<p><strong>ನವದೆಹಲಿ</strong>: ಭಾರತದ ಸೈಕ್ಲಿಸ್ಟ್ಗಳು, ಏಷ್ಯನ್ ಟ್ರ್ಯಾಕ್ ಸೈಕ್ಲಿಂಗ್ ಚಾಂಪಿಯನ್ಷಿಪ್ಸ್ನಲ್ಲಿ ಉತ್ತಮ ಆರಂಭ ಮಾಡಿದರು. ಬುಧವಾರ ಮಹಿಳೆಯರ ಜೂನಿಯರ್ ತಂಡ ಸ್ಪ್ರಿಂಟ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಜಯಿಸಿತು. ಇದರ ಜೊತೆಗೆ ಭಾರತ ತಂಡ ಎರಡು ಬೆಳ್ಳಿ, ಒಂದು ಕಂಚಿನ ಪದಕವನ್ನೂ ತನ್ನದಾಗಿಸಿಕೊಂಡಿತು.</p>.<p>ಸರಿತಾ ಕುಮಾರಿ, ನಿಯಾ ಸೆಬಾಸ್ಟಿಯನ್ ಮತ್ತು ಜೈನಾ ಮೊಹಮ್ಮದ್ ಅಲಿ ಪಿರ್ಖಾನ್ ಅವರನ್ನು ಒಳಗೊಂಡ ಭಾರತ ತಂಡ ಕೌಶಲ ಮತ್ತು ಸಾಂಘಿಕ ಪ್ರದರ್ಶನ ನೀಡಿ 54.383 ಸೆ.ಗಳಲ್ಲಿ ಗುರಿತಲುಪಿ, ಕೊರಿಯಾ ತಂಡವನ್ನು ಎರಡನೇ ಸ್ಥಾನಕ್ಕೆ ಸರಿಸಿತು.</p>.<p>‘ಏಷ್ಯಾದ ಬಲಾಢ್ಯ ತಂಡವನ್ನು ಸೋಲಿಸಿರುವುದು ನಮಗೆ ಕನಸಿನಂತೆ ಕಾಣುತ್ತಿದೆ. ತಂಡದ ಎಲ್ಲರ ಶ್ರಮದಿಂದ ಇದು ಸಾಧ್ಯವಾಗಿದೆ’ ಎಂದು ಸ್ಪರ್ಧೆಯ ನಂತರ ನಿಯಾ ಪ್ರತಿಕ್ರಿಯಿಸಿದರು.</p>.<p>ಪ್ಯಾರಾ ಟೀಮ್ ಸ್ಪ್ರಿಂಟ್ ವಿಭಾಗದಲ್ಲಿ ಭಾರತ ತಂಡ (ಅರ್ಷದ್ ಶೇಕ್, ಜಲಾಲುದ್ದೀನ್ ಅನ್ಸಾರಿ ಮತ್ತು ಬಸವರಾಜ ಹೊರಡ್ಡಿ) 1ನಿ.02.661 ಸೆ.ಗಳ ಅವಧಿಯೊಡನೆ ರಜತ ಪದಕ ಪಡೆಯಿತು. ಮಲೇಷ್ಯಾ (52.284 ಸೆ.) ಚಿನ್ನ ಗೆದ್ದರೆ, ಸೌದಿ ಅರೇಬಿಯಾ ಕಂಚಿನ ಪದಕ ಗಳಿಸಿತು.</p>.<p>ಜೂನಿಯರ್ ಟೀಮ್ ಸ್ಪ್ರಿಂಟ್ ರೇಸ್ನಲ್ಲಿ ಭಾರತ ಇನ್ನೊಂದು ಬೆಳ್ಳಿ ಪಡೆಯಿತು. ನಾರಾಯಣ ಮಹತೊ, ಸೈಯ್ಯದ್ ಖಾಲಿದ್ ಬಾಘಿ ಮತ್ತು ಮಯಂಗ್ಲಂಬಾಂ ವಟ್ಟಬಾ ಮೀಥಿ ಅವರಿದ್ದ ತಂಡ 47.93 ಸೆ. ತೆಗೆದುಕೊಂಡಿತು. ಕೊರಿಯಾದ ಸ್ಪರ್ಧಿಗಳನ್ನು ಹಿಂದೆಹಾಕಿದರು.</p>.<p>ಮಹಿಳಾ ಜೂನಿಯರ್ ತಂಡ (ಹರ್ಷಿತಾ ಜಾಖಡ್, ಸುಹಾಣಿ ಕುಮಾರಿ, ಧನ್ಯದಾ ಜೆ.ಪಿ. ಮತ್ತು ಭೂಮಿಕಾ) ತೀವ್ರ ಹೋರಾಟ ಕಂಡ ಟೀಮ್ ಪರ್ಸ್ಯೂಟ್ ಸ್ಪರ್ಧೆಯಲ್ಲಿ ಕಂಚಿನ ಪದಕ ಪಡೆಯಿತು. ದಕ್ಷಿಣ ಕೊರಿಯಾ ಚಿನ್ನ ಗೆದ್ದರೆ, ಕಜಕಸ್ತಾನ ಬೆಳ್ಳಿಯ ಪದಕ ಗಳಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಭಾರತದ ಸೈಕ್ಲಿಸ್ಟ್ಗಳು, ಏಷ್ಯನ್ ಟ್ರ್ಯಾಕ್ ಸೈಕ್ಲಿಂಗ್ ಚಾಂಪಿಯನ್ಷಿಪ್ಸ್ನಲ್ಲಿ ಉತ್ತಮ ಆರಂಭ ಮಾಡಿದರು. ಬುಧವಾರ ಮಹಿಳೆಯರ ಜೂನಿಯರ್ ತಂಡ ಸ್ಪ್ರಿಂಟ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಜಯಿಸಿತು. ಇದರ ಜೊತೆಗೆ ಭಾರತ ತಂಡ ಎರಡು ಬೆಳ್ಳಿ, ಒಂದು ಕಂಚಿನ ಪದಕವನ್ನೂ ತನ್ನದಾಗಿಸಿಕೊಂಡಿತು.</p>.<p>ಸರಿತಾ ಕುಮಾರಿ, ನಿಯಾ ಸೆಬಾಸ್ಟಿಯನ್ ಮತ್ತು ಜೈನಾ ಮೊಹಮ್ಮದ್ ಅಲಿ ಪಿರ್ಖಾನ್ ಅವರನ್ನು ಒಳಗೊಂಡ ಭಾರತ ತಂಡ ಕೌಶಲ ಮತ್ತು ಸಾಂಘಿಕ ಪ್ರದರ್ಶನ ನೀಡಿ 54.383 ಸೆ.ಗಳಲ್ಲಿ ಗುರಿತಲುಪಿ, ಕೊರಿಯಾ ತಂಡವನ್ನು ಎರಡನೇ ಸ್ಥಾನಕ್ಕೆ ಸರಿಸಿತು.</p>.<p>‘ಏಷ್ಯಾದ ಬಲಾಢ್ಯ ತಂಡವನ್ನು ಸೋಲಿಸಿರುವುದು ನಮಗೆ ಕನಸಿನಂತೆ ಕಾಣುತ್ತಿದೆ. ತಂಡದ ಎಲ್ಲರ ಶ್ರಮದಿಂದ ಇದು ಸಾಧ್ಯವಾಗಿದೆ’ ಎಂದು ಸ್ಪರ್ಧೆಯ ನಂತರ ನಿಯಾ ಪ್ರತಿಕ್ರಿಯಿಸಿದರು.</p>.<p>ಪ್ಯಾರಾ ಟೀಮ್ ಸ್ಪ್ರಿಂಟ್ ವಿಭಾಗದಲ್ಲಿ ಭಾರತ ತಂಡ (ಅರ್ಷದ್ ಶೇಕ್, ಜಲಾಲುದ್ದೀನ್ ಅನ್ಸಾರಿ ಮತ್ತು ಬಸವರಾಜ ಹೊರಡ್ಡಿ) 1ನಿ.02.661 ಸೆ.ಗಳ ಅವಧಿಯೊಡನೆ ರಜತ ಪದಕ ಪಡೆಯಿತು. ಮಲೇಷ್ಯಾ (52.284 ಸೆ.) ಚಿನ್ನ ಗೆದ್ದರೆ, ಸೌದಿ ಅರೇಬಿಯಾ ಕಂಚಿನ ಪದಕ ಗಳಿಸಿತು.</p>.<p>ಜೂನಿಯರ್ ಟೀಮ್ ಸ್ಪ್ರಿಂಟ್ ರೇಸ್ನಲ್ಲಿ ಭಾರತ ಇನ್ನೊಂದು ಬೆಳ್ಳಿ ಪಡೆಯಿತು. ನಾರಾಯಣ ಮಹತೊ, ಸೈಯ್ಯದ್ ಖಾಲಿದ್ ಬಾಘಿ ಮತ್ತು ಮಯಂಗ್ಲಂಬಾಂ ವಟ್ಟಬಾ ಮೀಥಿ ಅವರಿದ್ದ ತಂಡ 47.93 ಸೆ. ತೆಗೆದುಕೊಂಡಿತು. ಕೊರಿಯಾದ ಸ್ಪರ್ಧಿಗಳನ್ನು ಹಿಂದೆಹಾಕಿದರು.</p>.<p>ಮಹಿಳಾ ಜೂನಿಯರ್ ತಂಡ (ಹರ್ಷಿತಾ ಜಾಖಡ್, ಸುಹಾಣಿ ಕುಮಾರಿ, ಧನ್ಯದಾ ಜೆ.ಪಿ. ಮತ್ತು ಭೂಮಿಕಾ) ತೀವ್ರ ಹೋರಾಟ ಕಂಡ ಟೀಮ್ ಪರ್ಸ್ಯೂಟ್ ಸ್ಪರ್ಧೆಯಲ್ಲಿ ಕಂಚಿನ ಪದಕ ಪಡೆಯಿತು. ದಕ್ಷಿಣ ಕೊರಿಯಾ ಚಿನ್ನ ಗೆದ್ದರೆ, ಕಜಕಸ್ತಾನ ಬೆಳ್ಳಿಯ ಪದಕ ಗಳಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
