ಬ್ಯಾಡ್ಮಿಂಟನ್‌: ‘ಸ್ಪಿನ್‌ ಸರ್ವ್‌’ಗೆ ತಾತ್ಕಾಲಿಕ ನಿಷೇಧ

ನವದೆಹಲಿ: ಬ್ಯಾಡ್ಮಿಂಟನ್ನಲ್ಲಿ ಸದ್ದು ಮಾಡುತ್ತಿರುವ ‘ಸ್ಪಿನ್ ಸರ್ವ್’ಗೆ ವಿಶ್ವ ಬ್ಯಾಡ್ಮಿಂಟನ್ ಫೆಡರೇಷನ್ (ಬಿಡಬ್ಲ್ಯುಎಫ್) ತಾತ್ಕಾಲಿಕ ನಿಷೇಧ ಹೇರಿದೆ. ಮೇ 29ರ ವರೆಗೆ ಯಾರೂ ‘ಸ್ಪಿನ್ ಸರ್ವ್’ ಮಾಡುವಂತಿಲ್ಲ ಎಂದಿದೆ.

. ಭಾನುವಾರ ಆರಂಭವಾಗಲಿರುವ ಸುದಿರ್ಮನ್ ಕಪ್ ಫೈನಲ್ಸ್ ಮತ್ತು ಬಳಿಕದ ವಾರ ನಡೆಯಲಿರುವ ಮಲೇಷ್ಯಾ ಮಾಸ್ಟರ್ಸ್ ಟೂರ್ನಿಗೆ ಈ ನಿಷೇಧ ಅನ್ವಯವಾಗಲಿದೆ.

. ‘ಸ್ಪಿನ್ ಸರ್ವ್’ಗೆ ಶಾಶ್ವತ ನಿಷೇಧ ಹೇರಬೇಕೇ ಅಥವಾ ಮುಂದಿನ ದಿನಗಳಲ್ಲಿ ಇದನ್ನು ಪ್ರಯೋಗಿಸಲು ಅವಕಾಶ ನೀಡಬೇಕೇ ಎಂಬುದನ್ನು ಮೇ 27 ರಂದು ನಡೆಯಲಿರುವ ಬಿಡಬ್ಲ್ಯುಎಫ್ ಎಜಿಎಂನಲ್ಲಿ ನಿರ್ಧರಿಸಲಾಗುವುದು ಎಂದು ಫೆಡರೇಷನ್ ತಿಳಿಸಿದೆ.

. ಡೆನ್ಮಾರ್ಕ್ ಆಟಗಾರ ಮಾರ್ಕಸ್ ರಿಂಡ್ಶೊಜ್ ಅವರು ಕಳೆದ ತಿಂಗಳು ನಡೆದಿದ್ದ ಪೋಲೆಂಡ್ ಓಪನ್ ಟೂರ್ನಿಯಲ್ಲಿ ‘ಸ್ಪಿನ್ ಸರ್ವ್’ ಪರಿಚಯಿಸಿದ್ದರು. ಬಳಿಕ ಇತರ ಕೆಲವು ಆಟಗಾರರೂ ಅದನ್ನು ಕರಗತಮಾಡಿಕೊಂಡಿದ್ದರು.

. ‘ಆಟದಲ್ಲಿ ಹೊಸತನ ಪರಿಚಯಿಸುವುದನ್ನು ಸ್ವಾಗತಿಸುತ್ತೇವೆ. ಆದರೆ ಸ್ಪಿನ್ ಸರ್ವ್ ಆಟದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂಬ ದೂರುಗಳು ಬಂದ ಹಿನ್ನೆಲೆಯಲ್ಲಿ ಈ ತೀರ್ಮಾನ ತೆಗೆದುಕೊಂಡಿದ್ದೇವೆ’ ಎಂದು ಬಿಡಬ್ಲ್ಯುಎಫ್ ಅಧ್ಯಕ್ಷ ಪಾಲ್ ಎರಿಕ್ ಹೋಯರ್ ಹೇಳಿದ್ದಾರೆ.

. ಏನಿದು ಸ್ಪಿನ್ ಸರ್ವ್?: ಆಟಗಾರ ತನ್ನ ಹೆಬ್ಬೆರಳು ಮತ್ತು ಮಧ್ಯದ ಬೆರಳಿನ ನಡುವೆ ಶಟಲ್ ಕಾಕ್ನ ಕಾರ್ಕ್ಅನ್ನು ಹಿಡಿದಿಟ್ಟುಕೊಳ್ಳುವನು. ಆ ಬಳಿಕ ಷಟಲ್ಅನ್ನು ಗಿರಗಿರನೆ ತಿರುಗಿಸಿ ರ್ಯಾಕೆಟ್ ಮೂಲಕ ಎದುರಾಳಿಯತ್ತ ಹೊಡೆಯುವನು. ಷಟಲ್ ತಿರುಗುತ್ತಾ, ಅತ್ತಿತ್ತ ಓಲಾಡುತ್ತಾ ಎದುರಾಳಿಯತ್ತ ಹೋಗುವುದರಿಂದ ಅದನ್ನು ರಿಟರ್ನ್ ಮಾಡುವುದು ಕಷ್ಟ. ರಿಟರ್ನ್ಗೆ ಪ್ರಯತ್ನಿಸಿದರೂ ನೆಟ್ಗೆ ಬಡಿಯುತ್ತದೆ. ಇದರಿಂದ ಒಬ್ಬ ಆಟಗಾರನಿಗೆ ಸರ್ವ್ನಲ್ಲಿ ಸತತವಾಗಿ ಪಾಯಿಂಟ್ ಗಳಿಸಲು ಸಾಧ್ಯವಾಗುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬ್ಯಾಡ್ಮಿಂಟನ್‌: ‘ಸ್ಪಿನ್‌ ಸರ್ವ್‌’ಗೆ ತಾತ್ಕಾಲಿಕ ನಿಷೇಧ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ಹಾಸನ: ಹಣ ಹಾಕುವ ಯಂತ್ರದಲ್ಲಿ ₹39,500 ಕಳೆದುಕೊಂಡ ವ್ಯಕ್ತಿ

ಬಿಜೆಪಿ ವಿರುದ್ಧ CM ಸಿದ್ದರಾಮಯ್ಯ ಮಾಡಿರುವ ಆರೋಪದಲ್ಲಿ ಹುರುಳಿದೆ: ಸಂತೋಷ್ ಲಾಡ್

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ಹಾಸನ: ಹಣ ಹಾಕುವ ಯಂತ್ರದಲ್ಲಿ ₹39,500 ಕಳೆದುಕೊಂಡ ವ್ಯಕ್ತಿ

ಬಿಜೆಪಿ ವಿರುದ್ಧ CM ಸಿದ್ದರಾಮಯ್ಯ ಮಾಡಿರುವ ಆರೋಪದಲ್ಲಿ ಹುರುಳಿದೆ: ಸಂತೋಷ್ ಲಾಡ್