ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌: ದೀಪಕ್‌ ಪುನಿಯಾಗೆ ಟೋಕಿಯೊ ಟಿಕೆಟ್‌

ನೂರ್ ಸುಲ್ತಾನ್, ಕಜಕಸ್ತಾನ: ನಿರಾಯಾಸವಾಗಿ ಎದುರಾಳಿಯನ್ನು ‘ಚಿತ್’ ಮಾಡಿದ ಭಾರತದ ದೀಪಕ್ ಪುನಿಯಾ, ವಿಶ್ವ ಕುಸ್ತಿ ಚಾಂಪಿಯನ್ಷಿಪ್ನಲ್ಲಿ ಫೈನಲ್ ಪ್ರವೇಶಿಸಿದರು. ಇದರೊಂದಿಗೆ ಮುಂದಿನ ವರ್ಷ ಜಪಾನ್ನ ಟೋಕಿಯೊದಲ್ಲಿ ನಡೆಯುವ ಒಲಿಂಪಿಕ್ಸ್ಗೆ ರಹದಾರಿ ಪಡೆದರು.

. ಪುರುಷರ 86 ಕೆ.ಜಿ.ವಿಭಾಗದಲ್ಲಿ ಅವರಿಂದ ಈ ಸಾಧನೆ ಅರಳಿತು.

. ಮೊದಲ ಬಾರಿ ಸೀನಿಯರ್ ವಿಭಾಗದಲ್ಲಿ ಸ್ಪರ್ಧಿಸಿರುವ ದೀಪಕ್, ಶನಿವಾರ ನಡೆದ ಸೆಮಿಫೈನಲ್ನಲ್ಲಿ 8–2 ಪಾಯಿಂಟ್ಸ್ನಿಂದ ಸ್ವಿಟ್ಜರ್ಲೆಂಡ್ನ ಸ್ಟೀಫನ್ ರೀಚ್ಮತ್ ಅವರನ್ನು ಪರಾಭವಗೊಳಿಸಿದರು.

. ದೀಪಕ್ ಹಾಕಿದ ಬಿಗಿಪಟ್ಟುಗಳಿಂದ ಬಿಡಿಸಿಕೊಳ್ಳಲು ಸ್ಟೀಫನ್ ಕೊಸರಾಡಿದರು. ಮೊದಲ ಅವಧಿಯಲ್ಲಿ 1–0 ಮುನ್ನಡೆ ಪಡೆದಿದ್ದ ಭಾರತದ ಪೈಲ್ವಾನ, ನಂತರ ಮುನ್ನಡೆಯನ್ನು 4–0ಗೆ ಹೆಚ್ಚಿಸಿಕೊಂಡರು. ಈ ಹಂತದಲ್ಲಿ ಎದುರಾಳಿ ಎರಡು ಪಾಯಿಂಟ್ಸ್ ಕಲೆಹಾಕಿದರು. ಇದರಿಂದ ವಿಚಲಿತರಾಗದ ದೀಪಕ್, ಇನ್ನಷ್ಟು ವಿಶ್ವಾಸದಿಂದ ಸೆಣಸಿದರು.

. ಇದಕ್ಕೂ ಮುನ್ನ ನಡೆದಿದ್ದ ಕ್ವಾರ್ಟರ್ ಫೈನಲ್ನಲ್ಲಿ ಭಾರತದ ಕುಸ್ತಿಪಟು 7–6 ಪಾಯಿಂಟ್ಸ್ನಿಂದ ಕೊಲಂಬಿಯಾದ ಕಾರ್ಲೊಸ್ ಅರ್ತುರೊ ಮೆಂಡೆಜ್ ಎದುರು ಗೆದ್ದಿದ್ದರು.

. ಹೋದ ತಿಂಗಳು ಜೂನಿಯರ್ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಪದಕ ಗೆದ್ದಿದ್ದ 20ರ ಹರೆಯದ ದೀಪಕ್, ಎಂಟರ ಘಟ್ಟದ ಹಣಾಹಣಿಯ ಆರಂಭದಲ್ಲೇ ಹಿನ್ನಡೆ ಕಂಡಿದ್ದರು. ಪಂದ್ಯ ಮುಗಿಯಲು ಒಂದು ನಿಮಿಷ ಇದ್ದಾಗ ಕಾರ್ಲೊಸ್ 6–3 ರಿಂದ ಮುಂದಿದ್ದರು.

. ಈ ಹಂತದಲ್ಲಿ ಭಾರತದ ಪೈಲ್ವಾನ ಜಾಣ್ಮೆಯ ನಡೆಗಳನ್ನು ಅನುಸರಿಸಿದರು. ರಕ್ಷಣೆಗೆ ಒತ್ತು ನೀಡುವ ಜೊತೆಗೆ ಶಕ್ತಿಯುತ ಪಟ್ಟುಗಳನ್ನು ಹಾಕಿ ಎದುರಾಳಿಯನ್ನು ಮ್ಯಾಟ್ ಮೇಲೆ ಉರುಳಿಸಿದರು. ಈ ಮೂಲಕ ಸತತ ನಾಲ್ಕು ಪಾಯಿಂಟ್ಸ್ ಬುಟ್ಟಿಗೆ ಹಾಕಿಕೊಂಡು 7–6 ಮುನ್ನಡೆ ಗಳಿಸಿದರು. ಕೊನೆಯ 21 ಸೆಕೆಂಡುಗಳಲ್ಲಿ ಎಚ್ಚರಿಕೆಯಿಂದ ಆಡಿ ಸಂಭ್ರಮಿಸಿದರು.

. ಕಜಕಸ್ತಾನದ ಅದಿಲೆತ್ ದವಲುಮ್ಬಯೆವ್ ಎದುರಿನ ಮೊದಲ ಸುತ್ತಿನ ಹಣಾಹಣಿಯಲ್ಲೂ ದೀಪಕ್ 0–5 ಪಾಯಿಂಟ್ಸ್ನಿಂದ ಹಿಂದಿದ್ದರು. ಬಳಿಕ ಆಕ್ರಮಣಕಾರಿ ಸಾಮರ್ಥ್ಯ ತೋರಿ 8–6ರಿಂದ ಗೆದ್ದರು. ಪ್ರೀ ಕ್ವಾರ್ಟರ್ ಫೈನಲ್ನಲ್ಲಿ 6–0 ಪಾಯಿಂಟ್ಸ್ನಿಂದ ತಜಿಕಿಸ್ತಾನದ ಬಖೋದರ್ ಕದಿರೋವ್ ಅವರನ್ನು ಪರಾಭವಗೊಳಿಸಿದ್ದರು.

. ಚಿನ್ನದ ಪದಕದ ಸುತ್ತಿನಲ್ಲಿ ದೀಪಕ್ ಅವರು ಇರಾನ್ನ ಹಸನ್ ಯಜದನಿ ವಿರುದ್ಧ ಸೆಣಸಲಿದ್ದಾರೆ. ನಾಲ್ಕರ ಘಟ್ಟದ ಇನ್ನೊಂದು ಪಂದ್ಯದಲ್ಲಿ ಹಸನ್ 11–0 ಪಾಯಿಂಟ್ಸ್ನಿಂದ ಮೈಲೆಸ್ ಅಮಿನ್ ಎದುರು ವಿಜಯಿಯಾಗಿದ್ದರು.

. ರಾಹುಲ್ಗೆ ನಿರಾಸೆ: ನಾನ್ ಒಲಿಂಪಿಕ್ ವಿಭಾಗದ 61 ಕೆ.ಜಿ.ಸ್ಪರ್ಧೆಯ ಸೆಮಿಫೈನಲ್ನಲ್ಲಿ ರಾಹುಲ್ ಅವಾರೆ ನಿರಾಸೆ ಕಂಡರು.

. ಜಾರ್ಜಿಯಾದ ಬೆಕ ಲೊಮಟಡ್ಜ್ 10–6ರಿಂದ ಭಾರತದ ಪೈಲ್ವಾನನ ವಿರುದ್ಧ ಗೆದ್ದರು.

. ಕ್ವಾರ್ಟರ್ ಫೈನಲ್ನಲ್ಲಿ 10–7ರಿಂದ ಕಜಕಸ್ತಾನದ ರಸಲ್ ಕಲಿಯೇವ್ ಎದುರು ಗೆದ್ದಿದ್ದ ರಾಹುಲ್, ಲೊಮಟಡ್ಜ್ ವಿರುದ್ಧದ ಹಣಾಹಣಿಯ ಎರಡನೇ ಅವಧಿಯಲ್ಲಿ ಮಂಕಾದರು.

. ಇದಕ್ಕೂ ಮೊದಲು ನಡೆದಿದ್ದ ಪಂದ್ಯದಲ್ಲಿ ರಾಹುಲ್ 13–2ರಿಂದ ತುರ್ಕಮೆನಿಸ್ತಾನದ ಕರೀಂ ಹೊಜಾಕೊವ್ ಅವರನ್ನು ಸೋಲಿಸಿದ್ದರು.

. ಕಂಚಿನ ಪದಕದ ‘ಪ್ಲೇ ಆಫ್’ನಲ್ಲಿ ರಾಹುಲ್ ಅವರಿಗೆ ಮಿಹೈ ಎಸಾನು ಅಥವಾ ಟೇಲರ್ ಗ್ರಾಫ್ ಅವರ ಸವಾಲು ಎದುರಾಗಲಿದೆ.

. 79 ಕೆ.ಜಿ.ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಭಾರತದ ಜಿತೇಂದರ್ ಕುಮಾರ್ 0–4ರಲ್ಲಿ ಸ್ಲೊವೇಕಿಯಾದ ತೈಮುರಜ್ ಸಲ್ಕಜನೋವಾ ಎದುರು ಸೋತರು.

. ಇದಕ್ಕೂ ಮೊದಲು ನಡೆದಿದ್ದ ಪಂದ್ಯಗಳಲ್ಲಿ ಜಿತೇಂದರ್ 7–2ರಿಂದ ಗೆವೊರ್ಗಿ ಪ್ಯಾಸ್ಕಲೊವ್ ಎದುರೂ, 7–1ರಿಂದ ಮಹಮ್ಮದ್ ನೂರಿ ಕೊತನೊಗ್ಲು ಮೇಲೂ ವಿಜಯಿಯಾಗಿದ್ದರು.

. 97 ಕೆ.ಜಿ.ವಿಭಾಗದ ಮೊದಲ ಸುತ್ತಿನಲ್ಲಿ ಮೌಸನ್ ಖತ್ರಿ 0–10ರಿಂದ ಅಮೆರಿಕದ ಕೈಲ್ ಸಿಂಡರ್ ಎದುರು ಮಣಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌: ದೀಪಕ್‌ ಪುನಿಯಾಗೆ ಟೋಕಿಯೊ ಟಿಕೆಟ್‌

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಸೈಯ್ಯದ್ ಮುಷ್ತಾಕ್ ಅಲಿ ಕ್ರಿಕೆಟ್‌: ಯುವರಾಜ್ ಆಟಕ್ಕೆ ಕರ್ನಾಟಕ ಸುಸ್ತು

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ