ಏಕನಾಥ ಶಿಂಧೆ, ಠಾಕ್ರೆ ಗರಡಿಯಿಂದ ಸಿ.ಎಂ ಹುದ್ದೆವರೆಗೆ...

ಮಹಾರಾಷ್ಟ್ರದ ಠಾಣೆಯಲ್ಲಿ ಆಟೋರಿಕ್ಷಾ ಓಡಿಸುತ್ತಿದ್ದ ದಿನಗಳು ಹಾಗೂ ಇಂದು ಮುಖ್ಯಮಂತ್ರಿ ಗಾದಿವರೆಗಿನ ಹಾದಿಯನ್ನು ಏಕನಾಥ ಶಿಂಧೆ ಅವರು ಹಂತ ಹಂತವಾಗಿ ಏರಿಬಂದಿದ್ದಾರೆ.ಶಿವಸೇನಾ ಸಂಸ್ಥಾಪಕ ಬಾಳಾ ಠಾಕ್ರೆ ಹಾಗೂ ಠಾಣೆ ಭಾಗದಲ್ಲಿ ಪಕ್ಷದ ಅತ್ಯಂತ ಪ್ರಭಾವಿ ನಾಯಕರಾಗಿದ್ದ ಆನಂದ್ ದಿಘೆ ಅವರ ಗಾಢ ಪ್ರಭಾವಕ್ಕೆ ಒಳಗಾಗಿ ಪಕ್ಷ ಸೇರಿದ್ದ ಶಿಂಧೆ ಅವರು ಠಾಕ್ರೆ ಅವರ ಪುತ್ರ ಉದ್ಧವ್ ವಿರುದ್ಧವೇ ದಂಗೆ ಎದ್ದು, ರಾಜ್ಯದ ಚುಕ್ಕಾಣಿ ಹಿಡಿದಿದ್ದಾರೆ.

. ದಿಘೆ ಅವರ ಜೀವನ ಕುರಿತ ‘ಧರ್ಮವೀರ್–ಮುಕ್ಕಂ ಪೋಸ್ಟ್ ಠಾಣೆ’ ಹೆಸರಿನ ಚಿತ್ರವು ಬಿಡುಗಡೆಯಾಗಿ 45 ದಿನಗಳು ಕಳೆಯುವಷ್ಟರಲ್ಲಿ ಶಿಂಧೆ ಅವರ ಅಭಿಲಾಷೆ ಏನಾಗಿತ್ತು ಎಂಬುದು ಸ್ಪಷ್ಟಗೊಂಡಿದೆ. ‘ದಿಘೆ ಅವರು ಠಾಣೆಯ ಬಾಳಾ ಠಾಕ್ರೆ’ ಎಂದೇ ಹೆಸರಾಗಿದ್ದವರು. ಪಕ್ಕದ ಪಾಲ್ಘಾರ್, ರಾಯಗಡ ಜಿಲ್ಲೆಗಳಲ್ಲೂ ಅವರ ಪ್ರಭಾವಳಿ ಇತ್ತು. ಗಡ್ಡಧಾರಿಯಾಗಿ, ಹಣೆಗೆ ತಿಲಕ ಇಟ್ಟು, ಬಿಳಿ ಬಣ್ಣದ ಉಡುಪು ಧರಿಸುವ ಶಿಂಧೆ ಅವರು ದಿಘೆ ಅವರಂತೆಯೇ ಕಾಣಿಸುತ್ತಾರೆ.

. ಸತಾರಾ ಜಿಲ್ಲೆಯ ಮರಾಠಿ ಮನೆತನಕ್ಕೆ ಸೇರಿದ ಶಿಂಧೆ 1964ರ ಫೆ. 9ರಂದು ಜನಿಸಿದರು. ಪದವಿ ಪಡೆಯುವ ಮುನ್ನವೇ ಶಿಕ್ಷಣಕ್ಕೆ ವಿದಾಯ ಹೇಳಿದರು.ಮರಾಠಿ ಅಸ್ಮಿತೆ ಮತ್ತು ಹಿಂದುತ್ವದ ಉದ್ದೇಶ ಹೊಂದಿದ್ದ ಶಿವಸೇನಾವನ್ನು 1980ರಲ್ಲಿ ಸೇರಿದರು. ಮುಂಬೈನ ಕಿಸಾನ್ ನಗರದ ಶಾಖಾ ಪ್ರಮುಖ ಹುದ್ದೆಗೆ ಶಿಂಧೆ ನೇಮಕವಾದರು. ಹಲವು ಚಳವಳಿಗಳಲ್ಲಿ ಮುಂಚೂಣಿಯಲ್ಲಿ ಕಾಣಿಸಿಕೊಂಡರು.

. 1985ರಲ್ಲಿ ಮಹಾರಾಷ್ಟ್ರ–ಕರ್ನಾಟಕ ಗಡಿ ಹೋರಾಟದಲ್ಲಿ ಭಾಗಿಯಾಗಿದ್ದರು. 1997ರಲ್ಲಿ ಠಾಣೆ ಪುರಸಭೆಗೆ ಚುನಾಯಿತರಾದರು. ಠಾಣೆಯ ಜಿಲ್ಲೆಯ ಕೋಪರಿ–ಪಾಚಪಾಖಾಡಿ ಕ್ಷೇತ್ರದಿಂದ ನಾಲ್ಕು ಬಾರಿ ಶಾಸಕರಾಗಿ ಆರಿಸಿಬಂದರು. ಇವರ ಪುತ್ರ ಹಾಗೂ ವೈದ್ಯ ಶ್ರೀಕಾಂತ್ ಶಿಂಧೆ ಅವರು ಕಲ್ಯಾಣ್ ಕ್ಷೇತ್ರದಿಂದ ಎರಡು ಬಾರಿ ಸಂಸದರಾಗಿ ಚುನಾಯಿತರಾಗಿದ್ದಾರೆ.

. 2014ರಲ್ಲಿ ಕೆಲವು ಸಮಯ ವಿರೋಧ ಪಕ್ಷದ ನಾಯಕರಾಗಿದ್ದ ಶಿಂಧೆ, ಸರ್ಕಾರ ರಚನೆಯಾದಾಗ ಲೋಕೋಪಯೋಗಿ ಇಲಾಖೆಯ ಸಚಿವರಾಗಿ ನೇಮಕವಾದರು. ಸಾರ್ವಜನಿಕ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯನ್ನೂ ನೋಡಿಕೊಳ್ಳುತ್ತಿದ್ದರು.

. ಶಿಂಧೆ ಅವರು ಫಡಣವೀಸ್ ಅವರ ಕನಸಿನ ಯೋಜನೆಯಾದ ಸಮೃದ್ಧಿ ಕಾರಿಡಾರ್ (ಮುಂಬೈ–ನಾಗ್ಪುರ ಸೂಪರ್ ಕಮ್ಯುನಿಕೇಷನ್ ಹೈವೇ) ಕಾರ್ಯಗತಗೊಳಿಸುತ್ತಿದ್ದರು. ಮುಂಬೈ–ಪುಣೆ ಹೆದ್ದಾರಿ ಅಗಕಲೀಕರಣ ಕಾರ್ಯವನ್ನೂ ಮೇಲ್ವಿಚಾರಣೆ ಮಾಡುತ್ತಿದ್ದರು. ನಗರಾಭಿವೃದ್ಧಿ ಸಚಿವರಾಗಿ ನೇಮಕವಾದ ಬಳಿಕ ಬಾಕಿಯಿದ್ದ ಹಲವು ಯೋಜನೆಗಳಿಗೆ ಚುರುಕು ಮುಟ್ಟಿಸಿದರು.

. ಇದನ್ನೂ ಓದಿ...

. 40 ದಿನ ಬಳ್ಳಾರಿ ಜೈಲಿನಲ್ಲಿದ್ದ ಏಕನಾಥ ಶಿಂಧೆ!

. ಮಹಾರಾಷ್ಟ್ರದ ನೂತನ ಸಿಎಂ ಶಿಂಧೆ, ಡಿಸಿಎಂ ಫಡಣವೀಸ್ಗೆ ಪ್ರಧಾನಿ ಮೋದಿ ಶುಭಾಶಯ

. ಆಟೋ ಚಾಲಕರಾಗಿದ್ದ ಶಿಂಧೆ ಈಗ ‘ಮಹಾ’ ಸಿಎಂ: ಸಿಎಂ ಆಗಿದ್ದ ಫಡಣವೀಸ್ ಈಗ ಡಿಸಿಎಂ

. ಉದ್ಧವ್ ಠಾಕ್ರೆ ಬೆನ್ನಿಗಿರಿದ ಮಾರ್ಮಿಕ ಫೋಟೊ ಹಂಚಿಕೊಂಡ ಸಂಜಯ್ ರಾವುತ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಏಕನಾಥ ಶಿಂಧೆ, ಠಾಕ್ರೆ ಗರಡಿಯಿಂದ ಸಿ.ಎಂ ಹುದ್ದೆವರೆಗೆ...

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Channapatna Bypoll | ಬಲಿಪಶು ಕಳಂಕದಿಂದ ಮುಕ್ತನಾಗಿದ್ದೇನೆ: ನಿಖಿಲ್

ಉಪಚುನಾವಣೆಯಲ್ಲಿ ಬಿಜೆಪಿ ಸೋಲಿಗೆ BSY, ವಿಜಯೇಂದ್ರ ಒಳ ಒಪ್ಪಂದ ಕಾರಣ: ಯತ್ನಾಳ

ಟಿಟಿ: ಕಲೈವನನ್‌ಗೆ ಪ್ರಶಸ್ತಿಯ ಗರಿ

ಸರಿಯಾದ ಆಟ ಕಂಡಕೊಂಡರೆ ನನಗೆ ಅವಕಾಶ: ಗುಕೇಶ್

ಐಪಿಎಲ್ ಮೆಗಾ ಹರಾಜು ಇಂದಿನಿಂದ: ಮರುಭೂಮಿಯಲ್ಲಿ ಪಂತ್‌ಗೆ ಒಲಿಯುವುದೇ ಜಾಕ್‌ಪಾಟ್

ಪರ್ತ್‌ ಟೆಸ್ಟ್: ರಾಹುಲ್–ಯಶಸ್ವಿ ಆಟಕ್ಕೆ ಬಸವಳಿದ ಆಸ್ಟ್ರೇಲಿಯಾ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Channapatna Bypoll | ಬಲಿಪಶು ಕಳಂಕದಿಂದ ಮುಕ್ತನಾಗಿದ್ದೇನೆ: ನಿಖಿಲ್

ಉಪಚುನಾವಣೆಯಲ್ಲಿ ಬಿಜೆಪಿ ಸೋಲಿಗೆ BSY, ವಿಜಯೇಂದ್ರ ಒಳ ಒಪ್ಪಂದ ಕಾರಣ: ಯತ್ನಾಳ