<p><strong>ನವದೆಹಲಿ: </strong>ಅಪೂರ್ವ ಸಾಮರ್ಥ್ಯ ತೋರಿದ ಭಾರತದ ಸೌರಭ್ ಚೌಧರಿ ಮತ್ತು ಮನು ಭಾಕರ್ ಅವರು ಐಎಸ್ಎಸ್ಎಫ್ ವಿಶ್ವಕಪ್ ಶೂಟಿಂಗ್ನಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದಾರೆ.</p>.<p>10 ಮೀಟರ್ಸ್ ಏರ್ ಪಿಸ್ತೂಲ್ ಮಿಶ್ರ ತಂಡ ವಿಭಾಗದಲ್ಲಿ ಭಾರತದ ಜೋಡಿಯಿಂದ ಈ ಸಾಧನೆ ಮೂಡಿಬಂದಿದೆ.</p>.<p>ಡಾ.ಕರ್ಣಿ ಸಿಂಗ್ ಶೂಟಿಂಗ್ ರೇಂಜ್ನಲ್ಲಿ ಬುಧವಾರ ನಡೆದ ಫೈನಲ್ನಲ್ಲಿ ಸೌರಭ್ ಮತ್ತು ಮನು ಒಟ್ಟು 483.5 ಸ್ಕೋರ್ ಕಲೆಹಾಕಿ ಅಗ್ರಸ್ಥಾನ ತಮ್ಮದಾಗಿಸಿಕೊಂಡರು.</p>.<p>ಈ ಬಾರಿಯ ವಿಶ್ವಕಪ್ನಲ್ಲಿ ಭಾರತಕ್ಕೆ ಒಲಿದ ಮೂರನೇ ಚಿನ್ನದ ಪದಕ ಇದಾಗಿದೆ.ಆತಿಥೇಯ ತಂಡ ಪದಕ ಪಟ್ಟಿಯಲ್ಲಿ ಹಂಗರಿ ಜೊತೆ ಜಂಟಿ ಅಗ್ರಸ್ಥಾನಕ್ಕೇರಿದೆ.</p>.<p>ಅರ್ಹತಾ ಹಂತದಲ್ಲಿ ನಿಖರ ಗುರಿ ಹಿಡಿದು ವಿಶ್ವ ದಾಖಲೆ ಸರಿಗಟ್ಟಿದ್ದ ಮನು ಮತ್ತು ಸೌರಭ್, ಫೈನಲ್ನಲ್ಲೂ ಪ್ರಾಬಲ್ಯ ಮೆರೆದರು.</p>.<p>ಮೊದಲ ಹಂತದ ಮೂರು ಅವಕಾಶಗಳು ಮುಗಿದಾಗ ದಕ್ಷಿಣ ಕೊರಿಯಾದ ಕಿಮ್ ಮಿಂಜುಗ್ ಮತ್ತು ಪಾರ್ಕ್ ಡಯೆಹುನ್ ಅವರು ಅಗ್ರಸ್ಥಾನದಲ್ಲಿದ್ದರು. ಇವರು 302.3 ಸ್ಕೋರ್ ಕಲೆಹಾಕಿದ್ದರು. 301.5 ಸ್ಕೋರ್ ಗಳಿಸಿದ್ದ ಭಾರತದ ಜೋಡಿ ಎರಡನೇ ಸ್ಥಾನದಲ್ಲಿತ್ತು.</p>.<p>ಎರಡನೇ ಹಂತದ ಪೈಪೋಟಿಯಲ್ಲಿ ಸೌರಭ್ ಮತ್ತು ಮನು ಮೋಡಿ ಮಾಡಿದರು. ನಾಲ್ಕು ಅವಕಾಶಗಳಲ್ಲಿ ಕ್ರಮವಾಗಿ 40.4, 41.6, 40.5 ಮತ್ತು 59.4 ಸ್ಕೋರ್ ಕಲೆಹಾಕಿ ತವರಿನ ಅಭಿಮಾನಿಗಳ ಚಪ್ಪಾಳೆ ಗಿಟ್ಟಿಸಿದರು.</p>.<p>ದಕ್ಷಿಣ ಕೊರಿಯಾದ ಕಿಮ್ ಮತ್ತು ಪಾರ್ಕ್ ಕಂಚಿನ ಪದಕಕ್ಕೆ ತೃಪ್ತಿಪಟ್ಟರು. ಈ ಜೋಡಿ 418.8 ಸ್ಕೋರ್ ಗಳಿಸಲಷ್ಟೇ ಶಕ್ತವಾಯಿತು. ಈ ವಿಭಾಗದ ಬೆಳ್ಳಿಯ ಪದಕ ಚೀನಾದ ಜಿಯಾಂಗ್ ರ್ಯಾನ್ಕ್ಸಿನ್ ಮತ್ತು ಜಾಂಗ್ ಬೊವೆನ್ ಅವರ ಪಾಲಾಯಿತು.</p>.<p>ಜಿಯಾಂಗ್ ಮತ್ತು ಜಾಂಗ್ 477.7 ಸ್ಕೋರ್ ಸಂಗ್ರಹಿಸಿದರು.</p>.<p>ಇದೇ ವಿಭಾಗದಲ್ಲಿ ಕಣದಲ್ಲಿದ್ದ ಹೀನಾ ಸಿಧು ಮತ್ತು ಅಭಿಷೇಕ್ ವರ್ಮಾ, ಅರ್ಹತಾ ಹಂತದಲ್ಲೇ ಹೊರಬಿದ್ದರು.</p>.<p>16 ವರ್ಷ ವಯಸ್ಸಿನ ಸೌರಭ್ ಈ ಬಾರಿಯ ವಿಶ್ವಕಪ್ನಲ್ಲಿ ಎರಡು ಚಿನ್ನದ ಪದಕಗಳನ್ನು ಗೆದ್ದ ಸಾಧನೆ ಮಾಡಿದ್ದಾರೆ. ಮೀರತ್ನ ಚಿಗುರು ಮೀಸೆಯ ಯುವಕ, ಭಾನುವಾರ ನಡೆದ 10 ಮೀಟರ್ಸ್ ಏರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ ವಿಶ್ವ ದಾಖಲೆಯೊಂದಿಗೆ ಚಿನ್ನ ಜಯಿಸಿದ್ದರು. ಜೊತೆಗೆ 2020ರ ಟೋಕಿಯೊ ಒಲಿಂಪಿಕ್ಸ್ಗೂ ಅರ್ಹತೆ ಗಳಿಸಿದ್ದರು.</p>.<p>ರವಿ–ಅಂಜುಮ್ಗೆ ನಿರಾಸೆ: 10 ಮೀಟರ್ಸ್ ಏರ್ ರೈಫಲ್ ಮಿಶ್ರ ತಂಡ ವಿಭಾಗದಲ್ಲಿ ಭಾರತದ ಭರವಸೆಯಾಗಿದ್ದ ರವಿಕುಮಾರ್ ಮತ್ತು ಅಂಜುಮ್ ಮೌಡ್ಗಿಲ್ ಅವರು ಏಳನೇ ಸ್ಥಾನದೊಂದಿಗೆ ಅಭಿಯಾನ ಮುಗಿಸಿದರು.</p>.<p>ಅಪೂರ್ವಿ ಚಾಂಡೇಲ ಮತ್ತು ದೀಪಕ್ ಕುಮಾರ್ ಅವರು 25ನೇ ಸ್ಥಾನ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಅಪೂರ್ವ ಸಾಮರ್ಥ್ಯ ತೋರಿದ ಭಾರತದ ಸೌರಭ್ ಚೌಧರಿ ಮತ್ತು ಮನು ಭಾಕರ್ ಅವರು ಐಎಸ್ಎಸ್ಎಫ್ ವಿಶ್ವಕಪ್ ಶೂಟಿಂಗ್ನಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದಾರೆ.</p>.<p>10 ಮೀಟರ್ಸ್ ಏರ್ ಪಿಸ್ತೂಲ್ ಮಿಶ್ರ ತಂಡ ವಿಭಾಗದಲ್ಲಿ ಭಾರತದ ಜೋಡಿಯಿಂದ ಈ ಸಾಧನೆ ಮೂಡಿಬಂದಿದೆ.</p>.<p>ಡಾ.ಕರ್ಣಿ ಸಿಂಗ್ ಶೂಟಿಂಗ್ ರೇಂಜ್ನಲ್ಲಿ ಬುಧವಾರ ನಡೆದ ಫೈನಲ್ನಲ್ಲಿ ಸೌರಭ್ ಮತ್ತು ಮನು ಒಟ್ಟು 483.5 ಸ್ಕೋರ್ ಕಲೆಹಾಕಿ ಅಗ್ರಸ್ಥಾನ ತಮ್ಮದಾಗಿಸಿಕೊಂಡರು.</p>.<p>ಈ ಬಾರಿಯ ವಿಶ್ವಕಪ್ನಲ್ಲಿ ಭಾರತಕ್ಕೆ ಒಲಿದ ಮೂರನೇ ಚಿನ್ನದ ಪದಕ ಇದಾಗಿದೆ.ಆತಿಥೇಯ ತಂಡ ಪದಕ ಪಟ್ಟಿಯಲ್ಲಿ ಹಂಗರಿ ಜೊತೆ ಜಂಟಿ ಅಗ್ರಸ್ಥಾನಕ್ಕೇರಿದೆ.</p>.<p>ಅರ್ಹತಾ ಹಂತದಲ್ಲಿ ನಿಖರ ಗುರಿ ಹಿಡಿದು ವಿಶ್ವ ದಾಖಲೆ ಸರಿಗಟ್ಟಿದ್ದ ಮನು ಮತ್ತು ಸೌರಭ್, ಫೈನಲ್ನಲ್ಲೂ ಪ್ರಾಬಲ್ಯ ಮೆರೆದರು.</p>.<p>ಮೊದಲ ಹಂತದ ಮೂರು ಅವಕಾಶಗಳು ಮುಗಿದಾಗ ದಕ್ಷಿಣ ಕೊರಿಯಾದ ಕಿಮ್ ಮಿಂಜುಗ್ ಮತ್ತು ಪಾರ್ಕ್ ಡಯೆಹುನ್ ಅವರು ಅಗ್ರಸ್ಥಾನದಲ್ಲಿದ್ದರು. ಇವರು 302.3 ಸ್ಕೋರ್ ಕಲೆಹಾಕಿದ್ದರು. 301.5 ಸ್ಕೋರ್ ಗಳಿಸಿದ್ದ ಭಾರತದ ಜೋಡಿ ಎರಡನೇ ಸ್ಥಾನದಲ್ಲಿತ್ತು.</p>.<p>ಎರಡನೇ ಹಂತದ ಪೈಪೋಟಿಯಲ್ಲಿ ಸೌರಭ್ ಮತ್ತು ಮನು ಮೋಡಿ ಮಾಡಿದರು. ನಾಲ್ಕು ಅವಕಾಶಗಳಲ್ಲಿ ಕ್ರಮವಾಗಿ 40.4, 41.6, 40.5 ಮತ್ತು 59.4 ಸ್ಕೋರ್ ಕಲೆಹಾಕಿ ತವರಿನ ಅಭಿಮಾನಿಗಳ ಚಪ್ಪಾಳೆ ಗಿಟ್ಟಿಸಿದರು.</p>.<p>ದಕ್ಷಿಣ ಕೊರಿಯಾದ ಕಿಮ್ ಮತ್ತು ಪಾರ್ಕ್ ಕಂಚಿನ ಪದಕಕ್ಕೆ ತೃಪ್ತಿಪಟ್ಟರು. ಈ ಜೋಡಿ 418.8 ಸ್ಕೋರ್ ಗಳಿಸಲಷ್ಟೇ ಶಕ್ತವಾಯಿತು. ಈ ವಿಭಾಗದ ಬೆಳ್ಳಿಯ ಪದಕ ಚೀನಾದ ಜಿಯಾಂಗ್ ರ್ಯಾನ್ಕ್ಸಿನ್ ಮತ್ತು ಜಾಂಗ್ ಬೊವೆನ್ ಅವರ ಪಾಲಾಯಿತು.</p>.<p>ಜಿಯಾಂಗ್ ಮತ್ತು ಜಾಂಗ್ 477.7 ಸ್ಕೋರ್ ಸಂಗ್ರಹಿಸಿದರು.</p>.<p>ಇದೇ ವಿಭಾಗದಲ್ಲಿ ಕಣದಲ್ಲಿದ್ದ ಹೀನಾ ಸಿಧು ಮತ್ತು ಅಭಿಷೇಕ್ ವರ್ಮಾ, ಅರ್ಹತಾ ಹಂತದಲ್ಲೇ ಹೊರಬಿದ್ದರು.</p>.<p>16 ವರ್ಷ ವಯಸ್ಸಿನ ಸೌರಭ್ ಈ ಬಾರಿಯ ವಿಶ್ವಕಪ್ನಲ್ಲಿ ಎರಡು ಚಿನ್ನದ ಪದಕಗಳನ್ನು ಗೆದ್ದ ಸಾಧನೆ ಮಾಡಿದ್ದಾರೆ. ಮೀರತ್ನ ಚಿಗುರು ಮೀಸೆಯ ಯುವಕ, ಭಾನುವಾರ ನಡೆದ 10 ಮೀಟರ್ಸ್ ಏರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ ವಿಶ್ವ ದಾಖಲೆಯೊಂದಿಗೆ ಚಿನ್ನ ಜಯಿಸಿದ್ದರು. ಜೊತೆಗೆ 2020ರ ಟೋಕಿಯೊ ಒಲಿಂಪಿಕ್ಸ್ಗೂ ಅರ್ಹತೆ ಗಳಿಸಿದ್ದರು.</p>.<p>ರವಿ–ಅಂಜುಮ್ಗೆ ನಿರಾಸೆ: 10 ಮೀಟರ್ಸ್ ಏರ್ ರೈಫಲ್ ಮಿಶ್ರ ತಂಡ ವಿಭಾಗದಲ್ಲಿ ಭಾರತದ ಭರವಸೆಯಾಗಿದ್ದ ರವಿಕುಮಾರ್ ಮತ್ತು ಅಂಜುಮ್ ಮೌಡ್ಗಿಲ್ ಅವರು ಏಳನೇ ಸ್ಥಾನದೊಂದಿಗೆ ಅಭಿಯಾನ ಮುಗಿಸಿದರು.</p>.<p>ಅಪೂರ್ವಿ ಚಾಂಡೇಲ ಮತ್ತು ದೀಪಕ್ ಕುಮಾರ್ ಅವರು 25ನೇ ಸ್ಥಾನ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
