ಅಂಧ ಮಹಿಳೆಯರ ರಾಷ್ಟ್ರೀಯ ಟಿ-20: ಒಡಿಶಾ ಚಾಂಪಿಯನ್, ಕರ್ನಾಟಕ ರನ್ನರ್ಸ್ ಅಪ್‍

ಹುಬ್ಬಳ್ಳಿ: ಒಡಿಶಾ ತಂಡವು ಇಲ್ಲಿನ ಕರ್ನಾಟಕ ಜಿಮ್ಖಾನ ಮೈದಾನದಲ್ಲಿ ನಡೆದ ಇಂಡಸ್ಇಂಡ್ ಬ್ಯಾಂಕ್ ಅಂಧ ಮಹಿಳೆಯರ ರಾಷ್ಟ್ರೀಯ ಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿತು.

. ಶುಕ್ರವಾರ ನಡೆದ ಫೈನಲ್ ಪಂದ್ಯದಲ್ಲಿ ಕರ್ನಾಟಕ ತಂಡವನ್ನು 6 ವಿಕೆಟ್ಗಳಿಂದ ಮಣಿಸಿತು. ಒಡಿಶಾ ತಂಡ ಕಳೆದ ಬಾರಿಯೂ ಚಾಂಪಿಯನ್ ಆಗಿತ್ತು.

. ಟಾಸ್ ಗೆದ್ದ ಒಡಿಶಾ ತಂಡ ಆತಿಥೇಯ ತಂಡವನ್ನು ಬ್ಯಾಟಿಂಗ್ಗೆ ಆಹ್ವಾನಿಸಿತು. ಕರ್ನಾಟಕ ತಂಡವು 18.3 ಓವರ್ಗಳಲ್ಲಿ 93 ರನ್ಗಳಿಗೆ ಆಲ್ಔಟ್ ಆಯಿತು. ಒಡಿಶಾ ತಂಡವು 13.1 ಓವರ್ಗಳಲ್ಲಿ 94 ರನ್ ಗಳಿಸಿ ಗೆಲುವಿನ ನಗೆ ಬೀರಿತು.

. ಅಲ್ಪ ಗುರಿ ಬೆನ್ನತ್ತಿದ ಒಡಿಶಾ ತಂಡದ ಆರಂಭ ಉತ್ತಮವಾಗಿರಲಿಲ್ಲ. ಆರಂಭಿಕ ಬ್ಯಾಟರ್ಗಳಾದ ಫುಲಾ ಸರೆನ್ (0), ರಚನಾ ಜೇನಾ (9) ಬೇಗ ವಿಕೆಟ್ ಒಪ್ಪಿಸಿದರು. ಅಜೇಯ ಆಟವಾಡಿದ ಬಸಂತಿ ಹನ್ಸ್ ದಾ 34 (25ಎ, 4X2) ಮತ್ತು ಜಮುನಾ ರಾಣಿ ಟುಡು 24 (23ಎ) ತಂಡದ ಗೆಲುವಿಗೆ ಕಾಣಿಕೆ ನೀಡಿದರು.

. ಇದಕ್ಕೂ ಮುನ್ನ ಕರ್ನಾಟಕ ತಂಡ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿತು. ರೇಣುಕಾ ರಜಪೂತ (17), ದೀಪಿಕಾ ಟಿ.ಸಿ (16), ದಿವಕ್ಕ( 12), ವರ್ಷಾ ಯು( 10) ಮಾತ್ರ ಎರಂಡಕಿ ಮೊತ್ತ ಗಳಿಸಿದರು. ಒಡಿಶಾ ತಂಡದ ಆಟಗಾರರು ಚುರುಕಿನ ಕ್ಷೇತ್ರರಕ್ಷಣೆ ಮೂಲಕ ಗಮನ ಸೆಳೆದರು.

. ಝಿಲಿ ಬಿರುವ –ಪಂದ್ಯಶ್ರೇಷ್ಠ, ಬಿ1 ವರ್ಗದಲ್ಲಿ ಸಿಮು ದಾಸ್-ರಾಜಸ್ಥಾನ (ಸಂಪೂರ್ಣ ಅಂಧತ್ವ) , ಬಿ2 ವರ್ಗದಲ್ಲಿ ಮೇನಕಾ ಕುಮಾರಿ-ದೆಹಲಿ (3 ಮೀಟರ್ವರೆಗೆ ದೃಷ್ಟಿ), ಬಿ3 ವರ್ಗದಲ್ಲಿ ಝಿಲಿ ಬಿರುವ–ಒಡಿಶಾ (6 ಮೀಟರ್ವರೆಗೆ ದೃಷ್ಟಿ)–ಸರಣಿಶ್ರೇಷ್ಠ ಪ್ರಶಸ್ತಿಗೆ (₹10,000 ನಗದು ಬಹುಮಾನ) ಭಾಜನರಾದರು.

. ಒಡಿಶಾ ತಂಡಕ್ಕೆ ಟ್ರೋಫಿ ಹಾಗೂ ₹1,04,000 ನಗದು ಬಹುಮಾನ, ರನ್ನರ್ಸ್ ಅಪ್ ಕರ್ನಾಟಕ ತಂಡಕ್ಕೆ ಟ್ರೋಫಿ ಮತ್ತು ₹80,000 ನಗದು ಬಹುಮಾನ ನೀಡಲಾಯಿತು.

. ಕರ್ನಾಟಕ ತಂಡವು ಸೆಮಿಫೈನಲ್ನಲ್ಲಿ ದೆಹಲಿ ತಂಡವನ್ನು 7ವಿಕೆಟ್ಗಳಿಂದ ಮಣಿಸಿತ್ತು. ಕ್ರಿಕೆಟ್ ಅಸೋಸಿಯೇಷನ್ ಫಾರ್ ದಿ ಬ್ಲೈಂಡ್ ಇನ್ ಇಂಡಿಯಾ (ಸಿಎಬಿಐ), ಕರ್ನಾಟಕ ಕ್ರಿಕೆಟ್ ಅಸೋಸಿಯೇಷನ್ ಫಾರ್ ದಿ ಬ್ಲೈಂಡ್ (ಸಿಎಬಿಐ), ಸಮರ್ಥನಂ ಟ್ರಸ್ಟ್ ಫಾರ್ ದಿ ಡಿಸಬಲ್ಡ್ ಸಹಯೋಗದಲ್ಲಿ ಟೂರ್ನಿ ಆಯೋಜಿಸಲಾಗಿತ್ತು. ವಿವಿಧ ರಾಜ್ಯಗಳ 16 ತಂಡಗಳು ಪಾಲ್ಗೊಂಡಿದ್ದವು.

. ಸಂಕ್ಷಿಪ್ತ ಸ್ಕೋರು:

ಕರ್ನಾಟಕ: 18.3 ಓವರ್ಗಳಲ್ಲಿ 93 (ರೇಣುಕಾ ರಜಪೂತ 17, ದೀಪಿಕಾ ಟಿ.ಸಿ 16, ದಿವಕ್ಕ 12, ಜಮುನಾ ರಾಣಿ ಟುಡು 19ಕ್ಕೆ 2).

ಒಡಿಶಾ: 13.1 ಓವರ್ಗಳಲ್ಲಿ 4 ವಿಕೆಟ್ಗೆ 94 (ಬಸಂತಿ ಹನ್ಸ್ ದಾ 34, ಜಮುನಾ ರಾಣಿ ಟುಡು 24, ಪದ್ಮಿನಿ ಟುಡು 14, ಸುನಿತಾ ಧೋಂಡಪ್ಪನವರ 15 ಕ್ಕೆ 1).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಂಧ ಮಹಿಳೆಯರ ರಾಷ್ಟ್ರೀಯ ಟಿ-20: ಒಡಿಶಾ ಚಾಂಪಿಯನ್, ಕರ್ನಾಟಕ ರನ್ನರ್ಸ್ ಅಪ್‍

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಸಂಕಷ್ಟದಲ್ಲಿ ಆಸ್ಟ್ರೇಲಿಯಾ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು