ಯೂತ್‌ ವಿಭಾಗದಲ್ಲಿ ಜೆರೆಮಿ ವಿಶ್ವ ದಾಖಲೆ

ನಿಂಗ್ಬೊ, ಚೀನಾ: ಭಾರತದ ಜೆರೆಮಿ ಲಾಲ್ರಿನುಂಗಾ ಅವರು ಏಷ್ಯನ್ ವೇಟ್ಲಿಫ್ಟಿಂಗ್ ಚಾಂಪಿಯನ್ಷಿಪ್ನಲ್ಲಿ ಭಾನುವಾರ ಅಮೋಘ ಸಾಮರ್ಥ್ಯ ತೋರಿ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.

. ಜಿಲಿ ದಲಬೆಹೆರಾ ಬೆಳ್ಳಿಯ ಪದಕ ಗೆದ್ದಿದ್ದು, ಮೀರಾಬಾಯಿ ಚಾನು ಅವರು ಕಂಚಿನ ಪದಕ ಗೆಲ್ಲುವ ಅವಕಾಶ ಕೈಚೆಲ್ಲಿದ್ದಾರೆ.

. ಪುರುಷರ 67 ಕೆ.ಜಿ. ವಿಭಾಗದಲ್ಲಿ ಕಣದಲ್ಲಿರುವ 16 ವರ್ಷ ವಯಸ್ಸಿನ ಜೆರೆಮಿ, ಸ್ನ್ಯಾಚ್, ಕ್ಲೀನ್ ಮತ್ತು ಜೆರ್ಕ್ ಸೇರಿ ಒಟ್ಟು 297 ಕೆ.ಜಿ (134+163 ಕೆ.ಜಿ) ಭಾರ ಎತ್ತಿ ಯೂತ್ ವಿಭಾಗದಲ್ಲಿ ವಿಶ್ವ ದಾಖಲೆ ಬರೆದರು.

. ಸ್ನ್ಯಾಚ್ನಲ್ಲಿ ಅವರು ಮೂರು ಪ್ರಯತ್ನಗಳ ಪೈಕಿ ಎರಡರಲ್ಲಿ 130 ಮತ್ತು 134 ಕೆ.ಜಿ. ಭಾರ ಎತ್ತಿ ತಮ್ಮದೇ ಹೆಸರಿನಲ್ಲಿದ್ದ ಯೂತ್ ವಿಭಾಗದ ವಿಶ್ವ ದಾಖಲೆ ಉತ್ತಮಪಡಿಸಿಕೊಂಡರು. ಫೆಬ್ರುವರಿಯಲ್ಲಿ ಥಾಯ್ಲೆಂಡ್ನಲ್ಲಿ ನಡೆದಿದ್ದ ಇಜಿಎಟಿ ಕಪ್ನಲ್ಲಿ ಜೆರೆಮಿ 131ಕೆ.ಜಿ. ಭಾರ ಎತ್ತಿದ್ದು ಇದುವರೆಗಿನ ದಾಖಲೆಯಾಗಿತ್ತು.

. ನಂತರ ಕ್ಲೀನ್ ಮತ್ತು ಜೆರ್ಕ್ನಲ್ಲಿ ಅವರು 157 ಮತ್ತು 163 ಕೆ.ಜಿ.ಸಾಮರ್ಥ್ಯ ತೋರಿದರು. ಇದರೊಂದಿಗೆ ಕಜಕಸ್ತಾನದ ಸಾಯ್ಖಾನ್ ತೈಸುಯೆವ್ (161 ಕೆ.ಜಿ) ಹೆಸರಿನಲ್ಲಿದ್ದ ಯೂತ್ ವಿಶ್ವ ದಾಖಲೆ ಅಳಿಸಿ ಹಾಕಿದರು.

. ಇದರೊಂದಿಗೆ ಭಾರತದ ವೇಟ್ಲಿಫ್ಟರ್ ‘ಬಿ’ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದರು. ಪಾಕಿಸ್ತಾನದ ತಲಾ ತಾಲೀಬ್ ಅಗ್ರಸ್ಥಾನ ಪಡೆದರು. ಅವರು ಒಟ್ಟು 304 ಕೆ.ಜಿ (140+164 ಕೆ.ಜಿ) ಭಾರ ಎತ್ತಿ ಗಮನ ಸೆಳೆದರು.

. ಜೆರೆಮಿ ಅವರು ಹೋದ ವರ್ಷದ ಅಕ್ಟೋಬರ್ನಲ್ಲಿ ಬ್ಯೂನಸ್ ಐರಿಸ್ನಲ್ಲಿ ನಡೆದಿದ್ದ ಯೂತ್ ಒಲಿಂಪಿಕ್ಸ್ನಲ್ಲಿ ಚಿನ್ನದ ಪದಕ ಜಯಿಸಿದ್ದರು. 62 ಕೆ.ಜಿ. ವಿಭಾಗದಲ್ಲಿ ಒಟ್ಟು 274 ಕೆ.ಜಿ. ಭಾರ ಎತ್ತುವ ಮೂಲಕ ಈ ಸಾಧನೆ ಮಾಡಿದ್ದರು.

. ಮಹಿಳೆಯರ 45 ಕೆ.ಜಿ. ವಿಭಾಗದಲ್ಲಿ ಸ್ಪರ್ಧಿಸಿದ್ದ ಜಿಲಿ, ಸ್ನ್ಯಾಚ್ನಲ್ಲಿ 71 ಕೆ.ಜಿ ಹಾಗೂ ಕ್ಲೀನ್ ಮತ್ತು ಜೆರ್ಕ್ನಲ್ಲಿ 91 ಕೆ.ಜಿ (ಒಟ್ಟು 162 ಕೆ.ಜಿ) ಸಾಮರ್ಥ್ಯ ತೋರಿ ಬೆಳ್ಳಿಯ ಪದಕಕ್ಕೆ ಕೊರಳೊಡ್ಡಿದರು.

. ವೊವುಂಗ್ ಥಿ ಹುಯೆನ್ ಈ ವಿಭಾಗದ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು. ಅವರಿಂದ ಒಟ್ಟು 168 ಕೆ.ಜಿ. ಸಾಮರ್ಥ್ಯ ಮೂಡಿಬಂತು. ಫಿಲಿಪ್ಪೀನ್ಸ್ನ ಮೇರಿ ಫ್ಲೊರ್ ದಿಯಾಜ್ (158 ಕೆ.ಜಿ) ಕಂಚಿನ ಪದಕ ಪಡೆದರು.

. ಮಹಿಳೆಯರ 49 ಕೆ.ಜಿ ವಿಭಾಗದಲ್ಲಿ ಕಣದಲ್ಲಿದ್ದ ಮೀರಾಬಾಯಿ ಒಟ್ಟು 199 ಕೆ.ಜಿ.ಸಾಮರ್ಥ್ಯ ತೋರಿದರು. ಸ್ನ್ಯಾಚ್ನಲ್ಲಿ 86 ಕೆ.ಜಿ. ಭಾರ ಎತ್ತಿದ ಅವರು ಕ್ಲೀನ್ ಮತ್ತು ಜೆರ್ಕ್ನಲ್ಲಿ ಒಟ್ಟು 113 ಕೆ.ಜಿ. ಸಾಮರ್ಥ್ಯ ತೋರಿದರು. ಇದು ಅವರ ವೈಯಕ್ತಿಕ ಶ್ರೇಷ್ಠ ಸಾಧನೆಯಾಗಿದೆ.

. ಚೀನಾದ ಹೊವು ಜಿಹುಯಿ (208 ಕೆ.ಜಿ) ಮತ್ತು ಉತ್ತರ ಕೊರಿಯಾದ ರಿ ಸೊಂಗ್ ಗಮ್ (200 ಕೆ.ಜಿ) ಕ್ರಮವಾಗಿ ಈ ವಿಭಾಗದ ಚಿನ್ನ ಮತ್ತು ಬೆಳ್ಳಿಯ ಪದಕ ಪಡೆದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೂತ್‌ ವಿಭಾಗದಲ್ಲಿ ಜೆರೆಮಿ ವಿಶ್ವ ದಾಖಲೆ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

Ranji Trophy ಒಂದೇ ಇನಿಂಗ್ಸ್‌ನಲ್ಲಿ 10 ವಿಕೆಟ್;ಅಂಶುಲ್ ಕಂಬೋಜ್ ವಿಶಿಷ್ಟ ಸಾಧನೆ

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌