<p><strong>ಜೈಸಲ್ಮೇರ್: </strong>ಕರ್ನಾಟಕದ ಸಿ.ಎಸ್.ಸಂತೋಷ್ ಅವರು ಶನಿವಾರ ಕೊನೆಗೊಂಡ ಡೆಸರ್ಟ್ ಸ್ಟಾರ್ಮ್ ಮೋಟರ್ ರ್ಯಾಲಿಯಲ್ಲಿ ರನ್ನರ್ ಅಪ್ ಆಗಿದ್ದಾರೆ.</p>.<p>ಮೋಟೊ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಹೀರೊ ಮೋಟರ್ ಸ್ಪೋರ್ಟ್ಸ್ ತಂಡದ ಸಂತೋಷ್, ರ್ಯಾಲಿ ಪೂರ್ಣಗೊಳಿಸಲು ಒಟ್ಟು 6 ಗಂಟೆ 19 ನಿಮಿಷ 00 ಸೆಕೆಂಡು ತೆಗೆದುಕೊಂಡರು.</p>.<p>ಅಂತಿಮ ದಿನದ ಸ್ಪರ್ಧೆಯಲ್ಲಿ ಸಂತೋಷ್ ಅಮೋಘ ಚಾಲನಾ ಕೌಶಲ ಮೆರೆದರು. ಹೀಗಿದ್ದರೂ ಪ್ರಶಸ್ತಿ ಗೆಲ್ಲಲು ಆಗಲಿಲ್ಲ.</p>.<p>ಟಿವಿಎಸ್ ರೇಸಿಂಗ್ ತಂಡದ ಆ್ಯಡ್ರಿಯನ್ ಮೆಟ್ಗೆ ಈ ವಿಭಾಗದ ಪ್ರಶಸ್ತಿ ಜಯಿಸಿದರು. ಅವರು ಒಟ್ಟು 6 ಗಂಟೆ 13 ನಿಮಿಷ 25 ಸೆಕೆಂಡುಗಳಲ್ಲಿ ರ್ಯಾಲಿ ಪೂರ್ಣಗೊಳಿಸಿದರು.</p>.<p>ಟಿವಿಎಸ್ ರೇಸಿಂಗ್ ತಂಡವನ್ನು ಪ್ರತಿನಿಧಿಸಿದ್ದ ಮೈಸೂರಿನ ಅಬ್ದುಲ್ ವಾಹೀದ್ ತನ್ವೀರ್ ಮೂರನೇಯವರಾಗಿ (ಒಟ್ಟು 6 ಗಂಟೆ 35 ನಿಮಿಷ 28 ಸೆಕೆಂಡು) ರ್ಯಾಲಿ ಮುಗಿಸಿದರು. ನೆಲಮಂಗಲದ ಆರ್.ನಟರಾಜ್ ಕೂಡಾ ಉತ್ತಮ ಸಾಮರ್ಥ್ಯ ತೋರಿದರು. ನಟರಾಜ್ ಕೂಡಾ ಟಿವಿಎಸ್ ತಂಡದ ಸವಾಲು ಎತ್ತಿ ಹಿಡಿದಿದ್ದರು.</p>.<p>ಟಿವಿಎಸ್ ರೇಸಿಂಗ್, ಮೋಟೊ ವಿಭಾಗದ ತಂಡ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿತು.</p>.<p>ಎಕ್ಸ್ಟ್ರೀಮ್ ವಿಭಾಗದ ಪ್ರಶಸ್ತಿ ಅಭಿಷೇಕ್ ಮಿಶ್ರಾ ಮತ್ತು ಶ್ರೀಕಾಂತ್ ಗೌಡ ಅವರ ಪಾಲಾಯಿತು. ಅಭಿಷೇಕ್ ಮತ್ತು ಶ್ರೀಕಾಂತ್ ಅವರು ಸ್ಪಾರ್ಕಿ ಗ್ಯಾರೆಜ್ ತಂಡವನ್ನು ಪ್ರತಿನಿಧಿಸಿದ್ದರು.</p>.<p>ಎಂಡ್ಯೂರ್ ವಿಭಾಗದಲ್ಲಿ ಅಂಕುರ್ ಚೌಹಾಣ್ ಮತ್ತು ಎಂ.ಪ್ರಕಾಶ್ ಅವರು ಚಾಂಪಿಯನ್ ಆದರು. ಐದು ಲೆಗ್ಗಳಲ್ಲೂ ಈ ಜೋಡಿ ಮಿಂಚಿನ ಗತಿಯಲ್ಲಿ ಮೋಟರ್ ಕಾರು ಓಡಿಸಿ ಗಮನ ಸೆಳೆಯಿತು.</p>.<p>ಖ್ಯಾತಿ ಮೂಡಿ (ಎಕ್ಸ್ಟ್ರೀಮ್), ಐಶ್ವರ್ಯ ಪಿಸ್ಸೆ (ಮೋಟೊ) ಮತ್ತು ಅಭಿಲಾಷ ಸಿಂಗ್ (ಎಂಡ್ಯೂರ್) ಅವರು ಉತ್ತಮ ಚಾಲಕಿ ಪ್ರಶಸ್ತಿ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೈಸಲ್ಮೇರ್: </strong>ಕರ್ನಾಟಕದ ಸಿ.ಎಸ್.ಸಂತೋಷ್ ಅವರು ಶನಿವಾರ ಕೊನೆಗೊಂಡ ಡೆಸರ್ಟ್ ಸ್ಟಾರ್ಮ್ ಮೋಟರ್ ರ್ಯಾಲಿಯಲ್ಲಿ ರನ್ನರ್ ಅಪ್ ಆಗಿದ್ದಾರೆ.</p>.<p>ಮೋಟೊ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಹೀರೊ ಮೋಟರ್ ಸ್ಪೋರ್ಟ್ಸ್ ತಂಡದ ಸಂತೋಷ್, ರ್ಯಾಲಿ ಪೂರ್ಣಗೊಳಿಸಲು ಒಟ್ಟು 6 ಗಂಟೆ 19 ನಿಮಿಷ 00 ಸೆಕೆಂಡು ತೆಗೆದುಕೊಂಡರು.</p>.<p>ಅಂತಿಮ ದಿನದ ಸ್ಪರ್ಧೆಯಲ್ಲಿ ಸಂತೋಷ್ ಅಮೋಘ ಚಾಲನಾ ಕೌಶಲ ಮೆರೆದರು. ಹೀಗಿದ್ದರೂ ಪ್ರಶಸ್ತಿ ಗೆಲ್ಲಲು ಆಗಲಿಲ್ಲ.</p>.<p>ಟಿವಿಎಸ್ ರೇಸಿಂಗ್ ತಂಡದ ಆ್ಯಡ್ರಿಯನ್ ಮೆಟ್ಗೆ ಈ ವಿಭಾಗದ ಪ್ರಶಸ್ತಿ ಜಯಿಸಿದರು. ಅವರು ಒಟ್ಟು 6 ಗಂಟೆ 13 ನಿಮಿಷ 25 ಸೆಕೆಂಡುಗಳಲ್ಲಿ ರ್ಯಾಲಿ ಪೂರ್ಣಗೊಳಿಸಿದರು.</p>.<p>ಟಿವಿಎಸ್ ರೇಸಿಂಗ್ ತಂಡವನ್ನು ಪ್ರತಿನಿಧಿಸಿದ್ದ ಮೈಸೂರಿನ ಅಬ್ದುಲ್ ವಾಹೀದ್ ತನ್ವೀರ್ ಮೂರನೇಯವರಾಗಿ (ಒಟ್ಟು 6 ಗಂಟೆ 35 ನಿಮಿಷ 28 ಸೆಕೆಂಡು) ರ್ಯಾಲಿ ಮುಗಿಸಿದರು. ನೆಲಮಂಗಲದ ಆರ್.ನಟರಾಜ್ ಕೂಡಾ ಉತ್ತಮ ಸಾಮರ್ಥ್ಯ ತೋರಿದರು. ನಟರಾಜ್ ಕೂಡಾ ಟಿವಿಎಸ್ ತಂಡದ ಸವಾಲು ಎತ್ತಿ ಹಿಡಿದಿದ್ದರು.</p>.<p>ಟಿವಿಎಸ್ ರೇಸಿಂಗ್, ಮೋಟೊ ವಿಭಾಗದ ತಂಡ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿತು.</p>.<p>ಎಕ್ಸ್ಟ್ರೀಮ್ ವಿಭಾಗದ ಪ್ರಶಸ್ತಿ ಅಭಿಷೇಕ್ ಮಿಶ್ರಾ ಮತ್ತು ಶ್ರೀಕಾಂತ್ ಗೌಡ ಅವರ ಪಾಲಾಯಿತು. ಅಭಿಷೇಕ್ ಮತ್ತು ಶ್ರೀಕಾಂತ್ ಅವರು ಸ್ಪಾರ್ಕಿ ಗ್ಯಾರೆಜ್ ತಂಡವನ್ನು ಪ್ರತಿನಿಧಿಸಿದ್ದರು.</p>.<p>ಎಂಡ್ಯೂರ್ ವಿಭಾಗದಲ್ಲಿ ಅಂಕುರ್ ಚೌಹಾಣ್ ಮತ್ತು ಎಂ.ಪ್ರಕಾಶ್ ಅವರು ಚಾಂಪಿಯನ್ ಆದರು. ಐದು ಲೆಗ್ಗಳಲ್ಲೂ ಈ ಜೋಡಿ ಮಿಂಚಿನ ಗತಿಯಲ್ಲಿ ಮೋಟರ್ ಕಾರು ಓಡಿಸಿ ಗಮನ ಸೆಳೆಯಿತು.</p>.<p>ಖ್ಯಾತಿ ಮೂಡಿ (ಎಕ್ಸ್ಟ್ರೀಮ್), ಐಶ್ವರ್ಯ ಪಿಸ್ಸೆ (ಮೋಟೊ) ಮತ್ತು ಅಭಿಲಾಷ ಸಿಂಗ್ (ಎಂಡ್ಯೂರ್) ಅವರು ಉತ್ತಮ ಚಾಲಕಿ ಪ್ರಶಸ್ತಿ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
