<p><strong>ನವದೆಹಲಿ:</strong> ಭಾರತದ ಬ್ಯಾಡ್ಮಿಂಟನ್ ತಾರೆ ಕಿದಂಬಿ ಶ್ರೀಕಾಂತ್ ಮೊದಲಿನಷ್ಟು ಉತ್ತಮ ಲಯದಲ್ಲಿ ಇಲ್ಲ. ಆದರೆ ಮೂರನೇ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾಗವಹಿಸುತ್ತಿರುವ ಅವರು ಚೀನಾದ ಹಾಂಗ್ಜೌನಲ್ಲಿ ಪದಕದ ನಿರೀಕ್ಷೆಯಲ್ಲಿದ್ದಾರೆ.</p><p>ವಿಶ್ವದ ಮಾಜಿ ಅಗ್ರಮಾನ್ಯ ಆಟಗಾರ ಶ್ರೀಕಾಂತ್ ಅವರಿಗೆ ಈ ವರ್ಷ ಫಲಪ್ರದವೇನೂ ಆಗಿಲ್ಲ. ವಿಶ್ವ ಕ್ರಮಾಂಕದಲ್ಲಿ 21ನೇ ಸ್ಥಾನಕ್ಕೆ ಇಳಿದಿದ್ದಾರೆ.</p><p>2014ರ ಇಂಚಿಯೋನ್ ಕ್ರೀಡೆಗಳಲ್ಲಿ ಪ್ರಿಕ್ವಾರ್ಟರ್ಫೈನಲ್ ತಲುಪಿದ್ದ ಅವರು, 2018ರ ಜಕಾರ್ತಾಕ್ರೀಡೆಗಳಲ್ಲಿ 32ರ ಸುತ್ತಿನಲ್ಲೇ ಹೊರಬಿದ್ದಿದ್ದಾರೆ.</p><p>ಪ್ರಮುಖ ಕ್ರೀಡಾಕೂಟಗಳಾದ ವಿಶ್ವ ಚಾಂಪಿಯನ್ಷಿಪ್ ಮತ್ತು ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಪದಕಗಳನ್ನು ಗೆದ್ದಿರುವ ಗುಂಟೂರಿನ ಆಟಗಾರ ಟ್ರಯಲ್ಸ್ನಲ್ಲಿ ಅಗ್ರಸ್ಥಾನ ಪಡೆಯುವ ಮೂಲಕ ಏಷ್ಯನ್ ಗೇಮ್ಸ್ ತಂಡದಲ್ಲಿ ಸ್ಥಾನ ಖಚಿತಪಡಿಸಿಕೊಂಡಿದ್ದಾರೆ. ಈಗ ಈ ಅವಕಾಶದ ಸದುಪಯೋಗ ಪಡೆಯಲು 30 ವರ್ಷದ ಆಟಗಾರನಿಗೆ ಒಳ್ಳೆಯ ಅವಕಾಶ ಒದಗಿದೆ.</p><p>‘ಏಷ್ಯನ್ ಗೇಮ್ಸ್ ನನ್ನ ಪಾಲಿಗೆ ಅವಿಸ್ಮರಣೀಯವಾಗಿಲ್ಲ. ಕಳೆದ ಎರಡು ಕ್ರೀಡೆಗಳಲ್ಲಿ ನನ್ನಿಂದ ಉತ್ತಮ ಪ್ರದರ್ಶನ ಬಂದಿಲ್ಲ. ಹೀಗಾಗಿ ಇಲ್ಲಿ ಉತ್ತಮ ಆಟವಾಡಿದರೆ ಅದು ನನ್ನ ಪಾಲಿಗೆ ಸ್ಮರಣೀಯವಾಗಲಿದೆ’ ಎಂದು ಸುದ್ದಿಸಂಸ್ಥೆಗೆ ತಿಳಿಸಿದರು.</p><p>‘ಏಷ್ಯನ್ ಮತ್ತು ಒಲಿಂಪಿಕ್ ಕ್ರೀಡೆಗಳನ್ನು ಬಿಟ್ಟರೆ ಇತರೆಲ್ಲ ಮಹತ್ವದ ಕ್ರೀಡೆಗಳಲ್ಲಿ ನಾನು ಪದಕಗಳನ್ನು ಗೆದ್ದುಕೊಂಡಿದ್ದೇನೆ. ಈ ಎರಡೂ ಕೂಟಗಳು ನಾಲ್ಕು ವರ್ಷಕ್ಕೊಮ್ಮೆ ಬರುವಂಥವು. ಹೀಗಾಗಿ ಈ ಬಾರಿಯ ಕೂಟದ ಪೂರ್ಣ ಉಪಯೋಗ ಪಡೆಯುವ ಅವಕಾಶ ನನಗೆ ಒದಗಿದೆ’ ಎಂದರು.</p><p>ಭಾರತದ ಪರ ಏಷ್ಯನ ಗೇಮ್ಸ್ನಲ್ಲಿ ಇದುವರೆಗೆ ಸೈಯ್ಯದ್ ಮೋದಿ ಮಾತ್ರ ಪದಕ ಗೆದ್ದಿದ್ದಾರೆ. 1982ರ ಕೂಟದಲ್ಲಿ ಅವರು ಕಂಚಿನ ಪದಕ ಗಳಿಸಿದ್ದರು.</p><p>‘ಏಷ್ಯನ್ ಗೇಮ್ಸ್ನಲ್ಲಿ ಬ್ಯಾಡ್ಮಿಂಟನ್ ಬಲು ಕಠಿಣ ಸ್ಪರ್ಧೆ. ಏಕೆಂದರೆ ಈ ಕ್ರೀಡೆ ಏಷ್ಯದಲ್ಲೇ ಪ್ರಾಬಲ್ಯ ಹೊಂದಿದೆ. ಇಲ್ಲಿ ಪದಕ ಗೆಲ್ಲಬೇಕಾದರೆ ಅತ್ಯುತ್ತಮವಾದುದನ್ನು ನೀಡಬೇಕಾಗುತ್ತದೆ’ ಎಂದು ಶ್ರೀಕಾಂತ್ ವಿವರಿಸಿದರು.</p><p>ಕಳೆದ ವರ್ಷ ಥಾಮಸ್ ಕಪ್ನಲ್ಲಿ ಭಾರತದ ಅಮೋಘ ಯಶಸ್ಸಿಗೆ ಕಾರಣರಾದ ನಂತರ ಅವರು ಅಂಥ ಉತ್ತಮ ಪ್ರದರ್ಶನವನ್ನೇನೂ ನೀಡಿಲ್ಲ. 2023ರಲ್ಲಿ ಆಡಿದ ಟೂರ್ನಿಗಳಲ್ಲಿ ಅವರು ನಾಲ್ಕರಲ್ಲಿ ಮಾತ್ರ ಕ್ವಾರ್ಟರ್ಫೈನಲ್ ತಲುಪಿದ್ದಾರೆ.</p><p>‘ಸ್ಥಿರ ಪ್ರದರ್ಶನ ಮುಖ್ಯವಾಗುತ್ತದೆ. ಕೆಲವು ಟೂರ್ನಿಗಳಲ್ಲಿ ನಾನು ಉತ್ತಮವಾಗಿ ಆಡಿಲ್ಲ. ಆದರೆ ಚೆನ್ನಾಗಿ ಆಡಿದ ಕೆಲವು ಟೂರ್ನಿಗಳು, ನಾನು ಸ್ಥಿರತೆ ಕಾಪಾಡಿಕೊಂಡಲ್ಲಿ ಗೆಲ್ಲಬಹುದು ಎಂದು ನನಗೆ ಸೂಚಿಸುತ್ತಿವೆ’ ಎಂದರು.</p><p>ಪ್ಯಾರಿಸ್ ಒಲಿಂಪಿಕ್ಸ್ ಗಮನದಲ್ಲಿಟ್ಟುಕೊಂಡು ಅವರು ಇಂಡೊನೇಷ್ಯಾ ಕೋಚ್ ವೀಂಪಿ ಮಹರ್ದಿ ಅವರ ನೆರವು ಪಡೆಯುತ್ತಿದ್ದಾರೆ. ಆದರೆ ಬಿಡಬ್ಲ್ಯುಎಫ್ ಸತತ ಸರಣಿಗಳಲ್ಲಿ ಆಡಲು ಪ್ರಯಾಣದಲ್ಲಿದ್ದ ಕಾರಣ ಅವರಿಗೆ ತರಬೇತಿ ಪಡೆಯಲು ಹೆಚ್ಚು ಸಮಯ ದೊರೆತಿಲ್ಲ.</p><p>ಭಾರತ 37 ವರ್ಷಗಳಲ್ಲಿ ಒಮ್ಮೆಯೂ ಪುರುಷರ ತಂಡ ವಿಭಾಗದಲ್ಲಿ ಪದಕ ಗೆದ್ದುಕೊಂಡಿಲ್ಲ. ಭಾರತ ಪುರುಷರ ತಂಡ ವಿಭಾಗದಲ್ಲಿ ಮೂರು ಬಾರಿ– 1974ರಲ್ಲಿ ಟೆಹರಾನ್, 1982ರಲ್ಲಿ ನವದೆಹಲಿ ಮತ್ತು 1986ರಲ್ಲಿ ಸೋಲ್ ಕ್ರೀಡೆಗಳಲ್ಲಿ ಕಂಚಿನ ಪದಕಗಳನ್ನು ಪಡೆದಿದೆ.</p><p>ಆದರೆ ಈ ಬಾರಿ ಥಾಮಸ್ ಕಪ್ ವಿಜೇತರಾಗಿ ಕ್ರೀಡೆಗಳಲ್ಲಿ ಪಾಲ್ಗೊಳ್ಳುವುದರಿಂದ ವಿಶ್ವಾಸ ಮೂಡಿದೆ. ‘ಥಾಮಸ್ ಕಪ್ ಗೆದ್ದ ಮರುವರ್ಷವೇ ನಾವು ಈ ಕ್ರೀಡೆಗಳಲ್ಲಿ ಕಣಕ್ಕಿಳಿಯುತ್ತಿದ್ದೇವೆ. ನಾವು ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಿದೆ’ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಭಾರತದ ಬ್ಯಾಡ್ಮಿಂಟನ್ ತಾರೆ ಕಿದಂಬಿ ಶ್ರೀಕಾಂತ್ ಮೊದಲಿನಷ್ಟು ಉತ್ತಮ ಲಯದಲ್ಲಿ ಇಲ್ಲ. ಆದರೆ ಮೂರನೇ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾಗವಹಿಸುತ್ತಿರುವ ಅವರು ಚೀನಾದ ಹಾಂಗ್ಜೌನಲ್ಲಿ ಪದಕದ ನಿರೀಕ್ಷೆಯಲ್ಲಿದ್ದಾರೆ.</p><p>ವಿಶ್ವದ ಮಾಜಿ ಅಗ್ರಮಾನ್ಯ ಆಟಗಾರ ಶ್ರೀಕಾಂತ್ ಅವರಿಗೆ ಈ ವರ್ಷ ಫಲಪ್ರದವೇನೂ ಆಗಿಲ್ಲ. ವಿಶ್ವ ಕ್ರಮಾಂಕದಲ್ಲಿ 21ನೇ ಸ್ಥಾನಕ್ಕೆ ಇಳಿದಿದ್ದಾರೆ.</p><p>2014ರ ಇಂಚಿಯೋನ್ ಕ್ರೀಡೆಗಳಲ್ಲಿ ಪ್ರಿಕ್ವಾರ್ಟರ್ಫೈನಲ್ ತಲುಪಿದ್ದ ಅವರು, 2018ರ ಜಕಾರ್ತಾಕ್ರೀಡೆಗಳಲ್ಲಿ 32ರ ಸುತ್ತಿನಲ್ಲೇ ಹೊರಬಿದ್ದಿದ್ದಾರೆ.</p><p>ಪ್ರಮುಖ ಕ್ರೀಡಾಕೂಟಗಳಾದ ವಿಶ್ವ ಚಾಂಪಿಯನ್ಷಿಪ್ ಮತ್ತು ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಪದಕಗಳನ್ನು ಗೆದ್ದಿರುವ ಗುಂಟೂರಿನ ಆಟಗಾರ ಟ್ರಯಲ್ಸ್ನಲ್ಲಿ ಅಗ್ರಸ್ಥಾನ ಪಡೆಯುವ ಮೂಲಕ ಏಷ್ಯನ್ ಗೇಮ್ಸ್ ತಂಡದಲ್ಲಿ ಸ್ಥಾನ ಖಚಿತಪಡಿಸಿಕೊಂಡಿದ್ದಾರೆ. ಈಗ ಈ ಅವಕಾಶದ ಸದುಪಯೋಗ ಪಡೆಯಲು 30 ವರ್ಷದ ಆಟಗಾರನಿಗೆ ಒಳ್ಳೆಯ ಅವಕಾಶ ಒದಗಿದೆ.</p><p>‘ಏಷ್ಯನ್ ಗೇಮ್ಸ್ ನನ್ನ ಪಾಲಿಗೆ ಅವಿಸ್ಮರಣೀಯವಾಗಿಲ್ಲ. ಕಳೆದ ಎರಡು ಕ್ರೀಡೆಗಳಲ್ಲಿ ನನ್ನಿಂದ ಉತ್ತಮ ಪ್ರದರ್ಶನ ಬಂದಿಲ್ಲ. ಹೀಗಾಗಿ ಇಲ್ಲಿ ಉತ್ತಮ ಆಟವಾಡಿದರೆ ಅದು ನನ್ನ ಪಾಲಿಗೆ ಸ್ಮರಣೀಯವಾಗಲಿದೆ’ ಎಂದು ಸುದ್ದಿಸಂಸ್ಥೆಗೆ ತಿಳಿಸಿದರು.</p><p>‘ಏಷ್ಯನ್ ಮತ್ತು ಒಲಿಂಪಿಕ್ ಕ್ರೀಡೆಗಳನ್ನು ಬಿಟ್ಟರೆ ಇತರೆಲ್ಲ ಮಹತ್ವದ ಕ್ರೀಡೆಗಳಲ್ಲಿ ನಾನು ಪದಕಗಳನ್ನು ಗೆದ್ದುಕೊಂಡಿದ್ದೇನೆ. ಈ ಎರಡೂ ಕೂಟಗಳು ನಾಲ್ಕು ವರ್ಷಕ್ಕೊಮ್ಮೆ ಬರುವಂಥವು. ಹೀಗಾಗಿ ಈ ಬಾರಿಯ ಕೂಟದ ಪೂರ್ಣ ಉಪಯೋಗ ಪಡೆಯುವ ಅವಕಾಶ ನನಗೆ ಒದಗಿದೆ’ ಎಂದರು.</p><p>ಭಾರತದ ಪರ ಏಷ್ಯನ ಗೇಮ್ಸ್ನಲ್ಲಿ ಇದುವರೆಗೆ ಸೈಯ್ಯದ್ ಮೋದಿ ಮಾತ್ರ ಪದಕ ಗೆದ್ದಿದ್ದಾರೆ. 1982ರ ಕೂಟದಲ್ಲಿ ಅವರು ಕಂಚಿನ ಪದಕ ಗಳಿಸಿದ್ದರು.</p><p>‘ಏಷ್ಯನ್ ಗೇಮ್ಸ್ನಲ್ಲಿ ಬ್ಯಾಡ್ಮಿಂಟನ್ ಬಲು ಕಠಿಣ ಸ್ಪರ್ಧೆ. ಏಕೆಂದರೆ ಈ ಕ್ರೀಡೆ ಏಷ್ಯದಲ್ಲೇ ಪ್ರಾಬಲ್ಯ ಹೊಂದಿದೆ. ಇಲ್ಲಿ ಪದಕ ಗೆಲ್ಲಬೇಕಾದರೆ ಅತ್ಯುತ್ತಮವಾದುದನ್ನು ನೀಡಬೇಕಾಗುತ್ತದೆ’ ಎಂದು ಶ್ರೀಕಾಂತ್ ವಿವರಿಸಿದರು.</p><p>ಕಳೆದ ವರ್ಷ ಥಾಮಸ್ ಕಪ್ನಲ್ಲಿ ಭಾರತದ ಅಮೋಘ ಯಶಸ್ಸಿಗೆ ಕಾರಣರಾದ ನಂತರ ಅವರು ಅಂಥ ಉತ್ತಮ ಪ್ರದರ್ಶನವನ್ನೇನೂ ನೀಡಿಲ್ಲ. 2023ರಲ್ಲಿ ಆಡಿದ ಟೂರ್ನಿಗಳಲ್ಲಿ ಅವರು ನಾಲ್ಕರಲ್ಲಿ ಮಾತ್ರ ಕ್ವಾರ್ಟರ್ಫೈನಲ್ ತಲುಪಿದ್ದಾರೆ.</p><p>‘ಸ್ಥಿರ ಪ್ರದರ್ಶನ ಮುಖ್ಯವಾಗುತ್ತದೆ. ಕೆಲವು ಟೂರ್ನಿಗಳಲ್ಲಿ ನಾನು ಉತ್ತಮವಾಗಿ ಆಡಿಲ್ಲ. ಆದರೆ ಚೆನ್ನಾಗಿ ಆಡಿದ ಕೆಲವು ಟೂರ್ನಿಗಳು, ನಾನು ಸ್ಥಿರತೆ ಕಾಪಾಡಿಕೊಂಡಲ್ಲಿ ಗೆಲ್ಲಬಹುದು ಎಂದು ನನಗೆ ಸೂಚಿಸುತ್ತಿವೆ’ ಎಂದರು.</p><p>ಪ್ಯಾರಿಸ್ ಒಲಿಂಪಿಕ್ಸ್ ಗಮನದಲ್ಲಿಟ್ಟುಕೊಂಡು ಅವರು ಇಂಡೊನೇಷ್ಯಾ ಕೋಚ್ ವೀಂಪಿ ಮಹರ್ದಿ ಅವರ ನೆರವು ಪಡೆಯುತ್ತಿದ್ದಾರೆ. ಆದರೆ ಬಿಡಬ್ಲ್ಯುಎಫ್ ಸತತ ಸರಣಿಗಳಲ್ಲಿ ಆಡಲು ಪ್ರಯಾಣದಲ್ಲಿದ್ದ ಕಾರಣ ಅವರಿಗೆ ತರಬೇತಿ ಪಡೆಯಲು ಹೆಚ್ಚು ಸಮಯ ದೊರೆತಿಲ್ಲ.</p><p>ಭಾರತ 37 ವರ್ಷಗಳಲ್ಲಿ ಒಮ್ಮೆಯೂ ಪುರುಷರ ತಂಡ ವಿಭಾಗದಲ್ಲಿ ಪದಕ ಗೆದ್ದುಕೊಂಡಿಲ್ಲ. ಭಾರತ ಪುರುಷರ ತಂಡ ವಿಭಾಗದಲ್ಲಿ ಮೂರು ಬಾರಿ– 1974ರಲ್ಲಿ ಟೆಹರಾನ್, 1982ರಲ್ಲಿ ನವದೆಹಲಿ ಮತ್ತು 1986ರಲ್ಲಿ ಸೋಲ್ ಕ್ರೀಡೆಗಳಲ್ಲಿ ಕಂಚಿನ ಪದಕಗಳನ್ನು ಪಡೆದಿದೆ.</p><p>ಆದರೆ ಈ ಬಾರಿ ಥಾಮಸ್ ಕಪ್ ವಿಜೇತರಾಗಿ ಕ್ರೀಡೆಗಳಲ್ಲಿ ಪಾಲ್ಗೊಳ್ಳುವುದರಿಂದ ವಿಶ್ವಾಸ ಮೂಡಿದೆ. ‘ಥಾಮಸ್ ಕಪ್ ಗೆದ್ದ ಮರುವರ್ಷವೇ ನಾವು ಈ ಕ್ರೀಡೆಗಳಲ್ಲಿ ಕಣಕ್ಕಿಳಿಯುತ್ತಿದ್ದೇವೆ. ನಾವು ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಿದೆ’ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
