IND vs BAN: ಸ್ವದೇಶದಲ್ಲಿ ಸತತ 18ನೇ ಸರಣಿ ಜಯ ಗಳಿಸಿದ ಭಾರತ

ಕಾನ್ಪುರ: ಟೀಮ್ ಇಂಡಿಯಾ ಸ್ವದೇಶದಲ್ಲಿ ಸತತ 18ನೇ ಟೆಸ್ಟ್ ಸರಣಿ ಜಯದ ಸಿಹಿ ಸವಿದಿದೆ. ಕಾನ್ಪುರದಲ್ಲಿ ಬಾಂಗ್ಲಾದೇಶ ವಿರುದ್ಧ ನಡೆದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಏಳು ವಿಕೆಟ್ ಅಂತರದ ಜಯ ಗಳಿಸಿದ ಭಾರತ ತಂಡವು ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 2-0 ಅಂತರದ ಕ್ಲೀನ್ ಸ್ವೀಪ್ ಸಾಧನೆ ಮಾಡಿದೆ.

ಇದರೊಂದಿಗೆ 2013ರಿಂದ 2024ರ ಅವಧಿಯಲ್ಲಿ ಟೀಮ್ ಇಂಡಿಯಾ ತವರು ನೆಲದಲ್ಲಿ ಸತತ 18ನೇ ಸರಣಿ ಜಯ ದಾಖಲಿಸಿದೆ. ಆ ಮೂಲಕ ಟೀಮ್ ಇಂಡಿಯಾವು ಸ್ವದೇಶದಲ್ಲಿ ಬಲಿಷ್ಠ ತಂಡವೆನಿಸಿದೆ.

ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಆಸ್ಟ್ರೇಲಿಯಾ 1994ರಿಂದ 2000ರ ಅವಧಿಯಲ್ಲಿ ಸ್ವದೇಶದಲ್ಲಿ ಸತತ 10 ಟೆಸ್ಟ್ ಸರಣಿಗಳಲ್ಲಿ ಜಯಿಸಿತ್ತು. ಇದೇ ಸಾಧನೆಯನ್ನು 2004-2008ರ ಅವಧಿಯಲ್ಲೂ ಆಸ್ಟ್ರೇಲಿಯಾ ಪುನರಾವರ್ತಿಸಿತ್ತು.

ಸ್ವದೇಶದಲ್ಲಿ ಸತತವಾಗಿ ಅತಿ ಹೆಚ್ಚು ಟೆಸ್ಟ್ ಸರಣಿ ಜಯಿಸಿದ ತಂಡಗಳ ಪಟ್ಟಿ:

ಭಾರತ: 18 (2013-2024)

ಆಸ್ಟ್ರೇಲಿಯಾ: 10 (1994-2000)

ಆಸ್ಟ್ರೇಲಿಯಾ: 10 (2004-2008)

ವೆಸ್ಟ್ ಇಂಡೀಸ್: 8 (1976-1986)

ನ್ಯೂಜಿಲೆಂಡ್: 8 (2017-2020)

. 180ನೇ ಟೆಸ್ಟ್ ಗೆಲುವು...

ಭಾರತ ತಂಡವು ಟೆಸ್ಟ್ ಕ್ರಿಕೆಟ್ನಲ್ಲಿ 180ನೇ ಗೆಲುವು ದಾಖಲಿಸಿದೆ. ಆ ಮೂಲಕ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಅತಿ ಹೆಚ್ಚು ಜಯ ಗಳಿಸಿದ ತಂಡಗಳ ಪಟ್ಟಿಯಲ್ಲಿ ದಕ್ಷಿಣ ಆಫ್ರಿಕಾವನ್ನು ಮೀರಿಸಿದೆ.

ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಜಯ ಗಳಿಸಿದ ತಂಡಗಳು:

ಆಸ್ಟ್ರೇಲಿಯಾ: 414

ಇಂಗ್ಲೆಂಡ್: 397

ವೆಸ್ಟ್ಇಂಡೀಸ್: 183

ಭಾರತ: 180

ದಕ್ಷಿಣ ಆಫ್ರಿಕಾ: 179

ದಾಖಲೆ ರನ್ರೇಟ್...

ಟೆಸ್ಟ್ ಪಂದ್ಯವೊಂದರಲ್ಲಿ ಅತಿ ಹೆಚ್ಚು ರನ್-ರೇಟ್ ಕಾಯ್ದುಕೊಂಡ ತಂಡವೆಂಬ ಖ್ಯಾತಿಗೂ (7.36) ಟೀಮ್ ಇಂಡಿಯಾ ಪಾತ್ರವಾಗಿದೆ. ಭಾರತದಲ್ಲಿ ನಡೆದ ಟೆಸ್ಟ್ ಪಂದ್ಯವೊಂದರಲ್ಲಿ ಗರಿಷ್ಠ ರನ್ರೇಟ್ (4.39) ಕೂಡ ಕಾನ್ಪುರದಲ್ಲಿ ದಾಖಲಾಗಿದೆ.

.ಇನಿಂಗ್ಸ್ ಹಾಗೂ 154 ರನ್ ಜಯ; ಕಿವೀಸ್ ವಿರುದ್ಧ ಲಂಕಾ ಕ್ಲೀನ್ ಸ್ವೀಪ್ ಸಾಧನೆ.ಟೆಸ್ಟ್ ಕ್ರಿಕೆಟ್ನಲ್ಲಿ ವೇಗದ ಅರ್ಧಶತಕ & ಶತಕ: ಹೊಸ ದಾಖಲೆ ಬರೆದ ಟೀಮ್ ಇಂಡಿಯಾ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.