ಸೆಮಿಫೈನಲ್‌ಗೆ ಯೋಗ್ಯ ಪಿಚ್‌ ಆಗಿರಲಿಲ್ಲ: ಅಫ್ಗನ್ ತಂಡದ ಕೋಚ್‌ ಟ್ರಾಟ್‌ ಅಸಮಾಧಾನ

ತರೂಬಾ (ಟ್ರಿನಿಡಾಡ್ ): ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20 ವಿಶ್ವಕಪ್ ಸೆಮಿಫೈನಲ್ ಆಡಲು ಬಳಸಿದ ಪಿಚ್ ಬಗ್ಗೆ ಅಫ್ಗಾನಿಸ್ತಾನದ ಕೋಚ್ ಜೊನಾಥನ್ ಟ್ರಾಟ್ ಆಕ್ರೋಶಗೊಂಡಿದ್ದಾರೆ. ಇಂಥ ದೊಡ್ಡಮಟ್ಟದ ಪಂದ್ಯಕ್ಕೆ ಈ ಪಿಚ್ ಯೋಗ್ಯವಾಗಿರಲಿಲ್ಲ ಎಂದಿದ್ದಾರೆ.

. ಇಲ್ಲಿನ ಬ್ರಯಾನ್ ಲಾರಾ ಕ್ರಿಕೆಟ್ ಅಕಾಡೆಮಿ ಕ್ರೀಡಾಂಗಣದ ಪಿಚ್ ಅಸಮಾನ ಬೌನ್ಸ್ ಮತ್ತು ಅನಿರೀಕ್ಷಿತ ಸೀಮ್ ಮೂವ್ಮೆಂಟ್ಗಳಿಂದ ಬ್ಯಾಟ್ಸ್ಮನ್ನರ ಪಾಲಿಗೆ ದುಃಸ್ವಪ್ನವಾಗಿತ್ತು ಎಂದು ಅವರು ಟೀಕಿಸಿದರು. ಅಫ್ಗಾನಿಸ್ತಾನ ಮೊದಲು ಆಡಿ 56 ರನ್ಗಳಿಗೆ ಪತನಗೊಂಡಿತ್ತು.

. ದಕ್ಷಿಣ ಆಫ್ರಿಕಾ ಒಂದು ವಿಕೆಟ್ ನಷ್ಟದಲ್ಲಿ ಗುರಿ ತಲುಪಿದರೂ ಆ ತಂಡದ ಬ್ಯಾಟರ್ಗಳೂ ಪರದಾಡಿದರು. ಗೆಲ್ಲಲು 53 ಎಸೆತಗಳು ಬೇಕಾದವು.

. ‘ಪಿಚ್ ಸ್ಪಿನ್ ಅಥವಾ ಸೀಮ್ ಚಲನೆಗೆ ಅವಕಾಶವಿಲ್ಲದೇ ಪೂರ್ಣ ಸಪಾಟು ಇರಬೇಕೆಂದು ನಾನು ಹೇಳುತ್ತಿಲ್ಲ. ಆದರೆ ಬ್ಯಾಟರ್ಗಳಿಗೆ ಮುಂದಡಿ ಇಟ್ಟು ಆಡಲು ಯೋಚಿಸುವಂತೆ ಆಗಬಾರದು ಎಂದಷ್ಟೇ ನನ್ನ ಮಾತಿನ ಅರ್ಥ’ ಎಂದು ವಿವರಿಸಿದರು.

. ‘ಟಿ20 ಕ್ರಿಕೆಟ್ ಇರುವುದೇ ಆಕ್ರಮಣದ ಆಟವಾಡಲು, ರನ್ಗಳನ್ನು ಪೇರಿಸಲು ಮತ್ತು ವಿಕೆಟ್ಳನ್ನು ಪಡೆಯುವುದಕ್ಕೆ. ಹೇಗೆ ಅಸ್ತಿತ್ವ ಕಂಡುಕೊಳ್ಳಬೇಕು ಎನ್ನುವ ರೀತಿ ಇರಬಾದರು’ ಎಂದು ಇಂಗ್ಲೆಂಡ್ನ ಮಾಜಿ ಆಟಗಾರ ಹೇಳಿದರು.

. ತರೂಬಾ ಪಿಚ್ನಲ್ಲಿ ಈ ಬಾರಿ ಐದು ಪಂದ್ಯಗಳು ನಡೆದಿವೆ. ಮೊದಲು ಆಡಿದ ತಂಡ ಒಮ್ಮೆ ಮಾತ್ರ 100 ರನ್ ದಾಟಿದೆ. ಆ ಸಂದರ್ಭದಲ್ಲಿ ವೆಸ್ಟ್ ಇಂಡೀಸ್, ಇಲ್ಲಿ ನ್ಯೂಜಿಲೆಂಡ್ ವಿರುದ್ಧ 6 ವಿಕೆಟ್ಗೆ 149 ರನ್ ಗಳಿಸಿತ್ತು.

. ಮತ್ತೆ ಬಯಸಲ್ಲ: ಇದೇ ಪಿಚ್ನಲ್ಲಿ ಮತ್ತೊಂದು ಪಂದ್ಯ ಆಡಲು ಬಯಸುವುದಿಲ್ಲ ಎಂದು ದಕ್ಷಿಣ ಆಫ್ರಿಕಾ ನಾಯಕ ಏಡನ್ ಮರ್ಕರಂ ಹೇಳಿದರು. ಆದರೆ ಸವಾಲಿನ ಪಿಚ್ನಲ್ಲಿ ತಂಡ ಗೆದ್ದು ನಿಟ್ಟುಸಿರುಬಿಡುವಂತೆ ಮಾಡಿದೆ ಎಂದರು.

. ಪಿಚ್ನಲ್ಲಿ ಚೆಂಡು ಬೌನ್ಸ್ ಆದ ಮೇಲೆ ಸಾಕಷ್ಟು ಹೊರಳುತ್ತಿದ್ದು, ದಕ್ಷಿಣ ಆಫ್ರಿಕಾದ ವೇಗಿಗಳು ಪರಿಸ್ಥಿತಿಯ ಲಾಭವನ್ನು ಗರಿಷ್ಠ ಮಟ್ಟಿಗೆ ಪಡೆದರು.

.T20 WC | ಸೆಮಿ 'ಗುಮ್ಮ' ಮೆಟ್ಟಿನಿಂತ ದಕ್ಷಿಣ ಆಫ್ರಿಕಾ; ಅಫ್ಗನ್ ಮಣಿಸಿ ಫೈನಲ್ಗೆ. ‘ದಣಿದಿದ್ದರು’

ಅಫ್ಗನ್ ಆಟಗಾರರು ದಣಿದಿದ್ದರು. ಭಾವನಾತ್ಮಕವಾಗಿ ಬಳಲಿದ್ದರು. ಆದರೆ ಸೋಲಿಗೆ ಅದೇ ನೆಪವೆಂದು ಹೇಳುವುದಿಲ್ಲ ಎಂದರು. ಮೊದಲ ಬಾರಿ ಸೆಮಿಫೈನಲ್ ಆಡುವ 40 ಗಂಟೆಗಳ ಮೊದಲು ತಂಡಕ್ಕೆ ಸರಿಯಾಗಿ ಬಿಡುವು ದೊರೆಯಲಿಲ್ಲ ಎಂದೂ ಹೇಳಿದರು.

. ಕಿಂಗ್ಸ್ಟೌನ್ನಲ್ಲಿ ಬಾಂಗ್ಲಾದೇಶ ವಿರುದ್ಧ ಮಂಗಳವಾರ ರಾತ್ರಿ ಸೂಪರ್ ಎಂಟು ಹಂತದ ಪಂದ್ಯ ಆಡಿದ ನಂತರ ಅಫ್ಗಾನಿಸ್ತಾನ ತಂಡ ನಸುಕಿನ 3 ಗಂಟೆಗೆ ಹೋಟೆಲ್ ತಲುಪಿತ್ತು. ಎಂಟು ಗಂಟೆಗೆ ಮತ್ತೆ ಹೋಟೆಲ್ನಿಂದ ಹೊರಡಬೇಕಾಗಿತ್ತು. ಹೀಗಾಗಿ ಆಟಗಾರರಿಗೆ ಸರಿಯಾಗಿ ನಿದ್ದೆಯಾಗಿರಲಿಲ್ಲ. ಆಟಗಾರರಿಗೆ ಈ ಪರಿಸರ ಹೊಸದು. ಅವರು ದಣಿದಿದ್ದರು ಎಂದು ಟ್ರಾಟ್ ಹೇಳಿದರು.

. ತರೂಬಾಕ್ಕೆ ತೆರಳಬೇಕದ ವಿಮಾನ ನಾಲ್ಕು ಗಂಟೆ ವಿಳಂಬವಾಯಿತು. ‘ಹೀಗಾಗಿ ಆಟಗಾರರಿಗೆ ಸರಿಯಾಗಿ ನಿದ್ದೆ ಆಗಿಲ್ಲ‘ ಎಂದು ರಶೀದ್ ಖಾನ್ ಟಾಸ್ ವೇಳೆ ಹೇಳಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸೆಮಿಫೈನಲ್‌ಗೆ ಯೋಗ್ಯ ಪಿಚ್‌ ಆಗಿರಲಿಲ್ಲ: ಅಫ್ಗನ್ ತಂಡದ ಕೋಚ್‌ ಟ್ರಾಟ್‌ ಅಸಮಾಧಾನ

T20 WC | ಸೆಮಿ 'ಗುಮ್ಮ' ಮೆಟ್ಟಿನಿಂತ ದಕ್ಷಿಣ ಆಫ್ರಿಕಾ; ಅಫ್ಗನ್ ಮಣಿಸಿ ಫೈನಲ್‌ಗೆ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

ಸೈಯ್ಯದ್ ಮುಷ್ತಾಕ್ ಅಲಿ ಕ್ರಿಕೆಟ್‌: ಯುವರಾಜ್ ಆಟಕ್ಕೆ ಕರ್ನಾಟಕ ಸುಸ್ತು

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ