<p><strong>ರಾಂಚಿ: </strong>ಕೋವಿಡ್ ಹಾವಳಿಯಿಂದಾಗಿ ಅರ್ಧಕ್ಕೆ ನಿಂತ ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯಿಂದ ತಮ್ಮ ಮನೆಗಳಿಗೆ ತೆರಳಿರುವ ಕೆಲವು ಕ್ರಿಕೆಟಿಗರು ಸುಮ್ಮನೆ ಕುಳಿತಿಲ್ಲ.</p>.<p>ಅದರಲ್ಲಿ ಜಾರ್ಖಂಡ್ನ ಯುವ ಕ್ರಿಕೆಟಿಗರಾದ ಸೌರಭ್ ತಿವಾರಿ ಮತ್ತು ವಿರಾಟ್ ಸಿಂಗ್ ಅವರು ಪಿಪಿಎಲ್ (ಪ್ಲಾಸ್ಮಾ ಪ್ರೀಮಿಯರ್ ಲೀಗ್ ) ಅಥವಾ ಟೆಲ್ಕೊ ರೆಡ್ ಪ್ಯಾಂಥರ್ಸ್ನಲ್ಲಿ ತಮ್ಮ ‘ಆಟ‘ ತೋರಿಸುತ್ತಿದ್ದಾರೆ.</p>.<p>ಆದರೆ ಇದು ಕ್ರಿಕೆಟ್ ಆಟವಂತೂ ಅಲ್ಲ. ಕೋವಿಡ್ ರೋಗಿಗಳ ಜೀವ ಉಳಿಸುವ ಅಭಿಯಾನವಿದು. ಕೊರೊನಾ ವೈರಸ್ನ ಎರಡನೇ ಅಲೆಯು ದೇಶದಲ್ಲಿ ತಲ್ಲಣ ಸೃಷ್ಟಿಸಿದೆ. ಈ ಸಂದರ್ಭದಲ್ಲಿ ಪ್ಲಾಸ್ಮಾ ಥೆರಪಿಗೆ ಅಡೆತಡೆಯುಂಟಾಗಿದೆ.</p>.<p>ಇಲ್ಲಿಯ ಮಾಜಿ ಶಾಸಕ ಕುನಾಲ್ ಸಾರಂಗಿ ಅವರು ಆರಂಭಿಸಿರುವ ಪಿಪಿಎಲ್ಗೆ ಸೌರಭ್ ಮತ್ತು ವಿರಾಟ್ ಕೈಜೋಡಿಸಿದ್ದಾರೆ. ಅವರಲ್ಲದೇ ಸರ್ಕಾರದ ಇಲಾಖೆಗಳು, ಸರ್ಕಾರೇತರ ಸಂಸ್ಥೆಗಳು, ಕೈಗಾರಿಕೆಗಳು ಮತ್ತು ಉದ್ಯಮಗಳು ಕೈಜೋಡಿಸಿವೆ.</p>.<p>‘ಈ ಲೀಗ್ನಲ್ಲಿ ಒಂಬತ್ತು ತಂಡಗಳನ್ನು ರಚಿಸಲಾಗಿದೆ. ಪ್ರೀಷಿಯಸ್ ಪ್ಲಾಸ್ಮಾ ಟೈಗರ್ಸ್, ಟೆಲ್ಕೊ ರೆಡ್ ಪ್ಯಾಂಥರ್ಸ್, ತ್ರಿಎಸ್ ಡೋನೆಟರ್ಸ್, ಹೆಲ್ಪಿಂಗ್ ಹ್ಯಾಂಡ್ಸ್, ಸ್ಟೀಲ್ ಸಿಟಿ ವಾರಿಯರ್ಸ್, ಜುಗ್ಸಲಾಯ್ ಮಾಸ್ಕ್, ಸನ್ರೈಸ್ ಸೂಪರ್ ಸ್ಟಾರ್, ಜೆಮ್ಶೆಡ್ಪುರ್ ಕಿಂಗ್ಸ್ ಮತ್ತು ರೋಟರ್ಯಾಕ್ಟ್ ಇಲೆವನ್ ಎಂದು ಹೆಸರಿಸಲಾಗಿದೆ.</p>.<p>‘ಪ್ರತಿ ತಂಡವೂ ಪ್ಲಾಸ್ಮಾ ದಾನ ಅಥವಾ ರಕ್ತದಾನ ಮಾಡಿದಾಗಲೊಮ್ಮೆ ಸಿಕ್ಸರ್ ಅಥವಾ ಬೌಂಡರಿ ರನ್ ಗಳಿಸುತ್ತದೆ. ಈ ಅಭಿಯಾನದಲ್ಲಿ ಸಂಗ್ರಹಿಸಿದ ಪ್ಲಾಸ್ಮಾ–ರಕ್ತವನ್ನು ಜೆಮ್ಶೆಡ್ಪುರ್ ರಕ್ತನಿಧಿಗೆ ಕಳುಹಿಸಲಾಗುತ್ತದೆ. ಅದರಿಂದಾಗಿ ಅಗತ್ಯವಿರುವವರಿಗೆ ಸೂಕ್ತ ಸಮಯದಲ್ಲಿ ರಕ್ತ ಪೂರೈಕೆ ಮಾಡಲು ಅನುಕೂಲವಾಗುತ್ತದೆ‘ ಎಂದು ಪಿಪಿಎಲ್ ಸಂಸ್ಥಾಪಕ ಸಾರಂಗಿ ಹೇಳಿದ್ದಾರೆ.</p>.<p>ಕೈಗಾರಿಕೆಗಳ ಒಕ್ಕೂಟ, ಯಂಗ್ ಇಂಡಿಯನ್ಸ್ ಮತ್ತು ಮಾರ್ವಾಡಿ ಯುವ ಮಂಚ್ ಕೂಡ ಈ ಅಭಿಯಾನದಲ್ಲಿ ಭಾಗಿಯಾಗಿವೆ. ಬಾಲಿವುಡ್ ತಾರೆ ಭೂಮಿ ಪೆಡ್ನೆಕರ್ ಸೇರಿದಂತೆ ಕೆಲವು ನಟ, ನಟಿಯರೂ ಕೈಜೋಡಿಸುತ್ತಿದ್ದಾರೆ ಎಂದು ಸಾರಂಗಿ ಮಾಹಿತಿ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಂಚಿ: </strong>ಕೋವಿಡ್ ಹಾವಳಿಯಿಂದಾಗಿ ಅರ್ಧಕ್ಕೆ ನಿಂತ ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯಿಂದ ತಮ್ಮ ಮನೆಗಳಿಗೆ ತೆರಳಿರುವ ಕೆಲವು ಕ್ರಿಕೆಟಿಗರು ಸುಮ್ಮನೆ ಕುಳಿತಿಲ್ಲ.</p>.<p>ಅದರಲ್ಲಿ ಜಾರ್ಖಂಡ್ನ ಯುವ ಕ್ರಿಕೆಟಿಗರಾದ ಸೌರಭ್ ತಿವಾರಿ ಮತ್ತು ವಿರಾಟ್ ಸಿಂಗ್ ಅವರು ಪಿಪಿಎಲ್ (ಪ್ಲಾಸ್ಮಾ ಪ್ರೀಮಿಯರ್ ಲೀಗ್ ) ಅಥವಾ ಟೆಲ್ಕೊ ರೆಡ್ ಪ್ಯಾಂಥರ್ಸ್ನಲ್ಲಿ ತಮ್ಮ ‘ಆಟ‘ ತೋರಿಸುತ್ತಿದ್ದಾರೆ.</p>.<p>ಆದರೆ ಇದು ಕ್ರಿಕೆಟ್ ಆಟವಂತೂ ಅಲ್ಲ. ಕೋವಿಡ್ ರೋಗಿಗಳ ಜೀವ ಉಳಿಸುವ ಅಭಿಯಾನವಿದು. ಕೊರೊನಾ ವೈರಸ್ನ ಎರಡನೇ ಅಲೆಯು ದೇಶದಲ್ಲಿ ತಲ್ಲಣ ಸೃಷ್ಟಿಸಿದೆ. ಈ ಸಂದರ್ಭದಲ್ಲಿ ಪ್ಲಾಸ್ಮಾ ಥೆರಪಿಗೆ ಅಡೆತಡೆಯುಂಟಾಗಿದೆ.</p>.<p>ಇಲ್ಲಿಯ ಮಾಜಿ ಶಾಸಕ ಕುನಾಲ್ ಸಾರಂಗಿ ಅವರು ಆರಂಭಿಸಿರುವ ಪಿಪಿಎಲ್ಗೆ ಸೌರಭ್ ಮತ್ತು ವಿರಾಟ್ ಕೈಜೋಡಿಸಿದ್ದಾರೆ. ಅವರಲ್ಲದೇ ಸರ್ಕಾರದ ಇಲಾಖೆಗಳು, ಸರ್ಕಾರೇತರ ಸಂಸ್ಥೆಗಳು, ಕೈಗಾರಿಕೆಗಳು ಮತ್ತು ಉದ್ಯಮಗಳು ಕೈಜೋಡಿಸಿವೆ.</p>.<p>‘ಈ ಲೀಗ್ನಲ್ಲಿ ಒಂಬತ್ತು ತಂಡಗಳನ್ನು ರಚಿಸಲಾಗಿದೆ. ಪ್ರೀಷಿಯಸ್ ಪ್ಲಾಸ್ಮಾ ಟೈಗರ್ಸ್, ಟೆಲ್ಕೊ ರೆಡ್ ಪ್ಯಾಂಥರ್ಸ್, ತ್ರಿಎಸ್ ಡೋನೆಟರ್ಸ್, ಹೆಲ್ಪಿಂಗ್ ಹ್ಯಾಂಡ್ಸ್, ಸ್ಟೀಲ್ ಸಿಟಿ ವಾರಿಯರ್ಸ್, ಜುಗ್ಸಲಾಯ್ ಮಾಸ್ಕ್, ಸನ್ರೈಸ್ ಸೂಪರ್ ಸ್ಟಾರ್, ಜೆಮ್ಶೆಡ್ಪುರ್ ಕಿಂಗ್ಸ್ ಮತ್ತು ರೋಟರ್ಯಾಕ್ಟ್ ಇಲೆವನ್ ಎಂದು ಹೆಸರಿಸಲಾಗಿದೆ.</p>.<p>‘ಪ್ರತಿ ತಂಡವೂ ಪ್ಲಾಸ್ಮಾ ದಾನ ಅಥವಾ ರಕ್ತದಾನ ಮಾಡಿದಾಗಲೊಮ್ಮೆ ಸಿಕ್ಸರ್ ಅಥವಾ ಬೌಂಡರಿ ರನ್ ಗಳಿಸುತ್ತದೆ. ಈ ಅಭಿಯಾನದಲ್ಲಿ ಸಂಗ್ರಹಿಸಿದ ಪ್ಲಾಸ್ಮಾ–ರಕ್ತವನ್ನು ಜೆಮ್ಶೆಡ್ಪುರ್ ರಕ್ತನಿಧಿಗೆ ಕಳುಹಿಸಲಾಗುತ್ತದೆ. ಅದರಿಂದಾಗಿ ಅಗತ್ಯವಿರುವವರಿಗೆ ಸೂಕ್ತ ಸಮಯದಲ್ಲಿ ರಕ್ತ ಪೂರೈಕೆ ಮಾಡಲು ಅನುಕೂಲವಾಗುತ್ತದೆ‘ ಎಂದು ಪಿಪಿಎಲ್ ಸಂಸ್ಥಾಪಕ ಸಾರಂಗಿ ಹೇಳಿದ್ದಾರೆ.</p>.<p>ಕೈಗಾರಿಕೆಗಳ ಒಕ್ಕೂಟ, ಯಂಗ್ ಇಂಡಿಯನ್ಸ್ ಮತ್ತು ಮಾರ್ವಾಡಿ ಯುವ ಮಂಚ್ ಕೂಡ ಈ ಅಭಿಯಾನದಲ್ಲಿ ಭಾಗಿಯಾಗಿವೆ. ಬಾಲಿವುಡ್ ತಾರೆ ಭೂಮಿ ಪೆಡ್ನೆಕರ್ ಸೇರಿದಂತೆ ಕೆಲವು ನಟ, ನಟಿಯರೂ ಕೈಜೋಡಿಸುತ್ತಿದ್ದಾರೆ ಎಂದು ಸಾರಂಗಿ ಮಾಹಿತಿ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
