ದಿವ್ಯಾಂಶ್‌ಗೆ ಟೋಕಿಯೊ ಟಿಕೆಟ್‌

ಬೀಜಿಂಗ್ (ಪಿಟಿಐ): ಭಾರತದ ದಿವ್ಯಾಂಶ್ ಸಿಂಗ್ ಪನ್ವರ್ ಅವರು ಮುಂದಿನ ವರ್ಷ ಜಪಾನ್ನ ಟೋಕಿಯೊದಲ್ಲಿ ನಡೆಯುವ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ್ದಾರೆ.

. ಶುಕ್ರವಾರ ಇಲ್ಲಿ ನಡೆದ ಐಎಸ್ಎಸ್ಎಫ್ ವಿಶ್ವಕಪ್ ಶೂಟಿಂಗ್ನಲ್ಲಿ ಬೆಳ್ಳಿಯ ಪದಕ ಜಯಿಸಿ ಈ ಸಾಧನೆ ಮಾಡಿದ್ದಾರೆ.

. ಪುರುಷರ 10 ಮೀಟರ್ಸ್ ಏರ್ ರೈಫಲ್ ವಿಭಾಗದಲ್ಲಿ ಕಣದಲ್ಲಿದ್ದ 17 ವರ್ಷ ವಯಸ್ಸಿನ ದಿವ್ಯಾಂಶ್, ಕೇವಲ 0.4 ಪಾಯಿಂಟ್ನಿಂದ ಚಿನ್ನದ ಪದಕ ವಂಚಿತರಾದರು.

. 24 ಶಾಟ್ಗಳ ಫೈನಲ್ನಲ್ಲಿ ರಾಜಸ್ಥಾನದ ದಿವ್ಯಾಂಶ್ ಮತ್ತು ಚೀನಾದ ಜಿಚೆಂಗ್ ಹುಯಿ ನಡುವೆ ಜಿದ್ದಾಜಿದ್ದಿನ ಪೈಪೋಟಿ ಏರ್ಪಟ್ಟಿತ್ತು. ಹನ್ನೊಂದನೇ ತರಗತಿಯ ವಿದ್ಯಾರ್ಥಿ ದಿವ್ಯಾಂಶ್ ಅಂತಿಮವಾಗಿ 249.0 ಪಾಯಿಂಟ್ಸ್ ಕಲೆಹಾಕಿದರು. ಜಿಚೆಂಗ್ 249.4 ಪಾಯಿಂಟ್ಸ್ ಸಂಗ್ರಹಿಸಿ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು.

. ಈ ವಿಭಾಗದ ಕಂಚಿನ ಪದಕ ರಷ್ಯಾದ ಗ್ರಿಗೋರಿ ಶಮಕೋವ್ ಅವರ ಪಾಲಾಯಿತು. ಗ್ರಿಗೋರಿ ಒಟ್ಟು 227.5 ಪಾಯಿಂಟ್ಸ್ ಗಳಿಸಿದರು.

. ಈ ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಇತರ ಸ್ಪರ್ಧಿಗಳಾದ ರವಿಕುಮಾರ್ (624.1 ಪಾ.) ಮತ್ತು ದೀಪಕ್ ಕುಮಾರ್ (622.6 ಪಾ.) ಫೈನಲ್ಗೆ ಅರ್ಹತೆ ಗಳಿಸಲು ವಿಫಲರಾದರು. ಇವರು ಅರ್ಹತಾ ಸುತ್ತಿನಲ್ಲಿ ಕ್ರಮವಾಗಿ 44 ಮತ್ತು 57ನೇ ಸ್ಥಾನ ಪಡೆದರು.

. ದಿವ್ಯಾಂಶ್ ಅವರು ಟೋಕಿಯೊ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ ಭಾರತದ ನಾಲ್ಕನೇ ಶೂಟರ್ ಆಗಿದ್ದಾರೆ. ಈ ಮೊದಲು ಅಂಜುಮ್ ಮೌಡ್ಗಿಲ್, ಅಪೂರ್ವಿ ಚಾಂಡೇಲಾ (ಇಬ್ಬರೂ ಮಹಿಳೆಯರ 10 ಮೀ.ಏರ್ ರೈಫಲ್) ಹಾಗೂ ಸೌರಭ್ ಚೌಧರಿ (10 ಮೀ. ಏರ್ ಪಿಸ್ತೂಲ್) ಒಲಿಂಪಿಕ್ಸ್ಗೆ ರಹದಾರಿ ಪಡೆದಿದ್ದರು.

. ಈ ಕೂಟದಲ್ಲಿ ದಿವ್ಯಾಂಶ್ ಗೆದ್ದ ಎರಡನೇ ಚಿನ್ನದ ಪದಕ ಇದಾಗಿದೆ. ಗುರುವಾರ ನಡೆದಿದ್ದ ಮಿಶ್ರ ತಂಡ ವಿಭಾಗದಲ್ಲಿ ಅಂಜುಮ್ ಮೌಡ್ಗಿಲ್ ಜೊತೆಗೂಡಿ ಸ್ಪರ್ಧಿಸಿದ್ದ ಅವರು ಫೈನಲ್ನಲ್ಲಿ ಚೀನಾದ ಲಿಯು ರುಕ್ಸುವನ್ ಮತ್ತು ಯಾಂಗ್ ಹಾವೊರನ್ ಅವರನ್ನು ಮಣಿಸಿದ್ದರು.

. ‘ಟೋಕಿಯೊ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ್ದು ಹೆಮ್ಮೆಯ ಸಂಗತಿ. ಇಲ್ಲಿ ಗೆದ್ದ ಪದಕ ಆತ್ಮವಿಶ್ವಾಸ ಹೆಚ್ಚುವಂತೆ ಮಾಡಿದೆ. ಒಲಿಂಪಿಕ್ಸ್ನಲ್ಲೂ ಪದಕ ಗೆಲ್ಲಲು ಪ್ರಯತ್ನಿಸುತ್ತೇನೆ’ ಎಂದು ದಿವ್ಯಾಂಶ್ ಹೇಳಿದ್ದಾರೆ.

. ಆದರ್ಶ್ಗೆ 10ನೇ ಸ್ಥಾನ: ಪುರುಷರ 25 ಮೀಟರ್ಸ್ ರ್ಯಾಪಿಡ್ ಫೈರ್ ಪಿಸ್ತೂಲ್ ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಆದರ್ಶ್ ಸಿಂಗ್ 10ನೇಯವರಾಗಿ ಸ್ಪರ್ಧೆ ಮುಗಿಸಿದರು.

. ಅರ್ಹತಾ ಹಂತದಲ್ಲಿ ಆದರ್ಶ್ ಒಟ್ಟು 583 ಸ್ಕೋರ್ ಕಲೆಹಾಕಿದರು.

. ಅನೀಶ್ ಭಾನವಾಲಾ 22ನೇ ಸ್ಥಾನ ಪಡೆದರು. ಅವರು 578 ಸ್ಕೋರ್ ಕಲೆಹಾಕಲಷ್ಟೇ ಶಕ್ತರಾದರು. ಅರ್ಪಿತ್ ಗೋಯಲ್ (575) 29ನೇ ಸ್ಥಾನಕ್ಕೆ ತೃಪ್ತರಾದರು.

. ಚೀನಾದ ಲಿನ್ ಜುನ್ಮಿನ್ ಈ ವಿಭಾಗದ ಚಿನ್ನದ ಪದಕಕ್ಕೆ ಕೊರಳೊಡ್ಡಿದರು. ವಿಶ್ವ ರ್ಯಾಂಕಿಂಗ್ನಲ್ಲಿ ಅಗ್ರಸ್ಥಾನದಲ್ಲಿರುವ ಲಿನ್, ಫೈನಲ್ನಲ್ಲಿ 35 ಸ್ಕೋರ್ ಕಲೆಹಾಕಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿವ್ಯಾಂಶ್‌ಗೆ ಟೋಕಿಯೊ ಟಿಕೆಟ್‌

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಗೋಲುಮಳೆಗರೆದ ಭಾರತ

ರಣಜಿಯಲ್ಲಿ ದಾಖಲೆ ಜೊತೆಯಾಟ; ಸ್ನೇಹಲ್‌, ಕಶ್ಯಪ್‌ ತ್ರಿಶತಕ: ಗೋವಾಕ್ಕೆ ಜಯ

Ranji Trophy | ಶ್ರೀಜಿತ್‌ ಶತಕ, ಪರಂತಾಪ್ ಪ್ರತಾಪ; ಕರ್ನಾಟಕ ಮೇಲುಗೈ

AUS vs PAK | ಲಯಕ್ಕೆ ಮರಳಿದ ಮ್ಯಾಕ್ಸ್‌ವೆಲ್‌; ಆಸ್ಟ್ರೇಲಿಯಾ ತಂಡಕ್ಕೆ ಜಯ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024