Paris Olympics | 46 ಸೆಕೆಂಡುಗಳಲ್ಲಿ ‘ಗೆದ್ದ’ ಇಮಾನೆ

ಪ್ಯಾರಿಸ್: ಅಲ್ಜೀರಿಯಾದ ಇಮಾನೆ ಖೆಲಿಫ್ ವಿರುದ್ಧದ ಹೋರಾಟದಲ್ಲಿ ಸಾಕಷ್ಟು ಏಟುಗಳನ್ನು ತಿಂದ ಇಟಲಿಯ ಬಾಕ್ಸರ್ ಏಂಜೆಲಾ ಕ್ಯಾರಿನಿ ಅವರು ವೆಲ್ಟರ್ವೇಟ್ 16ರ ಸುತ್ತಿನ ಸ್ಪರ್ಧೆಯಿಂದ ಹಿಂದೆ ಸರಿದರು. ಕೇವಲ 46 ಸೆಕೆಂಡುಗಳಲ್ಲಿ ಇತ್ಯರ್ಥವಾದ ಈ ಸ್ಪರ್ಧೆ ವಿವಾದಕ್ಕೆ ಕಾರಣವಾಯಿತು.

. ಮೊದಲ 30 ಸೆಕೆಂಡುಗಳಲ್ಲಿ ಸತತ ಶಕ್ತಿಶಾಲಿ ಪಂಚ್ಗಳಿಗೆ ಇಟಲಿಯ ಸ್ಪರ್ಧಿ ಗುರಿಯಾದರು. ನಂತರ ಮೂಗಿನ ಎಡಭಾಗಕ್ಕೆ ಇನ್ನೊಂದು ಬಲವಾದ ಪ್ರಹಾರ ಬಿದ್ದಾಗ ಸ್ಪರ್ಧೆಯಿಂದ ಹಿಂದೆಸರಿದರು. ತಮ್ಮ ಕೈಎತ್ತಿ ರಿಂಗ್ನ ಮೂಲೆಯಲ್ಲಿ ಮಂಡಿಯೂರಿ ಕುಳಿತರು.

. ಇಮಾನೆ ಅವರಿಗೆ ಕಳೆದ ವರ್ಷ ವಿಶ್ವ ಚಾಂಪಿಯನ್ಷಿಪ್ ವೇಳೆ ನಡೆಸಿದ್ದ ಲಿಂಗತ್ವ ಅರ್ಹತಾ ಪರೀಕ್ಷೆಯಲ್ಲಿ ಹಿನ್ನಡೆ ಆಗಿತ್ತು. ಅವರ ಸ್ಪರ್ಧೆಗೆ ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಒಪ್ಪಿಗೆ ನೀಡಿತ್ತು. ಇದರ ಬಗ್ಗೆ ಬಾಕ್ಸಿಂಗ್ ವಲಯದಲ್ಲಿ ಭಿನ್ನ ಅಭಿಪ್ರಾಯಗಳು ವ್ಯಕ್ತವಾಗಿದ್ದವು.

. ‘ತಮ್ಮ ಸ್ಪರ್ಧಿ ಹಿಂದೆಸರಿದಿರುವುದಾಗಿ’ ಏಂಜೆಲಾ ಅವರ ಕೋಚ್ ಹೇಳಿದರು. ಏಂಜೆಲಾ ಕುಳಿತಲ್ಲೇ ಕಣ್ಣೀರುಹಾಕಿದರು. ಎದುರಾಳಿಗೆ ಹಸ್ತಲಾಘವ ನೀಡಲು ನಿರಾಕರಿಸಿದರು. ರೆಫ್ರಿ ಅವರು ಅಲ್ಜೀರಿಯಾ ಸ್ಪರ್ಧಿಯನ್ನು ವಿಜೇತೆ ಎಂದು ಘೋಷಿಸಿದರು.

. ‘ನಾನು ಹೋರಾಟಗಾರ್ತಿ. ನನ್ನ ತಂದೆ ನನಗೆ ಹೋರಾಟ ಮಾಡುವುದನ್ನು ಕಲಿಸಿದರು. ನಾನು ಅದೇ ಮನೋಭಾವದಲ್ಲಿ ಕಣಕ್ಕಿಳಿದೆ. ಇಂದು ನಾನು ಸೋತಿಲ್ಲ. ಪ್ರಬುದ್ಧಳಾಗಿ ವರ್ತಿಸಿ ಶರಣಾದೆ’ ಎಂದು ಹೇಳಿದರು.

. ಕೆಲಿಫ್ ಮತ್ತು ತೈವಾನ್ನ ಎರಡು ಬಾರಿಯ ವಿಶ್ವ ಚಾಂಪಿಯನ್ ಲಿನ್ ಯು–ಟಿಂಗ್ ಅವರಿಗೆ ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸಲು ಅವಕಾಶ ನೀಡಲಾಗಿತ್ತು. ಐಒಸಿ, ಅಂತರರಾಷ್ಟ್ರೀಯ ಬಾಕ್ಸಿಂಗ್ ಸಂಸ್ಥೆಯನ್ನು (ಐಬಿಎ) ಮಾನ್ಯ ಮಾಡಿಲ್ಲ.

. ಮೇಲಿನ ಇಬ್ಬರನ್ನು 2023ರ ವಿಶ್ವ ಚಾಂಪಿಯನ್ಷಿಪ್ ವೇಳೆ ಐಬಿಎ ಅನರ್ಹಗೊಳಿಸಿತ್ತು. ಪುರುಷ xy ಕ್ರೊಮೊಸೋಮ್ಗಳಿರುವ ಸ್ಪರ್ಧಿಗಳು ಮಹಿಳಾ ವಿಭಾಗದಲ್ಲಿ ಸ್ಪರ್ಧಿಸುವುದನ್ನು ಅರ್ಹತಾ ನಿಯಮ ತಡೆಯುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Paris Olympics | 46 ಸೆಕೆಂಡುಗಳಲ್ಲಿ ‘ಗೆದ್ದ’ ಇಮಾನೆ

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ

ಹರ್ಮನ್ ಬಳಗಕ್ಕೆ ಜಯದ ತವಕ

ಪ್ರೊ ಕಬಡ್ಡಿ ಲೀಗ್: ತಲೈವಾಸ್‌ಗೆ ತಲೆಬಾಗಿದ ಪುಣೇರಿ

ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ: ಎನ್‌ಐಟಿಕೆ, ನಿಟ್ಟೆ ಕ್ಯಾಂಪಸ್ ಜಯಭೇರಿ

ಡಬ್ಲ್ಯುಟಿಟಿ ಚಾಂಪಿಯನ್ಸ್‌: ಮಣಿಕಾ ಬಾತ್ರಾ ಪ್ರಿಕ್ವಾರ್ಟರ್‌ಗೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ