<p><strong>ನ್ಯೂಯಾರ್ಕ್</strong>: ವಿಶ್ವದ ಅಗ್ರ ರ್ಯಾಂಕ್ನ ಆಟಗಾರ ಡೇನಿಯಲ್ ಮೆಡ್ವೆಡೆವ್ ಮತ್ತು ಕೊನೆಯ ಗ್ರ್ಯಾನ್ಸ್ಲಾಮ್ ಆಡುತ್ತಿರುವ ಸೆರೆನಾ ವಿಲಿಯಮ್ಸ್ ಅವರು ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಮೂರನೇ ಸುತ್ತು ಪ್ರವೇಶಿಸಿದರು.</p>.<p>ಬುಧವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ ಮೆಡ್ವೆಡೆವ್ 6-2, 7-5, 6-3 ರಲ್ಲಿ ಫ್ರಾನ್ಸ್ನ ಆರ್ಥರ್ ರಿಂಡೆರ್ನೆಕ್ ಅವರನ್ನು ಮಣಿಸಿದರು.</p>.<p>ಮೆಡ್ವೆಡೆವ್ ಮುಂದಿನ ಸುತ್ತಿನಲ್ಲಿ ಚೀನಾದ ವು ಯಿಬಿಂಗ್ ಅವರನ್ನು ಎದುರಿಸುವರು. ಯಿಬಿಂಗ್ 6-7(3), 7-6(4), 4-6, 6-4, 6-4 ರಲ್ಲಿ ಪೋರ್ಚುಗಲ್ನ ನುನೊ ಬೊರ್ಗೆಸ್ ವಿರುದ್ಧ ಗೆದ್ದರು. ಅಮೆರಿಕ ಓಪನ್ನಲ್ಲಿ ಮೂರನೇ ಸುತ್ತು ಪ್ರವೇಶಿಸಿದ ಚೀನಾದ ಮೊದಲ ಆಟಗಾರ ಎಂಬ ಗೌರವ ಯಿಬಿಂಗ್ ತಮ್ಮದಾಗಿಸಿಕೊಂಡರು.</p>.<p>ಬ್ರಿಟನ್ನ ಆ್ಯಂಡಿ ಮರೆ ಅವರೂ ಮೂರನೇ ಸುತ್ತಿಗೆ ಮುನ್ನಡೆದರು. 35 ವರ್ಷದ ಮರೆ 5-7, 6-3, 6-1, 6-0 ರಲ್ಲಿ ಅಮೆರಿಕದ ಎಮಿಲಿಯೊ ನವಾ ಎದುರು ಗೆದ್ದರು. ಮುಂದಿನ ಪಂದ್ಯದಲ್ಲಿ ಅವರು ವಿಶ್ವದ 14ನೇ ರ್ಯಾಂಕ್ನ ಆಟಗಾರ ಮಟೆಯೊ ಬೆರೆಟಿನಿ ಜತೆ ಸೆಣಸುವರು. ಇಟಲಿಯ ಬೆರೆಟಿನಿ 2-6, 6-1, 7-6 (7/4), 7-6 (9/7) ರಲ್ಲಿ ಫ್ರಾನ್ಸ್ನ ಹ್ಯೂಗೊ ಗ್ರೇನಿಯೆರ್ ಅವರನ್ನು ಪರಾಭವಗೊಳಿಸಿದರು.</p>.<p>ಆಸ್ಟ್ರೇಲಿಯಾದ ನಿಕ್ ಕಿರ್ಗಿಯೊಸ್ 7-6 (7/3), 6-4, 4-6, 6-4 ರಲ್ಲಿ ಫ್ರಾನ್ಸ್ನ ಬೆಂಜಮಿನ್ ಬೊನ್ಝಿ ಎದುರು ಗೆದ್ದರು.</p>.<p>ನಡಾಲ್ ಶುಭಾರಂಭ: ಸ್ಪೇನ್ನ ರಫೆಲ್ ನಡಾಲ್ ಅವರು ಮೊದಲ ಸುತ್ತಿನಲ್ಲಿ 4-6, 6-2, 6-3, 6-3 ರಲ್ಲಿ ಜಪಾನ್ನ ರಿಂಕಿ ಹಿಜಿಕಟ ವಿರುದ್ಧ ಗೆದ್ದು ಶುಭಾರಂಭ ಮಾಡಿದರು.</p>.<p>ಸೆರೆನಾ ಜಯದ ಓಟ: 40 ವರ್ಷದ ಸೆರೆನಾ ವಿಲಿಯಮ್ಸ್ ಅವರು ಮಹಿಳೆಯರ ಸಿಂಗಲ್ಸ್ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ 7-6 (7/4), 2-6, 6-2 ರಲ್ಲಿ ಎರಡನೇ ಶ್ರೇಯಾಂಕದ ಆಟಗಾರ್ತಿ ಅನೆಟ್ ಕೊಂತಾವೆತ್ ಎದುರು ಅಚ್ಚರಿಯ ಗೆಲುವು ಪಡೆದರು. ಈ ಮೂಲಕ ಗ್ರ್ಯಾನ್ಸ್ಲಾಮ್ ಟೂರ್ನಿಯಲ್ಲಿ ತಮ್ಮ ಇನ್ನೊಂದು ಪಂದ್ಯವನ್ನು ನೋಡುವ ಅವಕಾಶವನ್ನು ಅಭಿಮಾನಿಗಳಿಗೆ ನೀಡಿದರು.</p>.<p>ಮೊದಲ ಸೆಟ್ ಅನ್ನು ಟೈಬ್ರೇಕರ್ನಲ್ಲಿ ಪ್ರಯಾಸದಿಂದ ಗೆದ್ದ ಸೆರೆನಾ, ಎರಡನೇ ಸೆಟ್ಅನ್ನು ಸುಲಭವಾಗಿ ಎದುರಾಳಿಗೆ ಒಪ್ಪಿಸಿದರು. ಆದರೆ ಮೂರನೇ ಸೆಟ್ನಲ್ಲಿ ಅತ್ಯುತ್ತಮ ಆಟವಾಡಿ ತಮ್ಮ ಸಾಮರ್ಥ್ಯ ಇನ್ನೂ ಕುಗ್ಗಿಲ್ಲ ಎಂಬುದನ್ನು ತೋರಿಸಿಕೊಟ್ಟರು.</p>.<p>ಚೀನಾದ ವಾಂಗ್ ಕ್ಸಿಯು ಅವರು 3-6, 7-5, 7-5 ರಲ್ಲಿ ಗ್ರೀಸ್ನ ಮರಿಯಾ ಸಕರಿ ವಿರುದ್ಧ ಗೆದ್ದು ಅಚ್ಚರಿ ಮೂಡಿಸಿದರು. ಟ್ಯುನೀಷಿಯಾದ ಆನ್ಸ್ ಜಬೇರ್ 7–5, 6–2 ರಲ್ಲಿ ಅಮೆರಿಕದ ಎಲಿಜಬೆತ್ ಮ್ಯಾಂಡ್ಲಿಕ್ ಅವರನ್ನು ಮಣಿಸಿ ಮೂರನೇ ಸುತ್ತು ಪ್ರವೇಶಿಸಿದರು.</p>.<p>ಎರಡನೇ ಸುತ್ತಿನ ಇತರ ಪಂದ್ಯಗಳಲ್ಲಿ 12ನೇ ಶ್ರೇಯಾಂಕದ ಆಟಗಾರ್ತಿ ಅಮೆರಿಕದ ಕೊಕೊ ಗಾಫ್ 6-2, 7-6 (7/4) ರಲ್ಲಿ ರೊಮೇನಿಯದ ಎಲೆನಾ ಗ್ಯಾಬ್ರುಯೆಲಾ ರೂಸ್ ವಿರುದ್ಧ, ಮ್ಯಾಡಿಸನ್ ಕೀಸ್ 6-4, 5-7, 7-6 (10/6) ರಲ್ಲಿ ಇಟಲಿಯ ಕ್ಯಾಮಿಲಾ ಜಾರ್ಜಿ ಎದುರು ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್</strong>: ವಿಶ್ವದ ಅಗ್ರ ರ್ಯಾಂಕ್ನ ಆಟಗಾರ ಡೇನಿಯಲ್ ಮೆಡ್ವೆಡೆವ್ ಮತ್ತು ಕೊನೆಯ ಗ್ರ್ಯಾನ್ಸ್ಲಾಮ್ ಆಡುತ್ತಿರುವ ಸೆರೆನಾ ವಿಲಿಯಮ್ಸ್ ಅವರು ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಮೂರನೇ ಸುತ್ತು ಪ್ರವೇಶಿಸಿದರು.</p>.<p>ಬುಧವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ ಮೆಡ್ವೆಡೆವ್ 6-2, 7-5, 6-3 ರಲ್ಲಿ ಫ್ರಾನ್ಸ್ನ ಆರ್ಥರ್ ರಿಂಡೆರ್ನೆಕ್ ಅವರನ್ನು ಮಣಿಸಿದರು.</p>.<p>ಮೆಡ್ವೆಡೆವ್ ಮುಂದಿನ ಸುತ್ತಿನಲ್ಲಿ ಚೀನಾದ ವು ಯಿಬಿಂಗ್ ಅವರನ್ನು ಎದುರಿಸುವರು. ಯಿಬಿಂಗ್ 6-7(3), 7-6(4), 4-6, 6-4, 6-4 ರಲ್ಲಿ ಪೋರ್ಚುಗಲ್ನ ನುನೊ ಬೊರ್ಗೆಸ್ ವಿರುದ್ಧ ಗೆದ್ದರು. ಅಮೆರಿಕ ಓಪನ್ನಲ್ಲಿ ಮೂರನೇ ಸುತ್ತು ಪ್ರವೇಶಿಸಿದ ಚೀನಾದ ಮೊದಲ ಆಟಗಾರ ಎಂಬ ಗೌರವ ಯಿಬಿಂಗ್ ತಮ್ಮದಾಗಿಸಿಕೊಂಡರು.</p>.<p>ಬ್ರಿಟನ್ನ ಆ್ಯಂಡಿ ಮರೆ ಅವರೂ ಮೂರನೇ ಸುತ್ತಿಗೆ ಮುನ್ನಡೆದರು. 35 ವರ್ಷದ ಮರೆ 5-7, 6-3, 6-1, 6-0 ರಲ್ಲಿ ಅಮೆರಿಕದ ಎಮಿಲಿಯೊ ನವಾ ಎದುರು ಗೆದ್ದರು. ಮುಂದಿನ ಪಂದ್ಯದಲ್ಲಿ ಅವರು ವಿಶ್ವದ 14ನೇ ರ್ಯಾಂಕ್ನ ಆಟಗಾರ ಮಟೆಯೊ ಬೆರೆಟಿನಿ ಜತೆ ಸೆಣಸುವರು. ಇಟಲಿಯ ಬೆರೆಟಿನಿ 2-6, 6-1, 7-6 (7/4), 7-6 (9/7) ರಲ್ಲಿ ಫ್ರಾನ್ಸ್ನ ಹ್ಯೂಗೊ ಗ್ರೇನಿಯೆರ್ ಅವರನ್ನು ಪರಾಭವಗೊಳಿಸಿದರು.</p>.<p>ಆಸ್ಟ್ರೇಲಿಯಾದ ನಿಕ್ ಕಿರ್ಗಿಯೊಸ್ 7-6 (7/3), 6-4, 4-6, 6-4 ರಲ್ಲಿ ಫ್ರಾನ್ಸ್ನ ಬೆಂಜಮಿನ್ ಬೊನ್ಝಿ ಎದುರು ಗೆದ್ದರು.</p>.<p>ನಡಾಲ್ ಶುಭಾರಂಭ: ಸ್ಪೇನ್ನ ರಫೆಲ್ ನಡಾಲ್ ಅವರು ಮೊದಲ ಸುತ್ತಿನಲ್ಲಿ 4-6, 6-2, 6-3, 6-3 ರಲ್ಲಿ ಜಪಾನ್ನ ರಿಂಕಿ ಹಿಜಿಕಟ ವಿರುದ್ಧ ಗೆದ್ದು ಶುಭಾರಂಭ ಮಾಡಿದರು.</p>.<p>ಸೆರೆನಾ ಜಯದ ಓಟ: 40 ವರ್ಷದ ಸೆರೆನಾ ವಿಲಿಯಮ್ಸ್ ಅವರು ಮಹಿಳೆಯರ ಸಿಂಗಲ್ಸ್ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ 7-6 (7/4), 2-6, 6-2 ರಲ್ಲಿ ಎರಡನೇ ಶ್ರೇಯಾಂಕದ ಆಟಗಾರ್ತಿ ಅನೆಟ್ ಕೊಂತಾವೆತ್ ಎದುರು ಅಚ್ಚರಿಯ ಗೆಲುವು ಪಡೆದರು. ಈ ಮೂಲಕ ಗ್ರ್ಯಾನ್ಸ್ಲಾಮ್ ಟೂರ್ನಿಯಲ್ಲಿ ತಮ್ಮ ಇನ್ನೊಂದು ಪಂದ್ಯವನ್ನು ನೋಡುವ ಅವಕಾಶವನ್ನು ಅಭಿಮಾನಿಗಳಿಗೆ ನೀಡಿದರು.</p>.<p>ಮೊದಲ ಸೆಟ್ ಅನ್ನು ಟೈಬ್ರೇಕರ್ನಲ್ಲಿ ಪ್ರಯಾಸದಿಂದ ಗೆದ್ದ ಸೆರೆನಾ, ಎರಡನೇ ಸೆಟ್ಅನ್ನು ಸುಲಭವಾಗಿ ಎದುರಾಳಿಗೆ ಒಪ್ಪಿಸಿದರು. ಆದರೆ ಮೂರನೇ ಸೆಟ್ನಲ್ಲಿ ಅತ್ಯುತ್ತಮ ಆಟವಾಡಿ ತಮ್ಮ ಸಾಮರ್ಥ್ಯ ಇನ್ನೂ ಕುಗ್ಗಿಲ್ಲ ಎಂಬುದನ್ನು ತೋರಿಸಿಕೊಟ್ಟರು.</p>.<p>ಚೀನಾದ ವಾಂಗ್ ಕ್ಸಿಯು ಅವರು 3-6, 7-5, 7-5 ರಲ್ಲಿ ಗ್ರೀಸ್ನ ಮರಿಯಾ ಸಕರಿ ವಿರುದ್ಧ ಗೆದ್ದು ಅಚ್ಚರಿ ಮೂಡಿಸಿದರು. ಟ್ಯುನೀಷಿಯಾದ ಆನ್ಸ್ ಜಬೇರ್ 7–5, 6–2 ರಲ್ಲಿ ಅಮೆರಿಕದ ಎಲಿಜಬೆತ್ ಮ್ಯಾಂಡ್ಲಿಕ್ ಅವರನ್ನು ಮಣಿಸಿ ಮೂರನೇ ಸುತ್ತು ಪ್ರವೇಶಿಸಿದರು.</p>.<p>ಎರಡನೇ ಸುತ್ತಿನ ಇತರ ಪಂದ್ಯಗಳಲ್ಲಿ 12ನೇ ಶ್ರೇಯಾಂಕದ ಆಟಗಾರ್ತಿ ಅಮೆರಿಕದ ಕೊಕೊ ಗಾಫ್ 6-2, 7-6 (7/4) ರಲ್ಲಿ ರೊಮೇನಿಯದ ಎಲೆನಾ ಗ್ಯಾಬ್ರುಯೆಲಾ ರೂಸ್ ವಿರುದ್ಧ, ಮ್ಯಾಡಿಸನ್ ಕೀಸ್ 6-4, 5-7, 7-6 (10/6) ರಲ್ಲಿ ಇಟಲಿಯ ಕ್ಯಾಮಿಲಾ ಜಾರ್ಜಿ ಎದುರು ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
