<p><strong>ಸ್ಟೆವೆಂಜರ್, ನಾರ್ವೆ</strong>: ಭಾರತದ ಗ್ರ್ಯಾಂಡ್ಮಾಸ್ಟರ್ ಆರ್. ಪ್ರಜ್ಞಾನಂದ ಅವರು ಮತ್ತೊಂದು ಮಹತ್ವದ ಸಾಧನೆಯನ್ನು ದಾಖಲಿಸಿದರು. </p><p>ನಾರ್ವೆ ಚೆಸ್ ಟೂರ್ನಿಯಲ್ಲಿ ಪ್ರಜ್ಞಾನಂದ ಅವರು ವಿಶ್ವದ ಅಗ್ರಮಾನ್ಯ ಆಟಗಾರ ಮ್ಯಾಗ್ನಸ್ ಕಾರ್ಲಸನ್ ಅವ ರನ್ನು ಮಣಿಸಿದರು. ಕ್ಲಾಸಿಕಲ್ ಮಾದರಿ ಯ ಚೆಸ್ನಲ್ಲಿ ಇದೇ ಮೊದಲ ಸಲ ಪ್ರಜ್ಞಾನಂದ ಈ ಸಾಧನೆ ಮಾಡಿದ್ದಾರೆ. </p><p>ಆನ್ಲೈನ್ ಮತ್ತು ರ್ಯಾಪಿಡ್ ಮಾದರಿಗಳಲ್ಲಿ ಚೆನ್ನೈನ ಪ್ರಜ್ಞಾನಂದ ಅವರು ಕಾರ್ಲಸನ್ ಅವರನ್ನು ಈ ಹಿಂದೆ ಸೋಲಿಸಿದ್ದರು. ಆದರೆ ಈ ಬಾರಿ ಕ್ಲಾಸಿಕಲ್ನಲ್ಲಿ ಮ್ಯಾಗ್ನಸ್ ಅವರನ್ನು ಅವರದ್ದೇ ತವರಿನಲ್ಲಿ ಮಣಿಸಿದ್ದಾರೆ. ಪ್ರಜ್ಞಾನಂದ ಅವರು 5.5 ಅಂಕಗಳೊಂದಿಗೆ ಪುರುಷರ ವಿಭಾಗದಲ್ಲಿ ಅಗ್ರಸ್ಥಾನಕ್ಕೇರಿದ್ದಾರೆ. ಮ್ಹಾಗ್ನಸ್ 3 ಅಂಕ ಗಳಿಸಿದ್ದಾರೆ.</p><p>ಅಮೆರಿಕದ ಹಿಕಾರು ನಕಾಪುರಾ, ಫ್ರಾನ್ಸ್ನ ಫಿರೌಜಾ ಅಲಿರೇಜಾ ಮತ್ತು ಚೀನಾದ ಡಿಂಗ್ ಲಿರೇನ್ ತಲಾ 2.5 ಅಂಕ ಗಳಿಸಿ ಜಂಟಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. </p><p>ಆರು ಆಟಗಾರರು ಇರುವ ಡಬಲ್ ರೌಂಡ್ ರಾಬಿನ್ ಸ್ಪರ್ಧೆ ಇದಾಗಿದೆ. ಕ್ಲಾಸಿಕಲ್ ಚೆಸ್ ನಿಧಾನಗತಿ ಯದ್ದಾಗಿದೆ. ಆಟಗಾರರು ಯೋಚಿಸಿ ಯೋಜಿಸಲು ಬಹಳಷ್ಟು ಸಮಯ ದೊರೆಯುತ್ತದೆ. ಪಂದ್ಯವು ಕನಿಷ್ಠ ಒಂದು ಗಂಟೆಯಾದರೂ ನಡೆಯುತ್ತದೆ. ಪ್ರಜ್ಞಾನಂದ ಮತ್ತು ಮ್ಹಾಗ್ನಸ್ ಅವರು ಈ ಹಿಂದೆ ಮೂರು ಸಲ ಈ ಮಾದರಿಯಲ್ಲಿ ಮುಖಾಮುಖಿಯಾದಾಗ ಡ್ರಾ ಮಾಡಿಕೊಂಡಿದ್ದರು. ಆದರೆ ಈ ಸಲ 18 ವರ್ಷದ ಪ್ರಜ್ಞಾನಂದ ಮೇಲುಗೈ ಸಾಧಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸ್ಟೆವೆಂಜರ್, ನಾರ್ವೆ</strong>: ಭಾರತದ ಗ್ರ್ಯಾಂಡ್ಮಾಸ್ಟರ್ ಆರ್. ಪ್ರಜ್ಞಾನಂದ ಅವರು ಮತ್ತೊಂದು ಮಹತ್ವದ ಸಾಧನೆಯನ್ನು ದಾಖಲಿಸಿದರು. </p><p>ನಾರ್ವೆ ಚೆಸ್ ಟೂರ್ನಿಯಲ್ಲಿ ಪ್ರಜ್ಞಾನಂದ ಅವರು ವಿಶ್ವದ ಅಗ್ರಮಾನ್ಯ ಆಟಗಾರ ಮ್ಯಾಗ್ನಸ್ ಕಾರ್ಲಸನ್ ಅವ ರನ್ನು ಮಣಿಸಿದರು. ಕ್ಲಾಸಿಕಲ್ ಮಾದರಿ ಯ ಚೆಸ್ನಲ್ಲಿ ಇದೇ ಮೊದಲ ಸಲ ಪ್ರಜ್ಞಾನಂದ ಈ ಸಾಧನೆ ಮಾಡಿದ್ದಾರೆ. </p><p>ಆನ್ಲೈನ್ ಮತ್ತು ರ್ಯಾಪಿಡ್ ಮಾದರಿಗಳಲ್ಲಿ ಚೆನ್ನೈನ ಪ್ರಜ್ಞಾನಂದ ಅವರು ಕಾರ್ಲಸನ್ ಅವರನ್ನು ಈ ಹಿಂದೆ ಸೋಲಿಸಿದ್ದರು. ಆದರೆ ಈ ಬಾರಿ ಕ್ಲಾಸಿಕಲ್ನಲ್ಲಿ ಮ್ಯಾಗ್ನಸ್ ಅವರನ್ನು ಅವರದ್ದೇ ತವರಿನಲ್ಲಿ ಮಣಿಸಿದ್ದಾರೆ. ಪ್ರಜ್ಞಾನಂದ ಅವರು 5.5 ಅಂಕಗಳೊಂದಿಗೆ ಪುರುಷರ ವಿಭಾಗದಲ್ಲಿ ಅಗ್ರಸ್ಥಾನಕ್ಕೇರಿದ್ದಾರೆ. ಮ್ಹಾಗ್ನಸ್ 3 ಅಂಕ ಗಳಿಸಿದ್ದಾರೆ.</p><p>ಅಮೆರಿಕದ ಹಿಕಾರು ನಕಾಪುರಾ, ಫ್ರಾನ್ಸ್ನ ಫಿರೌಜಾ ಅಲಿರೇಜಾ ಮತ್ತು ಚೀನಾದ ಡಿಂಗ್ ಲಿರೇನ್ ತಲಾ 2.5 ಅಂಕ ಗಳಿಸಿ ಜಂಟಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. </p><p>ಆರು ಆಟಗಾರರು ಇರುವ ಡಬಲ್ ರೌಂಡ್ ರಾಬಿನ್ ಸ್ಪರ್ಧೆ ಇದಾಗಿದೆ. ಕ್ಲಾಸಿಕಲ್ ಚೆಸ್ ನಿಧಾನಗತಿ ಯದ್ದಾಗಿದೆ. ಆಟಗಾರರು ಯೋಚಿಸಿ ಯೋಜಿಸಲು ಬಹಳಷ್ಟು ಸಮಯ ದೊರೆಯುತ್ತದೆ. ಪಂದ್ಯವು ಕನಿಷ್ಠ ಒಂದು ಗಂಟೆಯಾದರೂ ನಡೆಯುತ್ತದೆ. ಪ್ರಜ್ಞಾನಂದ ಮತ್ತು ಮ್ಹಾಗ್ನಸ್ ಅವರು ಈ ಹಿಂದೆ ಮೂರು ಸಲ ಈ ಮಾದರಿಯಲ್ಲಿ ಮುಖಾಮುಖಿಯಾದಾಗ ಡ್ರಾ ಮಾಡಿಕೊಂಡಿದ್ದರು. ಆದರೆ ಈ ಸಲ 18 ವರ್ಷದ ಪ್ರಜ್ಞಾನಂದ ಮೇಲುಗೈ ಸಾಧಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>