<p><strong>ಬಾಸೆಲ್, ಸ್ವಿಟ್ಜರ್ಲೆಂಡ್: </strong>ಒಲಿಂಪಿಕ್ಸ್ ಚಿನ್ನ ವಿಜೇತ ಚೀನಾದ ಲಿನ್ ಡಾನ್ಗೆ ಆಘಾತ ನೀಡಿದ ಭಾರತದ ಎಚ್.ಎಸ್.ಪ್ರಣಯ್ ಅವರು ವಿಶ್ವಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಪ್ರೀ ಕ್ವಾರ್ಟರ್ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ.</p>.<p>ಮಂಗಳವಾರ ನಡೆದ ಪಂದ್ಯದಲ್ಲಿ ಶ್ರೇಯಾಂಕರಹಿತ ಆಟಗಾರ ಪ್ರಣಯ್, 21–11, 13–21, 21–7 ಗೇಮ್ಗಳಿಂದ ಗೆದ್ದರು. ಹಲವು ಬಾರಿ ವಿಶ್ವ ಚಾಂಪಿಯನ್ ಪಟ್ಟವನ್ನೂ ಧರಿಸಿರುವ ಲಿನ್, ಒಂದು ತಾಸು ಎರಡು ನಿಮಿಷಗಳ ಆಟದಲ್ಲಿ ಪ್ರಣಯ್ಗೆ ಶರಣಾದರು.</p>.<p>ಮೊದಲ ಗೇಮ್ನಲ್ಲಿ ಪ್ರಣಯ್ ಸಂಪೂರ್ಣ ಪ್ರಾಬಲ್ಯ ಮೆರೆದರು. 2–2ರ ಸಮಬಲದಲ್ಲಿ ಸಾಗಿದ್ದ ಗೇಮ್ನಲ್ಲಿ ಭಾರತದ ಆಟಗಾರ 10–5 ಮುನ್ನಡೆ ಗಳಿಸಿದರು. ಆ ಬಳಿಕ ಮುನ್ನಡೆ 19–11ಕ್ಕೆ ತಲುಪಿ ಅಂತಿಮವಾಗಿ ಗೇಮ್ ಸುಲಭವಾಗಿ ಜಯಿಸಿದರು.</p>.<p>2008ರ ಒಲಿಂಪಿಕ್ಸ್ ಚಾಂಪಿಯನ್ ಲಿನ್ ಎರಡನೇ ಗೇಮ್ನಲ್ಲಿ ಗರ್ಜಿಸಿದರು. ಆರಂಭದಲ್ಲಿ 5–5 ಗೇಮ್ಗಳಿಂದ ಸಾಗಿದ್ದ ಗೇಮ್ನಲ್ಲಿ ಲಿನ್ ಮುನ್ನಡೆ ಹೆಚ್ಚಿಸುತ್ತಾ ಸಾಗಿದರು. ಗೇಮ್ ವಶಕ್ಕೆ ತೆಗೆದುಕೊಂಡರು. ಉತ್ಸಾಹ ಕಳೆದುಕೊಳ್ಳದ ಪ್ರಣಯ್, ಮೂರನೇ ಹಾಗೂ ನಿರ್ಣಾಯಕ ಗೇಮ್ ಗೆದ್ದು ಸಂಭ್ರಮದ ಅಲೆಯಲ್ಲಿ ತೇಲಿದರು.</p>.<p>ಪ್ರೀಕ್ವಾರ್ಟರ್ಫೈನಲ್ ಹಣಾಹಣಿಯಲ್ಲಿ ಪ್ರಣಯ್ ಅವರು, ಜಪಾನ್ನ ಕೆಂಟೊ ಮೊಮೊಟಾ ಹಾಗೂ ಸ್ಪೇನ್ನ ಲೂಯಿಸ್ ಎನ್ರಿಕ್ ಪೆನಾಲ್ವರ್ ನಡುವಣ ಪಂದ್ಯದಲ್ಲಿ ಗೆದ್ದವರನ್ನು ಎದುರಿಸುವರು.</p>.<p>ಮಹಿಳಾ ಡಬಲ್ಸ್ನ ಮೊದಲ ಸುತ್ತಿನಲ್ಲಿ ಭಾರತದ ಅಶ್ವಿನಿ ಪೊನ್ನಪ್ಪ–ಎನ್. ಸಿಕ್ಕಿರೆಡ್ಡಿ ಜೋಡಿ ವಾಕ್ಓವರ್ ಪಡೆಯಿತು. ಚೀನಾ ತೈಪೆಯ ಚಾಂಗ್ ಚಿಂಗ್ ಹುಯ್–ಯಾಂಗ್ ಚಿಂಗ್ ಟುನ್ ವಿರುದ್ಧ ಅವರು ಆಡಬೇಕಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಾಸೆಲ್, ಸ್ವಿಟ್ಜರ್ಲೆಂಡ್: </strong>ಒಲಿಂಪಿಕ್ಸ್ ಚಿನ್ನ ವಿಜೇತ ಚೀನಾದ ಲಿನ್ ಡಾನ್ಗೆ ಆಘಾತ ನೀಡಿದ ಭಾರತದ ಎಚ್.ಎಸ್.ಪ್ರಣಯ್ ಅವರು ವಿಶ್ವಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಪ್ರೀ ಕ್ವಾರ್ಟರ್ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ.</p>.<p>ಮಂಗಳವಾರ ನಡೆದ ಪಂದ್ಯದಲ್ಲಿ ಶ್ರೇಯಾಂಕರಹಿತ ಆಟಗಾರ ಪ್ರಣಯ್, 21–11, 13–21, 21–7 ಗೇಮ್ಗಳಿಂದ ಗೆದ್ದರು. ಹಲವು ಬಾರಿ ವಿಶ್ವ ಚಾಂಪಿಯನ್ ಪಟ್ಟವನ್ನೂ ಧರಿಸಿರುವ ಲಿನ್, ಒಂದು ತಾಸು ಎರಡು ನಿಮಿಷಗಳ ಆಟದಲ್ಲಿ ಪ್ರಣಯ್ಗೆ ಶರಣಾದರು.</p>.<p>ಮೊದಲ ಗೇಮ್ನಲ್ಲಿ ಪ್ರಣಯ್ ಸಂಪೂರ್ಣ ಪ್ರಾಬಲ್ಯ ಮೆರೆದರು. 2–2ರ ಸಮಬಲದಲ್ಲಿ ಸಾಗಿದ್ದ ಗೇಮ್ನಲ್ಲಿ ಭಾರತದ ಆಟಗಾರ 10–5 ಮುನ್ನಡೆ ಗಳಿಸಿದರು. ಆ ಬಳಿಕ ಮುನ್ನಡೆ 19–11ಕ್ಕೆ ತಲುಪಿ ಅಂತಿಮವಾಗಿ ಗೇಮ್ ಸುಲಭವಾಗಿ ಜಯಿಸಿದರು.</p>.<p>2008ರ ಒಲಿಂಪಿಕ್ಸ್ ಚಾಂಪಿಯನ್ ಲಿನ್ ಎರಡನೇ ಗೇಮ್ನಲ್ಲಿ ಗರ್ಜಿಸಿದರು. ಆರಂಭದಲ್ಲಿ 5–5 ಗೇಮ್ಗಳಿಂದ ಸಾಗಿದ್ದ ಗೇಮ್ನಲ್ಲಿ ಲಿನ್ ಮುನ್ನಡೆ ಹೆಚ್ಚಿಸುತ್ತಾ ಸಾಗಿದರು. ಗೇಮ್ ವಶಕ್ಕೆ ತೆಗೆದುಕೊಂಡರು. ಉತ್ಸಾಹ ಕಳೆದುಕೊಳ್ಳದ ಪ್ರಣಯ್, ಮೂರನೇ ಹಾಗೂ ನಿರ್ಣಾಯಕ ಗೇಮ್ ಗೆದ್ದು ಸಂಭ್ರಮದ ಅಲೆಯಲ್ಲಿ ತೇಲಿದರು.</p>.<p>ಪ್ರೀಕ್ವಾರ್ಟರ್ಫೈನಲ್ ಹಣಾಹಣಿಯಲ್ಲಿ ಪ್ರಣಯ್ ಅವರು, ಜಪಾನ್ನ ಕೆಂಟೊ ಮೊಮೊಟಾ ಹಾಗೂ ಸ್ಪೇನ್ನ ಲೂಯಿಸ್ ಎನ್ರಿಕ್ ಪೆನಾಲ್ವರ್ ನಡುವಣ ಪಂದ್ಯದಲ್ಲಿ ಗೆದ್ದವರನ್ನು ಎದುರಿಸುವರು.</p>.<p>ಮಹಿಳಾ ಡಬಲ್ಸ್ನ ಮೊದಲ ಸುತ್ತಿನಲ್ಲಿ ಭಾರತದ ಅಶ್ವಿನಿ ಪೊನ್ನಪ್ಪ–ಎನ್. ಸಿಕ್ಕಿರೆಡ್ಡಿ ಜೋಡಿ ವಾಕ್ಓವರ್ ಪಡೆಯಿತು. ಚೀನಾ ತೈಪೆಯ ಚಾಂಗ್ ಚಿಂಗ್ ಹುಯ್–ಯಾಂಗ್ ಚಿಂಗ್ ಟುನ್ ವಿರುದ್ಧ ಅವರು ಆಡಬೇಕಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
