ರಾಷ್ಟ್ರೀಯ ಓಪನ್ ಅಥ್ಲೆಟಿಕ್ಸ್: ಪಿ.ಟಿ.ಉಷಾ ದಾಖಲೆ ಮುರಿದ ವಿತ್ಯಾ

ಬೆಂಗಳೂರು : ರಾಷ್ಟ್ರೀಯ ಓಪನ್ ಅಥ್ಲೆಟಿಕ್ ಕೂಟದಲ್ಲಿ 400 ಮೀ. ಹರ್ಡಲ್ಸ್ ಓಟವನ್ನು 57 ಸೆ.ಗಳ ಒಳಗೆ ಕ್ರಮಿಸಿದಲ್ಲಿ ಐದು ದಿನಗಳ ಹೆಚ್ಚುವರಿ ರಜೆ ನೀಡುವುದಾಗಿ ತಮಿಳುನಾಡಿನ ಆರ್.ವಿದ್ಯಾ ರಾಮರಾಜ್ ಅವರಿಗೆ ಕೋಚ್ ನೇಪಾಲ್ ಸಿಂಗ್ ಭರವಸೆ ನೀಡಿದ್ದರು. ಇದನ್ನೇ ಪ್ರೇರಣೆಯಾಗಿಸಿಕೊಂಡ ವಿದ್ಯಾ ಸೋಮವಾರ ಈ ಚಾಂಪಿಯನ್ಷಿಪ್ನಲ್ಲಿ 57 ಸೆ.ಗಳ ಒಳಗೆ ದೂರ ಕ್ರಮಿಸಿದರಲ್ಲದೇ, ದಂತಕಥೆ ಪಿ.ಟಿ.ಉಷಾ ಹೆಸರಿನಲ್ಲಿದ್ದ ದಾಖಲೆಯನ್ನೂ ಮುರಿದು ಗಮನಸೆಳೆದರು.

. ಕೊಯಮತ್ತೂರಿನ ವಿದ್ಯಾ ಅವರು ಕಂಠೀರವ ಕ್ರೀಡಾಂಗಣದಲ್ಲಿ 56.23 ಸೆ.ಗಳಲ್ಲಿ ಗುರಿ ತಲುಪಿ, 1985ರಲ್ಲಿ ತಿರುವನಂತಪುರದಲ್ಲಿ ಉಷಾ ಸ್ಥಾಪಿಸಿದ್ದ 56.80 ಸೆಕೆಂಡುಗಳ ದಾಖಲೆ ಮುರಿದರು.

. ರೈಲ್ವೇಸ್ನ ಸಿಂಚಲ್ (57.60ಸೆ.) ಮತ್ತು ಕರ್ನಾಟಕದ ಪ್ರಜ್ಞಾ (57.90ಸೆ.) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಪಡೆದರು.

. ‘ಈ ದಾಖಲೆ ಮುರಿಯಲು ಕಳೆದ ಎರಡು ವರ್ಷಗಳಿಂದ ಇನ್ನಿಲ್ಲದ ಪ್ರಯತ್ನ ನಡೆಸಿದ್ದೆ. ಅಂತಿಮವಾಗಿ ಈಡೇರಿದ್ದರಿಂದ ಸಂತಸವಾಗಿದೆ, ಅದೂ ಋತುವಿನ ಕೊನೆಯ ಕೂಟದಲ್ಲಿ’ ಎಂದು ವಿದ್ಯಾ ಸಂಭ್ರಮದಿಂದ ಪ್ರತಿಕ್ರಿಯಿಸಿದರು.

. ಪುರುಷರ 200 ಮೀ. ಓಟದಲ್ಲಿ 20.66 ಸೆಕೆಂಡ್ಗಳಲ್ಲಿ ಗುರಿ ತಲುಪಿದ ವೇಗದ ಓಟಗಾರ ನಿತಿನ್ ಅವರು ಕೊನೆಯ ದಿನ ಕೂಟ ದಾಖಲೆ ಸ್ಥಾಪಿಸಿದರು. ಕಳೆದ ವರ್ಷ ಬೆಂಗಳೂರಿನಲ್ಲಿ ಅನಿಮೇಶ್ ಕುಜೂರ್ ಸ್ಥಾಪಿಸಿದ್ದ 20.74 ಸೆಕೆಂಡುಗಳ ದಾಖಲೆಯನ್ನು ತಮಿಳುನಾಡಿನ ಓಟಗಾರ ಮುರಿದರು.

. ಮಹಿಳೆಯರ ಲಾಂಗ್ಜಂಪ್ ಸ್ಪರ್ಧೆಯು ಮತ್ತೊಂದು ಪೈಪೋಟಿಗೆ ಸಾಕ್ಷಿಯಾಯಿತು. ಸರ್ವಿಸಸ್ ಕ್ರೀಡಾ ನಿಯಂತ್ರಣ ಮಂಡಳಿಯ (ಎಸ್ಎಸ್ಸಿಬಿ) ಆನ್ಸಿ ಸೋಜನ್ ಅವರು 6.71 ಮೀ. ದೂರಕ್ಕೆ ಜಿಗಿದು ಚಿನ್ನದ ಪದಕದೊಡನೆ ಮಿಂಚಿದರು.

. ರೈಲ್ವೇಸ್ನ ಕಾರ್ತಿಕಾ ಕೋದಂಡಪಾಣಿ (6.29 ಮೀ) ಮತ್ತು ಭವಾನಿ ಯಾದವ್ ಭಾಗವತ್ (6.25 ಮೀ) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದರು.

. ರೈಲ್ವೇಸ್ಗೆ ಸಮಗ್ರ ಪ್ರಶಸ್ತಿ:

. ತಮಿಳುನಾಡಿನ ನಿತಿನ್ 1118 ಅಂಕಗಳೊಂದಿಗೆ ಮತ್ತು ಎಸ್ಎಸ್ಸಿಬಿಯ ಆ್ಯನ್ಸಿ ಸೋಜನ್ ಅವರು 1153 ಅಂಕಗಳೊಂದಿಗೆ ಕ್ರಮವಾಗಿ ಪುರುಷರ ಮತ್ತು ಮಹಿಳೆಯರ ವಿಭಾಗದಲ್ಲಿ ಅತ್ಯುತ್ತಮ ಅಥ್ಲೀಟ್ ಪ್ರಶಸ್ತಿ ಪಡೆದರು.

. ಸರ್ವಿಸಸ್ ತಂಡ 137 ಪಾಯಿಂಟ್ಸ್ ಗಳಿಸಿ ಪುರುಷರ ವಿಭಾಗದಲ್ಲಿ ಚಾಂಪಿಯನ್ ಆದರೆ, 201 ಅಂಕ ಕಲೆಹಾಕಿದ ರೈಲ್ವೇಸ್ನ ತಂಡ ಮಹಿಳೆಯರ ವಿಭಾದಲ್ಲಿ ಚಾಂಪಿಯನ್ ಆಯಿತು. 318 ಅಂಕ ಕಲೆಹಾಕಿದ ರೈಲ್ವೇಸ್ ತಂಡ ಸಮಗ್ರ ಚಾಂಪಿಯನ್ ಆಗಿ ಹೊರಹೊಮ್ಮಿತು.

. ಅಂತಿಮ ದಿನದ ಫಲಿತಾಂಶಗಳು (ಮೊದಲ ಸ್ಥಾನ ಪಡೆದವರು):

. ಪುರುಷರು: 200 ಮೀ: ನಿತಿನ್ (ತಮಿಳುನಾಡು), ಕಾಲ: 20.66 ಸೆ.; 800 ಮೀ ಓಟ: ಮೊಹಮ್ಮದ್ ಪಿ. (ಎಸ್ಎಸ್ಸಿಬಿ), ಕಾಲ: 1ನಿ 48.10 ಸೆ.; 10000 ಮೀ: ಅಭಿಷೇಕ್ (ರೈಲ್ವೇಸ್), ಕಾಲ: 29ನಿ.48.18ಸೆ.

. 400 ಮೀ ಹರ್ಡಲ್ಸ್: ಅಮನ್ (ಹರಿಯಾಣ), ಕಾಲ: 50.52 ಸೆ.; 3000 ಮೀ ಸ್ಟೀಪಲ್ಚೇಸ್: ಸಿದ್ದಾಂತ್ ಪೂಜಾರಿ (ಮಹಾರಾಷ್ಟ್ರ), ಕಾಲ: 8ನಿ.46.05 ಸೆ.; 4x400ಮೀ ರಿಲೇ: ಎಸ್ಎಸ್ಸಿಬಿ, ಕಾಲ: 3ನಿ 07.11 ಸೆ.; ಟ್ರಿಪಲ್ ಜಂಪ್: ಮೊಹಮ್ಮದ್ ಎಸ್.ಎನ್. (ತಮಿಳುನಾಡು), ದೂರ: 16.28 ಮೀ.; ಜಾವೆಲಿನ್ ಥ್ರೊ: ವಿಕ್ರಾಂತ್ ಮಲಿಕ್ (ಹರಿಯಾಣ), ದೂರ: 80.02 ಮೀ.

. ಮಹಿಳೆಯರು: 200 ಮೀ: ನಿತ್ಯಾ ಗಂಧೆ (ರೈಲ್ವೇಸ್)–1, ಕಾಲ: 23.51 ಸೆ.; 800ಮೀ: ಚಂದಾ (ರೈಲ್ವೇಸ್), ಕಾಲ: 2ನಿ 01.16 ಸೆ.; 400 ಮೀ.ಹರ್ಡಲ್ಸ್: ಆರ್.ವಿದ್ಯಾ ರಾಮರಾಜ್ (ರೈಲ್ವೇಸ್), ಕಾಲ: 56.23 ಸೆ., ನೂತನ ದಾಖಲೆ, ಹಳೆಯದು: ಪಿ.ಟಿ.ಉಷಾ, 56.80 ಸೆ.; 3000 ಮೀ ಸ್ಟೀಪಲ್ಚೇಸ್: ರೆಬಿ ಪಾಲ್ (ರೈಲ್ವೇಸ್), ಕಾಲ: 10ನಿ 21.28 ಸೆ.; 10000ಮೀ: ಸೀಮಾ (ಹಿಮಾಚಲ ಪ್ರದೇಶ), ಕಾಲ: 33ನಿ 56.86 ಸೆ.; 4x400ಮೀ. ರಿಲೇ: ರೈಲ್ವೇಸ್, ಕಾಲ: 3ನಿ 39.01ಸೆ–1.

. ಲಾಂಗ್ ಜಂಪ್: ಆನ್ಸಿ ಸೋಜನ್ (ಸರ್ವಿಸಸ್), ದೂರ: 6.71 ಮೀ; ಹ್ಯಾಮರ್ ಥ್ರೋ: ಹರ್ಷಿತಾ ಸೆಹ್ರಾವತ್ (ದೆಹಲಿ), ದೂರ: 61.04ಮೀ; ಹೆಪ್ಟಾಥ್ಲಾನ್: ಅಗಸರ ನಂದಿನಿ (ತೆಲಂಗಾಣ), ಪಾಯಿಂಟ್ಸ್: 5526.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಷ್ಟ್ರೀಯ ಓಪನ್ ಅಥ್ಲೆಟಿಕ್ಸ್: ಪಿ.ಟಿ.ಉಷಾ ದಾಖಲೆ ಮುರಿದ ವಿತ್ಯಾ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು