ಇನ್ನು ಎರಡು ಸುತ್ತಿನ ಆಟಗಳು ಉಳಿದಿರುವಂತೆ ಗುಕೇಶ್, ಪ್ರಜ್ಞಾನಂದ, ಫ್ರಾನ್ಸ್‌ನ ಅಲಿರೇಝಾ ಫಿರೋಜ್ ಅವರು ತಲಾ ನಾಲ್ಕು ಪಾಯಿಂಟ್ಸ್‌ ಸಂಗ್ರಹಿಸಿದ್ದು ಎರಡನೇ ಸ್ಥಾನ ಹಂಚಿಕೊಂಡಿದ್ದಾರೆ. ನಿಪೊಮ್‌ನಿಷಿ ಮತ್ತು ಫ್ರಾನ್ಸ್‌ನ ಮ್ಯಾಕ್ಸಿಮ್‌ ವೇಷಿಯರ್‌ ಲಗ್ರಾವ್ (ತಲಾ 3.5) ಮೂರನೇ ಸ್ಥಾನವನ್ನು ಜಂಟಿಯಾಗಿ ಹೊಂದಿದ್ದಾರೆ. ಅಮೆರಿಕದ ವೆಸ್ಲಿ ಸೊ, ಉಜ್ಬೇಕಿಸ್ತಾನದ ನಾಡಿರ್ಬೆಕ್ ಅಬ್ದುಸತ್ತಾರೋವ್ ಮತ್ತು ಹಾಲೆಂಡ್‌ನ ಅನಿಷ್‌ ಗಿರಿ (ತಲಾ 3) ನಾಲ್ಕನೇ ಸ್ಥಾನ ಹಂಚಿಕೊಂಡಿದ್ದಾರೆ. ಬೊಗ್ಡಾನ್ ಡಿಯಾಕ್ ಡೇನಿಯಲ್ (2.5) ಅವರು ಹತ್ತು ಆಟಗಾರರ ಈ ಟೂರ್ನಿಯಲ್ಲಿ ಕೊನೆಯ ಸ್ಥಾನದಲ್ಲಿದ್ದಾರೆ.
