<p><strong>ಮುಂಬೈ</strong>: ಪ್ರಸಕ್ತ ರಣಜಿ ಟ್ರೋಫಿ ಟೂರ್ನಿಯಲ್ಲಿ ಮುಂಬೈ ತಂಡದ ಕೆಳಕ್ರಮಾಂಕದ ಬ್ಯಾಟರ್ಗಳು ಮಿಂಚಿದರು.</p><p>ಶಾರ್ದೂಲ್ ಠಾಕೂರ್ (109; 104ಎಸೆತ) ಅವರ ಶತಕ ಮತ್ತು ತನುಷ್ ಕೋಟ್ಯಾನ್ (ಬ್ಯಾಟಿಂಗ್ 74) ಅವರ ಅಮೋಘ ಆಟದ ಬಲದಿಂದ ಇಲ್ಲಿ ನಡೆಯುತ್ತಿರುವ ಸೆಮಿಫೈನಲ್ನಲ್ಲಿ ಮುಂಬೈ ತಂಡವು ತಮಿಳುನಾಡು ವಿರುದ್ಧ 207 ರನ್ಗಳ ಉತ್ತಮ ಮುನ್ನಡೆ ಸಾಧಿಸಿತು.</p><p>ಬಾಂದ್ರಾ–ಕುರ್ಲಾ ಕಾಂಪ್ಲೆಕ್ಸ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ತಮಿಳುನಾಡು ತಂಡವು ಮೊದಲ ಇನಿಂಗ್ಸ್ನಲ್ಲಿ 146ಕ್ಕೆ ಆಲೌಟ್ ಆಗಿತ್ತು. ಅದಕ್ಕುತ್ತರವಾಗಿ ಎರಡನೇ ದಿನವಾದ ಭಾನುವಾರದ ಮುಕ್ತಾಯಕ್ಕೆ ಮುಂಬೈ ತಂಡವು 100 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 353 ರನ್ ಗಳಿಸಿದೆ.</p><p>ತಮಿಳುನಾಡು ತಂಡದ ನಾಯಕ ಆರ್. ಸಾಯಿಕಿಶೋರ್ (97ಕ್ಕೆ6) ಅವರ ಪರಿಣಾಮಕಾರಿ ಬೌಲಿಂಗ್ನಿಂದಾಗಿ ಮುಂಬೈ ತಂಡದ ಪ್ರಮುಖ ಬ್ಯಾಟರ್ಗಳು ಬೇಗನೆ ಔಟಾದರು. ಮುಷೀರ್ಖಾನ್ (55; 131ಎ) ಬಿಟ್ಟರೆ ಉಳಿದವರು ಹೆಚ್ಚು ರನ್ ಗಳಿಸಲಿಲ್ಲ. ತಂಡವು 106 ರನ್ಗಳಿಗೇ ಏಳು ವಿಕೆಟ್ ಕಳೆದುಕೊಂಡಿತ್ತು.</p><p>ಆದರೆ ಶಾರ್ದೂಲ್ ಎರಡು ಜೊತೆಯಾಟಗಳಲ್ಲಿ ತಂಡದ ಆತಂಕ ನಿವಾರಿಸಿದರು. ಎಂಟನೇ ವಿಕೆಟ್ ಜೊತೆಯಾಟದಲ್ಲಿ ಹಾರ್ದಿಕ್ ತಮೋರೆ ಅವರೊಂದಿಗೆ 105 ರನ್ ಸೇರಿಸಿದರು. ತನುಷ್ ಕೋಟ್ಯಾನ್ ಜೊತೆಗೆ 9ನೇ ವಿಕೆಟ್ಗೆ 79 ರನ್ ಸೇರಿಸಿದರು. ಶಾರ್ದೂಲ್ ಅವರ ಬ್ಯಾಟಿಂಗ್ ಟಿ20 ಮಾದರಿಯದಾಗಿತ್ತು.</p><p>ಟೂರ್ನಿಯ ಕಳೆದ ಪಂದ್ಯದಲ್ಲಿ 9 ಮತ್ತು 10ನೇ ಕ್ರಮಾಂಕದಲ್ಲಿ ಶತಕ ಸಿಡಿಸಿ ದಾಖಲೆ ಬರೆದಿದ್ದ ತನುಷ್ ಮತ್ತು ತುಷಾರ್ ದೇಶಪಾಂಡೆ ಮತ್ತೊಮ್ಮೆ ಉತ್ತಮ ಬ್ಯಾಟಿಂಗ್ ನಡೆಸುತ್ತಿದ್ದಾರೆ. ಈ ಜೋಡಿ, ಅಂತಿಮ ವಿಕೆಟ್ಗೆ 63 ರನ್ ಗಳಿಸಿದ್ದು, ಮೂರನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದೆ.</p><p>ತನುಷ್ (74) ಮತ್ತು ತುಷಾರ್ (17) ರನ್ ಗಳಿಸಿದ್ದಾರೆ.</p><p><strong>ಸಂಕ್ಷಿಪ್ತ ಸ್ಕೋರು</strong></p><p><strong>ಮೊದಲ ಇನಿಂಗ್ಸ್</strong></p><p><strong>ತಮಿಳುನಾಡು</strong>: 146</p><p><strong>ಮುಂಬೈ</strong>: 100 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 353 (ಮುಷೀರ್ ಖಾನ್ 55, ಶಾರ್ದೂಲ್ ಠಾಕೂರ್ 109, ತನುಷ್ ಕೋಟ್ಯಾನ್ ಬ್ಯಾಟಿಂಗ್ 74, ತುಷಾರ್ ದೇಶಪಾಂಡೆ ಬ್ಯಾಟಿಂಗ್ 17, ಆರ್. ಸಾಯಿಕಿಶೋರ್ 97ಕ್ಕೆ6)</p>.<p><strong>ಹಿಮಾಂಶು ಮಂತ್ರಿ ಶತಕ</strong></p><p><strong>ನಾಗ್ಪುರ:</strong> ತಾಳ್ಮೆ ಮತ್ತು ಉತ್ತಮ ಕೌಶಲಗಳ ಬ್ಯಾಟಿಂಗ್ ಮಾಡಿದ ಹಿಮಾಂಶು ಮಂತ್ರಿ ಶತಕದ ಬಲದಿಂದ ಮಧ್ಯಪ್ರದೇಶ ತಂಡವು ಇಲ್ಲಿ ನಡೆಯುತ್ತಿರುವ ರಣಜಿ ಟ್ರೋಫಿ ಸೆಮಿಫೈನಲ್ನಲ್ಲಿ ಮೊದಲ ಇನಿಂಗ್ಸ್ ಮುನ್ನಡೆ ಸಾಧಿಸಿತು.</p><p>ಮೊದಲು ಬ್ಯಾಟಿಂಗ್ ಮಾಡಿದ್ದ ವಿದರ್ಭ ತಂಡವು 170 ರನ್ಗಳಿಸಿತ್ತು. ಮಂತ್ರಿ (126; 265 ಎ 4X13 6X1) ಬ್ಯಾಟಿಂಗ್ನಿಂದಾಗಿ ಮಧ್ಯಪ್ರದೇಶ ತಂಡವು 94.3 ಓವರ್ಗಳಲ್ಲಿ 252 ರನ್ ಗಳಿಸಿತು. ಇದರೊಂದಿಗೆ 82 ರನ್ಗಳ ಮುನ್ನಡೆ ಸಾಧಿಸಿತು.</p><p>ಎರಡನೇ ಇನಿಂಗ್ಸ್ ಆರಂಭಿಸಿರುವ ವಿದರ್ಭ ತಂಡವು 4 ಓವರ್ಗಳಲ್ಲಿ 1 ವಿಕೆಟ್ಗೆ 13 ರನ್ ಗಳಿಸಿದೆ.</p><p><strong>ಸಂಕ್ಷಿಪ್ತ ಸ್ಕೋರು</strong></p><p><strong>ಮೊದಲ ಇನಿಂಗ್ಸ್:</strong> ವಿದರ್ಭ: 170</p><p><strong>ಮಧ್ಯಪ್ರದೇಶ:</strong> 94.3 ಓವರ್ಗಳಲ್ಲಿ 252 (ಹಿಮಾಂಶು ಮಂತ್ರಿ 126 ಹರ್ಷ್ ಗೌಳಿ 25 ಸಾಗರ್ ಸೋಳಂಕಿ 26 ಸಾರಾಂಶ್ ಜೈನ್ 30 ಉಮೇಶ್ ಯಾದವ್ 40ಕ್ಕೆ3 ಯಶ್ ಠಾಕೂರ್ 51ಕ್ಕೆ3 ಅಕ್ಷಯ್ ವಾಖರೆ 68ಕ್ಕೆ2)</p><p><strong>ಎರಡನೇ ಇನಿಂಗ್ಸ್</strong></p><p><strong>ವಿದರ್ಭ:</strong> 4 ಓವರ್ಗಳಲ್ಲಿ 1 ವಿಕೆಟ್ಗೆ 13 (ಧ್ರುವ ಶೋರೆ ಬ್ಯಾಟಿಂಗ್ 10 ಆವೇಶ್ ಖಾನ್ 2 ರನ್ಗೆ 1) </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ</strong>: ಪ್ರಸಕ್ತ ರಣಜಿ ಟ್ರೋಫಿ ಟೂರ್ನಿಯಲ್ಲಿ ಮುಂಬೈ ತಂಡದ ಕೆಳಕ್ರಮಾಂಕದ ಬ್ಯಾಟರ್ಗಳು ಮಿಂಚಿದರು.</p><p>ಶಾರ್ದೂಲ್ ಠಾಕೂರ್ (109; 104ಎಸೆತ) ಅವರ ಶತಕ ಮತ್ತು ತನುಷ್ ಕೋಟ್ಯಾನ್ (ಬ್ಯಾಟಿಂಗ್ 74) ಅವರ ಅಮೋಘ ಆಟದ ಬಲದಿಂದ ಇಲ್ಲಿ ನಡೆಯುತ್ತಿರುವ ಸೆಮಿಫೈನಲ್ನಲ್ಲಿ ಮುಂಬೈ ತಂಡವು ತಮಿಳುನಾಡು ವಿರುದ್ಧ 207 ರನ್ಗಳ ಉತ್ತಮ ಮುನ್ನಡೆ ಸಾಧಿಸಿತು.</p><p>ಬಾಂದ್ರಾ–ಕುರ್ಲಾ ಕಾಂಪ್ಲೆಕ್ಸ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ತಮಿಳುನಾಡು ತಂಡವು ಮೊದಲ ಇನಿಂಗ್ಸ್ನಲ್ಲಿ 146ಕ್ಕೆ ಆಲೌಟ್ ಆಗಿತ್ತು. ಅದಕ್ಕುತ್ತರವಾಗಿ ಎರಡನೇ ದಿನವಾದ ಭಾನುವಾರದ ಮುಕ್ತಾಯಕ್ಕೆ ಮುಂಬೈ ತಂಡವು 100 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 353 ರನ್ ಗಳಿಸಿದೆ.</p><p>ತಮಿಳುನಾಡು ತಂಡದ ನಾಯಕ ಆರ್. ಸಾಯಿಕಿಶೋರ್ (97ಕ್ಕೆ6) ಅವರ ಪರಿಣಾಮಕಾರಿ ಬೌಲಿಂಗ್ನಿಂದಾಗಿ ಮುಂಬೈ ತಂಡದ ಪ್ರಮುಖ ಬ್ಯಾಟರ್ಗಳು ಬೇಗನೆ ಔಟಾದರು. ಮುಷೀರ್ಖಾನ್ (55; 131ಎ) ಬಿಟ್ಟರೆ ಉಳಿದವರು ಹೆಚ್ಚು ರನ್ ಗಳಿಸಲಿಲ್ಲ. ತಂಡವು 106 ರನ್ಗಳಿಗೇ ಏಳು ವಿಕೆಟ್ ಕಳೆದುಕೊಂಡಿತ್ತು.</p><p>ಆದರೆ ಶಾರ್ದೂಲ್ ಎರಡು ಜೊತೆಯಾಟಗಳಲ್ಲಿ ತಂಡದ ಆತಂಕ ನಿವಾರಿಸಿದರು. ಎಂಟನೇ ವಿಕೆಟ್ ಜೊತೆಯಾಟದಲ್ಲಿ ಹಾರ್ದಿಕ್ ತಮೋರೆ ಅವರೊಂದಿಗೆ 105 ರನ್ ಸೇರಿಸಿದರು. ತನುಷ್ ಕೋಟ್ಯಾನ್ ಜೊತೆಗೆ 9ನೇ ವಿಕೆಟ್ಗೆ 79 ರನ್ ಸೇರಿಸಿದರು. ಶಾರ್ದೂಲ್ ಅವರ ಬ್ಯಾಟಿಂಗ್ ಟಿ20 ಮಾದರಿಯದಾಗಿತ್ತು.</p><p>ಟೂರ್ನಿಯ ಕಳೆದ ಪಂದ್ಯದಲ್ಲಿ 9 ಮತ್ತು 10ನೇ ಕ್ರಮಾಂಕದಲ್ಲಿ ಶತಕ ಸಿಡಿಸಿ ದಾಖಲೆ ಬರೆದಿದ್ದ ತನುಷ್ ಮತ್ತು ತುಷಾರ್ ದೇಶಪಾಂಡೆ ಮತ್ತೊಮ್ಮೆ ಉತ್ತಮ ಬ್ಯಾಟಿಂಗ್ ನಡೆಸುತ್ತಿದ್ದಾರೆ. ಈ ಜೋಡಿ, ಅಂತಿಮ ವಿಕೆಟ್ಗೆ 63 ರನ್ ಗಳಿಸಿದ್ದು, ಮೂರನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದೆ.</p><p>ತನುಷ್ (74) ಮತ್ತು ತುಷಾರ್ (17) ರನ್ ಗಳಿಸಿದ್ದಾರೆ.</p><p><strong>ಸಂಕ್ಷಿಪ್ತ ಸ್ಕೋರು</strong></p><p><strong>ಮೊದಲ ಇನಿಂಗ್ಸ್</strong></p><p><strong>ತಮಿಳುನಾಡು</strong>: 146</p><p><strong>ಮುಂಬೈ</strong>: 100 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 353 (ಮುಷೀರ್ ಖಾನ್ 55, ಶಾರ್ದೂಲ್ ಠಾಕೂರ್ 109, ತನುಷ್ ಕೋಟ್ಯಾನ್ ಬ್ಯಾಟಿಂಗ್ 74, ತುಷಾರ್ ದೇಶಪಾಂಡೆ ಬ್ಯಾಟಿಂಗ್ 17, ಆರ್. ಸಾಯಿಕಿಶೋರ್ 97ಕ್ಕೆ6)</p>.<p><strong>ಹಿಮಾಂಶು ಮಂತ್ರಿ ಶತಕ</strong></p><p><strong>ನಾಗ್ಪುರ:</strong> ತಾಳ್ಮೆ ಮತ್ತು ಉತ್ತಮ ಕೌಶಲಗಳ ಬ್ಯಾಟಿಂಗ್ ಮಾಡಿದ ಹಿಮಾಂಶು ಮಂತ್ರಿ ಶತಕದ ಬಲದಿಂದ ಮಧ್ಯಪ್ರದೇಶ ತಂಡವು ಇಲ್ಲಿ ನಡೆಯುತ್ತಿರುವ ರಣಜಿ ಟ್ರೋಫಿ ಸೆಮಿಫೈನಲ್ನಲ್ಲಿ ಮೊದಲ ಇನಿಂಗ್ಸ್ ಮುನ್ನಡೆ ಸಾಧಿಸಿತು.</p><p>ಮೊದಲು ಬ್ಯಾಟಿಂಗ್ ಮಾಡಿದ್ದ ವಿದರ್ಭ ತಂಡವು 170 ರನ್ಗಳಿಸಿತ್ತು. ಮಂತ್ರಿ (126; 265 ಎ 4X13 6X1) ಬ್ಯಾಟಿಂಗ್ನಿಂದಾಗಿ ಮಧ್ಯಪ್ರದೇಶ ತಂಡವು 94.3 ಓವರ್ಗಳಲ್ಲಿ 252 ರನ್ ಗಳಿಸಿತು. ಇದರೊಂದಿಗೆ 82 ರನ್ಗಳ ಮುನ್ನಡೆ ಸಾಧಿಸಿತು.</p><p>ಎರಡನೇ ಇನಿಂಗ್ಸ್ ಆರಂಭಿಸಿರುವ ವಿದರ್ಭ ತಂಡವು 4 ಓವರ್ಗಳಲ್ಲಿ 1 ವಿಕೆಟ್ಗೆ 13 ರನ್ ಗಳಿಸಿದೆ.</p><p><strong>ಸಂಕ್ಷಿಪ್ತ ಸ್ಕೋರು</strong></p><p><strong>ಮೊದಲ ಇನಿಂಗ್ಸ್:</strong> ವಿದರ್ಭ: 170</p><p><strong>ಮಧ್ಯಪ್ರದೇಶ:</strong> 94.3 ಓವರ್ಗಳಲ್ಲಿ 252 (ಹಿಮಾಂಶು ಮಂತ್ರಿ 126 ಹರ್ಷ್ ಗೌಳಿ 25 ಸಾಗರ್ ಸೋಳಂಕಿ 26 ಸಾರಾಂಶ್ ಜೈನ್ 30 ಉಮೇಶ್ ಯಾದವ್ 40ಕ್ಕೆ3 ಯಶ್ ಠಾಕೂರ್ 51ಕ್ಕೆ3 ಅಕ್ಷಯ್ ವಾಖರೆ 68ಕ್ಕೆ2)</p><p><strong>ಎರಡನೇ ಇನಿಂಗ್ಸ್</strong></p><p><strong>ವಿದರ್ಭ:</strong> 4 ಓವರ್ಗಳಲ್ಲಿ 1 ವಿಕೆಟ್ಗೆ 13 (ಧ್ರುವ ಶೋರೆ ಬ್ಯಾಟಿಂಗ್ 10 ಆವೇಶ್ ಖಾನ್ 2 ರನ್ಗೆ 1) </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
