ವಾರ್ನರ್‌ ಬದಲು ಬೇರೆ ಆಟಗಾರರತ್ತ ರೈಸರ್ಸ್‌ ಗಮನ ಹರಿಸಿದೆ: ಇರ್ಫಾನ್‌ ಪಠಾಣ್

ಆರಂಭಿಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ಅವರು ಐಪಿಎಲ್ನಲ್ಲಿ ಆಡುವ ಸನ್ರೈಸರ್ಸ್ ಹೈದರಾಬಾದ್ತಂಡದಲ್ಲಿ ಮತ್ತೆ ಕಾಣಿಸಿಕೊಳ್ಳುವುದು ಅನುಮಾನವಾಗಿದೆ.

. ರೈಸರ್ಸ್ ತಂಡ ಐಪಿಎಲ್-2021ಟೂರ್ನಿಯಆರಂಭಿಕ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಲು ವಿಫಲವಾಗಿತ್ತು. ಹೀಗಾಗಿ ವಾರ್ನರ್ರನ್ನು ನಾಯಕತ್ವದಿಂದ ವಜಾ ಮಾಡಲಾಗಿತ್ತು. ಅಷ್ಟಲ್ಲದೆ, ರನ್ ಗಳಿಸಲು ಪರದಾಡುತ್ತಿರುವ ಅವರನ್ನು ಆಡುವ ಹನ್ನೊಂದರ ಬಳಗದಿಂದಲೂ ಕೈಬಿಡಲಾಗಿತ್ತು.

. ಸೋಮವಾರ ನಡೆದ ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿಯುವ ಆಟಗಾರ ಪ್ರಿಯಂ ಗರ್ಗ್, ವಾರ್ನರ್ ಬದಲು ಸ್ಥಾನ ಗಿಟ್ಟಿಸಿಕೊಂಡಿದ್ದರು.

. ಈ ಬಗ್ಗೆಮಾತನಾಡಿರುವ ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್, ರೈಸರ್ಸ್ ತಂಡದಿಂದ ವಾರ್ನರ್ ಅವರಿಗೆ ಇದುʼಸ್ಪಷ್ಟ ಸಂದೇಶʼವಾಗಿದೆ. ಬಹುಶಃ ಈ ಆಟಗಾರ ಮುಂದಿನ ದಿನಗಳಲ್ಲಿತಂಡದ ಭಾಗವಾಗಿರುವುದಿಲ್ಲ ಎಂದಿದ್ದಾರೆ.

. ಇದನ್ನೂ ಓದಿ: IPL 2021 | DC vs KKR: ಡೆಲ್ಲಿ ತಂಡದ ಎರಡನೇ ವಿಕೆಟ್ ಪತನ Live

. ʼಸನ್ರೈಸರ್ಸ್ ಪಡೆ ಭವಿಷ್ಯದ ಹುಡುಕಾಟದಲ್ಲಿದೆ ಅಲ್ಲವೇ? ಹಾಗಾಗಿ, ನಾವು ನಿಮ್ಮಹೊರತಾಗಿ ಬೇರೆ ಆಟಗಾರರತ್ತ ಚಿತ್ತ ಹರಿಸಿದ್ದೇವೆ ಎಂದುವಾರ್ನರ್ಗೆ ಸ್ಪಷ್ಟ ಸಂದೇಶ ನೀಡಿದೆ. ಇದು ತುಂಬಾ ಸರಳವಾದ ವಿಚಾರʼ ಎಂದು ಸ್ಟಾರ್ ಸ್ಪೋರ್ಟ್ಸ್ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

. ʼಟೂರ್ನಿಯ ಆರಂಭದಲ್ಲಿ ಅವರು ನಾಯಕರಾಗಿದ್ದರು. ನಂತರ ಅವರನ್ನು ತಂಡದಿಂದ ಮತ್ತು ನಾಯಕತ್ವದಿಂದ ಕೈಬಿಡಲಾಯಿತು. ವಿರಾಮದ ಬಳಿಕ ಟೂರ್ನಿಯ ಎರಡನೇ ಹಂತದಲ್ಲಿ ಅವರನ್ನು ಮತ್ತೆ ಆಡಿಸಲಾಯಿತು. ಆದರೆ,ಪುನಃ ಕೈಬಿಡಲಾಯಿತು. ಸನ್ರೈಸರ್ಸ್ ಪಡೆ ವಾರ್ನರ್ ಹೊರತಾಗಿ ಬೇರೆ ಆಟಗಾರರತ್ತ ಗಮನಹರಿಸುತ್ತಿದೆ ಎಂಬುದುಇದರರ್ಥʼ ಎಂದು ಅಭಿಪ್ರಾಯಪಟ್ಟಿದ್ದಾರೆ.

. ʼಪ್ರಿಯಂ ಗರ್ಗ್ ತಂಡದಲ್ಲಿ ಆಡಿದರು. ಅಭಿಷೇಕ್ ಶರ್ಮಾ ಬಂದರು. ಮುಂಬರುವ ದಿನಗಳಲ್ಲಿ ತಂಡಕ್ಕಾಗಿ ಆಡಲಿರುವ ತಮ್ಮ ಅತ್ಯುತ್ತಮ ಆಟಗಾರರಿಗೆ ಅವರು (ಸನ್ರೈಸರ್ಸ್) ಅವಕಾಶ ನೀಡುತ್ತಿದ್ದಾರೆʼ ಎಂದು ಹೇಳಿದ್ದಾರೆ.

. ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿಆಡುವ ಹನ್ನೊಂದರ ಬಳಗದಿಂದ ವಾರ್ನರ್ ಅವರಿಗೆ ಕೋಕ್ ನೀಡಲಾಗಿತ್ತು. ಈ ಬಗ್ಗೆ ಮಾತನಾಡಿದ್ದ ಸನ್ರೈಸರ್ಸ್ ಕೋಚ್ ಟ್ರೆವರ್ ಬಯ್ಲಿಸ್, ನಾವು ಫೈನಲ್ ತಲುಪುವುದು ಸಾಧ್ಯವಿಲ್ಲ. ಹಾಗಾಗಿ ಯುವ ಆಟಗಾರರಿಗೆ ಪಂದ್ಯದ ಅನುಭವ ಮಾತ್ರವಲ್ಲದೆಕ್ರೀಡಾಂಗಣಗಳಲ್ಲಿ ಆಡುವ ಅನುಭವವನ್ನು ನೀಡಬೇಕೆಂದು ನಿರ್ಧರಿಸಿದ್ದೇವೆ ಎಂದಿದ್ದರು.

. ಮುಂದುವರಿದು,ʼಸಾಕಷ್ಟು ಯುವ ಆಟಗಾರರನ್ನು ಹೊಂದಿದ್ದೇವೆ. ಕ್ರೀಡಾಂಗಣಕ್ಕೆ ಇಳಿಯದ ಮೀಸಲು ಆಟಗಾರರಿದ್ದಾರೆ. ಹಾಗಾಗಿ ಅವರಿಗೆ ಅವಕಾಶಗಳನ್ನು ನೀಡಲುಅಟದ ಅನುಭವ ಪಡೆಯುವಂತೆ ಮಾಡಲು ಬಯಸಿದ್ದೇವೆ. ಇನ್ನೂ ಕೆಲವು ಪಂದ್ಯಗಳಿಗೆ ಇದು ಮುಂದುವರಿಯಲಿದೆʼ ಎಂದು ತಿಳಿಸಿದ್ದರು.

. ರಾಯಲ್ಸ್ ವಿರುದ್ಧದ ಪಂದ್ಯದ ವೇಳೆ ವಾರ್ನರ್ ತಂಡದ ಜೊತೆಗೆ ಕ್ರೀಡಾಂಗಣಕ್ಕೆ ಆಗಮಿಸಿರಲಿಲ್ಲ. ಈ ಬಗ್ಗೆಯೂ ಹೇಳಿಕೆ ನೀಡಿರುವ ಕೋಚ್, ಡೇವಿಡ್ ಖಂಡಿತ ಹೋಟೆಲ್ನಲ್ಲಿ ಪಂದ್ಯವನ್ನು ವೀಕ್ಷಿಸಿದ್ದಾರೆಮತ್ತು ಆಟಗಾರಿಗೆ ಬೆಂಬಲ ನೀಡಿದ್ದಾರೆ. ಉಳಿದ ತಂಡಗಳಂತೆ ನಾವೆಲ್ಲರೂ ಒಟ್ಟಿಗೆ ಇದ್ದೇವೆʼ ಎಂದು ಸ್ಪಷ್ಟಪಡಿಸಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಾರ್ನರ್‌ ಬದಲು ಬೇರೆ ಆಟಗಾರರತ್ತ ರೈಸರ್ಸ್‌ ಗಮನ ಹರಿಸಿದೆ: ಇರ್ಫಾನ್‌ ಪಠಾಣ್

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಗೋಲುಮಳೆಗರೆದ ಭಾರತ

ರಣಜಿಯಲ್ಲಿ ದಾಖಲೆ ಜೊತೆಯಾಟ; ಸ್ನೇಹಲ್‌, ಕಶ್ಯಪ್‌ ತ್ರಿಶತಕ: ಗೋವಾಕ್ಕೆ ಜಯ

Ranji Trophy | ಶ್ರೀಜಿತ್‌ ಶತಕ, ಪರಂತಾಪ್ ಪ್ರತಾಪ; ಕರ್ನಾಟಕ ಮೇಲುಗೈ

AUS vs PAK | ಲಯಕ್ಕೆ ಮರಳಿದ ಮ್ಯಾಕ್ಸ್‌ವೆಲ್‌; ಆಸ್ಟ್ರೇಲಿಯಾ ತಂಡಕ್ಕೆ ಜಯ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024