<p><strong>ನವದೆಹಲಿ:</strong> ವಿಶ್ವ ಜೂನಿಯರ್ ವೇಟ್ಲಿಫ್ಟಿಂಗ್ ಚಾಂಪಿಯನ್ಷಿಪ್ನಲ್ಲಿ ಭಾರತಕ್ಕೆ ಸೋಮವಾರ ‘ಡಬಲ್‘ ಪದಕಗಳ ಸಂಭ್ರಮ. ಗ್ರೀಸ್ನ ಹೆರಾಕ್ಲಿಯೊನ್ನಲ್ಲಿ ನಡೆಯುತ್ತಿರುವ ಐಡಬ್ಲ್ಯುಎಫ್ ಚಾಂಪಿಯನ್ಷಿಪ್ನ 49 ಕೆಜಿ ವಿಭಾಗದಲ್ಲಿ ಗ್ಯಾನೇಶ್ವರಿ ಯಾದವ್ ಬೆಳ್ಳಿ ಪದಕಕ್ಕೆ ಮುತ್ತಿಟ್ಟರೆ, ವಿ.ರಿತಿಕಾ ಕಂಚು ಕೊರಳಿಗೇರಿಸಿಕೊಂಡರು.</p>.<p>ಗ್ಯಾನೇಶ್ವರಿ ಒಟ್ಟು 156 ಕೆಜಿ (ಸ್ನ್ಯಾಚ್ 73 ಕೆಜಿ+ ಕ್ಲೀನ್ ಆ್ಯಂಡ್ ಜೆರ್ಕ್ 83 ಕೆಜಿ) ಭಾರ ಎತ್ತುವ ಮೂಲಕ ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡರು.</p>.<p>49 ಕೆಜಿ ವಿಭಾಗದಲ್ಲೇ ಸ್ಪರ್ಧಿಸಿದ್ದರಿತಿಕಾ (ಒಟ್ಟು 150= 69+81) ಗ್ಯಾನೇಶ್ವರಿ ಅವರಿಗಿಂತ ಆರು ಕೆಜಿ ಕಡಿಮೆ ಭಾರ ಎತ್ತಿ ಕಂಚು ಜಯಿಸಿದರು.</p>.<p>ಟೋಕಿಯೊ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಇಂಡೊನೇಷ್ಯಾದ ವಿಂಡಿ ಕ್ಯಾಂಟಿಕಾ ಐಸಾಹ್ ಒಟ್ಟು 185 ಕೆಜಿ (83+102) ಸಾಧನೆಯೊಂದಿಗೆ ಚಿನ್ನದ ಪದಕ ಮುಡಿಗೇರಿಸಿಕೊಂಡರು. 49 ಕೆಜಿ ವಿಭಾಗದ ವಿಶ್ವದಾಖಲೆ ಚೀನಾದ ಜಿಯಾಂಗ್ ಹುಯಿವಾ ಹೆಸರಿನಲ್ಲಿದೆ. ಅವರು 206 ಕೆಜಿ (92+114) ಭಾರ ಎತ್ತಿದ್ದರು.</p>.<p>ಪ್ರಮುಖ ಸ್ಪರ್ಧಿಗಳಾದ ಚೀನಾ, ಉತ್ತರ ಕೊರಿಯಾ ಮತ್ತು ಥಾಯ್ಲೆಂಡ್ ವೇಟ್ಲಿಫ್ಟರ್ಗಳು ಇಲ್ಲಿ ಕಣಕ್ಕಿಳಿದಿರಲಿಲ್ಲ.</p>.<p>ಇದೇ ವಿಭಾಗದಲ್ಲಿ ಮೀರಾಬಾಯಿ ಚಾನು 202 ಕೆಜಿ ಸಾಧನೆಯೊಂದಿಗೆ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದುಕೊಂಡಿದ್ದರು. ಈ ಎರಡು ಪದಕಗಳೊಂದಿಗೆ ಭಾರತ ಮಡಿಲು ಸೇರಿದ ಪದಕಗಳ ಸಂಖ್ಯೆ ಮೂರಕ್ಕೇರಿದೆ. ಹರ್ಷದಾ ಶರದ್ ಗರುಡ್ ಸೋಮವಾರವೇ ಚಿನ್ನದ ಪದಕ ಜಯಿಸಿದ್ದರು.</p>.<p>ಉಕ್ರೇನ್ ಮೇಲಿನ ದಾಳಿಯ ಹಿನ್ನೆಲೆಯಲ್ಲಿ ಐಡಬ್ಲ್ಯುಎಫ್ ಟೂರ್ನಿಗಳಲ್ಲಿ ಸ್ಪರ್ಧಿಸಲು ರಷ್ಯಾ ಮತ್ತು ಬೆರಾರೂಸ್ ಅಥ್ಲೀಟ್ಗಳಿಗೆ ಅವಕಾಶ ನೀಡಿಲ್ಲ. ಕಳೆದ ಆವೃತ್ತಿಯಲ್ಲಿ ರಷ್ಯಾ (9) ಅತಿ ಹೆಚ್ಚು ಪದಕಗಳನ್ನು ಗೆದ್ದುಕೊಂಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ವಿಶ್ವ ಜೂನಿಯರ್ ವೇಟ್ಲಿಫ್ಟಿಂಗ್ ಚಾಂಪಿಯನ್ಷಿಪ್ನಲ್ಲಿ ಭಾರತಕ್ಕೆ ಸೋಮವಾರ ‘ಡಬಲ್‘ ಪದಕಗಳ ಸಂಭ್ರಮ. ಗ್ರೀಸ್ನ ಹೆರಾಕ್ಲಿಯೊನ್ನಲ್ಲಿ ನಡೆಯುತ್ತಿರುವ ಐಡಬ್ಲ್ಯುಎಫ್ ಚಾಂಪಿಯನ್ಷಿಪ್ನ 49 ಕೆಜಿ ವಿಭಾಗದಲ್ಲಿ ಗ್ಯಾನೇಶ್ವರಿ ಯಾದವ್ ಬೆಳ್ಳಿ ಪದಕಕ್ಕೆ ಮುತ್ತಿಟ್ಟರೆ, ವಿ.ರಿತಿಕಾ ಕಂಚು ಕೊರಳಿಗೇರಿಸಿಕೊಂಡರು.</p>.<p>ಗ್ಯಾನೇಶ್ವರಿ ಒಟ್ಟು 156 ಕೆಜಿ (ಸ್ನ್ಯಾಚ್ 73 ಕೆಜಿ+ ಕ್ಲೀನ್ ಆ್ಯಂಡ್ ಜೆರ್ಕ್ 83 ಕೆಜಿ) ಭಾರ ಎತ್ತುವ ಮೂಲಕ ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡರು.</p>.<p>49 ಕೆಜಿ ವಿಭಾಗದಲ್ಲೇ ಸ್ಪರ್ಧಿಸಿದ್ದರಿತಿಕಾ (ಒಟ್ಟು 150= 69+81) ಗ್ಯಾನೇಶ್ವರಿ ಅವರಿಗಿಂತ ಆರು ಕೆಜಿ ಕಡಿಮೆ ಭಾರ ಎತ್ತಿ ಕಂಚು ಜಯಿಸಿದರು.</p>.<p>ಟೋಕಿಯೊ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಇಂಡೊನೇಷ್ಯಾದ ವಿಂಡಿ ಕ್ಯಾಂಟಿಕಾ ಐಸಾಹ್ ಒಟ್ಟು 185 ಕೆಜಿ (83+102) ಸಾಧನೆಯೊಂದಿಗೆ ಚಿನ್ನದ ಪದಕ ಮುಡಿಗೇರಿಸಿಕೊಂಡರು. 49 ಕೆಜಿ ವಿಭಾಗದ ವಿಶ್ವದಾಖಲೆ ಚೀನಾದ ಜಿಯಾಂಗ್ ಹುಯಿವಾ ಹೆಸರಿನಲ್ಲಿದೆ. ಅವರು 206 ಕೆಜಿ (92+114) ಭಾರ ಎತ್ತಿದ್ದರು.</p>.<p>ಪ್ರಮುಖ ಸ್ಪರ್ಧಿಗಳಾದ ಚೀನಾ, ಉತ್ತರ ಕೊರಿಯಾ ಮತ್ತು ಥಾಯ್ಲೆಂಡ್ ವೇಟ್ಲಿಫ್ಟರ್ಗಳು ಇಲ್ಲಿ ಕಣಕ್ಕಿಳಿದಿರಲಿಲ್ಲ.</p>.<p>ಇದೇ ವಿಭಾಗದಲ್ಲಿ ಮೀರಾಬಾಯಿ ಚಾನು 202 ಕೆಜಿ ಸಾಧನೆಯೊಂದಿಗೆ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದುಕೊಂಡಿದ್ದರು. ಈ ಎರಡು ಪದಕಗಳೊಂದಿಗೆ ಭಾರತ ಮಡಿಲು ಸೇರಿದ ಪದಕಗಳ ಸಂಖ್ಯೆ ಮೂರಕ್ಕೇರಿದೆ. ಹರ್ಷದಾ ಶರದ್ ಗರುಡ್ ಸೋಮವಾರವೇ ಚಿನ್ನದ ಪದಕ ಜಯಿಸಿದ್ದರು.</p>.<p>ಉಕ್ರೇನ್ ಮೇಲಿನ ದಾಳಿಯ ಹಿನ್ನೆಲೆಯಲ್ಲಿ ಐಡಬ್ಲ್ಯುಎಫ್ ಟೂರ್ನಿಗಳಲ್ಲಿ ಸ್ಪರ್ಧಿಸಲು ರಷ್ಯಾ ಮತ್ತು ಬೆರಾರೂಸ್ ಅಥ್ಲೀಟ್ಗಳಿಗೆ ಅವಕಾಶ ನೀಡಿಲ್ಲ. ಕಳೆದ ಆವೃತ್ತಿಯಲ್ಲಿ ರಷ್ಯಾ (9) ಅತಿ ಹೆಚ್ಚು ಪದಕಗಳನ್ನು ಗೆದ್ದುಕೊಂಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
