<p><strong>ಬೆಂಗಳೂರು: </strong>ಶುಕ್ರವಾರ ಆರಂಭ ವಾದ ಕರ್ನಾಟಕ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯಲ್ಲಿ ದಾಖಲಾಗುವ ಪ್ರತಿಯೊಂದು ಸಿಕ್ಸರ್ ಮತ್ತು ಬೌಂಡರಿಗಳು ಕಾವೇರಿ ನದಿ ಜಲಾನಯನ ಪ್ರದೇಶದ ವೃಕ್ಷಸಂಪತ್ತು ವೃದ್ದಿಗೆ ಕಾಣಿಕೆ ನೀಡಲಿವೆ!</p>.<p>ಹೌದು; ‘ಕಾವೇರಿ ಕೂಗು’ ಕಾರ್ಯಕ್ರಮದ ಅಂಗವಾಗಿ ಆ್ಯಡ್ ಟು ಪ್ರೊ ಕಂಪೆನಿಯು ಈ ವಿನೂತನ ಯೋಜನೆಗೆ ಚಾಲನೆ ನೀಡಿದೆ. ಪ್ರತಿ ಪಂದ್ಯದಲ್ಲಿ ದಾಖಲಾಗುವ ಸಿಕ್ಸರ್ವೊಂದಕ್ಕೆ 100 ಮತ್ತು ಬೌಂಡರಿಗೆ 50 ಸಸಿಗಳನ್ನು ಈ ಸಂಸ್ಥೆಯು ದೇಣಿಗೆ ನೀಡಲಿದೆ.</p>.<p>ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಸಂಜೆ ನಡೆದ ಉದ್ಘಾಟನೆ ಸಮಾರಂಭದಲ್ಲಿ ಹಿರಿಯ ಕ್ರಿಕೆಟಿಗ ಮತ್ತು ವೀಕ್ಷಕ ವಿವರಣೆಗಾರ ವೆಂಕಟೇಶ್ ಪ್ರಸಾದ್ ಅವರು ಈ ಅಭಿಯಾನಕ್ಕೆ ಚಾಲನೆ ನೀಡಿದರು.</p>.<p>‘ಕಾವೇರಿ ಕೊಳ್ಳದ ರಕ್ಷಣೆಗಾಗಿ ಉದ್ಯಮ ಸಂಸ್ಥೆಗಳು ಈಶ ಫೌಂಡೇಷನ್ನ ಸದ್ಗುರು ಜಗ್ಗಿ ವಾಸುದೇವ್ ಅವರ ನೇತೃತ್ವದಲ್ಲಿ ಈ ಅಭಿಯಾನ ನಡೆಸಿವೆ. ಈ ಸಸಿಗಳನ್ನು ಕಾವೇರಿ ಜಲಾನಯನ ಪ್ರದೇಶದ ರೈತರಿಗೆ ಆ್ಯಡ್ 2 ಪ್ರೊ ಸಂಸ್ಥೆಯು ತಲುಪಿಸಲಿದೆ. ರೈತರು ಈ ಸಸಿಗಳನ್ನು ಬೆಳೆಸುವರು. ಇದರಿಂದ ಅರಣ್ಯ ಕೃಷಿಗೆ ಒತ್ತು ಸಿಗಲಿದೆ. ಇಳುವರಿ ಹೆಚ್ಚಲಿದೆ. ಈ ಅಭಿಯಾನಕ್ಕಾಗಿ ಹಲವಾರು ಗಣ್ಯರು, ಕ್ರಿಕೆಟ್ ಮತ್ತು ಸಿನೆಮಾ ತಾರೆಯರು ಕೈಜೋಡಿಸಿದ್ದಾರೆ. ಬಹಳಷ್ಟು ಸಾರ್ವಜನಿಕರು ಸ್ವಯಂಸೇವಕರಾಗಿಯೂ ಕಾರ್ಯನಿರ್ವಹಿಸುತ್ತಿದ್ದಾರೆ’ ಎಂದು ಫೌಂಡೇಷನ್ನ ಋಷಭ್ ಕಶ್ಯಪ್ ಮಾಹಿತಿ ನೀಡಿದರು.</p>.<p>ಕೆಪಿಎಲ್ ಪ್ರಚಾರ ರಾಯಭಾರಿ, ಕನ್ನಡ ಚಿತ್ರ ತಾರೆ ರಾಗಿಣಿ ದ್ವಿವೇದಿ, ಗಾಯಕ ಚಂದನ್ ಶೆಟ್ಟಿ ಅವರು ಕೂಡ ‘ಕಾವೇರಿ ಕೂಗು’ ಅಭಿಯಾನಕ್ಕೆ ಬೆಂಬಲ ನೀಡುವಂತೆ ಪ್ರೇಕ್ಷಕರಲ್ಲಿ ಮನವಿ ಮಾಡಿದರು. ಗ್ಯಾಲರಿಯಲ್ಲಿದ್ದ ಪ್ರೇಕ್ಷಕರು ಅಭಿಯಾನದ ಫಲಕ ಪ್ರದರ್ಶಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಶುಕ್ರವಾರ ಆರಂಭ ವಾದ ಕರ್ನಾಟಕ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯಲ್ಲಿ ದಾಖಲಾಗುವ ಪ್ರತಿಯೊಂದು ಸಿಕ್ಸರ್ ಮತ್ತು ಬೌಂಡರಿಗಳು ಕಾವೇರಿ ನದಿ ಜಲಾನಯನ ಪ್ರದೇಶದ ವೃಕ್ಷಸಂಪತ್ತು ವೃದ್ದಿಗೆ ಕಾಣಿಕೆ ನೀಡಲಿವೆ!</p>.<p>ಹೌದು; ‘ಕಾವೇರಿ ಕೂಗು’ ಕಾರ್ಯಕ್ರಮದ ಅಂಗವಾಗಿ ಆ್ಯಡ್ ಟು ಪ್ರೊ ಕಂಪೆನಿಯು ಈ ವಿನೂತನ ಯೋಜನೆಗೆ ಚಾಲನೆ ನೀಡಿದೆ. ಪ್ರತಿ ಪಂದ್ಯದಲ್ಲಿ ದಾಖಲಾಗುವ ಸಿಕ್ಸರ್ವೊಂದಕ್ಕೆ 100 ಮತ್ತು ಬೌಂಡರಿಗೆ 50 ಸಸಿಗಳನ್ನು ಈ ಸಂಸ್ಥೆಯು ದೇಣಿಗೆ ನೀಡಲಿದೆ.</p>.<p>ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಸಂಜೆ ನಡೆದ ಉದ್ಘಾಟನೆ ಸಮಾರಂಭದಲ್ಲಿ ಹಿರಿಯ ಕ್ರಿಕೆಟಿಗ ಮತ್ತು ವೀಕ್ಷಕ ವಿವರಣೆಗಾರ ವೆಂಕಟೇಶ್ ಪ್ರಸಾದ್ ಅವರು ಈ ಅಭಿಯಾನಕ್ಕೆ ಚಾಲನೆ ನೀಡಿದರು.</p>.<p>‘ಕಾವೇರಿ ಕೊಳ್ಳದ ರಕ್ಷಣೆಗಾಗಿ ಉದ್ಯಮ ಸಂಸ್ಥೆಗಳು ಈಶ ಫೌಂಡೇಷನ್ನ ಸದ್ಗುರು ಜಗ್ಗಿ ವಾಸುದೇವ್ ಅವರ ನೇತೃತ್ವದಲ್ಲಿ ಈ ಅಭಿಯಾನ ನಡೆಸಿವೆ. ಈ ಸಸಿಗಳನ್ನು ಕಾವೇರಿ ಜಲಾನಯನ ಪ್ರದೇಶದ ರೈತರಿಗೆ ಆ್ಯಡ್ 2 ಪ್ರೊ ಸಂಸ್ಥೆಯು ತಲುಪಿಸಲಿದೆ. ರೈತರು ಈ ಸಸಿಗಳನ್ನು ಬೆಳೆಸುವರು. ಇದರಿಂದ ಅರಣ್ಯ ಕೃಷಿಗೆ ಒತ್ತು ಸಿಗಲಿದೆ. ಇಳುವರಿ ಹೆಚ್ಚಲಿದೆ. ಈ ಅಭಿಯಾನಕ್ಕಾಗಿ ಹಲವಾರು ಗಣ್ಯರು, ಕ್ರಿಕೆಟ್ ಮತ್ತು ಸಿನೆಮಾ ತಾರೆಯರು ಕೈಜೋಡಿಸಿದ್ದಾರೆ. ಬಹಳಷ್ಟು ಸಾರ್ವಜನಿಕರು ಸ್ವಯಂಸೇವಕರಾಗಿಯೂ ಕಾರ್ಯನಿರ್ವಹಿಸುತ್ತಿದ್ದಾರೆ’ ಎಂದು ಫೌಂಡೇಷನ್ನ ಋಷಭ್ ಕಶ್ಯಪ್ ಮಾಹಿತಿ ನೀಡಿದರು.</p>.<p>ಕೆಪಿಎಲ್ ಪ್ರಚಾರ ರಾಯಭಾರಿ, ಕನ್ನಡ ಚಿತ್ರ ತಾರೆ ರಾಗಿಣಿ ದ್ವಿವೇದಿ, ಗಾಯಕ ಚಂದನ್ ಶೆಟ್ಟಿ ಅವರು ಕೂಡ ‘ಕಾವೇರಿ ಕೂಗು’ ಅಭಿಯಾನಕ್ಕೆ ಬೆಂಬಲ ನೀಡುವಂತೆ ಪ್ರೇಕ್ಷಕರಲ್ಲಿ ಮನವಿ ಮಾಡಿದರು. ಗ್ಯಾಲರಿಯಲ್ಲಿದ್ದ ಪ್ರೇಕ್ಷಕರು ಅಭಿಯಾನದ ಫಲಕ ಪ್ರದರ್ಶಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
