<p><strong>ನಾರ್ತ್ ಸೌಂಡ್, ಆ್ಯಂಟಿಗಾ:</strong> ಎಡಗೈ ಸ್ಪಿನ್ನರ್ ಶಹಬಾಜ್ ನದೀಮ್, ಬುಧವಾರ ರಾತ್ರಿ ಸರ್ ವಿವಿಯನ್ ರಿಚರ್ಡ್ಸ್ ಕ್ರೀಡಾಂಗಣದಲ್ಲಿ ವೆಸ್ಟ್ ಇಂಡೀಸ್ ‘ಎ’ ತಂಡಕ್ಕೆ ಸಿಂಹಸ್ವಪ್ನರಾದರು.</p>.<p>ನದೀಮ್ (62ಕ್ಕೆ5) ಅವರ ಸ್ಪಿನ್ ಮೋಡಿಯ ಬಲದಿಂದ ಭಾರತ ‘ಎ’ ತಂಡ ನಾಲ್ಕು ದಿನಗಳ ಮೊದಲ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯರನ್ನು ಅಲ್ಪ ಮೊತ್ತಕ್ಕೆ ನಿಯಂತ್ರಿಸಿದೆ.</p>.<p>ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ವಿಂಡೀಸ್ ‘ಎ’ ಮೊದಲ ಇನಿಂಗ್ಸ್ನಲ್ಲಿ 66.5 ಓವರ್ಗಳಲ್ಲಿ 228ರನ್ ಕಲೆಹಾಕಿತು. ಪ್ರಥಮ ಇನಿಂಗ್ಸ್ ಶುರುಮಾಡಿರುವ ಹನುಮ ವಿಹಾರಿ ಸಾರಥ್ಯದ ಭಾರತ ‘ಎ’ ಮೊದಲ ದಿನದಾಟದ ಅಂತ್ಯಕ್ಕೆ 22 ಓವರ್ಗಳಲ್ಲಿ 1 ವಿಕೆಟ್ಗೆ 70ರನ್ ಗಳಿಸಿದೆ.</p>.<p>ಇನಿಂಗ್ಸ್ ಆರಂಭಿಸಿದ ವಿಂಡೀಸ್ ‘ಎ’ ಐದನೇ ಓವರ್ನಲ್ಲಿ ಆಘಾತ ಕಂಡಿತು. ಮೊಹಮ್ಮದ್ ಸಿರಾಜ್ ಹಾಕಿದ ನಾಲ್ಕನೇ ಎಸೆತದಲ್ಲಿ ಜೆರೆಮಿ ಸೊಲೊಜಾನೊ (9), ಅಭಿಮನ್ಯು ಈಶ್ವರನ್ಗೆ ಕ್ಯಾಚ್ ನೀಡಿದರು.</p>.<p>ಶಮರ್ಹ ಬ್ರೂಕ್ಸ್ (12) ಮತ್ತು ಮೊಂಟ್ಸಿನ್ ಹಾಡ್ಜ್ (16) ಕೂಡಾ ಬೇಗನೆ ವಿಕೆಟ್ ಒಪ್ಪಿಸಿದರು. ರಾಸ್ಟನ್ ಚೇಸ್ (25) ಮತ್ತು ಜರ್ಮೈನ್ ಬ್ಲಾಕ್ವುಡ್ (53; 116ಎ, 6ಬೌಂ) ಕೆಲ ಕಾಲ ಪ್ರವಾಸಿ ಪಡೆಯ ಬೌಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿ ತಂಡಕ್ಕೆ ಆಸರೆಯಾದರು. ರಹಕೀಮ್ ಕಾರ್ನ್ವಾಲ್ (59; 100ಎ, 7ಬೌಂ, 3ಸಿ) ಕೂಡಾ ದಿಟ್ಟ ಆಟ ಆಡಿದರು.</p>.<p>ವಿಕೆಟ್ ಕೀಪರ್ ಜಹಮರ್ ಹ್ಯಾಮಿಲ್ಟನ್ (16) ಸೇರಿದಂತೆ ಇತರ ಆಟಗಾರರು ವಿಕೆಟ್ ನೀಡಲು ಅವಸರಿಸಿದ್ದರಿಂದ ಆತಿಥೇಯರ ದೊಡ್ಡ ಮೊತ್ತ ಪೇರಿಸುವ ಕನಸು ಸಾಕಾರಗೊಳ್ಳಲಿಲ್ಲ.</p>.<p>ಮೊದಲ ಇನಿಂಗ್ಸ್ ಶುರು ಮಾಡಿರುವ ಭಾರತ ‘ಎ’ ತಂಡಕ್ಕೆ ಪ್ರಿಯಾಂಕ್ ಪಾಂಚಾಲ್ (ಬ್ಯಾಟಿಂಗ್ 31; 69ಎ, 2ಬೌಂ) ಮತ್ತು ಅಭಿಮನ್ಯು ಈಶ್ವರನ್ (28; 52ಎ, 4ಬೌಂ) ಉತ್ತಮ ಆರಂಭ ನೀಡಿದರು. ಈ ಜೋಡಿ ಮೊದಲ ವಿಕೆಟ್ ಪಾಲುದಾರಿಕೆಯಲ್ಲಿ 61ರನ್ ಸೇರಿಸಿತು.</p>.<p>ದಿನದಾಟ ಮುಗಿಯಲು ನಾಲ್ಕು ಓವರ್ಗಳು ಬಾಕಿ ಇದ್ದಾಗ ಈಶ್ವರನ್ ಪೆವಿಲಿಯನ್ ಸೇರಿದರು. ನಂತರ ಪಾಂಚಾಲ್ ಮತ್ತು ಶುಭಮನ್ ಗಿಲ್ (ಬ್ಯಾಟಿಂಗ್ 9) ಎಚ್ಚರಿಕೆಯಿಂದ ಇನಿಂಗ್ಸ್ ಕಟ್ಟಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: </strong>ವೆಸ್ಟ್ ಇಂಡೀಸ್ ‘ಎ’: ಮೊದಲ ಇನಿಂಗ್ಸ್; 66.5 ಓವರ್ಗಳಲ್ಲಿ 228 (ಮೊಂಟ್ಸಿನ್ ಹಾಡ್ಜ್ 16, ಶಮರ್ಹ ಬ್ರೂಕ್ಸ್ 12, ರಾಸ್ಟನ್ ಚೇಸ್ 25, ಜರ್ಮೈನ್ ಬ್ಲಾಕ್ವುಡ್ 53, ಜಹಮರ್ ಹ್ಯಾಮಿಲ್ಟನ್ 16, ರಹಕೀಮ್ ಕಾರ್ನ್ವಾಲ್ 59, ಜೊಮೆಲ್ ವಾರಿಕನ್ ಔಟಾಗದೆ 21; ಮೊಹಮ್ಮದ್ ಸಿರಾಜ್ 61ಕ್ಕೆ2, ಶಿವಂ ದುಬೆ 27ಕ್ಕೆ1, ಶಹಬಾಜ್ ನದೀಮ್ 62ಕ್ಕೆ5, ಮಯಂಕ್ ಮಾರ್ಕಂಡೆ 40ಕ್ಕೆ2).</p>.<p>ಭಾರತ ‘ಎ’: ಪ್ರಥಮ ಇನಿಂಗ್ಸ್: 22 ಓವರ್ಗಳಲ್ಲಿ 1 ವಿಕೆಟ್ಗೆ 70 (ಪ್ರಿಯಾಂಕ್ ಪಾಂಚಾಲ್ ಬ್ಯಾಟಿಂಗ್ 31, ಅಭಿಮನ್ಯು ಈಶ್ವರನ್ 28, ಶುಭಮನ್ ಗಿಲ್ ಬ್ಯಾಟಿಂಗ್ 9; ಜೊಮೆಲ್ ವಾರಿಕನ್ 9ಕ್ಕೆ1).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನಾರ್ತ್ ಸೌಂಡ್, ಆ್ಯಂಟಿಗಾ:</strong> ಎಡಗೈ ಸ್ಪಿನ್ನರ್ ಶಹಬಾಜ್ ನದೀಮ್, ಬುಧವಾರ ರಾತ್ರಿ ಸರ್ ವಿವಿಯನ್ ರಿಚರ್ಡ್ಸ್ ಕ್ರೀಡಾಂಗಣದಲ್ಲಿ ವೆಸ್ಟ್ ಇಂಡೀಸ್ ‘ಎ’ ತಂಡಕ್ಕೆ ಸಿಂಹಸ್ವಪ್ನರಾದರು.</p>.<p>ನದೀಮ್ (62ಕ್ಕೆ5) ಅವರ ಸ್ಪಿನ್ ಮೋಡಿಯ ಬಲದಿಂದ ಭಾರತ ‘ಎ’ ತಂಡ ನಾಲ್ಕು ದಿನಗಳ ಮೊದಲ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯರನ್ನು ಅಲ್ಪ ಮೊತ್ತಕ್ಕೆ ನಿಯಂತ್ರಿಸಿದೆ.</p>.<p>ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ವಿಂಡೀಸ್ ‘ಎ’ ಮೊದಲ ಇನಿಂಗ್ಸ್ನಲ್ಲಿ 66.5 ಓವರ್ಗಳಲ್ಲಿ 228ರನ್ ಕಲೆಹಾಕಿತು. ಪ್ರಥಮ ಇನಿಂಗ್ಸ್ ಶುರುಮಾಡಿರುವ ಹನುಮ ವಿಹಾರಿ ಸಾರಥ್ಯದ ಭಾರತ ‘ಎ’ ಮೊದಲ ದಿನದಾಟದ ಅಂತ್ಯಕ್ಕೆ 22 ಓವರ್ಗಳಲ್ಲಿ 1 ವಿಕೆಟ್ಗೆ 70ರನ್ ಗಳಿಸಿದೆ.</p>.<p>ಇನಿಂಗ್ಸ್ ಆರಂಭಿಸಿದ ವಿಂಡೀಸ್ ‘ಎ’ ಐದನೇ ಓವರ್ನಲ್ಲಿ ಆಘಾತ ಕಂಡಿತು. ಮೊಹಮ್ಮದ್ ಸಿರಾಜ್ ಹಾಕಿದ ನಾಲ್ಕನೇ ಎಸೆತದಲ್ಲಿ ಜೆರೆಮಿ ಸೊಲೊಜಾನೊ (9), ಅಭಿಮನ್ಯು ಈಶ್ವರನ್ಗೆ ಕ್ಯಾಚ್ ನೀಡಿದರು.</p>.<p>ಶಮರ್ಹ ಬ್ರೂಕ್ಸ್ (12) ಮತ್ತು ಮೊಂಟ್ಸಿನ್ ಹಾಡ್ಜ್ (16) ಕೂಡಾ ಬೇಗನೆ ವಿಕೆಟ್ ಒಪ್ಪಿಸಿದರು. ರಾಸ್ಟನ್ ಚೇಸ್ (25) ಮತ್ತು ಜರ್ಮೈನ್ ಬ್ಲಾಕ್ವುಡ್ (53; 116ಎ, 6ಬೌಂ) ಕೆಲ ಕಾಲ ಪ್ರವಾಸಿ ಪಡೆಯ ಬೌಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿ ತಂಡಕ್ಕೆ ಆಸರೆಯಾದರು. ರಹಕೀಮ್ ಕಾರ್ನ್ವಾಲ್ (59; 100ಎ, 7ಬೌಂ, 3ಸಿ) ಕೂಡಾ ದಿಟ್ಟ ಆಟ ಆಡಿದರು.</p>.<p>ವಿಕೆಟ್ ಕೀಪರ್ ಜಹಮರ್ ಹ್ಯಾಮಿಲ್ಟನ್ (16) ಸೇರಿದಂತೆ ಇತರ ಆಟಗಾರರು ವಿಕೆಟ್ ನೀಡಲು ಅವಸರಿಸಿದ್ದರಿಂದ ಆತಿಥೇಯರ ದೊಡ್ಡ ಮೊತ್ತ ಪೇರಿಸುವ ಕನಸು ಸಾಕಾರಗೊಳ್ಳಲಿಲ್ಲ.</p>.<p>ಮೊದಲ ಇನಿಂಗ್ಸ್ ಶುರು ಮಾಡಿರುವ ಭಾರತ ‘ಎ’ ತಂಡಕ್ಕೆ ಪ್ರಿಯಾಂಕ್ ಪಾಂಚಾಲ್ (ಬ್ಯಾಟಿಂಗ್ 31; 69ಎ, 2ಬೌಂ) ಮತ್ತು ಅಭಿಮನ್ಯು ಈಶ್ವರನ್ (28; 52ಎ, 4ಬೌಂ) ಉತ್ತಮ ಆರಂಭ ನೀಡಿದರು. ಈ ಜೋಡಿ ಮೊದಲ ವಿಕೆಟ್ ಪಾಲುದಾರಿಕೆಯಲ್ಲಿ 61ರನ್ ಸೇರಿಸಿತು.</p>.<p>ದಿನದಾಟ ಮುಗಿಯಲು ನಾಲ್ಕು ಓವರ್ಗಳು ಬಾಕಿ ಇದ್ದಾಗ ಈಶ್ವರನ್ ಪೆವಿಲಿಯನ್ ಸೇರಿದರು. ನಂತರ ಪಾಂಚಾಲ್ ಮತ್ತು ಶುಭಮನ್ ಗಿಲ್ (ಬ್ಯಾಟಿಂಗ್ 9) ಎಚ್ಚರಿಕೆಯಿಂದ ಇನಿಂಗ್ಸ್ ಕಟ್ಟಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: </strong>ವೆಸ್ಟ್ ಇಂಡೀಸ್ ‘ಎ’: ಮೊದಲ ಇನಿಂಗ್ಸ್; 66.5 ಓವರ್ಗಳಲ್ಲಿ 228 (ಮೊಂಟ್ಸಿನ್ ಹಾಡ್ಜ್ 16, ಶಮರ್ಹ ಬ್ರೂಕ್ಸ್ 12, ರಾಸ್ಟನ್ ಚೇಸ್ 25, ಜರ್ಮೈನ್ ಬ್ಲಾಕ್ವುಡ್ 53, ಜಹಮರ್ ಹ್ಯಾಮಿಲ್ಟನ್ 16, ರಹಕೀಮ್ ಕಾರ್ನ್ವಾಲ್ 59, ಜೊಮೆಲ್ ವಾರಿಕನ್ ಔಟಾಗದೆ 21; ಮೊಹಮ್ಮದ್ ಸಿರಾಜ್ 61ಕ್ಕೆ2, ಶಿವಂ ದುಬೆ 27ಕ್ಕೆ1, ಶಹಬಾಜ್ ನದೀಮ್ 62ಕ್ಕೆ5, ಮಯಂಕ್ ಮಾರ್ಕಂಡೆ 40ಕ್ಕೆ2).</p>.<p>ಭಾರತ ‘ಎ’: ಪ್ರಥಮ ಇನಿಂಗ್ಸ್: 22 ಓವರ್ಗಳಲ್ಲಿ 1 ವಿಕೆಟ್ಗೆ 70 (ಪ್ರಿಯಾಂಕ್ ಪಾಂಚಾಲ್ ಬ್ಯಾಟಿಂಗ್ 31, ಅಭಿಮನ್ಯು ಈಶ್ವರನ್ 28, ಶುಭಮನ್ ಗಿಲ್ ಬ್ಯಾಟಿಂಗ್ 9; ಜೊಮೆಲ್ ವಾರಿಕನ್ 9ಕ್ಕೆ1).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
