾತ್ಮಕ ತೊಂದರೆಗಳು ಬೆಳಕಿಗೆ ಬರುವುದೇ ಇಲ್ಲ.</p>.<p>ಪುಟ್ಟ ಮಕ್ಕಳ ಬೆಳವಣಿಗೆಯ ಮೇಲೆ ಪೋಷಕರ ಮದ್ಯವ್ಯಸನವು ಅಪಾರವಾದ ದುಷ್ಪರಿಣಾಮ ಬೀರಬಲ್ಲದು. ದುಡಿಯುವ ತಂದೆ ಮದ್ಯವ್ಯಸನದಲ್ಲಿ ಮುಳುಗಿದರೆ, ದೈನಂದಿನ ಜೀವನದ ಅಗತ್ಯಗಳನ್ನು ಪೂರೈಸುವುದೇ ಕಷ್ಟವಾಗುತ್ತದೆ. ಇನ್ನು ಅಮಲಿನಲ್ಲಿರುವ ತಂದೆಯು ಮಕ್ಕಳ ಭಾವನಾತ್ಮಕ ಬೇಡಿಕೆಗಳಾದ ಪ್ರೀತಿ, ಕಾಳಜಿ, ಬೆಂಬಲವನ್ನು ನೀಡಬಲ್ಲನೇ?</p>.<p>ಪ್ರತಿದಿನ ಕುಡಿದು ಬರುವ ತಂದೆ, ತಾಯಿ-ತಂದೆಯ ಜಗಳ, ತಮಗೆ ಆಗಾಗ ಬೀಳುವ ಪೆಟ್ಟುಗಳ ಜೊತೆಗೆ ಮನೆಯ ಹದಗೆಟ್ಟ ವಾತಾವರಣವನ್ನು ನೋಡಿ ಮಕ್ಕಳಿಗೆ ಸಾಕಾಗಿರುತ್ತದೆ. ಇವರ ಮೇಲೆ ನಡೆಸಿದ ಮನಃಶಾಸ್ತ್ರೀಯ ಅಧ್ಯಯನದ ಪ್ರಕಾರ, ಸುಮಾರು ಶೇ 10-20ರಷ್ಟು ಮಕ್ಕಳಲ್ಲಿ ಆತಂಕ, ಖಿನ್ನತೆಯ ಲಕ್ಷಣಗಳಿರುತ್ತವೆ. ಹಾಗೆಯೇ ವರ್ತನಾ ಸಮಸ್ಯೆಗಳು, ಶಾಲೆಗೆ ಹೋಗದಿರುವುದೂ ಇದರಲ್ಲಿ ಸೇರಿರಬಹುದು. ಹೆಣ್ಣುಮಕ್ಕಳಲ್ಲಿ ಆತಂಕ, ಖಿನ್ನತೆ ಕಾಣಿಸಿಕೊಂಡರೆ, ಗಂಡುಮಕ್ಕಳಲ್ಲಿ ಸಿಟ್ಟು, ಹಟ, ಕಳ್ಳತನದಂತಹ ಬಾಹ್ಯ ಸ್ವರೂಪದ ಸಮಸ್ಯೆಗಳನ್ನು ಕಾಣಬಹುದು. ಈ ಮಕ್ಕಳು ಅತ್ಯಂತ ಚಿಕ್ಕ ವಯಸ್ಸಿನಲ್ಲೇ ಮದ್ಯ, ಮಾದಕವಸ್ತು ಸೇವನೆ ಪ್ರಾರಂಭಿಸಬಹುದು.</p>.<p>ಮದ್ಯ ಸಂಬಂಧಿ ಸಮಸ್ಯೆಗಳು ಬರೀ ಒಬ್ಬ ವ್ಯಕ್ತಿಗೆ ಸೀಮಿತವಲ್ಲ. ಆ ವ್ಯಕ್ತಿಯ ಇಡೀ ಕುಟುಂಬವೇ ನರಳುತ್ತದೆ. ಅದರಲ್ಲೂ ಇನ್ನೂ ಮೊಗ್ಗಾಗಿದ್ದು ಮುಂದೆ ಅರಳಬೇಕಿರುವ ಮಕ್ಕಳಂತೂ ಈ ಆಘಾತಕ್ಕೆ ನಲುಗಿ, ಬಾಡಿಹೋಗಬಹುದು. ಕೆಲವೊಮ್ಮೆ ಇಬ್ಬರು ಪೋಷಕರೂ ಮದ್ಯವ್ಯಸನಿಗಳಾಗಿರಬಹುದು. ಆಗಂತೂ ಮಕ್ಕಳ ಆರೈಕೆ ಸಂಪೂರ್ಣ ಹಿಂಬದಿಗೆ ಸರಿಯುತ್ತದೆ. ಮಕ್ಕಳ ಮೇಲಿನ ದೌರ್ಜನ್ಯದ ಒಂದು ವಿಧ ಇದು.</p>.<p>ಭಾರತದಲ್ಲಿ ಮದ್ಯ ಸೇವಿಸುವುದನ್ನು ಹೇಳಿಕೊಳ್ಳುವುದು ಹಲವರಿಗೆ ನಾಚಿಕೆಯ ಸಂಗತಿ. ಹಾಗಾಗಿ, ಇಡೀ ಕುಟುಂಬ ತುಂಬಾ ದಿನಗಳತನಕ, ಈ ಚಟದ ಗುಟ್ಟು ಬಿಟ್ಟುಕೊಡುವುದಿಲ್ಲ. ‘ಅಪ್ಪ ಕುಡಿಯುತ್ತಾನೆ, ಅಮ್ಮನಿಗೆ ಹೊಡೆಯುತ್ತಾನೆ, ಆಗಾಗ ನನಗೂ ಹೊಡೆತ ಬೀಳುತ್ತದೆ’ ಎಂಬುದೆಲ್ಲವೂ ಗೊತ್ತಿದ್ದರೂ ತನಗೆ ಕಷ್ಟ ಆಗುತ್ತಿದ್ದರೂ ಮಗು ಯಾರಿಗೂ ಹೇಳುವುದಿಲ್ಲ. ಕೆಲವೊಮ್ಮೆ ಎಳೆಯ ಮಕ್ಕಳು ಮನೆಯಲ್ಲಿ ನಡೆಯುವ ಈ ಎಲ್ಲಾ ರಾದ್ಧಾಂತಗಳಿಗೆ ತಾವೇ ಕಾರಣ ಎಂದು ಬೇಸರಪಟ್ಟುಕೊಳ್ಳಲು ಪ್ರಾರಂಭಿಸುತ್ತಾರೆ. ಅದರಿಂದ ಅವರು ಖಿನ್ನತೆಗೆ ಒಳಗಾಗಬಹುದು. ಮನೆಯಲ್ಲಿ ಈ ಗಲಾಟೆಗಳನ್ನು ನೋಡಿ ರೋಸಿಹೋದ ಮಕ್ಕಳು, ಅದರಲ್ಲೂ ಹದಿಹರೆಯದವರು, ಯಾವಾಗಲೂ ಕೋಪದಲ್ಲಿ ಇರುವುದೂ ಇದೆ. ‘ಕೋಪ ಯಾರ ಮೇಲೆ’ ಎಂಬುದು ಅವರಿಗೇ ಅರ್ಥವಾಗುವುದಿಲ್ಲ. ತನ್ನನ್ನು ಈ ಪರಿಸ್ಥಿತಿಗೆ ತಳ್ಳಿದ ಪೋಷಕರ ಮೇಲಷ್ಟೇ ಅಲ್ಲದೆ, ಇಡೀ ಜಗತ್ತಿನ ಮೇಲೇ ಸಿಟ್ಟು ಇದ್ದಂತಿರುತ್ತದೆ.</p>.<p>ಹಾಗಾದರೆ ಇದಕ್ಕೆ ಪರಿಹಾರವೇನು? ಮದ್ಯವ್ಯಸನಿಗಳ ಮಕ್ಕಳಿಗೆ ಪ್ರೀತಿ, ಕಾಳಜಿ, ಸಹಾಯದ ಅಗತ್ಯವಿದೆ. ಅನುಕಂಪ ತೋರಿಸಿದರೆ ಬೇಸರವಾಗುತ್ತದೆ. ಅವರ ಮುಂದೆ ಪೋಷಕರನ್ನು ಹೀಯಾಳಿಸುವ ಕೆಲಸವನ್ನು ಖಂಡಿತ ಮಾಡಬಾರದು. ಈ ಮಕ್ಕಳಿಗೆ ಮನೆಯಲ್ಲಿ ಎಲ್ಲರೂ ಇದ್ದೂ, ಭಾವನಾತ್ಮಕವಾಗಿ ಯಾರೂ ಲಭ್ಯವಿರುವುದಿಲ್ಲ. ಅವರ ಮಾತುಗಳನ್ನು, ಸಮಸ್ಯೆಗಳನ್ನು ಸಮಾಧಾನದಿಂದ ಆಲಿಸಬೇಕು. ಶಾಲೆಯ ಶಿಕ್ಷಕರು ಅಥವಾ ಶಾಲೆಯಲ್ಲಿರುವ ಕೌನ್ಸಿಲರ್ ಅಥವಾ ಸ್ನೇಹಿತರಾದಿಯಾಗಿ ಯಾರು ಬೇಕಾದರೂ ಈ ಕೆಲಸ ನಿರ್ವಹಿಸಬಹುದು. ಸರ್ಕಾರದಿಂದ ಈ ಮಕ್ಕಳಿಗಾಗಿಯೇ ವಿಶೇಷವಾದ ಸಹಾಯವಾಣಿಗಳೇನೂ ಇದ್ದ ಹಾಗಿಲ್ಲ. ಆದರೆ ಮಕ್ಕಳ ಸಹಾಯವಾಣಿಯಾದ 1098ನ್ನೇ ಉಪಯೋಗಿಸಬಹುದು. ಸರ್ಕಾರ ತನ್ನ ಆರೋಗ್ಯ ಕಾರ್ಯಕ್ರಮಗಳಲ್ಲಿ ಈ ಮಕ್ಕಳಿಗಾಗಿ ವಿಶೇಷ ಯೋಜನೆಗಳನ್ನು ರೂಪಿಸಬೇಕು. ಬಹಳಷ್ಟು ಸ್ವಯಂ ಸೇವಾ ಸಂಸ್ಥೆಗಳು ಈ ದಿಸೆಯಲ್ಲಿ ಕಾರ್ಯಕ್ರಮಗಳನ್ನು ಮಾಡುತ್ತಿವೆ.</p>.<p>ಪುಟ್ಟ ಮಕ್ಕಳೇನೂ ಪೋಷಕರ ಮದ್ಯವ್ಯಸನಕ್ಕೆ ಕಾರಣರಲ್ಲ. ಅದು, ಅವರ ನಿಯಂತ್ರಣದಲ್ಲೂ ಇಲ್ಲ. ಹಾಗಿದ್ದ ಮೇಲೆ ಈ ಮಕ್ಕಳದೇನು ತಪ್ಪು? ಅವರೂ ಎಲ್ಲರಂತೆ ಸಂತಸದಿಂದ ಇರುವಂತೆ ನೋಡಿಕೊಳ್ಳುವುದು ನಮ್ಮ, ಅಂದರೆ ಸಮಾಜದ ಕರ್ತವ್ಯವಲ್ಲವೇ?</p>.<p>ಲೇಖಕಿ: ಮನೋವೈದ್ಯೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
