ಹೊರಾಂಗಣ ಅಭ್ಯಾಸ ಖುಷಿ ನೀಡಿದೆ: ಭಾರತ ಹಾಕಿ ತಂಡದ ಸುಮಿತ್‌

ನವದೆಹಲಿ: ‘ಸುದೀರ್ಘ ಬಿಡುವಿನ ಬಳಿಕ ತವರೂರು ಸೋನಿಪತ್ನಲ್ಲಿ ಹೊರಾಂಗಣ ಅಭ್ಯಾಸ ಆರಂಭಿಸಿದ್ದೇನೆ. ಹೀಗಾಗಿ ತುಂಬಾ ಖುಷಿಯಾಗಿದೆ’ ಎಂದು ಭಾರತ ಸೀನಿಯರ್ ಹಾಕಿ ತಂಡದ ಮಿಡ್ಫೀಲ್ಡರ್ ಸುಮಿತ್ ಮಂಗಳವಾರ ಹೇಳಿದ್ದಾರೆ.

. ಕೊರೊನಾ ವೈರಾಣುವಿನ ಪಸರಿಸುವಿಕೆಯನ್ನು ತಡೆಯುವ ಸಲುವಾಗಿ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಲಾಕ್ಡೌನ್ ಜಾರಿಗೊಳಿಸಿದ್ದವು. ಹೀಗಾಗಿ ಸುಮಿತ್ ಅವರು ಸುಮಾರು ಮೂರು ತಿಂಗಳ ಕಾಲ ಬೆಂಗಳೂರಿನ ಸಾಯ್ ಕೇಂದ್ರದಲ್ಲಿ ಉಳಿದುಕೊಂಡಿದ್ದರು.

. ಹಾಕಿ ಇಂಡಿಯಾವು ಎಲ್ಲಾ ಆಟಗಾರರಿಗೂ ಒಂದು ತಿಂಗಳ ವಿರಾಮ ನೀಡಿದ್ದರಿಂದ ಹೋದ ತಿಂಗಳು ಬೆಂಗಳೂರಿನಿಂದ ಹರಿಯಾಣದ ಸೋನಿಪತ್ಗೆ ಪಯಣಿಸಿದ್ದರು.

. ‘ಹಿಂದಿನ ಕೆಲ ವಾರಗಳಿಂದ ಕುಟುಂಬದ ಜೊತೆ ಹಾಯಾಗಿ ಕಾಲ ಕಳೆದಿದ್ದೇನೆ. ಹೀಗಾಗಿ ಮನಸ್ಸು ಪ್ರಶಾಂತವಾಗಿದೆ. ನಾನು ಮನೆಗೆ ಮರಳಿದಾಗ ಅಮ್ಮ ತುಂಬಾ ಖುಷಿಪಟ್ಟರು. ಅವರ ಮೊಗದಲ್ಲಿ ನಗು ಕಂಡು ನನಗೂ ಸಂತಸವಾಯಿತು’ ಎಂದು ಸುಮಿತ್ ತಿಳಿಸಿದ್ದಾರೆ.

. ‘ಮನೆಯ ಬಳಿ ಇರುವ ಮೈದಾನದಲ್ಲಿ ಸ್ನೇಹಿತರೊಂದಿಗೆ ಅಭ್ಯಾಸ ಆರಂಭಿಸಿದ್ದೇನೆ. ಈ ವೇಳೆ ಹಾಕಿ ಇಂಡಿಯಾದ ನಿಯಮಾವಳಿಗಳನ್ನು ತಪ್ಪದೇ ಪಾಲಿಸುತ್ತಿದ್ದೇನೆ’ ಎಂದಿದ್ದಾರೆ.

. ‘ಶೀಘ್ರವೇ ರಾಷ್ಟ್ರೀಯ ಶಿಬಿರ ನಡೆಯುವ ನಿರೀಕ್ಷೆ ಇದೆ. ಹೀಗಾಗಿ ಫಿಟ್ನೆಸ್ ಕಾಪಾಡಿಕೊಳ್ಳುವುದಕ್ಕೂ ಒತ್ತು ನೀಡಿದ್ದೇನೆ. ಇದಕ್ಕಾಗಿ ನಿತ್ಯವೂ ಒಂದಷ್ಟು ಸಮಯ ಓಡುತ್ತಿದ್ದೇನೆ. ಜೊತೆಗೆ ಹೊಸ ಕೌಶಲಗಳನ್ನು ಕಲಿಯಲೂ ಪ್ರಯತ್ನಿಸುತ್ತಿದ್ದೇನೆ’ ಎಂದು 23 ವರ್ಷ ವಯಸ್ಸಿನ ಆಟಗಾರ ನುಡಿದಿದ್ದಾರೆ.

. ‘ಗಾಯದಿಂದಾಗಿ ಐದು ತಿಂಗಳು ಮೈದಾನದಿಂದ ಹೊರಗುಳಿಯಬೇಕಿತ್ತು. ಆಗ ಭವಿಷ್ಯದ ಬಗ್ಗೆ ಚಿಂತೆ ಕಾಡಿತ್ತು. ಈ ಸಂಬಂಧ ಮುಖ್ಯ ಕೋಚ್ ಗ್ರಹಾಂ ರೀಡ್ ಜೊತೆಗೆ ಮಾತನಾಡಿದ್ದೆ. ಆಗ ಅವರು ನನ್ನಲ್ಲಿ ಆತ್ಮಸ್ಥೈರ್ಯ ತುಂಬಿದರು. ನನ್ನ ಮೇಲೆ ನಂಬಿಕೆ ಇಟ್ಟು ಮತ್ತೆ ತಂಡದಲ್ಲಿ ಆಡಲು ಅವಕಾಶ ಮಾಡಿಕೊಟ್ಟರು’ ಎಂದು ಹೇಳಿದ್ದಾರೆ.

. 2016ರ ಜೂನಿಯರ್ ಹಾಕಿ ವಿಶ್ವಕಪ್ನಲ್ಲಿ ಪ್ರಶಸ್ತಿ ಗೆದ್ದಿದ್ದ ಭಾರತ ತಂಡದಲ್ಲಿ ಸುಮಿತ್ ಕೂಡ ಇದ್ದರು. 2017ರಲ್ಲಿ ನಡೆದಿದ್ದ ಸುಲ್ತಾನ್ ಅಜ್ಲಾನ್ ಶಾ ಕಪ್ನಲ್ಲಿ ಆಡುವ ಮೂಲಕ ಅವರು ಸೀನಿಯರ್ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು.

. ಬಲ ಮಣಿಕಟ್ಟಿನ ಗಾಯ ಕಾಡಿದ್ದರಿಂದ ಸುಮಿತ್ ಅವರು ಹೋದ ವರ್ಷ ಕೆಲ ಸಮಯ ಹಾಕಿಯಿಂದ ದೂರ ಉಳಿಯಬೇಕಾಗಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊರಾಂಗಣ ಅಭ್ಯಾಸ ಖುಷಿ ನೀಡಿದೆ: ಭಾರತ ಹಾಕಿ ತಂಡದ ಸುಮಿತ್‌

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಗೋಲುಮಳೆಗರೆದ ಭಾರತ

ರಣಜಿಯಲ್ಲಿ ದಾಖಲೆ ಜೊತೆಯಾಟ; ಸ್ನೇಹಲ್‌, ಕಶ್ಯಪ್‌ ತ್ರಿಶತಕ: ಗೋವಾಕ್ಕೆ ಜಯ

Ranji Trophy | ಶ್ರೀಜಿತ್‌ ಶತಕ, ಪರಂತಾಪ್ ಪ್ರತಾಪ; ಕರ್ನಾಟಕ ಮೇಲುಗೈ

AUS vs PAK | ಲಯಕ್ಕೆ ಮರಳಿದ ಮ್ಯಾಕ್ಸ್‌ವೆಲ್‌; ಆಸ್ಟ್ರೇಲಿಯಾ ತಂಡಕ್ಕೆ ಜಯ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ದಿನ ಭವಿಷ್ಯ | ಈ ರಾಶಿಯ ಕಥೆ ಬರಹಗಾರರಿಗೆ ಶುಭ ದಿನ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024