ಪ್ರೊ ಕಬಡ್ಡಿ: ಪವನ್‌ ‘ಪವಾಡ’ದ ನಿರೀಕ್ಷೆಯಲ್ಲಿ ಬುಲ್ಸ್‌

ಅಹಮದಾಬಾದ್: ಯು.ಪಿ.ಯೋಧಾ ಎದುರಿನ ಎಲಿಮಿನೇಟರ್ ಹಣಾಹಣಿಯಲ್ಲಿ ವೀರಾವೇಶದಿಂದ ಹೋರಾಡಿ ಗೆಲುವಿನ ಸಿಹಿ ಸವಿದಿದ್ದ ಬೆಂಗಳೂರು ಬುಲ್ಸ್ ತಂಡ ಈಗ ಮತ್ತೊಂದು ಅಗ್ನಿಪರೀಕ್ಷೆ ಎದುರಿಸಲು ಸಜ್ಜಾಗಿದೆ.

. ಬುಧವಾರ ನಡೆಯುವ ಪ್ರೊ ಕಬಡ್ಡಿ ಲೀಗ್ ಏಳನೇ ಆವೃತ್ತಿಯ ಮೊದಲ ಸೆಮಿಫೈನಲ್ನಲ್ಲಿ ಪವನ್ ಶೆರಾವತ್ ಸಾರಥ್ಯದ ಬುಲ್ಸ್, ಬಲಿಷ್ಠ ದಬಂಗ್ ಡೆಲ್ಲಿ ವಿರುದ್ಧ ಸೆಣಸಲಿದೆ. ಈ ಪೈಪೋಟಿಯಲ್ಲಿ ಗೆದ್ದು ಸತತ ಎರಡನೇ ಸಲ ಪ್ರಶಸ್ತಿ ಸುತ್ತಿಗೆ ಲಗ್ಗೆ ಇಡುವ ಹುಮ್ಮಸ್ಸಿನಲ್ಲಿ ಬೆಂಗಳೂರಿನ ತಂಡವಿದೆ.

. ಯೋಧಾ ಎದುರು ಪವನ್, ಪರಾಕ್ರಮ ಮೆರೆದಿದ್ದರು. ಬರೋಬ್ಬರಿ 20 ಪಾಯಿಂಟ್ಸ್ ಕಲೆಹಾಕಿ ಏಕಾಂಗಿಯಾಗಿ ತಂಡಕ್ಕೆ ಗೆಲುವು ತಂದುಕೊಟ್ಟಿದ್ದರು. ಈ ಋತುವಿನಲ್ಲಿ 17 ಸಲ ಸೂಪರ್–10 ಸಾಧನೆ ಮಾಡಿರುವ ಪವನ್ ಮೇಲೆ ಈಗ ಎಲ್ಲರ ಕಣ್ಣುಗಳು ನೆಟ್ಟಿವೆ. ಅವರು ದಬಂಗ್ ತಂಡದ ಬಲಿಷ್ಠ ರಕ್ಷಣಾ ಕೋಟೆಯನ್ನು ಭೇದಿಸಿ ತಂಡಕ್ಕೆ ಮತ್ತೊಂದು ಗೆಲುವು ತಂದುಕೊಡುವರೇ ಎಂಬ ಪ್ರಶ್ನೆಯೂ ಅಭಿಮಾನಿಗಳನ್ನು ಕಾಡುತ್ತಿದೆ.

. ಪವನ್ಗೆ ಸುಮಿತ್ ಸಿಂಗ್ ಮತ್ತು ಬಂಟಿ ಅವರಿಂದ ಸೂಕ್ತ ಬೆಂಬಲ ಸಿಗಬೇಕಿದೆ. ಮಹೇಂದರ್ ಸಿಂಗ್, ಅಮಿತ್ ಶೆರಾನ್ ಮತ್ತು ಮೋಹಿತ್ ಶೆರಾವತ್ ಅವರ ಮೇಲೂ ಹೆಚ್ಚಿನ ಜವಾಬ್ದಾರಿ ಇದೆ.

. ದಬಂಗ್ ತಂಡವು ಈ ಸಲ ಪಾಯಿಂಟ್ಸ್ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದು ನೇರವಾಗಿ ನಾಲ್ಕರ ಘಟ್ಟಕ್ಕೆ ಲಗ್ಗೆ ಇಟ್ಟಿತ್ತು. ಚೊಚ್ಚಲ ಪ್ರಶಸ್ತಿಯ ನಿರೀಕ್ಷೆಯಲ್ಲಿರುವ ಈ ತಂಡವು ಈ ಬಾರಿ ಬುಲ್ಸ್ ಎದುರು ಆಡಿರುವ ಎರಡು ಪಂದ್ಯಗಳಲ್ಲೂ ಗೆದ್ದಿದೆ. ಇದು ಆಟಗಾರರ ಮನೋಬಲ ಹೆಚ್ಚುವಂತೆ ಮಾಡಿದೆ.

. ‘ಬ್ಯಾಕ್ ಹೋಲ್ಡ್’ ಪ್ರವೀಣ, ರವಿಂದರ್ ಪಹಲ್, ಲೀಗ್ನಲ್ಲಿ ಪವನ್ ಅವರನ್ನು ಎಂಟು ಸಲ ಹಿಡಿದಿದ್ದಾರೆ. ಬುಧವಾರವೂ ‘ಪವನ ಶಕ್ತಿ’ಯನ್ನು ನಿಯಂತ್ರಿಸುವ ಹುಮ್ಮಸ್ಸಿನಲ್ಲಿ ಅವರಿದ್ದಾರೆ.

. ಮೆರಾಜ್ ಶೇಕ್, ನೀರಜ್ ನರ್ವಾಲ್, ಸೋಮವೀರ್, ಸುಮಿತ್, ಮೋಹಿತ್ ಮತ್ತು ಅಮನ್ ಕಡಿಯಾನ್ ಅವರೂ ಈ ತಂಡದ ಬೆನ್ನೆಲುಬಾಗಿದ್ದಾರೆ.

. ಬೆಂಗಾಲ್–ಮುಂಬಾ ಮುಖಾಮುಖಿ: ದಿನದ ಇನ್ನೊಂದು ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ಮತ್ತು ಯು ಮುಂಬಾ ಮುಖಾಮುಖಿಯಾಗಲಿವೆ.

. ಬೆಂಗಾಲ್ ತಂಡ ಚೊಚ್ಚಲ ಪ್ರಶಸ್ತಿಯ ಕನಸಿನಲ್ಲಿದೆ. ಮಣಿಂದರ್ ಸಿಂಗ್, ಸುಕೇಶ್ ಹೆಗ್ಡೆ, ಕೆ.ಪ್ರಪಂಜನ್, ಮೊಹಮ್ಮದ್ ನಬಿಬಕ್ಷ್ ಅವರು ರೇಡಿಂಗ್ನಲ್ಲಿ ತಂಡದ ಶಕ್ತಿಯಾಗಿದ್ದಾರೆ.

. ರಕ್ಷಣಾ ವಿಭಾಗದಲ್ಲಿ ಈ ತಂಡಕ್ಕೆ ಬಲದೇವ್ ಸಿಂಗ್ ಅವರ ಬಲವಿದೆ. ಅನುಭವಿ ಜೀವಕುಮಾರ್ ಮೇಲೂ ಭರವಸೆ ಇಡಬಹುದಾಗಿದೆ.

. ಫಜಲ್ ಅತ್ರಾಚಲಿ ಸಾರಥ್ಯದ ಮುಂಬಾ ತಂಡದಲ್ಲೂ ಪ್ರತಿಭಾನ್ವಿತ ಆಟಗಾರರಿದ್ದಾರೆ.

. ಇಂದಿನ ಪಂದ್ಯಗಳು

. ಮೊದಲ ಸೆಮಿಫೈನಲ್

. ಬೆಂಗಳೂರು ಬುಲ್ಸ್–ದಬಂಗ್ ಡೆಲ್ಲಿ

. ಆರಂಭ: ರಾತ್ರಿ 7.30

. ಎರಡನೇ ಸೆಮಿಫೈನಲ್

. ಬೆಂಗಾಲ್ ವಾರಿಯರ್ಸ್–ಯು ಮುಂಬಾ

. ಆರಂಭ: ರಾತ್ರಿ 8.30

. ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರೊ ಕಬಡ್ಡಿ: ಪವನ್‌ ‘ಪವಾಡ’ದ ನಿರೀಕ್ಷೆಯಲ್ಲಿ ಬುಲ್ಸ್‌

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಚಿನಕುರುಳಿ: ಬುಧವಾರ, 06 ನವೆಂಬರ್‌ 2024

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

ಮೂವರಿಗೆ ಅವಕಾಶ ಸಿಗಲಿ: ವೈಶಾಖ, ಯಶ್, ರಮಣದೀಪ್ ಬಗ್ಗೆ ಕುಂಬ್ಳೆ ಮೆಚ್ಚುಗೆ

ಪ್ರೊ ಕಬಡ್ಡಿ: ಅಜಿತ್ ಮಿಂಚು, ಮುಂಬಾಗೆ ಜಯ

ಮುಷ್ತಾಕ್‌ ಟಿ20: ಕರ್ನಾಟಕ ತಂಡದಲ್ಲಿ ಸ್ಮರಣ್‌, ನೊರೊನ್ಹಾ

ಐಸಿಸಿ ಟೆಸ್ಟ್‌ ರ‍್ಯಾಂಕಿಂಗ್: 6ನೇ ಸ್ಥಾನಕ್ಕೇರಿದ ರಿಷಭ್ ಪಂತ್‌

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಚಿನಕುರುಳಿ: ಬುಧವಾರ, 06 ನವೆಂಬರ್‌ 2024

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು