ದೇಶೀಯ ಟಿ–20 ಪಂದ್ಯಾವಳಿಗಳಿಗೆ ಇಂಪ್ಯಾಕ್ಟ್ ಪ್ಲೇಯರ್ ನಿಯಮ ರದ್ದುಪಡಿಸಿದ ಬಿಸಿಸಿಐ

ನವದೆಹಲಿ : ಐಪಿಎಲ್ ಪಂದ್ಯಾವಳಿಯಲ್ಲಿ ಇಂಪ್ಯಾಕ್ಟ್ ಪ್ಲೇಯರ್ ನಿಯಮವನ್ನು ಮುಂದುವರಿಸಿರುವ ಬಿಸಿಸಿಐ, ಮುಂಬರುವ ಸೈಯದ್ ಮುಷ್ತಾಕ್ ಅಲಿ ಟಿ–20 ಟ್ರೋಫಿ ಸೇರಿದಂತೆ ದೇಶೀಯ ಟಿ–20 ಪಂದ್ಯಾವಳಿಗಳಲ್ಲಿ ಈ ನಿಯಮವನ್ನು ರದ್ದುಮಾಡಿದೆ.

ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ಇಂಪ್ಯಾಕ್ಟ್ ಪ್ಲೇಯರ್ ನಿಯಮವನ್ನು ಕೆಲ ವರ್ಷಗಳ ಹಿಂದೆ ಪರಿಚಯಿಸಲಾಗಿತ್ತು. ಬಳಿಕ, ಐಪಿಎಲ್ಗೆ ಅದನ್ನು ವಿಸ್ತರಿಸಲಾಗಿತ್ತು.

ಈ ಕುರಿತಂತೆ ಬಿಸಿಸಿಐ ಎಲ್ಲ ರಾಜ್ಯಗಳ ಕ್ರಿಕೆಟ್ ಮಂಡಳಿಗಳಿಗೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಐಪಿಎಲ್ನಲ್ಲಿ 2027ರವರೆಗೆ ಈ ನಿಯಮ ಮುಂದುವರಿಕೆಗೆ ನಿರ್ಧರಿಸಿದ ಬೆನ್ನಲ್ಲೇ ದೇಶೀಯ ಕ್ರಿಕೆಟ್ನಿಂದ ಹೊರಗಿಡಲಾಗಿದೆ. ಭಾರತ ಕ್ರಿಕೆಟ್ ತಂಡದ ನಾಯಕ ರೋಹಿತ್ ಶರ್ಮಾ ಸೇರಿ ಹಲವು ಕ್ರಿಕೆಟಿಗರು ಈ ನಿಯಮವನ್ನು ಪ್ರಶ್ನಿಸಿದ್ದರು.

ಐಪಿಎಲ್ನ ಹಲವು ಫ್ರಾಂಚೈಸಿಗಳು ಈ ನಿಯಮದ ಪರವಾಗಿದ್ದಾರೆ.

ಈ ನಿಯಮವು ಆಲ್ರೌಂಡರ್ಗಳ ಬೆಳವಣಿಗೆಗೆ ತಡೆಯಾಗಿದೆ. ಕ್ರಿಕೆಟ್ ಅನ್ನು 11 ಆಟಗಾರರು ಆಡುತ್ತಾರೆಯೇ ಹೊರತು 12 ಆಟಗಾರರಲ್ಲ. ನಾನು ಇಂಪ್ಯಾಕ್ಟ್ ಪ್ಲೇಯರ್ ನಿಯಮದ ಅಭಿಮಾನಿಯಲ್ಲ. ಆಟವನ್ನು ಮತ್ತಷ್ಟು ಮನರಂಜನೀಯಗೊಳಿಸಲು ಏನೆಲ್ಲ ಬದಲಾವಣೆ ಮಾಡುತ್ತಿದ್ದೀರಿ ಎಂದು ರೋಹಿತ್ ಶರ್ಮಾ ಅವರು ಕ್ಲಬ್ ಪ್ರೈರೀ ಪಾಡ್ಕ್ಯಾಸ್ಟ್ನಲ್ಲಿ ಹೇಳಿದ್ದರು.

ಸೌರಾಷ್ಟ್ರ ಮುಖ್ಯ ಕೋಚ್ ನೀರಜ್ ಅವರು ಬಿಸಿಸಿಐ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇಶೀಯ ಟಿ–20 ಪಂದ್ಯಾವಳಿಗಳಿಗೆ ಇಂಪ್ಯಾಕ್ಟ್ ಪ್ಲೇಯರ್ ನಿಯಮ ರದ್ದುಪಡಿಸಿದ ಬಿಸಿಸಿಐ

ಚಿನಕುರುಳಿ: ಸೋಮವಾರ, 14 ಅಕ್ಟೋಬರ್‌ 2024

ಚುರುಮುರಿ: ಜಾಹೀರಾತು ಕವಿ!

ರೇಣುಕಸ್ವಾಮಿ ಕೊಲೆ | ದರ್ಶನ್ ಜಾಮೀನು ಅರ್ಜಿ: ಕೆಲವೇ ಹೊತ್ತಿನಲ್ಲಿ ಆದೇಶ ಪ್ರಕಟ

ದಿನ ಭವಿಷ್ಯ: ಈ ರಾಶಿಯವರು ನೂತನ ಗೃಹ ನಿರ್ಮಾಣದ ಬಗ್ಗೆ ಯೋಚಿಸಬಹುದು