<p><strong>ಬೆಂಗಳೂರು:</strong> ಶ್ರೀಲಂಕಾ ವಿರುದ್ಧದ ಮೊದಲ ಟಿ–20 ಪಂದ್ಯದಲ್ಲಿ ಭಾರತದ ಯುವ ವೇಗಿ ಉಮ್ರಾನ್ ಮಲಿಕ್ ಅವರು ಅಪರೂಪದ ದಾಖಲೆ ಬರೆದಿದ್ದಾರೆ. ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ವೇಗದ ಬೌಲಿಂಗ್ ಮಾಡಿದ ಭಾರತದ ವೇಗಿ ಎನ್ನುವ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.</p>.<p>ಈ ಪಂದ್ಯದಲ್ಲಿ ಉಮ್ರಾನ್ ಮಲಿಕ್ ಗಂಟೆಗೆ 155 ಕಿ.ಮಿ ವೇಗದಲ್ಲಿ ಬೌಲಿಂಗ್ ಮಾಡಿ, ಜಸ್ಪ್ರೀತ್ ಬೂಮ್ರಾ ಅವರ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ. </p>.<p>ಈ ಹಿಂದೆ 2018ರ ಬಾರ್ಡರ್ ಗವಾಸ್ಕರ್ ಟ್ರೋಫಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೆಸ್ಟ್ ಪಂದ್ಯದಲ್ಲಿ ಜಸ್ಪ್ರೀತ್ ಬೂಮ್ರಾ ಗಂಟೆಗೆ 153.2 ಕಿ.ಮಿ ವೇಗದಲ್ಲಿ ಬೌಲಿಂಗ್ ಮಾಡಿ ದಾಖಲೆ ಬರೆದಿದ್ದರು. ಇದೀಗ ಆ ದಾಖಲೆಯನ್ನು 23 ವರ್ಷದ ಯುವ ಬೌಲರ್ ಮುರಿದಿದ್ದಾರೆ.</p>.<p>ಶ್ರೀಲಂಕಾ ವಿರುದ್ಧದ ಮೊದಲ ಟಿ–20 ಪಂದ್ಯದಲ್ಲಿ ಅವರು ಈ ಸಾಧನೆ ಮಾಡಿದ್ದು, ಅವರ ಆ ಎಸೆತವನ್ನು ಅಂದಾಜಿಸಲಾಗದೇ ಶ್ರೀಲಂಕಾ ತಂಡದ ಕಪ್ತಾನ ದಸುನ್ ಶನಕ ಅವರು ವಿಕೆಟ್ ಒಪ್ಪಿಸಿದ್ದರು.</p>.<p>ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ ತಂಡವು 162 ರನ್ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತು. ಗುರಿ ಬೆನ್ನಟ್ಟಿದ್ದ ಶ್ರೀಲಂಕಾ ತಂಡಕ್ಕೆ ಪಂದ್ಯದ ಕೊನೆಯ ಓವರ್ನಲ್ಲಿ ಗೆಲ್ಲಲು 13 ರನ್ಗಳ ಅವಶ್ಯಕತೆ ಇತ್ತು. ಈ ಓವರ್ ಬೌಲಿಂಗ್ ಮಾಡಿದ ಎಡಗೈ ಸ್ಪಿನ್ನರ್ ಅಕ್ಷರ್ ಕೇವಲ 11 ರನ್ ನೀಡಿದರು. ಇದರಿಂದಾಗಿ ಭಾರತ ತಂಡವು 2 ರನ್ಗಳಿಂದ ಜಯಿಸಿತು. ಮೂರು ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ ಸಾಧಿಸಿತು. </p>.<p>ಆತಿಥೇಯ ತಂಡವು ಹೋರಾಟದ ಮೊತ್ತ ಗಳಿಸಲು ಕೂಡ ಅಕ್ಷರ್ ಬ್ಯಾಟಿಂಗ್ ಕಾರಣವಾಗಿತ್ತು. ಅಕ್ಷರ್ (ಅಜೇಯ 31; 20ಎ, 4X3, 6X1) ಮತ್ತು ದೀಪಕ್ ಹೂಡಾ (ಅಜೇಯ 41; 23ಎ, 4X1, 6X4) ಇನಿಂಗ್ಸ್ನ ಕೊನೆಯ 35 ಎಸೆತಗಳಲ್ಲಿ 68 ರನ್ಗಳನ್ನು ಸೂರೆ ಮಾಡಿದರು. </p>.<p>ಲಂಕಾ ಸ್ಪಿನ್ನರ್ಗಳ ದಾಳಿಯ ಮುಂದೆ 94 ರನ್ಗಳಿಗೆ ಐದು ವಿಕೆಟ್ ಕಳೆದುಕೊಂಡಿದ್ದ ಆತಿಥೇಯ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 162 ರನ್ ಗಳಿಸಿತು. </p>.<p>ಆರಂಭಿಕ ಬ್ಯಾಟರ್ ಇಶಾನ್ ಕಿಶನ್ (37; 29ಎ) ಉತ್ತಮ ಆರಂಭ ನೀಡುವ ಪ್ರಯತ್ನ ಮಾಡಿದರು. ಆದರೆ, ಪದಾರ್ಪಣೆ ಪಂದ್ಯವಾಡಿದ ಶುಭಮನ್ ಗಿಲ್, ಸ್ಪೋಟಕ ಬ್ಯಾಟರ್ ಸೂರ್ಯಕುಮಾರ್ ಯಾದವ್ ಮತ್ತು ಸಂಜು ಸ್ಯಾಮ್ಸನ್ ಒಂದಂಕಿ ಗಳಿಸಿ ನಿರ್ಗಮಿಸಿದರು. ಇದರಿಂದಾಗಿ ತಂಡದ ರನ್ ಗಳಿಕೆ ವೇಗ ಕುಂಠಿತವಾಯಿತು.</p>.<p>ಇಶಾನ್ ಜೊತೆಗೂಡಿದ ನಾಯಕ ಹಾರ್ದಿಕ್ ಪಾಂಡ್ಯ (29; 27ಎ, 4X4) ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ 31 ರನ್ ಸೇರಿಸಿದರು. ಇಶಾನ್ ಎರಡು ಸಿಕ್ಸರ್ ಹಾಗೂ ಮೂರು ಬೌಂಡರಿ ಬಾರಿಸಿದರು. ಒಂದು ಬಾರಿ ಜೀವದಾನ ಪಡೆದ ಹಾರ್ದಿಕ್ ನಾಲ್ಕು ಬಾರಿ ಚೆಂಡನ್ನು ಬೌಂಡರಿಗೆರೆ ದಾಟಿಸಿದರು. ವಣಿಂದು ಹಸರಂಗಾ ಎಸೆತದಲ್ಲಿ ಇಶಾನ್ ಔಟಾಗುವುದರೊಂದಿಗೆ ಜೊತೆಯಾಟ ಮುರಿದುಬಿತ್ತು. </p>.<p><span style="text-decoration:underline;"><strong>ಸಂಕ್ಷಿಪ್ತ ಸ್ಕೋರು:</strong></span></p>.<p><span style="text-decoration:underline;"><strong>ಭಾರತ:</strong></span> 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 162 (ಇಶಾನ್ ಕಿಶನ್ 37, ಹಾರ್ದಿಕ್ ಪಾಂಡ್ಯ 29, ದೀಪಕ್ ಹೂಡಾ ಔಟಾಗದೆ 41, ಅಕ್ಷರ್ ಪಟೇಲ್ ಔಟಾಗದೆ 31, ದಿಲ್ಶಾನ್ ಮಧುಶಂಕಾ 35ಕ್ಕೆ1, ತೀಕ್ಷಣ 29ಕ್ಕೆ1, ಚಾಮಿಕಾ ಕರುಣಾರತ್ನೆ 22ಕ್ಕೆ1, ಧನಂಜಯ್ ಡಿಸಿಲ್ವಾ 6ಕ್ಕೆ1, ಹಸರಂಗಾ 22ಕ್ಕೆ1) .</p>.<p><br /><span style="text-decoration:underline;"><strong>ಶ್ರೀಲಂಕಾ:</strong> </span>20 ಓವರ್ಗಳಲ್ಲಿ 160 (ದಸುನ್ ಶನಕ 45, ವನಿಂದು ಹಸರಂಗ ಡಿಸಿಲ್ವಾ 21, ಚಾಮಿಕಾ ಕರುಣಾರತ್ನೆ 23; ಶಿವಂ ಮಾವಿ 22ಕ್ಕೆ 4, ಉಮ್ರನ್ ಮಲಿಕ್ 27ಕ್ಕೆ 2, ಹರ್ಷಲ್ ಪಟೇಲ್ 41ಕ್ಕೆ 2).</p>.<p><br /><span style="text-decoration:underline;"><strong>ಫಲಿತಾಂಶ:</strong></span> ಭಾರತಕ್ಕೆ ಎರಡು ರನ್ಗಳ ಜಯ. ಮೂರು ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಶ್ರೀಲಂಕಾ ವಿರುದ್ಧದ ಮೊದಲ ಟಿ–20 ಪಂದ್ಯದಲ್ಲಿ ಭಾರತದ ಯುವ ವೇಗಿ ಉಮ್ರಾನ್ ಮಲಿಕ್ ಅವರು ಅಪರೂಪದ ದಾಖಲೆ ಬರೆದಿದ್ದಾರೆ. ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ವೇಗದ ಬೌಲಿಂಗ್ ಮಾಡಿದ ಭಾರತದ ವೇಗಿ ಎನ್ನುವ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.</p>.<p>ಈ ಪಂದ್ಯದಲ್ಲಿ ಉಮ್ರಾನ್ ಮಲಿಕ್ ಗಂಟೆಗೆ 155 ಕಿ.ಮಿ ವೇಗದಲ್ಲಿ ಬೌಲಿಂಗ್ ಮಾಡಿ, ಜಸ್ಪ್ರೀತ್ ಬೂಮ್ರಾ ಅವರ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ. </p>.<p>ಈ ಹಿಂದೆ 2018ರ ಬಾರ್ಡರ್ ಗವಾಸ್ಕರ್ ಟ್ರೋಫಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೆಸ್ಟ್ ಪಂದ್ಯದಲ್ಲಿ ಜಸ್ಪ್ರೀತ್ ಬೂಮ್ರಾ ಗಂಟೆಗೆ 153.2 ಕಿ.ಮಿ ವೇಗದಲ್ಲಿ ಬೌಲಿಂಗ್ ಮಾಡಿ ದಾಖಲೆ ಬರೆದಿದ್ದರು. ಇದೀಗ ಆ ದಾಖಲೆಯನ್ನು 23 ವರ್ಷದ ಯುವ ಬೌಲರ್ ಮುರಿದಿದ್ದಾರೆ.</p>.<p>ಶ್ರೀಲಂಕಾ ವಿರುದ್ಧದ ಮೊದಲ ಟಿ–20 ಪಂದ್ಯದಲ್ಲಿ ಅವರು ಈ ಸಾಧನೆ ಮಾಡಿದ್ದು, ಅವರ ಆ ಎಸೆತವನ್ನು ಅಂದಾಜಿಸಲಾಗದೇ ಶ್ರೀಲಂಕಾ ತಂಡದ ಕಪ್ತಾನ ದಸುನ್ ಶನಕ ಅವರು ವಿಕೆಟ್ ಒಪ್ಪಿಸಿದ್ದರು.</p>.<p>ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ ತಂಡವು 162 ರನ್ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತು. ಗುರಿ ಬೆನ್ನಟ್ಟಿದ್ದ ಶ್ರೀಲಂಕಾ ತಂಡಕ್ಕೆ ಪಂದ್ಯದ ಕೊನೆಯ ಓವರ್ನಲ್ಲಿ ಗೆಲ್ಲಲು 13 ರನ್ಗಳ ಅವಶ್ಯಕತೆ ಇತ್ತು. ಈ ಓವರ್ ಬೌಲಿಂಗ್ ಮಾಡಿದ ಎಡಗೈ ಸ್ಪಿನ್ನರ್ ಅಕ್ಷರ್ ಕೇವಲ 11 ರನ್ ನೀಡಿದರು. ಇದರಿಂದಾಗಿ ಭಾರತ ತಂಡವು 2 ರನ್ಗಳಿಂದ ಜಯಿಸಿತು. ಮೂರು ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ ಸಾಧಿಸಿತು. </p>.<p>ಆತಿಥೇಯ ತಂಡವು ಹೋರಾಟದ ಮೊತ್ತ ಗಳಿಸಲು ಕೂಡ ಅಕ್ಷರ್ ಬ್ಯಾಟಿಂಗ್ ಕಾರಣವಾಗಿತ್ತು. ಅಕ್ಷರ್ (ಅಜೇಯ 31; 20ಎ, 4X3, 6X1) ಮತ್ತು ದೀಪಕ್ ಹೂಡಾ (ಅಜೇಯ 41; 23ಎ, 4X1, 6X4) ಇನಿಂಗ್ಸ್ನ ಕೊನೆಯ 35 ಎಸೆತಗಳಲ್ಲಿ 68 ರನ್ಗಳನ್ನು ಸೂರೆ ಮಾಡಿದರು. </p>.<p>ಲಂಕಾ ಸ್ಪಿನ್ನರ್ಗಳ ದಾಳಿಯ ಮುಂದೆ 94 ರನ್ಗಳಿಗೆ ಐದು ವಿಕೆಟ್ ಕಳೆದುಕೊಂಡಿದ್ದ ಆತಿಥೇಯ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 162 ರನ್ ಗಳಿಸಿತು. </p>.<p>ಆರಂಭಿಕ ಬ್ಯಾಟರ್ ಇಶಾನ್ ಕಿಶನ್ (37; 29ಎ) ಉತ್ತಮ ಆರಂಭ ನೀಡುವ ಪ್ರಯತ್ನ ಮಾಡಿದರು. ಆದರೆ, ಪದಾರ್ಪಣೆ ಪಂದ್ಯವಾಡಿದ ಶುಭಮನ್ ಗಿಲ್, ಸ್ಪೋಟಕ ಬ್ಯಾಟರ್ ಸೂರ್ಯಕುಮಾರ್ ಯಾದವ್ ಮತ್ತು ಸಂಜು ಸ್ಯಾಮ್ಸನ್ ಒಂದಂಕಿ ಗಳಿಸಿ ನಿರ್ಗಮಿಸಿದರು. ಇದರಿಂದಾಗಿ ತಂಡದ ರನ್ ಗಳಿಕೆ ವೇಗ ಕುಂಠಿತವಾಯಿತು.</p>.<p>ಇಶಾನ್ ಜೊತೆಗೂಡಿದ ನಾಯಕ ಹಾರ್ದಿಕ್ ಪಾಂಡ್ಯ (29; 27ಎ, 4X4) ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ 31 ರನ್ ಸೇರಿಸಿದರು. ಇಶಾನ್ ಎರಡು ಸಿಕ್ಸರ್ ಹಾಗೂ ಮೂರು ಬೌಂಡರಿ ಬಾರಿಸಿದರು. ಒಂದು ಬಾರಿ ಜೀವದಾನ ಪಡೆದ ಹಾರ್ದಿಕ್ ನಾಲ್ಕು ಬಾರಿ ಚೆಂಡನ್ನು ಬೌಂಡರಿಗೆರೆ ದಾಟಿಸಿದರು. ವಣಿಂದು ಹಸರಂಗಾ ಎಸೆತದಲ್ಲಿ ಇಶಾನ್ ಔಟಾಗುವುದರೊಂದಿಗೆ ಜೊತೆಯಾಟ ಮುರಿದುಬಿತ್ತು. </p>.<p><span style="text-decoration:underline;"><strong>ಸಂಕ್ಷಿಪ್ತ ಸ್ಕೋರು:</strong></span></p>.<p><span style="text-decoration:underline;"><strong>ಭಾರತ:</strong></span> 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 162 (ಇಶಾನ್ ಕಿಶನ್ 37, ಹಾರ್ದಿಕ್ ಪಾಂಡ್ಯ 29, ದೀಪಕ್ ಹೂಡಾ ಔಟಾಗದೆ 41, ಅಕ್ಷರ್ ಪಟೇಲ್ ಔಟಾಗದೆ 31, ದಿಲ್ಶಾನ್ ಮಧುಶಂಕಾ 35ಕ್ಕೆ1, ತೀಕ್ಷಣ 29ಕ್ಕೆ1, ಚಾಮಿಕಾ ಕರುಣಾರತ್ನೆ 22ಕ್ಕೆ1, ಧನಂಜಯ್ ಡಿಸಿಲ್ವಾ 6ಕ್ಕೆ1, ಹಸರಂಗಾ 22ಕ್ಕೆ1) .</p>.<p><br /><span style="text-decoration:underline;"><strong>ಶ್ರೀಲಂಕಾ:</strong> </span>20 ಓವರ್ಗಳಲ್ಲಿ 160 (ದಸುನ್ ಶನಕ 45, ವನಿಂದು ಹಸರಂಗ ಡಿಸಿಲ್ವಾ 21, ಚಾಮಿಕಾ ಕರುಣಾರತ್ನೆ 23; ಶಿವಂ ಮಾವಿ 22ಕ್ಕೆ 4, ಉಮ್ರನ್ ಮಲಿಕ್ 27ಕ್ಕೆ 2, ಹರ್ಷಲ್ ಪಟೇಲ್ 41ಕ್ಕೆ 2).</p>.<p><br /><span style="text-decoration:underline;"><strong>ಫಲಿತಾಂಶ:</strong></span> ಭಾರತಕ್ಕೆ ಎರಡು ರನ್ಗಳ ಜಯ. ಮೂರು ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
