ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್‌ 2024 ಸಾಧಕರು: ಸವಾಲು ಸಾವಿರ.. ಆತ್ಮವಿಶ್ವಾಸ ಅಪಾರ!

ಅಂಗವೈಕಲ್ಯ ದೇಹಕ್ಕಷ್ಟೇ, ಮನಸ್ಸಿಗಲ್ಲ ಎನ್ನುವಂತೆ ಬದುಕಿ, ಸಾಧಿಸಿ ತೋರಿಸಿದ ಜೀವಚೇತನಗಳಿವು. ಹುಟ್ಟಿನಿಂದ, ಅಪಘಾತ, ಅಪರೂಪದ ಕಾಯಿಲೆಗಳಿಂದ ಅಂಗಗಳನ್ನು ಕಳೆದುಕೊಂಡರೂ ಕೊರಗದೇ ಎದ್ದುನಿಂತು ಜಯಿಸಿದವರು. ನೋವು, ಸಂಕಷ್ಟ, ಕಷ್ಟನಷ್ಟಗಳಿಗೇ ಸವಾಲು ಹಾಕಿದವರು. ಇವರಿಗೆ ಕೊರತೆ ಕಾಡದಂತೆ ನೋಡಿಕೊಂಡವರು ಪೋಷಕರು. ಅವರ ಕಕ್ಕುಲಾತಿಯಿಂದಲೇ ಬೆಳೆದ ಇವರು ಪ್ಯಾರಿಸ್‌ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಿ ಪದಕಗಳನ್ನು ಮುಡಿಗೇರಿಸಿಕೊಂಡರು. ಇಂತಹ ಹತ್ತು ಸಾಧಕ–ಸಾಧಕಿಯರ ಸ್ಫೂರ್ತಿದಾಯಕ ಕಥನಗಳ ಗುಚ್ಛವನ್ನು ಪ್ರದೀಶ್ ಎಚ್. ಮರೋಡಿ ಕಟ್ಟಿಕೊಟ್ಟಿದ್ದಾರೆ