<p><strong>ಚೆನ್ನೈ :</strong> ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ (ಪಿಬಿಎಲ್) ಐದನೇ ಆವೃತ್ತಿಗೆ ಇದೇ ತಿಂಗಳ 20ರಂದು ಚಾಲನೆ ಸಿಗಲಿದೆ.</p>.<p>ಚೆನ್ನೈಯಲ್ಲಿ ನಡೆಯುವ ಉದ್ಘಾಟನಾ ಪಂದ್ಯದಲ್ಲಿ ಪಿ.ವಿ.ಸಿಂಧು ಸಾರಥ್ಯದ ಹೈದರಾಬಾದ್ ಹಂಟರ್ಸ್ ಮತ್ತು ಆತಿಥೇಯ ಚೆನ್ನೈ ಸೂಪರ್ಸ್ಟಾರ್ಸ್ ತಂಡಗಳು ಸೆಣಸಲಿವೆ.</p>.<p>ಈ ಬಾರಿ 21 ದಿನಗಳ ಅವಧಿಯಲ್ಲಿ 24 ಪಂದ್ಯಗಳು ನಡೆಯಲಿವೆ. ಚೆನ್ನೈಯಲ್ಲಿ ಎರಡು ವರ್ಷಗಳ ನಂತರ ಪಂದ್ಯಗಳು ಆಯೋಜನೆಯಾಗಿವೆ.</p>.<p>ಜನವರಿ 25ರಿಂದ ಲಖನೌ ಲೆಗ್ನ ಪಂದ್ಯಗಳು ಜರುಗಲಿದ್ದು, ಮೂರನೇ ಲೆಗ್ಗೆ (ಜನವರಿ 29ರಿಂದ ಫೆಬ್ರುವರಿ 4) ಹೈದರಾಬಾದ್ ಆತಿಥ್ಯ ವಹಿಸಲಿದೆ.</p>.<p>ಬೆಂಗಳೂರಿನಲ್ಲಿ (ಫೆಬ್ರುವರಿ 5ರಿಂದ 9) ಸೆಮಿಫೈನಲ್ ಮತ್ತು ಫೈನಲ್ ಪಂದ್ಯಗಳು ಆಯೋಜನೆಯಾಗಿವೆ.</p>.<p>ಸಿಂಧು ನಾಯಕತ್ವದ ಹೈದರಾಬಾದ್ ಮತ್ತು ತೈ ಜು ಯಿಂಗ್ ಮುಂದಾಳತ್ವದ ಬೆಂಗಳೂರು ರ್ಯಾಪ್ಟರ್ಸ್ ನಡುವಣ ಹೋರಾಟ ಎಲ್ಲರ ಆಕರ್ಷಣೆಯಾಗಿದೆ. ಈ ಪಂದ್ಯ ಇದೇ ತಿಂಗಳ 31ರಂದು ನಡೆಯಲಿದೆ.</p>.<p>‘ಪಿಬಿಎಲ್ನಲ್ಲಿ ಆಡುವುದಕ್ಕೆ ಅತೀವ ಸಂತಸವಾಗುತ್ತದೆ. ಐದನೇ ಆವೃತ್ತಿಯಲ್ಲಿ ಬೆಂಗಳೂರು ರ್ಯಾಪ್ಟರ್ಸ್ ಪರ ಕಣಕ್ಕಿಳಿಯಲು ಕಾತರಳಾಗಿದ್ದೇನೆ. ಈ ಬಾರಿ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕ್ರೀಡಾಂಗಣಕ್ಕೆ ಬಂದು ಪಂದ್ಯಗಳನ್ನು ವೀಕ್ಷಿಸುವ ವಿಶ್ವಾಸವಿದೆ. ಪಿ.ವಿ.ಸಿಂಧು ವಿರುದ್ಧ ಸೆಣಸಲು ಉತ್ಸುಕಳಾಗಿದ್ದೇನೆ’ ಎಂದು ತೈ ಜು ಯಿಂಗ್ ಹೇಳಿದ್ದಾರೆ.</p>.<p>₹ 6 ಕೋಟಿ ಬಹುಮಾನ ಮೊತ್ತದ ಈ ಲೀಗ್ನಲ್ಲಿ ಬೆಂಗಳೂರು ರ್ಯಾಪ್ಟರ್ಸ್, ಅವಧ್ ವಾರಿಯರ್ಸ್, ಮುಂಬೈ ರಾಕೆಟ್ಸ್, ಹೈದರಾಬಾದ್ ಹಂಟರ್ಸ್, ಚೆನ್ನೈ ಸೂಪರ್ಸ್ಟಾರ್ಸ್, ನಾರ್ತ್ಈಸ್ಟರ್ನ್ ವಾರಿಯರ್ಸ್ ಮತ್ತು ಪುಣೆ 7 ಏಸಸ್ ತಂಡಗಳು ಪ್ರಶಸ್ತಿಗಾಗಿ ಪೈಪೋಟಿ ನಡೆಸಲಿವೆ.</p>.<p>ಪ್ರಮುಖ ಸಿಂಗಲ್ಸ್ ಸ್ಪರ್ಧಿಗಳಾದ ಸೈನಾ ನೆಹ್ವಾಲ್ ಮತ್ತು ಕಿದಂಬಿ ಶ್ರೀಕಾಂತ್ ಅವರು ಐದನೇ ಆವೃತ್ತಿಯಿಂದ ಹಿಂದೆ ಸರಿದಿದ್ದಾರೆ. ಹಿಂದಿನ ಆವೃತ್ತಿಯಲ್ಲಿ ಬೆಂಗಳೂರಿನ ತಂಡ ಚಾಂಪಿಯನ್ ಆಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ :</strong> ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ (ಪಿಬಿಎಲ್) ಐದನೇ ಆವೃತ್ತಿಗೆ ಇದೇ ತಿಂಗಳ 20ರಂದು ಚಾಲನೆ ಸಿಗಲಿದೆ.</p>.<p>ಚೆನ್ನೈಯಲ್ಲಿ ನಡೆಯುವ ಉದ್ಘಾಟನಾ ಪಂದ್ಯದಲ್ಲಿ ಪಿ.ವಿ.ಸಿಂಧು ಸಾರಥ್ಯದ ಹೈದರಾಬಾದ್ ಹಂಟರ್ಸ್ ಮತ್ತು ಆತಿಥೇಯ ಚೆನ್ನೈ ಸೂಪರ್ಸ್ಟಾರ್ಸ್ ತಂಡಗಳು ಸೆಣಸಲಿವೆ.</p>.<p>ಈ ಬಾರಿ 21 ದಿನಗಳ ಅವಧಿಯಲ್ಲಿ 24 ಪಂದ್ಯಗಳು ನಡೆಯಲಿವೆ. ಚೆನ್ನೈಯಲ್ಲಿ ಎರಡು ವರ್ಷಗಳ ನಂತರ ಪಂದ್ಯಗಳು ಆಯೋಜನೆಯಾಗಿವೆ.</p>.<p>ಜನವರಿ 25ರಿಂದ ಲಖನೌ ಲೆಗ್ನ ಪಂದ್ಯಗಳು ಜರುಗಲಿದ್ದು, ಮೂರನೇ ಲೆಗ್ಗೆ (ಜನವರಿ 29ರಿಂದ ಫೆಬ್ರುವರಿ 4) ಹೈದರಾಬಾದ್ ಆತಿಥ್ಯ ವಹಿಸಲಿದೆ.</p>.<p>ಬೆಂಗಳೂರಿನಲ್ಲಿ (ಫೆಬ್ರುವರಿ 5ರಿಂದ 9) ಸೆಮಿಫೈನಲ್ ಮತ್ತು ಫೈನಲ್ ಪಂದ್ಯಗಳು ಆಯೋಜನೆಯಾಗಿವೆ.</p>.<p>ಸಿಂಧು ನಾಯಕತ್ವದ ಹೈದರಾಬಾದ್ ಮತ್ತು ತೈ ಜು ಯಿಂಗ್ ಮುಂದಾಳತ್ವದ ಬೆಂಗಳೂರು ರ್ಯಾಪ್ಟರ್ಸ್ ನಡುವಣ ಹೋರಾಟ ಎಲ್ಲರ ಆಕರ್ಷಣೆಯಾಗಿದೆ. ಈ ಪಂದ್ಯ ಇದೇ ತಿಂಗಳ 31ರಂದು ನಡೆಯಲಿದೆ.</p>.<p>‘ಪಿಬಿಎಲ್ನಲ್ಲಿ ಆಡುವುದಕ್ಕೆ ಅತೀವ ಸಂತಸವಾಗುತ್ತದೆ. ಐದನೇ ಆವೃತ್ತಿಯಲ್ಲಿ ಬೆಂಗಳೂರು ರ್ಯಾಪ್ಟರ್ಸ್ ಪರ ಕಣಕ್ಕಿಳಿಯಲು ಕಾತರಳಾಗಿದ್ದೇನೆ. ಈ ಬಾರಿ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕ್ರೀಡಾಂಗಣಕ್ಕೆ ಬಂದು ಪಂದ್ಯಗಳನ್ನು ವೀಕ್ಷಿಸುವ ವಿಶ್ವಾಸವಿದೆ. ಪಿ.ವಿ.ಸಿಂಧು ವಿರುದ್ಧ ಸೆಣಸಲು ಉತ್ಸುಕಳಾಗಿದ್ದೇನೆ’ ಎಂದು ತೈ ಜು ಯಿಂಗ್ ಹೇಳಿದ್ದಾರೆ.</p>.<p>₹ 6 ಕೋಟಿ ಬಹುಮಾನ ಮೊತ್ತದ ಈ ಲೀಗ್ನಲ್ಲಿ ಬೆಂಗಳೂರು ರ್ಯಾಪ್ಟರ್ಸ್, ಅವಧ್ ವಾರಿಯರ್ಸ್, ಮುಂಬೈ ರಾಕೆಟ್ಸ್, ಹೈದರಾಬಾದ್ ಹಂಟರ್ಸ್, ಚೆನ್ನೈ ಸೂಪರ್ಸ್ಟಾರ್ಸ್, ನಾರ್ತ್ಈಸ್ಟರ್ನ್ ವಾರಿಯರ್ಸ್ ಮತ್ತು ಪುಣೆ 7 ಏಸಸ್ ತಂಡಗಳು ಪ್ರಶಸ್ತಿಗಾಗಿ ಪೈಪೋಟಿ ನಡೆಸಲಿವೆ.</p>.<p>ಪ್ರಮುಖ ಸಿಂಗಲ್ಸ್ ಸ್ಪರ್ಧಿಗಳಾದ ಸೈನಾ ನೆಹ್ವಾಲ್ ಮತ್ತು ಕಿದಂಬಿ ಶ್ರೀಕಾಂತ್ ಅವರು ಐದನೇ ಆವೃತ್ತಿಯಿಂದ ಹಿಂದೆ ಸರಿದಿದ್ದಾರೆ. ಹಿಂದಿನ ಆವೃತ್ತಿಯಲ್ಲಿ ಬೆಂಗಳೂರಿನ ತಂಡ ಚಾಂಪಿಯನ್ ಆಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
