<p><strong>ಬಳ್ಳಾರಿ</strong>: ಅನುಭವಿ ಬಾಕ್ಸರ್ ವಿಕಾಸ್ ಕೃಷ್ಣ, ಗೌರವ್ ಸೋಲಂಕಿ ಹಾಗೂ ನಮನ್ ತನ್ವರ್ ಅವರು ಒಲಿಂಪಿಕ್ ಅರ್ಹತೆಗಾಗಿ ನಡೆಯಲಿರುವ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವ ಭಾರತ ಬಾಕ್ಸಿಂಗ್ ತಂಡದಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ. ಸೋಮವಾರ ಇಲ್ಲಿ ನಡೆದ ಆಯ್ಕೆ ಟ್ರಯಲ್ಸ್ ಫೈನಲ್ಗಳಲ್ಲಿ ಅವರು ಜಯಭೇರಿ ಮೊಳಗಿಸಿದರು.</p>.<p>ವಿಶ್ವ ಚಾಂಪಿಯನ್ಷಿಪ್ ಹಾಗೂ ಏಷ್ಯನ್ ಗೇಮ್ಸ್ ಪದಕ ವಿಜೇತ ವಿಕಾಸ್, 69 ಕೆಜಿ ತೂಕ ವಿಭಾಗದ ಫೈನಲ್ ಬೌಟ್ನಲ್ಲಿ ರಾಷ್ಟ್ರೀಯ ಚಾಂಪಿಯನ್ ದುರ್ಯೋಧನ್ ಸಿಂಗ್ ಅವರನ್ನು ಏಕಪಕ್ಷೀಯವಾಗಿ ಮಣಿಸಿದರು. ವಿಕಾಸ್ ಮೊದಲು ಮಿಡ್ಲ್ವೇಟ್ 75 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸುತ್ತಿದ್ದರು.</p>.<p>ಕಾಮನ್ವೆಲ್ತ್ ಪದಕ ವಿಜೇತ ಗೌರವ್ ಸೋಲಂಕಿ ಅವರು 57 ಕೆಜಿ ವಿಭಾಗದಲ್ಲಿ ಮೊಹಮ್ಮದ್ ಹಸಮುದ್ದೀನ್ ಎದುರು ಗೆದ್ದರೆ, ತನ್ವರ್ ಅವರು 91 ಕೆಜಿ ವಿಭಾಗದಲ್ಲಿ ನವೀನ್ ಕುಮಾರ್ ಎದುರು ಜಯದ ನಗೆ ಬೀರಿದರು. ಇವೆರಡೂ ಫಲಿತಾಂಶಗಳ ಕುರಿತು ರೆಫರಿಗಳ ತೀರ್ಪಿನಲ್ಲಿ<br />ಒಮ್ಮತವಿರಲಿಲ್ಲ.</p>.<p>‘ಕಠಿಣ ಸ್ಪರ್ಧೆಯಲ್ಲಿ ಗೌರವ್ ಸೋಲಂಕಿ ಹಿನ್ನಡೆಯಿಂದ ಚೇತರಿಸಿ ಕೊಂಡು ಗೆದ್ದು ಹಸಮುದ್ದೀನ್ ಅವರನ್ನು ಮಣಿಸಿದ್ದು ಗಮನ ಸೆಳೆಯಿತು’ ಎಂದು ಭಾರತ ಬಾಕ್ಸಿಂಗ್ ಹೈ ಪರ್ಫಾರ್ಮನ್ಸ್ ನಿರ್ದೇಶಕ ಸ್ಯಾಂಟಿಯಾಗೊ ನೀವಾ ಹೇಳಿದರು.</p>.<p>‘ಆಕರ್ಷಕ ಆಟವಾಡಿರುವ ವಿಕಾಸ್ ಅವರ ಮೇಲೆ ಹೆಚ್ಚಿನ ನಿರೀಕ್ಷೆ ಇದೆ’ ಎಂದು ಅವರು ನುಡಿದರು.</p>.<p>ಏಷ್ಯನ್ ಗೇಮ್ಸ್ ಬೆಳ್ಳಿ ಪದಕ ವಿಜೇತ ಆಶಿಶ್ ಕುಮಾರ್ (75 ಕೆಜಿ), ಸತೀಶ್ ಕುಮಾರ್ (+91 ಕೆಜಿ) ಹಾಗೂ ಸಚಿನ್ ಕುಮಾರ್ (81 ಕೆಜಿ) ಭಾನುವಾರ ತಮ್ಮ ವಿಭಾಗದ ಫೈನಲ್ ಬೌಟ್ಗಳಲ್ಲಿ ಗೆದ್ದು ತಂಡದಲ್ಲಿ ಸ್ಥಾನ ಪಡೆದಿದ್ದರು.</p>.<p>ಅಮಿತ್ ಪಂಘಲ್ (52 ಕೆಜಿ) ಹಾಗೂ ಮನೀಷ್ ಕೌಶಿಕ್ (63 ಕೆಜಿ) ಅವರು ಸೆಪ್ಟೆಂಬರ್ನಲ್ಲಿ ನಡೆದ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕ ಗೆದ್ದು ಈಗಾಗಲೇ ತಂಡದಲ್ಲಿ ಸ್ಥಾನ ಖಚಿತಪಡಿ ಸಿಕೊಂಡಿದ್ದಾರೆ.</p>.<p>‘ಎಲ್ಲ ವಿಭಾಗಗಳಲ್ಲೂ ಕಠಿಣ ಸ್ಪರ್ಧೆ ಕಂಡುಬಂತು. ಅಂತಿಮವಾಗಿ ಆಯ್ಕೆಯಾಗಿರುವ ತಂಡ ನಿಜವಾಗಿಯೂ ಬಲಿಷ್ಠವಾಗಿ ತೋರುತ್ತಿದೆ’ ಎಂದು ಸ್ಯಾಂಟಿಯಾಗೊ ಹೇಳಿದರು.</p>.<p>ಚೀನಾದ ವುಹಾನ್ನಲ್ಲಿ ಫೆಬ್ರುವರಿ ಮೂರನೇ ತಾರೀಕಿನಿಂದ 14ರವರೆಗೆ ಒಲಿಂಪಿಕ್ ಕ್ವಾಲಿಫೈಯರ್ ಸ್ಪರ್ಧೆಗಳು ನಡೆಯಲಿವೆ.</p>.<p><strong>ಪುರುಷರ ತಂಡ</strong><br />ಅಮಿತ್ ಪಂಘಲ್ (52 ಕೆಜಿ), ಗೌರವ್ ಸೋಲಂಕಿ (57 ಕೆಜಿ), ಮನೀಷ್ ಕೌಶಿಕ್ (63 ಕೆಜಿ), ವಿಕಾಸ್ ಕೃಷ್ಣ (69 ಕೆಜಿ), ಆಶಿಶ್ ಕುಮಾರ್ (75 ಕೆಜಿ), ಸಚಿನ್ ಕುಮಾರ್ (81 ಕೆಜಿ), ನಮನ್ ತನ್ವರ್ (91 ಕೆಜಿ), ಸತೀಶ್ ಕುಮಾರ್ (+91 ಕೆಜಿ).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಳ್ಳಾರಿ</strong>: ಅನುಭವಿ ಬಾಕ್ಸರ್ ವಿಕಾಸ್ ಕೃಷ್ಣ, ಗೌರವ್ ಸೋಲಂಕಿ ಹಾಗೂ ನಮನ್ ತನ್ವರ್ ಅವರು ಒಲಿಂಪಿಕ್ ಅರ್ಹತೆಗಾಗಿ ನಡೆಯಲಿರುವ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವ ಭಾರತ ಬಾಕ್ಸಿಂಗ್ ತಂಡದಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ. ಸೋಮವಾರ ಇಲ್ಲಿ ನಡೆದ ಆಯ್ಕೆ ಟ್ರಯಲ್ಸ್ ಫೈನಲ್ಗಳಲ್ಲಿ ಅವರು ಜಯಭೇರಿ ಮೊಳಗಿಸಿದರು.</p>.<p>ವಿಶ್ವ ಚಾಂಪಿಯನ್ಷಿಪ್ ಹಾಗೂ ಏಷ್ಯನ್ ಗೇಮ್ಸ್ ಪದಕ ವಿಜೇತ ವಿಕಾಸ್, 69 ಕೆಜಿ ತೂಕ ವಿಭಾಗದ ಫೈನಲ್ ಬೌಟ್ನಲ್ಲಿ ರಾಷ್ಟ್ರೀಯ ಚಾಂಪಿಯನ್ ದುರ್ಯೋಧನ್ ಸಿಂಗ್ ಅವರನ್ನು ಏಕಪಕ್ಷೀಯವಾಗಿ ಮಣಿಸಿದರು. ವಿಕಾಸ್ ಮೊದಲು ಮಿಡ್ಲ್ವೇಟ್ 75 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸುತ್ತಿದ್ದರು.</p>.<p>ಕಾಮನ್ವೆಲ್ತ್ ಪದಕ ವಿಜೇತ ಗೌರವ್ ಸೋಲಂಕಿ ಅವರು 57 ಕೆಜಿ ವಿಭಾಗದಲ್ಲಿ ಮೊಹಮ್ಮದ್ ಹಸಮುದ್ದೀನ್ ಎದುರು ಗೆದ್ದರೆ, ತನ್ವರ್ ಅವರು 91 ಕೆಜಿ ವಿಭಾಗದಲ್ಲಿ ನವೀನ್ ಕುಮಾರ್ ಎದುರು ಜಯದ ನಗೆ ಬೀರಿದರು. ಇವೆರಡೂ ಫಲಿತಾಂಶಗಳ ಕುರಿತು ರೆಫರಿಗಳ ತೀರ್ಪಿನಲ್ಲಿ<br />ಒಮ್ಮತವಿರಲಿಲ್ಲ.</p>.<p>‘ಕಠಿಣ ಸ್ಪರ್ಧೆಯಲ್ಲಿ ಗೌರವ್ ಸೋಲಂಕಿ ಹಿನ್ನಡೆಯಿಂದ ಚೇತರಿಸಿ ಕೊಂಡು ಗೆದ್ದು ಹಸಮುದ್ದೀನ್ ಅವರನ್ನು ಮಣಿಸಿದ್ದು ಗಮನ ಸೆಳೆಯಿತು’ ಎಂದು ಭಾರತ ಬಾಕ್ಸಿಂಗ್ ಹೈ ಪರ್ಫಾರ್ಮನ್ಸ್ ನಿರ್ದೇಶಕ ಸ್ಯಾಂಟಿಯಾಗೊ ನೀವಾ ಹೇಳಿದರು.</p>.<p>‘ಆಕರ್ಷಕ ಆಟವಾಡಿರುವ ವಿಕಾಸ್ ಅವರ ಮೇಲೆ ಹೆಚ್ಚಿನ ನಿರೀಕ್ಷೆ ಇದೆ’ ಎಂದು ಅವರು ನುಡಿದರು.</p>.<p>ಏಷ್ಯನ್ ಗೇಮ್ಸ್ ಬೆಳ್ಳಿ ಪದಕ ವಿಜೇತ ಆಶಿಶ್ ಕುಮಾರ್ (75 ಕೆಜಿ), ಸತೀಶ್ ಕುಮಾರ್ (+91 ಕೆಜಿ) ಹಾಗೂ ಸಚಿನ್ ಕುಮಾರ್ (81 ಕೆಜಿ) ಭಾನುವಾರ ತಮ್ಮ ವಿಭಾಗದ ಫೈನಲ್ ಬೌಟ್ಗಳಲ್ಲಿ ಗೆದ್ದು ತಂಡದಲ್ಲಿ ಸ್ಥಾನ ಪಡೆದಿದ್ದರು.</p>.<p>ಅಮಿತ್ ಪಂಘಲ್ (52 ಕೆಜಿ) ಹಾಗೂ ಮನೀಷ್ ಕೌಶಿಕ್ (63 ಕೆಜಿ) ಅವರು ಸೆಪ್ಟೆಂಬರ್ನಲ್ಲಿ ನಡೆದ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕ ಗೆದ್ದು ಈಗಾಗಲೇ ತಂಡದಲ್ಲಿ ಸ್ಥಾನ ಖಚಿತಪಡಿ ಸಿಕೊಂಡಿದ್ದಾರೆ.</p>.<p>‘ಎಲ್ಲ ವಿಭಾಗಗಳಲ್ಲೂ ಕಠಿಣ ಸ್ಪರ್ಧೆ ಕಂಡುಬಂತು. ಅಂತಿಮವಾಗಿ ಆಯ್ಕೆಯಾಗಿರುವ ತಂಡ ನಿಜವಾಗಿಯೂ ಬಲಿಷ್ಠವಾಗಿ ತೋರುತ್ತಿದೆ’ ಎಂದು ಸ್ಯಾಂಟಿಯಾಗೊ ಹೇಳಿದರು.</p>.<p>ಚೀನಾದ ವುಹಾನ್ನಲ್ಲಿ ಫೆಬ್ರುವರಿ ಮೂರನೇ ತಾರೀಕಿನಿಂದ 14ರವರೆಗೆ ಒಲಿಂಪಿಕ್ ಕ್ವಾಲಿಫೈಯರ್ ಸ್ಪರ್ಧೆಗಳು ನಡೆಯಲಿವೆ.</p>.<p><strong>ಪುರುಷರ ತಂಡ</strong><br />ಅಮಿತ್ ಪಂಘಲ್ (52 ಕೆಜಿ), ಗೌರವ್ ಸೋಲಂಕಿ (57 ಕೆಜಿ), ಮನೀಷ್ ಕೌಶಿಕ್ (63 ಕೆಜಿ), ವಿಕಾಸ್ ಕೃಷ್ಣ (69 ಕೆಜಿ), ಆಶಿಶ್ ಕುಮಾರ್ (75 ಕೆಜಿ), ಸಚಿನ್ ಕುಮಾರ್ (81 ಕೆಜಿ), ನಮನ್ ತನ್ವರ್ (91 ಕೆಜಿ), ಸತೀಶ್ ಕುಮಾರ್ (+91 ಕೆಜಿ).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
