ಪ್ರೀಮಿಯರ್‌ ಬ್ಯಾಡ್ಮಿಂಟನ್‌ ಲೀಗ್‌: ರ‍್ಯಾ‍‍ಪ್ಟರ್ಸ್‌ಗೆ ತವರಿನಲ್ಲಿ ಗೆಲ್ಲುವ ಛಲ

ಬೆಂಗಳೂರು: ಉದ್ಯಾನಗರಿಯ ಬ್ಯಾಡ್ಮಿಂಟನ್ ಪ್ರಿಯರಿಗೆ ಈಗ ಸುಗ್ಗಿ ಕಾಲ. ಕ್ರಿಕೆಟ್ ಮತ್ತು ಫುಟ್ಬಾಲ್ ಆಟವನ್ನು ನೋಡಿ ಸಂಭ್ರಮಿಸಿದ್ದ ಕ್ರೀಡಾಭಿಮಾನಿಗಳು ಈಗ ಬ್ಯಾಡ್ಮಿಂಟನ್ ಆಟದ ಸೊಬಗು ಸವಿಯಲು ಸನ್ನದ್ಧರಾಗಿದ್ದಾರೆ.

. ಸೋಮವಾರದಿಂದ ಒಟ್ಟು ಆರು ದಿನಗಳ ಕಾಲ ‘ಸಿಲಿಕಾನ್ ಸಿಟಿ’ಯಲ್ಲಿ ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ನ (ಪಿಬಿಎಲ್) ಸಂಭ್ರಮ ಗರಿಗೆದರಲಿದೆ. ಆತಿಥೇಯ ಬೆಂಗಳೂರು ರ್ಯಾಪ್ಟರ್ಸ್, ಚೊಚ್ಚಲ ಪ್ರಶಸ್ತಿಯ ಕನಸಿನೊಂದಿಗೆ ಕಣಕ್ಕಿಳಿಯುತ್ತಿದ್ದು ಈ ಬಾರಿ ತವರಿನಲ್ಲಿ ಆಡುತ್ತಿರುವ ಮೊದಲ ಪಂದ್ಯದಲ್ಲಿ ಗೆಲ್ಲುವ ಛಲ ಹೊಂದಿದೆ.

. ಕಂಠೀರವ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆಯುವ ಹಣಾಹಣಿಯಲ್ಲಿ ಕಿದಂಬಿ ಶ್ರೀಕಾಂತ್ ಸಾರಥ್ಯದ ರ್ಯಾಪ್ಟರ್ಸ್ ತಂಡ ಮುಂಬೈ ರಾಕೆಟ್ಸ್ ಸವಾಲಿಗೆ ಎದೆಯೊಡ್ಡಲಿದೆ.

. ಬೆಂಗಳೂರಿನ ತಂಡ ಈ ಬಾರಿಯ ಪಾಯಿಂಟ್ಸ್ ಪಟ್ಟಿಯಲ್ಲಿ ಐದನೇ ಸ್ಥಾನ ಹೊಂದಿದೆ. 20 ಪಂದ್ಯಗಳನ್ನು ಆಡಿರುವ ಶ್ರೀಕಾಂತ್ ಪಡೆ 13 ಪಾಯಿಂಟ್ಸ್ ಕಲೆಹಾಕಿದೆ.

. ರಾಕೆಟ್ಸ್ ತಂಡ ಪಟ್ಟಿಯಲ್ಲಿ ಅಗ್ರಸ್ಥಾನ ಹೊಂದಿದ್ದು ಸೆಮಿಫೈನಲ್ ಹಾದಿಯನ್ನು ಸುಗಮ ಮಾಡಿಕೊಂಡಿದೆ. 25 ಪಂದ್ಯಗಳನ್ನು ಆಡಿರುವ ಈ ತಂಡದ ಖಾತೆಯಲ್ಲಿ 19 ಪಾಯಿಂಟ್ಸ್ ಇವೆ.

. ಈ ಸಲ ಆಡಿದ ಮೊದಲ ಪಂದ್ಯದಲ್ಲೇ ಸೋತಿದ್ದ ರ್ಯಾಪ್ಟರ್ಸ್, ನಂತರ ಗೆಲುವಿನ ‘ಹ್ಯಾಟ್ರಿಕ್’ ಸಾಧನೆ ಮಾಡಿ ಭರವಸೆ ಮೂಡಿಸಿದೆ.

. ಪುಣೆ 7 ಏಸಸ್, ಡೆಲ್ಲಿ ಡ್ಯಾಷರ್ಸ್ ಮತ್ತು ನಾರ್ತ್ ಈಸ್ಟರ್ನ್ ವಾರಿಯರ್ಸ್ ಎದುರಿನ ಗೆಲುವುಗಳು ಶ್ರೀಕಾಂತ್ ಬಳಗ ಆತ್ಮ ವಿಶ್ವಾಸದಿಂದ ಪುಟಿಯುವಂತೆ ಮಾಡಿದೆ.

. ಪುರುಷರ ಸಿಂಗಲ್ಸ್ ವಿಭಾಗದ ವಿಶ್ವ ರ್ಯಾಂಕಿಂಗ್ನಲ್ಲಿ ಆರನೇ ಸ್ಥಾನ ಹೊಂದಿರುವ ಶ್ರೀಕಾಂತ್, ತಂಡದ ಆಧಾರ ಸ್ಥಂಭವಾಗಿದ್ದಾರೆ. ಸಾಯಿ ಪ್ರಣೀತ್, ಮಾರ್ಕಸ್ ಎಲಿಸ್, ಹೆಂಡ್ರಾ ಸೆತಿಯವಾನ್, ಲೌರೆನ್ ಸ್ಮಿತ್ ಅವರ ಬಲವೂ ತಂಡಕ್ಕಿದೆ.

. ಕನ್ನಡಿಗರಾದ ಮಿಥುನ್ ಮಂಜುನಾಥ್, ಸಂಜನಾ ಸಂತೋಷ್, ತಿ ಟ್ರಾಂಗ್ ವೂ ಅವರ ಮೇಲೂ ಭರವಸೆ ಇಡಬಹುದಾಗಿದೆ.

. ಲೀ ಯೊಂಗ್ ಡೇ ಮುಂದಾಳತ್ವದ ರಾಕೆಟ್ಸ್ ತಂಡದಲ್ಲೂ ಪ್ರತಿಭಾನ್ವಿತರಿದ್ದಾರೆ. ಆ್ಯಂಡರ್ಸ್ ಆ್ಯಂಟೊನ್ಸನ್, ಕಿಮ್ ಜಿ ಜುಂಗ್, ಮನು ಅತ್ರಿ ಅವರು ಪಂದ್ಯದ ಚಿತ್ರಣ ಬದಲಿಸಬಲ್ಲ ಸಾಮರ್ಥ್ಯ ಹೊಂದಿದ್ದಾರೆ.

. ಸಮೀರ್ ವರ್ಮಾ, ಪಿಯಾ ಜೆಬಾದಿಹಾ ಬರ್ನಾಡೆತ್ ಮತ್ತು ಶ್ರಿಯಾಂಸಿ ಪರದೇಶಿ ಅವರೂ ಮಿಂಚುವ ಹುಮ್ಮಸ್ಸಿನಲ್ಲಿದ್ದಾರೆ.

. ಅವಧ್ಗೆ ಚೆನ್ನೈ ಸವಾಲು: ಸೋಮವಾರ ರಾತ್ರಿ ನಡೆಯುವ ಪಂದ್ಯದಲ್ಲಿ ಅವಧ್ ವಾರಿಯರ್ಸ್ ಮತ್ತು ಚೆನ್ನೈ ಸ್ಮ್ಯಾಷರ್ಸ್ ಎದುರಾಗಲಿವೆ.

. 20 ಪಂದ್ಯಗಳಿಂದ 16 ಪಾಯಿಂಟ್ಸ್ ಗಳಿಸಿ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ಹೊಂದಿರುವ ಅವಧ್ ತಂಡ ಏಳನೇ ಸ್ಥಾನದಲ್ಲಿರುವ ಚೆನ್ನೈ ಎದುರು ಸುಲಭವಾಗಿ ಗೆಲುವಿನ ತೋರಣ ಕಟ್ಟುವ ಹುಮ್ಮಸ್ಸಿನಲ್ಲಿದೆ.

. ಆರಂಭ: ರಾತ್ರಿ 7. ನೇರ ಪ್ರಸಾರ: ಸ್ಟಾರ್ ನೆಟ್ವರ್ಕ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೀಮಿಯರ್‌ ಬ್ಯಾಡ್ಮಿಂಟನ್‌ ಲೀಗ್‌: ರ‍್ಯಾ‍‍ಪ್ಟರ್ಸ್‌ಗೆ ತವರಿನಲ್ಲಿ ಗೆಲ್ಲುವ ಛಲ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

2025ರಲ್ಲಿ 19 ಸಾರ್ವತ್ರಿಕ ರಜೆ, 20 ಪರಿಮಿತ ರಜಾ ದಿನಗಳು; ಇಲ್ಲಿದೆ ಪಟ್ಟಿ

IND vs SA 4th T20I: ಟಾಸ್ ಗೆದ್ದ ಭಾರತ ಬ್ಯಾಟಿಂಗ್ ಆಯ್ಕೆ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಮಾಧವ್–ಆರ್ಯನ್ ದ್ವಿಶತಕದ ಜೊತೆಯಾಟ

ಬಿಸಿಸಿಐ ಆಕ್ಷೇಪ: ಪಿಒಕೆಗೆ ಚಾಂಪಿಯನ್ಸ್‌ ಟ್ರೋಫಿ ಪ್ರವಾಸಕ್ಕೆ ಐಸಿಸಿ ತಡೆ

ಹಾಕಿ: ಹರಿಯಾಣ, ಒಡಿಶಾ ಫೈನಲ್‌ಗೆ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

2025ರಲ್ಲಿ 19 ಸಾರ್ವತ್ರಿಕ ರಜೆ, 20 ಪರಿಮಿತ ರಜಾ ದಿನಗಳು; ಇಲ್ಲಿದೆ ಪಟ್ಟಿ