ಲಾ ಲಿಗಾ ಫುಟ್‌ಬಾಲ್‌ ಟೂರ್ನಿ: ಪ್ರಶಸ್ತಿ ಸನಿಹ ರಿಯಲ್‌ ಮ್ಯಾಡ್ರಿಡ್‌

ಮ್ಯಾಡ್ರಿಡ್ : ಫುಟ್ಬಾಲ್ ಚಟುವಟಿಕೆಗಳು ಪುನರಾರಂಭವಾದ ಬಳಿಕ ಸತತ ಒಂಬತ್ತನೇ ಗೆಲುವು ದಾಖಲಿಸಿದ ರಿಯಲ್ ಮ್ಯಾಡ್ರಿಡ್ ತಂಡವು ಲಾ ಲಿಗಾ ಟೂರ್ನಿಯಲ್ಲಿ ಕಿರೀಟ ಮುಡಿಗೇರಿಸಿಕೊಳ್ಳುವತ್ತ ದಾಪುಗಾಲಿಟ್ಟಿದೆ.

. ಗುರುವಾರ ನಡೆಯುವ ವಿಲ್ಲಾರಿಯಲ್ ಎದುರಿನ ಹೋರಾಟದಲ್ಲಿ ಜಯಿಸಿದರೆ ರಿಯಲ್ ಮ್ಯಾಡ್ರಿಡ್ ತಂಡದ ಪ್ರಶಸ್ತಿಯ ಕನಸು ಸಾಕಾರಗೊಳ್ಳಲಿದೆ. ಅಂತಿಮ ಎರಡು ಲೀಗ್ ಹೋರಾಟಗಳಲ್ಲಿ ಡ್ರಾ ಮಾಡಿಕೊಂಡರೂ ತಂಡಕ್ಕೆ ಟ್ರೋಫಿ ಒಲಿಯಲಿದೆ.

. 118 ವರ್ಷಗಳ ಇತಿಹಾಸ ಹೊಂದಿರುವ ಮ್ಯಾಡ್ರಿಡ್ ಕ್ಲಬ್, ಲೀಗ್ನಲ್ಲಿ ಈಗಾಗಲೇ 33 ಪ್ರಶಸ್ತಿಗಳನ್ನು ಜಯಿಸಿ ದಾಖಲೆ ಬರೆದಿದೆ. ಆದರೆ 2017ರ ನಂತರ ತಂಡಕ್ಕೆ ಟ್ರೋಫಿ ಗೆಲ್ಲಲು ಆಗಿಲ್ಲ. ಹಿಂದಿನ ಎರಡು ಬಾರಿಯೂ ಚಾಂಪಿಯನ್ ಆಗಿರುವ ಎಫ್ಸಿ ಬಾರ್ಸಿಲೋನಾ ತಂಡ ಈ ಬಾರಿಯ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ.

. ಸೋಮವಾರ ತಡರಾತ್ರಿ ನಡೆದ ಪೈಪೋಟಿಯಲ್ಲಿ ರಿಯಲ್ ಮ್ಯಾಡ್ರಿಡ್ 2–1 ಗೋಲುಗಳಿಂದ ಗ್ರೆನಾಡ ತಂಡವನ್ನು ಪರಾಭವಗೊಳಿಸಿತು.

. ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಮುಂದಾದ ಸರ್ಜಿಯೊ ರಾಮೊಸ್ ಸಾರಥ್ಯದ ಮ್ಯಾಡ್ರಿಡ್ ತಂಡ ಹತ್ತನೇ ನಿಮಿಷದಲ್ಲಿ ಖಾತೆ ತೆರೆಯಿತು. ಫರ್ಲಾಂಡ್ ಮೆಂಡಿ ಕಾಲ್ಚಳಕ ತೋರಿದರು. ಹೋದ ವರ್ಷದ ಜೂನ್ನಲ್ಲಿಕ್ಲಬ್ ಜೊತೆ ಒಪ್ಪಂದ ಮಾಡಿಕೊಂಡಿದ್ದ 25 ವರ್ಷ ವಯಸ್ಸಿನ ಮೆಂಡಿ, ರಿಯಲ್ ಮ್ಯಾಡ್ರಿಡ್ ಪರ ಗಳಿಸಿದ ಮೊದಲ ಗೋಲು ಇದಾಗಿದೆ. ಅವರು ಈಗಾಗಲೇ 23 ಪಂದ್ಯಗಳನ್ನು ಆಡಿದ್ದಾರೆ.

. ಬಳಿಕ ಮ್ಯಾಡ್ರಿಡ್ ತಂಡ ಎದುರಾಳಿ ತಂಡದ ರಕ್ಷಣಾ ಕೋಟೆಯ ಮೇಲೆ ಸತತವಾಗಿ ದಾಳಿ ನಡೆಸಲು ಮುಂದಾಯಿತು. ತಂಡದ ಈ ತಂತ್ರಕ್ಕೆ 16ನೇ ನಿಮಿಷದಲ್ಲಿ ಯಶಸ್ಸು ಸಿಕ್ಕಿತು.

. ಕಾರ್ನರ್ ಭಾಗದಿಂದ ಕರೀಂ ಬೆಂಜೆಮಾ ಒದ್ದ ಚೆಂಡು ಮಿಂಚಿನ ಗತಿಯಲ್ಲಿ ಸಾಗಿ ಎದುರಾಳಿ ತಂಡದ ಗೋಲು ಪೆಟ್ಟಿಗೆಯ ಬಲೆಗೆ ಮುತ್ತಿಕ್ಕುತ್ತಿದ್ದಂತೆ ಮ್ಯಾಡ್ರಿಡ್ ಪಾಳಯದಲ್ಲಿ ಸಂಭ್ರಮ ಮೇಳೈಸಿತು.ಫ್ರಾನ್ಸ್ನ 32 ವರ್ಷ ವಯಸ್ಸಿನ ಆಟಗಾರ ಬೆಂಜೆಮಾ, ಲೀಗ್ನಲ್ಲಿ ದಾಖಲಿಸಿದ 19ನೇ ಗೋಲು ಇದಾಗಿದೆ.

. 2–0 ಮುನ್ನಡೆಯೊಂದಿಗೆ ವಿರಾಮಕ್ಕೆ ಹೋದ ಮ್ಯಾಡ್ರಿಡ್ ತಂಡವು ದ್ವಿತೀಯಾರ್ಧದಲ್ಲಿ ಗ್ರೆನಾಡ ತಂಡದಿಂದ ಪ್ರಬಲ ಪೈಪೋಟಿ ಎದುರಿಸಿತು. ಪಾಯಿಂಟ್ಸ್ ಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿರುವ ಗ್ರೆನಾಡ ತಂಡವು 50ನೇ ನಿಮಿಷದಲ್ಲಿ ಮ್ಯಾಡ್ರಿಡ್ ತಂಡದ ಬಲಿಷ್ಠ ರಕ್ಷಣಾ ವ್ಯೂಹ ಭೇದಿಸುವಲ್ಲಿ ಯಶಸ್ವಿಯಾಯಿತು. ಡಾರ್ವಿನ್ ಮಾಚಿಸ್ ಚೆಂಡನ್ನು ಗುರಿ ಮುಟ್ಟಿಸಿದರು.

. ನಿಗದಿತ ಅವಧಿಯ ಆಟ ಮುಗಿಯಲು ಐದು ನಿಮಿಷಗಳು ಬಾಕಿ ಇದ್ದಾಗಗ್ರೆನಾಡ ತಂಡಕ್ಕೆ ಸಮಬಲದ ಗೋಲು ಗಳಿಸುವ ಉತ್ತಮ ಅವಕಾಶ ಲಭ್ಯವಾಗಿತ್ತು. ಈ ತಂಡದ ಆಟಗಾರ ಒದ್ದ ಚೆಂಡನ್ನು ಮ್ಯಾಡ್ರಿಡ್ ತಂಡದ ಗೋಲ್ಕೀಪರ್ ಥಿಬೊಟ್ ಕರ್ಟೊಯಿಸ್ ಆಕರ್ಷಕ ರೀತಿಯಲ್ಲಿ ತಡೆದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಲಾ ಲಿಗಾ ಫುಟ್‌ಬಾಲ್‌ ಟೂರ್ನಿ: ಪ್ರಶಸ್ತಿ ಸನಿಹ ರಿಯಲ್‌ ಮ್ಯಾಡ್ರಿಡ್‌

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

IND vs SA 4th T20I: ಟಾಸ್ ಗೆದ್ದ ಭಾರತ ಬ್ಯಾಟಿಂಗ್ ಆಯ್ಕೆ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಮಾಧವ್–ಆರ್ಯನ್ ದ್ವಿಶತಕದ ಜೊತೆಯಾಟ

ಬಿಸಿಸಿಐ ಆಕ್ಷೇಪ: ಪಿಒಕೆಗೆ ಚಾಂಪಿಯನ್ಸ್‌ ಟ್ರೋಫಿ ಪ್ರವಾಸಕ್ಕೆ ಐಸಿಸಿ ತಡೆ

ಹಾಕಿ: ಹರಿಯಾಣ, ಒಡಿಶಾ ಫೈನಲ್‌ಗೆ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024