ಬ್ಯಾಡ್ಮಿಂಟನ್‌ಗೆ ಲೀ ವಿದಾಯ

ಪುತ್ರಜಯ (ಮಲೇಷಿಯಾ): ಕ್ಯಾನ್ಸರ್ಪೀಡಿತ ಬ್ಯಾಡ್ಮಿಂಟನ್ ತಾರೆ ಲೀ ಚೊಂಗ್ ವಿ ಅವರು ಗುರುವಾರ ವಿದಾಯ ಹೇಳಿದರು. ತಮ್ಮ ಉಜ್ವಲ ವೃತ್ತಿಜೀವನದಲ್ಲಿ ಹಲವು ಗೌರವಗಳಿಗೆ ಪಾತ್ರರಾದ ಮಲೇಷಿಯಾದ ಚೊಂಗ್ ವಿ ಅವರಿಗೆ ಒಲಿಂಪಿಕ್ ಚಿನ್ನವಾಗಲಿ, ವಿಶ್ವ ಚಾಂಪಿಯನ್ಷಿಪ್ ಪ್ರಶಸ್ತಿಯಾಗಲಿ ಗಗನಕುಸುಮವಾಯಿತು.

. ಒಟ್ಟು 348 ವಾರಗಳ ಕಾಲ ವಿಶ್ವದ ಅಗ್ರಮಾನ್ಯ ಆಟಗಾರನ ಪಟ್ಟ ಅಲಂಕರಿಸಿದ್ದ ಲೀ, ತಿಂಗಳುಗಳಿಂದ ಕಾಡುತ್ತಿದ್ದ ಮೂಗಿನ ಕ್ಯಾನ್ಸರ್ನಿಂದಾಗಿ ಪತ್ರಿಕಾಗೋಷ್ಠಿಯಲ್ಲಿ ವಿದಾಯ ಹೇಳುವಾಗ ಕಣ್ಣೀರು ಮಿಡಿದರು.

. ಒಟ್ಟು ಆರು ಬಾರಿ ಒಲಿಂಪಿಕ್ ಮತ್ತು ವಿಶ್ವ ಚಾಂಪಿಯನ್ಷಿಪ್ ಫೈನಲ್ ಪ್ರವೇಶಿಸಿದರೂ, ಪ್ರಶಸ್ತಿ ಅವರಿಗೆ ಸ್ವಲ್ಪದರಲ್ಲಿ ತಪ್ಪಿಹೋಗಿತ್ತು.

. ‘ನಿವೃತ್ತಿ ನಿರ್ಧಾರ ತೆಗೆದುಕೊಳ್ಳುವಾಗ ಮನಸ್ಸು ತುಂಬಾ ಭಾರವೆನಿಸಿತು. ಇದು ನಾನು ಬಹುವಾಗಿ ಪ್ರೀತಿಸುವ ಆಟ. ಆದರೆ ಇಲ್ಲಿ ಕ್ಷಮತೆ ಬೇಕಾಗುತ್ತದೆ. ನನ್ನನ್ನು 19 ವರ್ಷಗಳಿಂದ ಪ್ರೋತ್ಸಾಹಿಸಿದ ಮಲೇಷಿಯನ್ನರಿಗೆ ಧನ್ಯವಾದಗಳು’ ಎಂದರು.

. ಇಬ್ಬರು ಮಕ್ಕಳ ತಂದೆಯಾಗಿರುವ ಲೀ ಅವರಿಗೆ ಕಳೆದ ವರ್ಷ ಆರಂಭಿಕ ಹಂತದ ಮೂಗಿನ ಕ್ಯಾನ್ಸರ್ ಇರುವುದು ಪತ್ತೆಯಾಗಿತ್ತು. ತೈವಾನ್ನಲ್ಲಿ ಚಿಕಿತ್ಸೆಯ ನಂತರ, ಆಡಲು ಉತ್ಸುಕನಾಗಿರುವುದಾಗಿ ಹೇಳಿದ್ದರು.

. ಏಪ್ರಿಲ್ ನಂತರ ಅವರು ತರಬೇತಿಗೆ ಇಳಿದಿರಲಿಲ್ಲ. ಸ್ಪರ್ಧಾಕಣಕ್ಕೆ ಮರಳಲು ತಾವೇ ಹಾಕಿಕೊಂಡ ಕೆಲವು ಗಡುವು ತಪ್ಪಿಸಿಕೊಂಡ ನಂತರ ಮುಂದಿನ ವರ್ಷದ ಟೋಕಿಯೊ ಒಲಿಂಪಿಕ್ಸ್ಗೆ ಮರಳುವ ಆಸೆ ಕ್ಷೀಣವಾಗಿತ್ತು. ಈ ಹಿಂದೆ ಮೂರು ಬಾರಿ ಅವರು ಒಲಿಂಪಿಕ್ಸ್ ಬೆಳ್ಳಿ ಪದಕ ಪಡೆದಿದ್ದಾರೆ. ಚೀನಾದ ಬ್ಯಾಡ್ಮಿಂಟನ್ ಸೂಪರ್ಸ್ಟಾರ್ ಲಿನ್ ಡಾನ್ ಜೊತೆ ಅವರದ್ದು ದೀರ್ಘಕಾಲಿನ ಪೈಪೋಟಿ.

. 2016ರಲ್ಲಿ ಅವರು ಕೊನೆಯ ಬಾರಿ ರಿಯೊ ಒಲಿಂಪಿಕ್ಸ್ ಫೈನಲ್ನಲ್ಲಿ ಆಡಿದ್ದರು. ಆದರೆ ಅಲ್ಲಿ ಚೀನಾದ ಚೆನ್ ಲಾಂಗ್ ಎದುರು ರೋಚಕ ಹೋರಾಟದ ನಂತರ ಸೋಲನುಭವಿಸಿದ್ದರು.

. ‘ಟೋಕಿಯೊ ಒಲಿಂಪಿಕ್ಸ್ ನಂತರ ವಿದಾಯಕ್ಕೆ ನಿರ್ಧರಿಸಿದ್ದೆ. ನನಗಿನ್ನು ವಿಶ್ರಾಂತಿ ಬೇಕಾಗಿದೆ. ಇನ್ನು ಕುಟುಂಬದ ಜೊತೆ ಕಳೆಯುತ್ತೇನೆ’ ಎಂದರು.

. 2014ರಲ್ಲಿ ನಿಷೇಧಿತ ಮದ್ದು ಸೇವನೆಗಾಗಿ ಅವರ ಮೇಲೆ ನಿಷೇಧ ಹೇರಲಾಗಿತ್ತು. ಆದರೆ ಅರಿವಿಲ್ಲದೇ ಈ ಮದ್ದು ತೆಗೆದುಕೊಂಡಿದ್ದೆ ಎಂಬ ಲೀ ವಾದವನ್ನು ಒಪ್ಪಿದ ಅಧಿಕಾರಿಗಳು ನಿಷೇಧ ತೆರವು ಮಾಡಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬ್ಯಾಡ್ಮಿಂಟನ್‌ಗೆ ಲೀ ವಿದಾಯ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು