<p><strong>ಲಂಡನ್</strong>: ಭಾರತದ ಟೆಸ್ಟ್ ಕ್ರಿಕೆಟ್ ತಂಡದಿಂದ ತಮ್ಮನ್ನು ಕೈಬಿಟ್ಟ ಬಗ್ಗೆ ಹಿರಿಯ ಕ್ರಿಕೆಟಿಗ ಚೇತೇಶ್ವರ ಪೂಜಾರ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ. </p><p>ಭಾರತ ಟೆಸ್ಟ್ ತಂಡದಿಂದ ನನ್ನನ್ನು ಕೈಬಿಟ್ಟಿದ್ದು ಅತ್ಯಂತ ಹತಾಶೆಯನ್ನು ಉಂಟು ಮಾಡಿದೆ ಮತ್ತು ವೈಯಕ್ತಿಕ ಅನುಮಾನಗಳನ್ನು ಹುಟ್ಟುಹಾಕಿದೆ ಎಂದು ಅವರು ಹೇಳಿದ್ದಾರೆ.</p><p>ಇತ್ತೀಚಿನ, ವೆಸ್ಟ್ಇಂಡೀಸ್ ಪ್ರವಾಸದ ವೇಳೆ ಭಾರತ ಟೆಸ್ಟ್ ತಂಡದಲ್ಲಿ ಪೂಜಾರ ಅವರಿಗೆ ಅವಕಾಶ ನೀಡಲಾಗಿರಲಿಲ್ಲ.</p><p>ಭಾರತದ ಪರ 103 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಪೂಜಾರ, ಜೂನ್ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಪಂದ್ಯದಲ್ಲಿ ಎರಡು ಇನಿಂಗ್ಸ್ಗಳಲ್ಲಿ ಕ್ರಮವಾಗಿ ಕೇವಲ 14 ಮತ್ತು 27 ರನ್ ಕಲೆ ಹಾಕಿದ್ದರು.</p><p>‘ಕಳೆದ ಕೆಲ ತಿಂಗಳುಗಳಿಂದ ನನ್ನ ಜೀವನದಲ್ಲಿ ಏರಿಳಿತ ಕಂಡುಬರುತ್ತಿದೆ. 90ಕ್ಕೂ ಅಧಿಕ ಪಂದ್ಯಗಳನ್ನು ಆಡಿದ್ದರೂ ಈಗಲೂ ನಾನು ನನ್ನ ಸಾಮರ್ಥ್ಯ ಸಾಬೀತುಪಡಿಸಬೇಕಿದೆ. ಇದು ಒಂದು ವಿಭಿನ್ನ ಸವಾಲು’ ಎಂದು ಫೈನಲ್ ವರ್ಡ್ ಪಾಡ್ಕಾಸ್ಟ್ನಲ್ಲಿ ಪೂಜಾರ ಹೇಳಿದ್ದಾರೆ. </p><p>'ಬಹಳಷ್ಟು ಪಂದ್ಯಗಳನ್ನು ಆಡಿ, ಐದಾರು ಸಾವಿರ ರನ್ ಗಳಿಸಿದ ಬಳಿಕವೂ ತಮ್ಮನ್ನು ತಾವು ಮತ್ತೆ ಸಾಬೀತುಪಡಿಸಬೇಕೆಂದರೆ ಅದು ಹತಾಶೆಯ ವಿಷಯ. ಅದು ನಿಜಕ್ಕೂ ಸುಲಭವಲ್ಲ. ನಾನೊಬ್ಬ ಉತ್ತಮ ಆಟಗಾರನಾಗಿದ್ದಾಗಲೂ ಆ ರೀತಿ ಆದಾಗ ಅದು ನಮ್ಮ ಆತ್ಮಸ್ಥೈರ್ಯಕ್ಕೆ ಪೆಟ್ಟು ಬೀಳುತ್ತದೆ. ನಮ್ಮ ಸಾಮರ್ಥ್ಯದ ಮೇಲೇ ನಮಗೆ ಸಂಶಯ ಮೂಡಿಸುತ್ತದೆ’ಎಂದು ಪೂಜಾರ ಹೇಳಿದ್ದಾರೆ.</p><p>‘ನೀವು ಮತ್ತೆ ಮತ್ತೆ ನಿಮ್ಮನ್ನು ಸಾಬೀತುಪಡಿಸಬೇಕೆಂದರೆ ಅದಕ್ಕೇನಾದರೂ ಮೌಲ್ಯವಿದೆಯಾ?’ ಎಂದು ಇಂಗ್ಲಿಷ್ ಕೌಂಟಿ ತಂಡ ಸಸೆಕ್ಸ್ ಪರ ಆಡುತ್ತಿರುವ ಪೂಜಾರ ಪ್ರಶ್ನಿಸಿದ್ದಾರೆ.</p><p>ಈ ಹಿಂದಿನ(2021–2023) ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಆವೃತ್ತಿಯಲ್ಲಿ ಪೂಜಾರ 17 ಟೆಸ್ಟ್ಗಳಿಂದ 928 ರನ್ ಕಲೆ ಹಾಕುವ ಅತ್ಯಧಿಕ ರನ್ ಗಳಿಸಿದ ಬ್ಯಾಟರ್ ಎಂಬ ಖ್ಯಾತಿ ಗಳಿಸಿದ್ದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್</strong>: ಭಾರತದ ಟೆಸ್ಟ್ ಕ್ರಿಕೆಟ್ ತಂಡದಿಂದ ತಮ್ಮನ್ನು ಕೈಬಿಟ್ಟ ಬಗ್ಗೆ ಹಿರಿಯ ಕ್ರಿಕೆಟಿಗ ಚೇತೇಶ್ವರ ಪೂಜಾರ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ. </p><p>ಭಾರತ ಟೆಸ್ಟ್ ತಂಡದಿಂದ ನನ್ನನ್ನು ಕೈಬಿಟ್ಟಿದ್ದು ಅತ್ಯಂತ ಹತಾಶೆಯನ್ನು ಉಂಟು ಮಾಡಿದೆ ಮತ್ತು ವೈಯಕ್ತಿಕ ಅನುಮಾನಗಳನ್ನು ಹುಟ್ಟುಹಾಕಿದೆ ಎಂದು ಅವರು ಹೇಳಿದ್ದಾರೆ.</p><p>ಇತ್ತೀಚಿನ, ವೆಸ್ಟ್ಇಂಡೀಸ್ ಪ್ರವಾಸದ ವೇಳೆ ಭಾರತ ಟೆಸ್ಟ್ ತಂಡದಲ್ಲಿ ಪೂಜಾರ ಅವರಿಗೆ ಅವಕಾಶ ನೀಡಲಾಗಿರಲಿಲ್ಲ.</p><p>ಭಾರತದ ಪರ 103 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಪೂಜಾರ, ಜೂನ್ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಪಂದ್ಯದಲ್ಲಿ ಎರಡು ಇನಿಂಗ್ಸ್ಗಳಲ್ಲಿ ಕ್ರಮವಾಗಿ ಕೇವಲ 14 ಮತ್ತು 27 ರನ್ ಕಲೆ ಹಾಕಿದ್ದರು.</p><p>‘ಕಳೆದ ಕೆಲ ತಿಂಗಳುಗಳಿಂದ ನನ್ನ ಜೀವನದಲ್ಲಿ ಏರಿಳಿತ ಕಂಡುಬರುತ್ತಿದೆ. 90ಕ್ಕೂ ಅಧಿಕ ಪಂದ್ಯಗಳನ್ನು ಆಡಿದ್ದರೂ ಈಗಲೂ ನಾನು ನನ್ನ ಸಾಮರ್ಥ್ಯ ಸಾಬೀತುಪಡಿಸಬೇಕಿದೆ. ಇದು ಒಂದು ವಿಭಿನ್ನ ಸವಾಲು’ ಎಂದು ಫೈನಲ್ ವರ್ಡ್ ಪಾಡ್ಕಾಸ್ಟ್ನಲ್ಲಿ ಪೂಜಾರ ಹೇಳಿದ್ದಾರೆ. </p><p>'ಬಹಳಷ್ಟು ಪಂದ್ಯಗಳನ್ನು ಆಡಿ, ಐದಾರು ಸಾವಿರ ರನ್ ಗಳಿಸಿದ ಬಳಿಕವೂ ತಮ್ಮನ್ನು ತಾವು ಮತ್ತೆ ಸಾಬೀತುಪಡಿಸಬೇಕೆಂದರೆ ಅದು ಹತಾಶೆಯ ವಿಷಯ. ಅದು ನಿಜಕ್ಕೂ ಸುಲಭವಲ್ಲ. ನಾನೊಬ್ಬ ಉತ್ತಮ ಆಟಗಾರನಾಗಿದ್ದಾಗಲೂ ಆ ರೀತಿ ಆದಾಗ ಅದು ನಮ್ಮ ಆತ್ಮಸ್ಥೈರ್ಯಕ್ಕೆ ಪೆಟ್ಟು ಬೀಳುತ್ತದೆ. ನಮ್ಮ ಸಾಮರ್ಥ್ಯದ ಮೇಲೇ ನಮಗೆ ಸಂಶಯ ಮೂಡಿಸುತ್ತದೆ’ಎಂದು ಪೂಜಾರ ಹೇಳಿದ್ದಾರೆ.</p><p>‘ನೀವು ಮತ್ತೆ ಮತ್ತೆ ನಿಮ್ಮನ್ನು ಸಾಬೀತುಪಡಿಸಬೇಕೆಂದರೆ ಅದಕ್ಕೇನಾದರೂ ಮೌಲ್ಯವಿದೆಯಾ?’ ಎಂದು ಇಂಗ್ಲಿಷ್ ಕೌಂಟಿ ತಂಡ ಸಸೆಕ್ಸ್ ಪರ ಆಡುತ್ತಿರುವ ಪೂಜಾರ ಪ್ರಶ್ನಿಸಿದ್ದಾರೆ.</p><p>ಈ ಹಿಂದಿನ(2021–2023) ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಆವೃತ್ತಿಯಲ್ಲಿ ಪೂಜಾರ 17 ಟೆಸ್ಟ್ಗಳಿಂದ 928 ರನ್ ಕಲೆ ಹಾಕುವ ಅತ್ಯಧಿಕ ರನ್ ಗಳಿಸಿದ ಬ್ಯಾಟರ್ ಎಂಬ ಖ್ಯಾತಿ ಗಳಿಸಿದ್ದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
