<p><strong>ಪ್ಯಾರಿಸ್:</strong> ಭಾರತದ ಲಕ್ಷ್ಯ ಸೇನ್ ಅವರಿಗೆ ಸೋಮವಾರ ಕಂಚಿನ ಪದಕ ಕೈತಪ್ಪಿತು. </p><p>ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಕಂಚಿನ ಪದಕಕ್ಕಾಗಿ ನಡೆದ ಪಂದ್ಯದಲ್ಲಿ ಲಕ್ಷ್ಯ 21–13, 16–21, 11–21ರಲ್ಲಿ ಮಲೇಷ್ಯಾದ ಝೀ ಜಿಯಾ ಲೀ ವಿರುದ್ಧ ಸೋತರು. ನಾಲ್ಕನೇ ಸ್ಥಾನ ಪಡೆದರು.</p><p>ಇಲ್ಲಿ ನಡೆದ 71 ನಿಮಿಷಗಳ ಹಣಾಹಣಿಯ ಮೊದಲ ಗೇಮ್ನಲ್ಲಿ ಮೇಲುಗೈ ಸಾಧಿಸಿದ್ದ ಲಕ್ಷ್ಯ ಭರವಸೆಯ ಹೆಜ್ಜೆ ಇಟ್ಟಿದ್ದರು.</p><p>ತಮ್ಮ ಆಕ್ರಮಣಶೈಲಿಯ ಆಟ ಮತ್ತು ನೆಟ್ ಬಳಿಯ ಚುರುಕಾದ ರಿಟರ್ನ್ಗಳ ಮೂಲಕ ಗಮನ ಸೆಳೆದ ಲಕ್ಷ್ಯ ಎದುರಾಳಿಯ ಮೇಲೆ ಒತ್ತಡ ಹಾಕಿದರು.</p><p>ತಮ್ಮ ಎದುರಾಳಿಯ ವಿರುದ್ಧ ಅಪಾರ ಆತ್ಮವಿಶ್ವಾಸದಿಂದ ಆಡಿದರು. ಈ ಗೇಮ್ನಲ್ಲಿ ಅವರು 11–4ರ ಮುನ್ನಡೆ ಗಳಿಸಿದರು. ನಂತರದ ಹಂತದಲ್ಲಿಯೂ ಹಿಡಿತ ಸಡಿಲಿಸದೇ ಗೆದ್ದರು. </p><p>ಎರಡನೇ ಗೇಮ್ನಲ್ಲಿಯೂ ಉತ್ತಮ ಆರಂಭ ಮಾಡಿದರು. 6–2ರ ಮುನ್ನಡೆ ಸಾಧಿಸಿದರು. ಇದರಿಂದಾಗಿ ಲಕ್ಷ್ಯ ಜಯಿಸುವುದು ಬಹುತೇಕ ಖಚಿತವೆಂಬ ವಿಶ್ವಾಸ ಮೂಡಿತ್ತು.</p><p>ಈ ಹಂತದಿಂದ ಮಲೇಷ್ಯಾ ಆಟಗಾರ ಪುಟಿದೇಳುವ ಪ್ರಯತ್ನ ಆರಂಭಿಸಿದರು. ಇದೇ ಸಂದರ್ಭದಲ್ಲಿ ಲಕ್ಷ್ಯ ಅವರ ಮೊಣಕೈಗೆ ಆದ ಗಾಯದಿಂದ ರಕ್ತಸ್ರಾವವಾಯಿತು.</p><p>ನೋವು ಶಮನಕ್ಕಾಗಿ ಎರಡು ಸಲ ಫಿಸಿಯೊ ಕರೆಸಿ ಪ್ರಥಮ ಚಿಕಿತ್ಸೆ ಮತ್ತು ಟೇಪಿಂಗ್ ಕೂಡ ಪಡೆದರು. ಕಾಡುವ ನೋವಿನಲ್ಲಿಯೇ ಆಟ ಮುಂದುವರಿಸಿದರು.</p><p>ಝೀ ಜಿಯಾ ಲೀ ಅವರು ತಮ್ಮ ಶಾಂತಚಿತ್ತದ ಆಟದ ಮೂಲಕ ಲಕ್ಸ್ಯ ಮೇಲೆ ಒತ್ತಡ ಹಾಕಿದರು. ದೀರ್ಘ ರ್ಯಾಲಿಗಳನ್ನು ಆಡಿದರು. ಜಂಪ್ ಸ್ಮ್ಯಾಷ್ ಮೂಲಕ ಪಾಯಿಂಟ್ಸ್ ಗಿಟ್ಟಿಸಿದರು.</p><p>ನಂತರದ ನಿರ್ಣಾಯಕ ಗೇಮ್ನಲ್ಲಿ ಲೀ 9–2ರ ಮುನ್ನಡೆ ಪಡೆದರು. ಇಡೀ ಗೇಮ್ನಲ್ಲಿ ಪಾರಮ್ಯ ಮೆರೆದರು. </p><p><strong>ವಿಕ್ಟರ್ಗೆ ಚಿನ್ನ: ಡೆನ್ಮಾರ್ಕಿನ ವಿಕ್ಟರ್ ಆ್ಯಕ್ಸೆಲ್ಸನ್ ಅವರು ಸತತ ಎರಡನೇ ಬಾರಿ ಚಿನ್ನ ಪದಕ ಜಯಿಸಿದರು. ಫೈನಲ್ನಲ್ಲಿ ವಿಕ್ಟರ್ 21–11, 21–11ರಿಂದ ವಿಶ್ವ ಚಾಂಪಿಯನ್, ಥಾಯ್ಲೆಂಡ್ನ ಕುನ್ಲಾವತ್ ವಿತಿಸಾರ್ನ್ ವಿರುದ್ಧ ಜಯಿಸಿದರು. </strong></p><p>ಭಾನುವಾರ ನಡೆದಿದ್ದ ಸೆಮಿಫೈನಲ್ ಪಂದ್ಯದಲ್ಲಿ ಲಕ್ಷ್ಯ ಅವರು ವಿಕ್ಟರ್ ಆ್ಯಕ್ಸೆಲ್ಸನ್ <br>ವಿರುದ್ಧ ಸೋತಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಭಾರತದ ಲಕ್ಷ್ಯ ಸೇನ್ ಅವರಿಗೆ ಸೋಮವಾರ ಕಂಚಿನ ಪದಕ ಕೈತಪ್ಪಿತು. </p><p>ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಕಂಚಿನ ಪದಕಕ್ಕಾಗಿ ನಡೆದ ಪಂದ್ಯದಲ್ಲಿ ಲಕ್ಷ್ಯ 21–13, 16–21, 11–21ರಲ್ಲಿ ಮಲೇಷ್ಯಾದ ಝೀ ಜಿಯಾ ಲೀ ವಿರುದ್ಧ ಸೋತರು. ನಾಲ್ಕನೇ ಸ್ಥಾನ ಪಡೆದರು.</p><p>ಇಲ್ಲಿ ನಡೆದ 71 ನಿಮಿಷಗಳ ಹಣಾಹಣಿಯ ಮೊದಲ ಗೇಮ್ನಲ್ಲಿ ಮೇಲುಗೈ ಸಾಧಿಸಿದ್ದ ಲಕ್ಷ್ಯ ಭರವಸೆಯ ಹೆಜ್ಜೆ ಇಟ್ಟಿದ್ದರು.</p><p>ತಮ್ಮ ಆಕ್ರಮಣಶೈಲಿಯ ಆಟ ಮತ್ತು ನೆಟ್ ಬಳಿಯ ಚುರುಕಾದ ರಿಟರ್ನ್ಗಳ ಮೂಲಕ ಗಮನ ಸೆಳೆದ ಲಕ್ಷ್ಯ ಎದುರಾಳಿಯ ಮೇಲೆ ಒತ್ತಡ ಹಾಕಿದರು.</p><p>ತಮ್ಮ ಎದುರಾಳಿಯ ವಿರುದ್ಧ ಅಪಾರ ಆತ್ಮವಿಶ್ವಾಸದಿಂದ ಆಡಿದರು. ಈ ಗೇಮ್ನಲ್ಲಿ ಅವರು 11–4ರ ಮುನ್ನಡೆ ಗಳಿಸಿದರು. ನಂತರದ ಹಂತದಲ್ಲಿಯೂ ಹಿಡಿತ ಸಡಿಲಿಸದೇ ಗೆದ್ದರು. </p><p>ಎರಡನೇ ಗೇಮ್ನಲ್ಲಿಯೂ ಉತ್ತಮ ಆರಂಭ ಮಾಡಿದರು. 6–2ರ ಮುನ್ನಡೆ ಸಾಧಿಸಿದರು. ಇದರಿಂದಾಗಿ ಲಕ್ಷ್ಯ ಜಯಿಸುವುದು ಬಹುತೇಕ ಖಚಿತವೆಂಬ ವಿಶ್ವಾಸ ಮೂಡಿತ್ತು.</p><p>ಈ ಹಂತದಿಂದ ಮಲೇಷ್ಯಾ ಆಟಗಾರ ಪುಟಿದೇಳುವ ಪ್ರಯತ್ನ ಆರಂಭಿಸಿದರು. ಇದೇ ಸಂದರ್ಭದಲ್ಲಿ ಲಕ್ಷ್ಯ ಅವರ ಮೊಣಕೈಗೆ ಆದ ಗಾಯದಿಂದ ರಕ್ತಸ್ರಾವವಾಯಿತು.</p><p>ನೋವು ಶಮನಕ್ಕಾಗಿ ಎರಡು ಸಲ ಫಿಸಿಯೊ ಕರೆಸಿ ಪ್ರಥಮ ಚಿಕಿತ್ಸೆ ಮತ್ತು ಟೇಪಿಂಗ್ ಕೂಡ ಪಡೆದರು. ಕಾಡುವ ನೋವಿನಲ್ಲಿಯೇ ಆಟ ಮುಂದುವರಿಸಿದರು.</p><p>ಝೀ ಜಿಯಾ ಲೀ ಅವರು ತಮ್ಮ ಶಾಂತಚಿತ್ತದ ಆಟದ ಮೂಲಕ ಲಕ್ಸ್ಯ ಮೇಲೆ ಒತ್ತಡ ಹಾಕಿದರು. ದೀರ್ಘ ರ್ಯಾಲಿಗಳನ್ನು ಆಡಿದರು. ಜಂಪ್ ಸ್ಮ್ಯಾಷ್ ಮೂಲಕ ಪಾಯಿಂಟ್ಸ್ ಗಿಟ್ಟಿಸಿದರು.</p><p>ನಂತರದ ನಿರ್ಣಾಯಕ ಗೇಮ್ನಲ್ಲಿ ಲೀ 9–2ರ ಮುನ್ನಡೆ ಪಡೆದರು. ಇಡೀ ಗೇಮ್ನಲ್ಲಿ ಪಾರಮ್ಯ ಮೆರೆದರು. </p><p><strong>ವಿಕ್ಟರ್ಗೆ ಚಿನ್ನ: ಡೆನ್ಮಾರ್ಕಿನ ವಿಕ್ಟರ್ ಆ್ಯಕ್ಸೆಲ್ಸನ್ ಅವರು ಸತತ ಎರಡನೇ ಬಾರಿ ಚಿನ್ನ ಪದಕ ಜಯಿಸಿದರು. ಫೈನಲ್ನಲ್ಲಿ ವಿಕ್ಟರ್ 21–11, 21–11ರಿಂದ ವಿಶ್ವ ಚಾಂಪಿಯನ್, ಥಾಯ್ಲೆಂಡ್ನ ಕುನ್ಲಾವತ್ ವಿತಿಸಾರ್ನ್ ವಿರುದ್ಧ ಜಯಿಸಿದರು. </strong></p><p>ಭಾನುವಾರ ನಡೆದಿದ್ದ ಸೆಮಿಫೈನಲ್ ಪಂದ್ಯದಲ್ಲಿ ಲಕ್ಷ್ಯ ಅವರು ವಿಕ್ಟರ್ ಆ್ಯಕ್ಸೆಲ್ಸನ್ <br>ವಿರುದ್ಧ ಸೋತಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
