ಗೌತಮ್‌ಗೆ ಆರು ವಿಕೆಟ್ ಭಾರತ ‘ಎ’ ಅಲ್ಪ ಮುನ್ನಡೆ

ತರೋಬಾ, ವೆಸ್ಟ್ ಇಂಡೀಸ್ (ಪಿಟಿಐ): ಕನ್ನಡಿಗ ಕೃಷ್ಣಪ್ಪ ಗೌತಮ್ ಅವರ ಸ್ಪಿನ್ ಮೋಡಿಯಿಂದಾಗಿ ವೆಸ್ಟ್ ಇಂಡೀಸ್ ‘ಎ’ ತಂಡಕ್ಕೆ ಮೊದಲ ಇನಿಂಗ್ಸ್ ಮುನ್ನಡೆ ಸಾಧಿಸಲು ಸಾಧ್ಯವಾಗಲಿಲ್ಲ. ಆದರೆ ಭಾರತ ‘ಎ’ ತಂಡವು ಏಳು ರನ್ ಗಳ ಪುಟ್ಟ ಮುನ್ನಡೆ ಗಳಿಸಿತು.

. ಜೆಮರ್ ಹ್ಯಾಮಿಲ್ಟನ್ ನಾಯಕತ್ವದ ಆತಿಥೇಯ ಬಳಗವು ಏಳು ರನ್ಗಳ ಅತ್ಯಲ್ಪ ಮೊತ್ತದ ಮುನ್ನಡೆ ಗಳಿಸಿತು. ಎರಡನೇ ಇನಿಂಗ್ಸ್ ಆರಂಭದಲ್ಲಿಯೇ ಭಾರತ ‘ಎ’ ತಂಡವು ಆಘಾತ ಅನುಭವಿಸಿತು. ದಿನದಾಟದ ಅಂತ್ಯಕ್ಕೆ 9 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 23 ರನ್ ಗಳಿಸಿತು.

. ಚೇಮರ್ ರೋಚ್ ಅವರ ದಾಳಿಗೆ ಆರಂಭಿಕ ಆಟಗಾರರಾದ ಪ್ರಿಯಾಂಕ್ ಪಾಂಚಾಲ್ ಮತ್ತು ಅಭಿಮನ್ಯು ಈಶ್ವರನ್ ಪೆವಿಲಿಯನ್ ದಾರಿ ಹಿಡಿದರು. ಮಯಂಕ್ ಅಗರವಾಲ್ ಕೂಡ ಕೇವಲ ಐದು ರನ್ ಗಳಿಸಿ ಮಿಗೆಲ್ ಕಮಿನ್ಸ್ ಬೌಲಿಂಗ್ನಲ್ಲಿ ಕ್ಲೀನ್ ಬೌಲ್ಡ್ ಆದರು. ಇದರಿಂದಾಗಿ ತಂಡವು ಸಂಕಷ್ಟಕ್ಕೀಡಾಗಿದೆ.

. ಭಾರತ ‘ಎ’ ತಂಡವು ಮೊದಲ ಇನಿಂಗ್ಸ್ನಲ್ಲಿ 201 ರನ್ ಗಳಿಸಿತ್ತು. ಅದಕ್ಕುತ್ತರವಾಗಿ ವಿಂಡೀಸ್ ಬಳಗವನ್ನು ಆಫ್ಸ್ಪಿನ್ನರ್ ಕೆ.ಗೌತಮ್ ಅವರು 194 ರನ್ಗಳಿಗೆ ಕಟ್ಟಿಹಾಕಿದರು. ಆರಂಭಿಕ ಬ್ಯಾಟ್ಸ್ಮನ್ ಮಾಂಟ್ಸಿನ್ ಅವರನ್ನು ಕ್ಲೀನ್ಬೌಲ್ಡ್ ಮಾಡಿದ ಗೌತಮ್ ತಮ್ಮ ಖಾತೆ ತೆರೆದರು.

. ಆದರೆ ಇನ್ನೊಂದು ಬದಿಯಲ್ಲಿದ್ದ ಜೆರೆಮಿ ಸೊಲೊಜಾನೊ (ಔಟಾಗದೆ 69; 207ಎಸೆತ, 7ಬೌಂಡರಿ) ಅಪಾರ ತಾಳ್ಮೆಯಿಂದ ಆಡಿದರು. ಆದರೆ, ಹೊಸದಾಗಿ ಕ್ರೀಸ್ಗೆ ಬರುವ ಬ್ಯಾಟ್ಸ್ಮನ್ಗಳನ್ನು ಕಾಲೂರದಂತೆ ನೋಡಿಕೊಳ್ಳುವಲ್ಲಿ ಭಾರತ ಎ ಬೌಲಿಂಗ್ ಪಡೆ ಯಶಸ್ವಿಯಾಯಿತು. ಮಧ್ಯಮವೇಗಿ ಉಮೇಶ್ ಯಾದವ್ ಅಕಿಂ ಫ್ರೇಜರ್ ಮತ್ತು ಬ್ರೆಂಡನ್ ಕಿಂಗ್ ಅವರಿಗೆ ಪೆವಿಲಿಯನ್ ದಾರಿ ತೋರಿದರು. ಸೊಲೊಜಾನೊ ಜೊತೆಗೆ ಇನಿಂಗ್ಸ್ ಕಟ್ಟುವ ಪ್ರಯತ್ನ ಮಾಡಿದ ಸುನಿಲ್ ಆ್ಯಂಬ್ರಿಸ್ (43; 63ಎಸೆತ) ಅವರ ವಿಕೆಟ್ ಅನ್ನು ಶಿವಂ ದುಬೆ ಕಬಳಿಸಿದರು.

. ನಂತರ ಮಧ್ಯಮ ಮತ್ತು ಕೆಳಕ್ರಮಾಂಕದ ಬ್ಯಾಟಿಂಗ್ ಪಡೆಯನ್ನು ಗೌತಮ್ ತಮ್ಮ ಬುಟ್ಟಿಗೆ ಹಾಕಿಕೊಂಡರು. ಅವರು ಬ್ಲ್ಯಾಕ್ವುಡ್, ರೇಮನ್ ರೀಫರ್, ಚೇಮರ್ ಹೋಲ್ಡರ್ ಅವರನ್ನು ಕ್ಲೀನ್ ಬೌಲ್ಡ್ ಮಾಡಿದರು. ಮಿಗೆಲ್ ಕಮಿನ್ಸ್ ಎಲ್ಬಿಡಬ್ಲ್ಯು ಆದರು.

. ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್:ಭಾರತ ‘ಎ’: 201. ವೆಸ್ಟ್ ಇಂಡೀಸ್ ‘ಎ’: 194 (ಜೆರೆಮಿ ಸೊಲೊಜಾನೊ ಔಟಾಗದೆ 69, ಸುನಿಲ್ ಆ್ಯಂಬ್ರಿಸ್ 43, ಕೃಷ್ಣಪ್ಪ ಗೌತಮ್ 67ಕ್ಕೆ6) ಎರಡನೇ ಇನಿಂಗ್ಸ್: ಭಾರತ ಎ: 9 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 23 (ಪ್ರಿಯಾಂಕ್ ಪಾಂಚಾಲ್ 3, ಅಭಿಮನ್ಯು ಈಶ್ವರನ್ 6, ಮಯಂಕ್ ಅಗರವಾಲ್ 5, ಶುಭಮನ್ ಗಿಲ್ ಬ್ಯಾಟಿಂಗ್ 5, ಶೆಹಜಾದ್ ನದೀಂ ಬ್ಯಾಟಿಂಗ್ 2, ಚೆಮರ್ ಹೋಲ್ಡರ್ 14ಕ್ಕೆ2, ಮಿಗೆಲ್ ಕಮಿನ್ಸ್ 7ಕ್ಕೆ1)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗೌತಮ್‌ಗೆ ಆರು ವಿಕೆಟ್ ಭಾರತ ‘ಎ’ ಅಲ್ಪ ಮುನ್ನಡೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು