<p><strong>ಉಲನ್ ಉಡೆ:</strong> ‘ರಿಂಗ್ನ ರಾಣಿ’ ಎಂ.ಸಿ. ಮೇರಿ ಕೋಮ್ ಅವರು ಗುರುವಾರ ಚಾರಿತ್ರಿಕ ಸಾಧನೆ ಮಾಡಿದರು.</p>.<p>ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಷಿಪ್ನಲ್ಲಿ ಎಂಟನೇ ಪದಕ ಖಚಿತಪಡಿಸಿಕೊಂಡಿರುವ ಅವರು ಈ ಸಾಧನೆ ಮಾಡಿದ ವಿಶ್ವದ ಏಕೈಕ ಬಾಕ್ಸರ್ ಎಂಬ ಹಿರಿಮೆಗೆ ಪಾತ್ರರಾದರು. 51.ಕೆ.ಜಿ.ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಈ ಮೈಲುಗಲ್ಲು ಸ್ಥಾಪಿಸಿದರು.</p>.<p>ಇದಕ್ಕೂ ಮುನ್ನ ಆರು ಚಿನ್ನ ಮತ್ತು ಒಂದು ಬೆಳ್ಳಿಯ ಪದಕ ಜಯಿಸಿದ್ದ ಅವರು ಕ್ಯೂಬಾದ ಫೆಲಿಕ್ಸ್ ಸೇವೊನ್ ಅವರ ದಾಖಲೆಯನ್ನು ಸರಿಗಟ್ಟಿದ್ದರು. ಮಣಿಪುರದ ಅನುಭವಿ ಬಾಕ್ಸರ್, 51 ಕೆ.ಜಿ. ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದು ಇದೇ ಮೊದಲು.</p>.<p>ಕ್ವಾರ್ಟರ್ ಫೈನಲ್ನಲ್ಲಿ 36ರ ಹರೆಯದ ಮೇರಿ 5–0 ಪಾಯಿಂಟ್ಸ್ನಿಂದ ಕೊಲಂಬಿಯಾದ ವಲೆನ್ಸಿಯಾ ವಿಕ್ಟೋರಿಯಾ ಅವರನ್ನು ಮಣಿಸಿದರು.</p>.<p>ಶನಿವಾರ ನಡೆಯುವ ಸೆಮಿಫೈನಲ್ನಲ್ಲಿ ಮೇರಿ ಅವರು ಟರ್ಕಿಯ ಬುಸೆನಾಜ್ ಕಾಕಿರೊಗ್ಲು ವಿರುದ್ಧ ಸೆಣಸಲಿದ್ದಾರೆ. ಈ ಹಣಾಹಣಿಯಲ್ಲಿ ಸೋತರೂ ಭಾರತದ ಬಾಕ್ಸರ್ಗೆ ಕಂಚಿನ ಪದಕ ಸಿಗಲಿದೆ.</p>.<p>ಯುರೋಪಿಯನ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಜಯಿಸಿದ ಹಿರಿಮೆ ಹೊಂದಿರುವ ಬುಸೆನಾಜ್, ಎಂಟರ ಘಟ್ಟದ ಇನ್ನೊಂದು ಹಣಾಹಣಿಯಲ್ಲಿ ಚೀನಾದ ಕಾಯ್ ಜೊಂಗ್ಜು ಅವರನ್ನು ಸೋಲಿಸಿದರು.</p>.<p>ಅನುಭವಿಗಳ ನಡುವಣ ಕ್ವಾರ್ಟರ್ ಫೈನಲ್ ಪೈಪೋಟಿಯಲ್ಲಿ ಮೂರು ಮಕ್ಕಳ ತಾಯಿ ಮೇರಿ, ಏಕಪಕ್ಷೀಯವಾಗಿ ಗೆದ್ದರು.</p>.<p>31ರ ಹರೆಯದ ವಲೆನ್ಸಿಯಾ, ಮೊದಲ ಸುತ್ತಿನಲ್ಲಿ ಆಕ್ರಮಣಕಾರಿಯಾಗಿ ಆಡಿದರು. ಇದರಿಂದ ಕಿಂಚಿತ್ತೂ ವಿಚಲಿತರಾಗದ ಮೇರಿ, ರಕ್ಷಣೆಗೆ ಒತ್ತು ನೀಡಿದರು. ಅವಕಾಶ ಸಿಕ್ಕಾಗಲೆಲ್ಲಾ ಎದುರಾಳಿಯ ಮುಖ ಮತ್ತು ದವಡೆಗೆ ಪಂಚ್ ಮಾಡುವುದನ್ನು ಅವರು ಮರೆಯಲಿಲ್ಲ.</p>.<p>ಎರಡನೇ ಅವಧಿಯಲ್ಲಿ ಮೇರಿ, ಪಾರಮ್ಯ ಮೆರೆದರು. ಭಾರತದ ಬಾಕ್ಸರ್, ಬಲಗೈಯಿಂದ ಮಾಡುತ್ತಿದ್ದ ರಭಸದ ಹುಕ್ಗಳಿಗೆ ವಲೆನ್ಸಿಯಾ ನಿರುತ್ತರರಾದರು. ನೇರ ಮತ್ತು ನಿಖರ ಪಂಚ್ಗಳ ಮೂಲಕವೂ ಎದುರಾಳಿಯನ್ನು ತಬ್ಬಿಬ್ಬುಗೊಳಿಸಿದ ‘ಮ್ಯಾಗ್ನಿಫಿಸೆಂಟ್ ಮೇರಿ’ ಸುಲಭವಾಗಿ ಪಾಯಿಂಟ್ಸ್ ಬುಟ್ಟಿಗೆ ಹಾಕಿಕೊಂಡು ಸಂಭ್ರಮಿಸಿದರು.</p>.<p>‘ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಎಂಟನೇ ಪದಕ ಖಚಿತಪಡಿಸಿಕೊಂಡಿದ್ದರಿಂದ ಅತೀವ ಖುಷಿಯಾಗಿದೆ. ಸೆಮಿಫೈನಲ್ ಮತ್ತು ಫೈನಲ್ನಲ್ಲೂ ಶ್ರೇಷ್ಠ ಸಾಮರ್ಥ್ಯ ತೋರಿ ಚಿನ್ನದ ಪದಕ ಗೆಲ್ಲುವುದು ನನ್ನ ಗುರಿ. ಅದಕ್ಕಾಗಿ ಶಕ್ತಿ ಮೀರಿ ಪ್ರಯತ್ನಿಸುತ್ತೇನೆ’ ಎಂದು ಮೇರಿ, ಪಂದ್ಯದ ಬಳಿಕ ಪ್ರತಿಕ್ರಿಯಿಸಿದ್ದಾರೆ.</p>.<p>ಮಂಜು ಮತ್ತು ಜಮುನಾ ಸೆಮಿಗೆ: ಮಂಜು ರಾಣಿ ಮತ್ತು ಜಮುನಾ ಬೊರೊ ಅವರೂ ಸೆಮಿಫೈನಲ್ ಪ್ರವೇಶಿಸಿ ಪದಕಗಳನ್ನು ಖಚಿತಪಡಿಸಿಕೊಂಡಿದ್ದಾರೆ.</p>.<p>48 ಕೆ.ಜಿ.ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಮಂಜು 4–1 ಪಾಯಿಂಟ್ಸ್ನಿಂದ ದಕ್ಷಿಣ ಕೊರಿಯಾದ ಕಿಮ್ ಹ್ಯಾಂಗ್ ಮಿ ಅವರಿಗೆ ಆಘಾತ ನೀಡಿದರು. ಕಿಮ್ ಅವರು ಈ ವಿಭಾಗದಲ್ಲಿ ಅಗ್ರಶ್ರೇಯಾಂಕ ಹೊಂದಿದ್ದರು. ಹಿಂದಿನ ಆವೃತ್ತಿಯಲ್ಲಿ ಕಂಚಿನ ಪದಕ ಗೆದ್ದಿದ್ದರು.</p>.<p>ಮುಂದಿನ ಸುತ್ತಿನಲ್ಲಿ ಮಂಜು, ಥಾಯ್ಲೆಂಡ್ನ ಚುಟಾಮಟ್ ರಕ್ಸಟ್ ಎದುರು ಪೈಪೋಟಿ ನಡೆಸಲಿದ್ದಾರೆ.</p>.<p>54 ಕೆ.ಜಿ.ವಿಭಾಗದ ಎಂಟರ ಘಟ್ಟದ ಪೈಪೋಟಿಯಲ್ಲಿ ಜಮುನಾ 4–1 ಪಾಯಿಂಟ್ಸ್ನಿಂದ ಜರ್ಮನಿಯ ಉರ್ಸುಲು ಗೊಟ್ಟಾಲೊಬ್ ಅವರನ್ನು ಪರಾಭವಗೊಳಿಸಿದರು.</p>.<p>ನಾಲ್ಕರ ಘಟ್ಟದಲ್ಲಿ ಜಮುನಾ, ಅಗ್ರಶ್ರೇಯಾಂಕದ ಬಾಕ್ಸರ್ ಹುವಾಂಗ್ ಹಿಸಿಯೊ ವೆನ್ ಎದುರು ಸೆಣಸಲಿದ್ದಾರೆ.</p>.<p><strong>ಕವಿತಾಗೆ ನಿರಾಸೆ: </strong>+81 ಕೆ.ಜಿ.ವಿಭಾಗದಲ್ಲಿ ಸ್ಪರ್ಧಿಸಿದ್ದ ಕವಿತಾ ಚಾಹಲ್, ಕ್ವಾರ್ಟರ್ ಫೈನಲ್ನಲ್ಲಿ ನಿರಾಸೆ ಕಂಡರು.</p>.<p>ಬೆಲಾರಸ್ನ ಕತ್ಸಿಯರಿನಾ ಕವಲೆವಾ 5–0 ಪಾಯಿಂಟ್ಸ್ನಿಂದ ಭಾರತದ ಬಾಕ್ಸರ್ನನ್ನು ಮಣಿಸಿದರು. ಕವಿತಾ ಅವರು ಚಾಂಪಿಯನ್ಷಿಪ್ನಲ್ಲಿ ಎರಡು ಕಂಚಿನ ಪದಕಗಳನ್ನು ಗೆದ್ದಿದ್ದರು.</p>.<p>*<br />ಕ್ವಾರ್ಟರ್ ಫೈನಲ್ನಲ್ಲಿ ಎದುರಾಳಿಯಿಂದ ಕಠಿಣ ಪೈಪೋಟಿ ಎದುರಾಗಲಿಲ್ಲ. ಇಲ್ಲಿ ಚಿನ್ನ ಗೆಲ್ಲುವುದು ನನ್ನ ಗುರಿ. ಅದಕ್ಕಾಗಿ ಶಕ್ತಿ ಮೀರಿ ಪ್ರಯತ್ನಿಸುವೆ.<br /><em><strong>-ಮೇರಿ ಕೋಮ್, ಭಾರತದ ಬಾಕ್ಸರ್</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಉಲನ್ ಉಡೆ:</strong> ‘ರಿಂಗ್ನ ರಾಣಿ’ ಎಂ.ಸಿ. ಮೇರಿ ಕೋಮ್ ಅವರು ಗುರುವಾರ ಚಾರಿತ್ರಿಕ ಸಾಧನೆ ಮಾಡಿದರು.</p>.<p>ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಷಿಪ್ನಲ್ಲಿ ಎಂಟನೇ ಪದಕ ಖಚಿತಪಡಿಸಿಕೊಂಡಿರುವ ಅವರು ಈ ಸಾಧನೆ ಮಾಡಿದ ವಿಶ್ವದ ಏಕೈಕ ಬಾಕ್ಸರ್ ಎಂಬ ಹಿರಿಮೆಗೆ ಪಾತ್ರರಾದರು. 51.ಕೆ.ಜಿ.ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಈ ಮೈಲುಗಲ್ಲು ಸ್ಥಾಪಿಸಿದರು.</p>.<p>ಇದಕ್ಕೂ ಮುನ್ನ ಆರು ಚಿನ್ನ ಮತ್ತು ಒಂದು ಬೆಳ್ಳಿಯ ಪದಕ ಜಯಿಸಿದ್ದ ಅವರು ಕ್ಯೂಬಾದ ಫೆಲಿಕ್ಸ್ ಸೇವೊನ್ ಅವರ ದಾಖಲೆಯನ್ನು ಸರಿಗಟ್ಟಿದ್ದರು. ಮಣಿಪುರದ ಅನುಭವಿ ಬಾಕ್ಸರ್, 51 ಕೆ.ಜಿ. ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದು ಇದೇ ಮೊದಲು.</p>.<p>ಕ್ವಾರ್ಟರ್ ಫೈನಲ್ನಲ್ಲಿ 36ರ ಹರೆಯದ ಮೇರಿ 5–0 ಪಾಯಿಂಟ್ಸ್ನಿಂದ ಕೊಲಂಬಿಯಾದ ವಲೆನ್ಸಿಯಾ ವಿಕ್ಟೋರಿಯಾ ಅವರನ್ನು ಮಣಿಸಿದರು.</p>.<p>ಶನಿವಾರ ನಡೆಯುವ ಸೆಮಿಫೈನಲ್ನಲ್ಲಿ ಮೇರಿ ಅವರು ಟರ್ಕಿಯ ಬುಸೆನಾಜ್ ಕಾಕಿರೊಗ್ಲು ವಿರುದ್ಧ ಸೆಣಸಲಿದ್ದಾರೆ. ಈ ಹಣಾಹಣಿಯಲ್ಲಿ ಸೋತರೂ ಭಾರತದ ಬಾಕ್ಸರ್ಗೆ ಕಂಚಿನ ಪದಕ ಸಿಗಲಿದೆ.</p>.<p>ಯುರೋಪಿಯನ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಜಯಿಸಿದ ಹಿರಿಮೆ ಹೊಂದಿರುವ ಬುಸೆನಾಜ್, ಎಂಟರ ಘಟ್ಟದ ಇನ್ನೊಂದು ಹಣಾಹಣಿಯಲ್ಲಿ ಚೀನಾದ ಕಾಯ್ ಜೊಂಗ್ಜು ಅವರನ್ನು ಸೋಲಿಸಿದರು.</p>.<p>ಅನುಭವಿಗಳ ನಡುವಣ ಕ್ವಾರ್ಟರ್ ಫೈನಲ್ ಪೈಪೋಟಿಯಲ್ಲಿ ಮೂರು ಮಕ್ಕಳ ತಾಯಿ ಮೇರಿ, ಏಕಪಕ್ಷೀಯವಾಗಿ ಗೆದ್ದರು.</p>.<p>31ರ ಹರೆಯದ ವಲೆನ್ಸಿಯಾ, ಮೊದಲ ಸುತ್ತಿನಲ್ಲಿ ಆಕ್ರಮಣಕಾರಿಯಾಗಿ ಆಡಿದರು. ಇದರಿಂದ ಕಿಂಚಿತ್ತೂ ವಿಚಲಿತರಾಗದ ಮೇರಿ, ರಕ್ಷಣೆಗೆ ಒತ್ತು ನೀಡಿದರು. ಅವಕಾಶ ಸಿಕ್ಕಾಗಲೆಲ್ಲಾ ಎದುರಾಳಿಯ ಮುಖ ಮತ್ತು ದವಡೆಗೆ ಪಂಚ್ ಮಾಡುವುದನ್ನು ಅವರು ಮರೆಯಲಿಲ್ಲ.</p>.<p>ಎರಡನೇ ಅವಧಿಯಲ್ಲಿ ಮೇರಿ, ಪಾರಮ್ಯ ಮೆರೆದರು. ಭಾರತದ ಬಾಕ್ಸರ್, ಬಲಗೈಯಿಂದ ಮಾಡುತ್ತಿದ್ದ ರಭಸದ ಹುಕ್ಗಳಿಗೆ ವಲೆನ್ಸಿಯಾ ನಿರುತ್ತರರಾದರು. ನೇರ ಮತ್ತು ನಿಖರ ಪಂಚ್ಗಳ ಮೂಲಕವೂ ಎದುರಾಳಿಯನ್ನು ತಬ್ಬಿಬ್ಬುಗೊಳಿಸಿದ ‘ಮ್ಯಾಗ್ನಿಫಿಸೆಂಟ್ ಮೇರಿ’ ಸುಲಭವಾಗಿ ಪಾಯಿಂಟ್ಸ್ ಬುಟ್ಟಿಗೆ ಹಾಕಿಕೊಂಡು ಸಂಭ್ರಮಿಸಿದರು.</p>.<p>‘ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಎಂಟನೇ ಪದಕ ಖಚಿತಪಡಿಸಿಕೊಂಡಿದ್ದರಿಂದ ಅತೀವ ಖುಷಿಯಾಗಿದೆ. ಸೆಮಿಫೈನಲ್ ಮತ್ತು ಫೈನಲ್ನಲ್ಲೂ ಶ್ರೇಷ್ಠ ಸಾಮರ್ಥ್ಯ ತೋರಿ ಚಿನ್ನದ ಪದಕ ಗೆಲ್ಲುವುದು ನನ್ನ ಗುರಿ. ಅದಕ್ಕಾಗಿ ಶಕ್ತಿ ಮೀರಿ ಪ್ರಯತ್ನಿಸುತ್ತೇನೆ’ ಎಂದು ಮೇರಿ, ಪಂದ್ಯದ ಬಳಿಕ ಪ್ರತಿಕ್ರಿಯಿಸಿದ್ದಾರೆ.</p>.<p>ಮಂಜು ಮತ್ತು ಜಮುನಾ ಸೆಮಿಗೆ: ಮಂಜು ರಾಣಿ ಮತ್ತು ಜಮುನಾ ಬೊರೊ ಅವರೂ ಸೆಮಿಫೈನಲ್ ಪ್ರವೇಶಿಸಿ ಪದಕಗಳನ್ನು ಖಚಿತಪಡಿಸಿಕೊಂಡಿದ್ದಾರೆ.</p>.<p>48 ಕೆ.ಜಿ.ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಮಂಜು 4–1 ಪಾಯಿಂಟ್ಸ್ನಿಂದ ದಕ್ಷಿಣ ಕೊರಿಯಾದ ಕಿಮ್ ಹ್ಯಾಂಗ್ ಮಿ ಅವರಿಗೆ ಆಘಾತ ನೀಡಿದರು. ಕಿಮ್ ಅವರು ಈ ವಿಭಾಗದಲ್ಲಿ ಅಗ್ರಶ್ರೇಯಾಂಕ ಹೊಂದಿದ್ದರು. ಹಿಂದಿನ ಆವೃತ್ತಿಯಲ್ಲಿ ಕಂಚಿನ ಪದಕ ಗೆದ್ದಿದ್ದರು.</p>.<p>ಮುಂದಿನ ಸುತ್ತಿನಲ್ಲಿ ಮಂಜು, ಥಾಯ್ಲೆಂಡ್ನ ಚುಟಾಮಟ್ ರಕ್ಸಟ್ ಎದುರು ಪೈಪೋಟಿ ನಡೆಸಲಿದ್ದಾರೆ.</p>.<p>54 ಕೆ.ಜಿ.ವಿಭಾಗದ ಎಂಟರ ಘಟ್ಟದ ಪೈಪೋಟಿಯಲ್ಲಿ ಜಮುನಾ 4–1 ಪಾಯಿಂಟ್ಸ್ನಿಂದ ಜರ್ಮನಿಯ ಉರ್ಸುಲು ಗೊಟ್ಟಾಲೊಬ್ ಅವರನ್ನು ಪರಾಭವಗೊಳಿಸಿದರು.</p>.<p>ನಾಲ್ಕರ ಘಟ್ಟದಲ್ಲಿ ಜಮುನಾ, ಅಗ್ರಶ್ರೇಯಾಂಕದ ಬಾಕ್ಸರ್ ಹುವಾಂಗ್ ಹಿಸಿಯೊ ವೆನ್ ಎದುರು ಸೆಣಸಲಿದ್ದಾರೆ.</p>.<p><strong>ಕವಿತಾಗೆ ನಿರಾಸೆ: </strong>+81 ಕೆ.ಜಿ.ವಿಭಾಗದಲ್ಲಿ ಸ್ಪರ್ಧಿಸಿದ್ದ ಕವಿತಾ ಚಾಹಲ್, ಕ್ವಾರ್ಟರ್ ಫೈನಲ್ನಲ್ಲಿ ನಿರಾಸೆ ಕಂಡರು.</p>.<p>ಬೆಲಾರಸ್ನ ಕತ್ಸಿಯರಿನಾ ಕವಲೆವಾ 5–0 ಪಾಯಿಂಟ್ಸ್ನಿಂದ ಭಾರತದ ಬಾಕ್ಸರ್ನನ್ನು ಮಣಿಸಿದರು. ಕವಿತಾ ಅವರು ಚಾಂಪಿಯನ್ಷಿಪ್ನಲ್ಲಿ ಎರಡು ಕಂಚಿನ ಪದಕಗಳನ್ನು ಗೆದ್ದಿದ್ದರು.</p>.<p>*<br />ಕ್ವಾರ್ಟರ್ ಫೈನಲ್ನಲ್ಲಿ ಎದುರಾಳಿಯಿಂದ ಕಠಿಣ ಪೈಪೋಟಿ ಎದುರಾಗಲಿಲ್ಲ. ಇಲ್ಲಿ ಚಿನ್ನ ಗೆಲ್ಲುವುದು ನನ್ನ ಗುರಿ. ಅದಕ್ಕಾಗಿ ಶಕ್ತಿ ಮೀರಿ ಪ್ರಯತ್ನಿಸುವೆ.<br /><em><strong>-ಮೇರಿ ಕೋಮ್, ಭಾರತದ ಬಾಕ್ಸರ್</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
