<p><strong>ನವದೆಹಲಿ:</strong> ಚೀನಾದ ಡಿಂಗ್ ಲಿರೆನ್ ವಿರುದ್ಧ ವಿಶ್ವ ಚೆಸ್ ಚಾಂಪಿಯನ್ಷಿಪ್ನಲ್ಲಿ ಗೆಲ್ಲುವ ನೆಚ್ಚಿನ ಆಟಗಾರ ಎಂಬ ಹಣೆಪಟ್ಟಿ ನೀಡಿರುವುದರಿಂದ ತಮ್ಮ ಮೇಲೆ ಹೆಚ್ಚುವರಿ ಒತ್ತಡವೇನೂ ಇಲ್ಲ’ ಎಂದು ಚೆಸ್ ತಾರೆ ಡಿ.ಗುಕೇಶ್ ಅವರು ಹೇಳಿದ್ದಾರೆ.</p>.<p>ಹಾಲಿ ವಿಶ್ವ ಚಾಂಪಿಯನ್ ಗುಕೇಶ್ ಮತ್ತು ಲಿರೆನ್ ನಡುವೆ ನವೆಂಬರ್ 20 ರಿಂದ ಡಿಸೆಂಬರ್ 15ರವರೆಗೆ ಸಿಂಗಪುರದಲ್ಲಿ ವಿಶ್ವ ಚಾಂಪಿಯನ್ಷಿಪ್ ಫೈನಲ್ ನಡೆಯಲಿದೆ. ಫೈನಲ್ ಪಂದ್ಯವು ಸುಮಾರು ₹21 ಕೋಟಿ ಬಹುಮಾನ ನಿಧಿಯನ್ನು ಹೊಂದಿದೆ.</p>.<p>ಕೆನಡಾದಲ್ಲಿ ಕಳೆದ ಏಪ್ರಿಲ್ನಲ್ಲಿ ನಡೆದ ಕ್ಯಾಂಡಿಡೇಟ್ಸ್ ಚೆಸ್ ಟೂರ್ನಿಯನ್ನು ಗೆಲ್ಲುವ ಮೂಲಕ, 18 ವರ್ಷ ವಯಸ್ಸಿನ ಗುಕೇಶ್ ಅವರು ವಿಶ್ವ ಚಾಂಪಿಯನ್ಷಿಪ್ ಇತಿಹಾಸದಲ್ಲೇ ಅತಿ ಕಿರಿಯ ಚಾಲೆಂಜರ್ ಎಂಬ ಹಿರಿಮೆಗೆ ಪಾತ್ರರಾಗಿದ್ದರು.</p>.<p>‘ಜನರು ಆ ರೀತಿ (ನೀವೇ ಗೆಲ್ಲುವ ನಿರೀಕ್ಷೆಯಿರುವ ಆಟಗಾರನೆಂದು) ಹೇಳುವಾಗ ಎಲ್ಲರಿಗೂ ಆಗುವಂತೆ ಸಂತಸವಾಗುತ್ತದೆ. ಆದರೆ ಇದರಿಂದೆಲ್ಲಾ ನನ್ನ ಮೇಲೆ ಒತ್ತಡ ಬೀಳುವುದಿಲ್ಲ’ ಎಂದು ಅವರು ಆಯ್ದ ಮಾಧ್ಯಮದವರೊಂದಿಗೆ ಆನ್ಲೈನ್ ಸಂವಾದದಲ್ಲಿ ತಿಳಿಸಿದರು. ಈಗ ಆಡುತ್ತಿರುವ ರೀತಿಯ (ಫಾರ್ಮ್) ಬಗ್ಗೆಯೂ ತಮಗೆ ಸಂತೃಪ್ತಿಯಿದೆ ಎಂದರು.</p>.<p>ಕ್ಯಾಂಡಿಡೇಟ್ಸ್ ಗೆದ್ದ ನಂತರ ಗುಕೇಶ್ ಅವರು ಒಲಿಂಪಿಯಾಡ್ನಲ್ಲೂ ಅಮೋಘ ಆಟವಾಡಿದ್ದರು. ಮೊದಲ ಬೋರ್ಡ್ನಲ್ಲಿ ಆಡಿ ತಂಡ ಐತಿಹಾಸಿಕ ಚಿನ್ನ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಜೊತೆಗೆ ಮೊದಲ ಬೋರ್ಡ್ನಲ್ಲಿ ತೋರಿದ ಸಾಧನೆಗಾಗಿ ವೈಯಕ್ತಿಕ ಚಿನ್ನ ಕೂಡ ಅವರ ಪಾಲಾಗಿತ್ತು.</p>.<p>ಗುಕೇಶ್ ಎದುರಾಳಿಯಾಗಿರುವ 31 ವರ್ಷ ವಯಸ್ಸಿನ ಲಿರೆನ್, ಅತೀ ಹೆಚ್ಚಿನ ರೇಟಿಂಗ್ ಪಡೆದ ಚೀನಾದ ಆಟಗಾರ ಎನಿಸಿದ್ದಾರೆ. ಕಳೆದ ವಿಶ್ವ ಚಾಂಪಿಯನ್ಷಿಪ್ ಫೈನಲ್ನಲ್ಲಿ ರಷ್ಯಾದ ಇಯಾನ್ ನಿಪೊಮ್ನಿಷಿ ಅವರನ್ನು ಸೋಲಿಸಿದ ನಂತರ ಅವರು, ಖಿನ್ನತೆಯಿಂದ ಹೊರಬರಲು ವಿರಾಮ ಪಡೆದಿದ್ದರು. ಈ ವರ್ಷದ ಆರಂಭದಲ್ಲಷ್ಟೇ ಅವರು ಆಟಕ್ಕೆ ಪುನರಾಗಮನ ಮಾಡಿದ್ದರು. ಆದರೆ ನಂತರ ಎಂದಿನ ಲಯಕ್ಕೆ ಮರಳಲು ಅವರಿಗೆ ಸಾಧ್ಯವಾಗಿಲ್ಲ.</p>.<p>‘ಒಲಿಂಪಿಯಾಡ್ನಲ್ಲಿ ತೋರಿದ ಉತ್ತಮ ಸಾಧನೆ ನನ್ನ ಪಾಲಿಗೆ ವಿಶ್ವಾಸವರ್ಧಕ (ಕಾನ್ಫಿಡೆನ್ಸ್ ಬೂಸ್ಟರ್) ವಾಗಿ ಕೆಲಸ ಮಾಡಿತು’ ಎಂದು ಗುಕೇಶ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಚೀನಾದ ಡಿಂಗ್ ಲಿರೆನ್ ವಿರುದ್ಧ ವಿಶ್ವ ಚೆಸ್ ಚಾಂಪಿಯನ್ಷಿಪ್ನಲ್ಲಿ ಗೆಲ್ಲುವ ನೆಚ್ಚಿನ ಆಟಗಾರ ಎಂಬ ಹಣೆಪಟ್ಟಿ ನೀಡಿರುವುದರಿಂದ ತಮ್ಮ ಮೇಲೆ ಹೆಚ್ಚುವರಿ ಒತ್ತಡವೇನೂ ಇಲ್ಲ’ ಎಂದು ಚೆಸ್ ತಾರೆ ಡಿ.ಗುಕೇಶ್ ಅವರು ಹೇಳಿದ್ದಾರೆ.</p>.<p>ಹಾಲಿ ವಿಶ್ವ ಚಾಂಪಿಯನ್ ಗುಕೇಶ್ ಮತ್ತು ಲಿರೆನ್ ನಡುವೆ ನವೆಂಬರ್ 20 ರಿಂದ ಡಿಸೆಂಬರ್ 15ರವರೆಗೆ ಸಿಂಗಪುರದಲ್ಲಿ ವಿಶ್ವ ಚಾಂಪಿಯನ್ಷಿಪ್ ಫೈನಲ್ ನಡೆಯಲಿದೆ. ಫೈನಲ್ ಪಂದ್ಯವು ಸುಮಾರು ₹21 ಕೋಟಿ ಬಹುಮಾನ ನಿಧಿಯನ್ನು ಹೊಂದಿದೆ.</p>.<p>ಕೆನಡಾದಲ್ಲಿ ಕಳೆದ ಏಪ್ರಿಲ್ನಲ್ಲಿ ನಡೆದ ಕ್ಯಾಂಡಿಡೇಟ್ಸ್ ಚೆಸ್ ಟೂರ್ನಿಯನ್ನು ಗೆಲ್ಲುವ ಮೂಲಕ, 18 ವರ್ಷ ವಯಸ್ಸಿನ ಗುಕೇಶ್ ಅವರು ವಿಶ್ವ ಚಾಂಪಿಯನ್ಷಿಪ್ ಇತಿಹಾಸದಲ್ಲೇ ಅತಿ ಕಿರಿಯ ಚಾಲೆಂಜರ್ ಎಂಬ ಹಿರಿಮೆಗೆ ಪಾತ್ರರಾಗಿದ್ದರು.</p>.<p>‘ಜನರು ಆ ರೀತಿ (ನೀವೇ ಗೆಲ್ಲುವ ನಿರೀಕ್ಷೆಯಿರುವ ಆಟಗಾರನೆಂದು) ಹೇಳುವಾಗ ಎಲ್ಲರಿಗೂ ಆಗುವಂತೆ ಸಂತಸವಾಗುತ್ತದೆ. ಆದರೆ ಇದರಿಂದೆಲ್ಲಾ ನನ್ನ ಮೇಲೆ ಒತ್ತಡ ಬೀಳುವುದಿಲ್ಲ’ ಎಂದು ಅವರು ಆಯ್ದ ಮಾಧ್ಯಮದವರೊಂದಿಗೆ ಆನ್ಲೈನ್ ಸಂವಾದದಲ್ಲಿ ತಿಳಿಸಿದರು. ಈಗ ಆಡುತ್ತಿರುವ ರೀತಿಯ (ಫಾರ್ಮ್) ಬಗ್ಗೆಯೂ ತಮಗೆ ಸಂತೃಪ್ತಿಯಿದೆ ಎಂದರು.</p>.<p>ಕ್ಯಾಂಡಿಡೇಟ್ಸ್ ಗೆದ್ದ ನಂತರ ಗುಕೇಶ್ ಅವರು ಒಲಿಂಪಿಯಾಡ್ನಲ್ಲೂ ಅಮೋಘ ಆಟವಾಡಿದ್ದರು. ಮೊದಲ ಬೋರ್ಡ್ನಲ್ಲಿ ಆಡಿ ತಂಡ ಐತಿಹಾಸಿಕ ಚಿನ್ನ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಜೊತೆಗೆ ಮೊದಲ ಬೋರ್ಡ್ನಲ್ಲಿ ತೋರಿದ ಸಾಧನೆಗಾಗಿ ವೈಯಕ್ತಿಕ ಚಿನ್ನ ಕೂಡ ಅವರ ಪಾಲಾಗಿತ್ತು.</p>.<p>ಗುಕೇಶ್ ಎದುರಾಳಿಯಾಗಿರುವ 31 ವರ್ಷ ವಯಸ್ಸಿನ ಲಿರೆನ್, ಅತೀ ಹೆಚ್ಚಿನ ರೇಟಿಂಗ್ ಪಡೆದ ಚೀನಾದ ಆಟಗಾರ ಎನಿಸಿದ್ದಾರೆ. ಕಳೆದ ವಿಶ್ವ ಚಾಂಪಿಯನ್ಷಿಪ್ ಫೈನಲ್ನಲ್ಲಿ ರಷ್ಯಾದ ಇಯಾನ್ ನಿಪೊಮ್ನಿಷಿ ಅವರನ್ನು ಸೋಲಿಸಿದ ನಂತರ ಅವರು, ಖಿನ್ನತೆಯಿಂದ ಹೊರಬರಲು ವಿರಾಮ ಪಡೆದಿದ್ದರು. ಈ ವರ್ಷದ ಆರಂಭದಲ್ಲಷ್ಟೇ ಅವರು ಆಟಕ್ಕೆ ಪುನರಾಗಮನ ಮಾಡಿದ್ದರು. ಆದರೆ ನಂತರ ಎಂದಿನ ಲಯಕ್ಕೆ ಮರಳಲು ಅವರಿಗೆ ಸಾಧ್ಯವಾಗಿಲ್ಲ.</p>.<p>‘ಒಲಿಂಪಿಯಾಡ್ನಲ್ಲಿ ತೋರಿದ ಉತ್ತಮ ಸಾಧನೆ ನನ್ನ ಪಾಲಿಗೆ ವಿಶ್ವಾಸವರ್ಧಕ (ಕಾನ್ಫಿಡೆನ್ಸ್ ಬೂಸ್ಟರ್) ವಾಗಿ ಕೆಲಸ ಮಾಡಿತು’ ಎಂದು ಗುಕೇಶ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
